Öň bir alym gämä münen badyna,

Şeý diýipdir ony sürýän adama:

"Meniň sowalyma jogap ber basym,

Ylym diýlen zatdan habardarmysyň?"

Gämiçi aýdypdyr:"kitap okamok,

Seň diýýän zadyňdan bilýän zadym ýok".

Alym şeýle diýen:"Bu bolşuň erbet,

Onda ömrüň ýaryn köýdi hasap et".

...Olar alys syýahata ugranda,

Birden güýçli gaý turupdyr ummanda.

Gämiçi sorapdyr:"Jogap ber basym,

Ýüzmek diýlen zatdan habardarmysyň?"

"Men diňe ylyma berilen bende..."

"Ömrüň baryn köýdi hasap et onda..."

Deňiziň holtumyna düşeňde elin,

Ylymly bolmagam gerekdir welin,

Ýüzmegi başarmak has zerur ondan,

Ine,şu barada oýlanyň çyndan.

𝐉𝐞𝐥𝐚𝐥𝐞𝐭𝐝𝐢𝐧 𝐑𝐔𝐌𝐘

Halkymyazyň buýsançly hem-de şan-şöhrata beslenen,dünýä ýaň salan, Beýik geçmişinde adamzadyň iň ajaýyp gylyk häsiýetlerini özünde jemleýän Tumar şa,Zarina,Banu Çeçek,Burla hatyn,Agaýunus,Harman däli,Gülaýym,Türkan hatyn,Gülbeden Begin,Jahan hatyn ýaly türkmen gelin-gyzlary Watany,Ar-namysy goramakda öçmejek yz galdyrdylar...

Türkmeniň baý taryhynda,

Buýsanç doly kelamlar bar.

Giň jahanyň tarypynda,

Synmaz erkli Zenanlar bar.

Tumar şanyň nusga ýoly,

Watana söýgüden doly.

Zarina,Gülaýym ýaly,

Är gaýratly Zenanlar bar.

At dawradyp dag-düzümde,

Ot çawradan her sözünde,

Meşhur bolan ýer ýüzünde,

Watan perwer Zenanlar bar.

Banu Çeçek,Harman däli,

Gaýratly,kuwwatly goly,

Nusgalykdyr ömür ýoly

Hormat täji Zenanlar bar.

Güljemal han,Burla hatyn,

Parasatdan tapan bagtyn.

Sözleridir akly wagtyň,

Är gaýratly Zenanlar bar.

Ýaradylyşy synmaz erkden,

Edep-kram zyba görkden,

Asly Oguz ýurdy Türkmen,

Watan perwer zenanlar bar.

Giň taryhyň adyna,

Dolupdyr şöhrat şany.

Heňňamlardan nusga bolup,

Bagtly türkmen Zenany.

Bir zenany bagtly etmek isleseň,

Dosty ýaly dertleş,dostuň deý syrlaş,

Gürleş iň mylaýym sözleri tapyp,

Oň uýatdan doly kalbyna dyrmaş.

Kakasy deý gora,kaka deý ekle,

Bir zenany bagtly etmek isleseň.

Ayak teýi etmän depäňde sakla,

Kalbynyň çyňluguna ýetmek isleseň.

Kelläňden aýagyn sallamaz,gorkma,

Salladanlar saýlamakda ýalňyşan.

Bagtly bolmak islän ahlakly zenan

Depäňe täç bolup,baky ýelmeşer.

Nur çaý oň ömrüne,nur içre ýaşat,

Jadyla durmuşun bolup jadygöý.

Bir zenany bagtly etmek isleseň,

Adam ýaly ýörek ber,adam ýaly söý!

✍️Kerim Hallyýew

Kitaplar dünýäni üýtgedip bilmez ,

Dünýäni ynsanlar üytgeder.

Kitaplar diňe ynsanlary üytgeder...

📝aslynda kiçijik bir zat ýöne içinde dünýä bar

Kynçylyklar wagtynda edilmedik

aňsat işleriň üýşmegi bilen döreýär.

Entek wagtyň irligine garaman.

Seni aramyzdan äkitdi kysmat.

Agyr degýär sensiz ýowuz dünýäde,

"KAKA"diýip bilmän dişiňi gysmak...

awtor:Şanazar Hydyrow

Dişleriň anomaliýalary.

|.Dişleriň san taýdan anomaliýalary:

1.Adentia-dişleriň käbirileriniň bozulmagy.

