ÝATLARYS SENI

             Ýatlama goşgusy

(Topardaşym M.Toýlyýewanyň

mähriban doganyna bagyşlanýar)

Ýyllar aşyp, ýene güýz pasly gelse,

Doganjan, Allanur! ýatlarys seni.

Adyň ýüregmizden çykarmy eýse,

Doganjan, Allanur! Ýatlarys seni.

Aňyndasyň, eneň-ataň, doganlaň,

Yzyň saklar, ýanýoldaşyň, çagalaň,

Unutmazlar, daýy, daýza, agalaň,

Doganjan, Allanur! Ýatlarys seni.

Güýz paslydy, oktýabryň sekizi,

Zalym pelek senden aýyrdy bizi,

Heý-de undyp bormy sen deý ezizi,

Doganjan, Allanur! Ýatlarys seni.

Ejemiz Ogulgerek, kakamyz Toýly,

Aýhan hem Alihan, Şemşat gelini,

Dogan garyndaşlaň bary gaýgyly,

Doganjan, Allanur! Ýatlarys seni.

Iň ulumyz sendiň, soňra Gahryman,

Onsoň Agamyrat, soň men, Mähriban,

Ýatan ýeriň, Jennet eýlesin Allam,

Doganjan, Allanur! Ýatlarys seni.

Körpe jigiň aglap, soňlaýar sözün,

Arkaýyn ýat, yzda galmasyn gözüň,

Diri wagtym, bolsun meň saňa sözüm,

Doganjan, Allanur! Ýatlarys seni.

                        Baýramgeldi Täçmyradow

ÇYN SÖÝGI

munda adam aglamazdy, gülmezdi,

ýürek dar gursaga sygmadyk bolsa,

bu ýalançy beýle gözel bolmazdy,

eger-de çyn söýgi bolmadyk bolsa.

Mejnun Leýli diýip çöle çykmazdy