2.Agomphius-dişzizlik.

3.Macrodentosis-makrodentoz,dişleriň kökleriniň sanlarynyň köpelmegi.

4.Microdentosis-mikrodentoz,dişleriniň kökleriniň sanlarynyň azalmagy.

5.Supradentoz-käbir dişleriň sanynyň köpelmegi.

||.Dişleriň ýerleşiş ýagdaýynyň anomaliýalary-goňşy dişler ýerlerini çalşýarlar.Äň ýaýyndan daşary,gaty kentlewüge,agyz girelgesinde ýerleşip bilýärler.

|||.Gurluş anomaliýalary -diş täjiniň,köküniň,şekiliniň anomaliýalary:kökleriniň,täjiniň gysgalmagy,azalmagy,epilmegi.Uly azy dişleriiniň kökleri 7-ä çenli köpelip biler.Çeýnew üstünde tümmejikleriniň sany köpelip biler.Ýokarky içki alyn diş otwertka görnüşünde bolup biler.Gapdal alyn dişleriniň täji pytanak(çiş görnüşli)görnüşli,alyn we gyýak dişleriniň kökleri pytanak görnüşli ,kökler iki bolup biler.

...😬🦷🦷🦷

Ýanýoldaşsyz ýaşap ýören bir daýza öýde mesge ýasap satýan eken we her gün şeýdip işleýän eken.Ýöne dükançy hiç haçan alan mesgesini terezide ölçäp görmändir.Bir gezek ol şübhelenip daýzaň getiren mesgesini ölçäp görýär.Görse 1kg diýip alan mesgesi 900 gram bolup çykýar.Ertesi gün daýza dükana ýene mesge getirende dükançy :"Indi senden mesge almaýan diýýär".Daýza hem gynanyp: "Bagyşlaň,men näme etdim"diýýär.Dükançy beren mesgesiniň 1kg däl-de 900 gram çykanyny aýdyp ony utandyrýar.Daýza bolsa:"Bagyşlaň,meň terezim ýok.Öň bir gezek sizden alan 1kg şekerimi terezi hökmünde ulanýan"diýýär.Dükançy utanjyndan näme diýjegini bilmeýär.

Bu dünýä ekeniňi ordurýar,kime näme etseň,garşylygy bir ýerden gelýär...

Durdygylyç Ýarjanow

Aç bolmasyn zatdan asla gözüňiz

Tertibiň bildirer sözlän sözüňiz

Mertebäňe görä üýtgän adamlar

Kyn dälmi bir kellä iki ýüzüňiz

Pişikleriň ýabany we öýdeçi görnüşleri bolup,hereketleri bilen adamlaryň ünsüni çekýärler.Eýsem pişikleriň nähili aýratynlyklary barka?!

😺Pişikler gününiň 16 sagadyny uklap geçirip bilýärler.

😺1963-nji ýylda Fransiýada ilkinji gezek pişik kosmosa uçurulýar.Pişigiň atmosferanyň daşynda eden syýahaty şowly tamamlanýar.

😺 Dünýäniň ähli ýerinde iň köp ýaýran öý jandary pişik hasaplanýar.

😺Dünýäde 500 milliondan gowurak öý pişiginiň bardygy çaklanylýar.

😺Pişigiň ilkinji karikaturasy"Felix the cat" ady bilen 1919-njy ýylda çap edilýär.

🐱"Tom we Jerri"multfilmi ilkinji gezek 1940-njy ýylda tomaşaçylara ýetirilýär.

🐱Pişigiň burnunyň her tarapynda 12 murty bolýar.

🐱Pişikler oýa wagtynyň üçden bir bölegini özlerini arassalamak bilen geçirýärler.

🐱Pişikler öz bedeninden 5-6 esse uly aralyga böküp bilýär.

🐱Öý pişikleriniň agramy 4-5 kilogram aralygynda bolýar.

🐱Pişikler gijeki görüş adamlara garaňda 6 esse gowudur.

🐱Pişikler adamlardan çalt ylgaýarlar.

🐱Pişikler ýiti duýga eýe.Gaşlary,murtlary we gulak tüýleri aşa duýgur.

🐱Pişikler ortaça 12-15 ýyl ýaşaýarlar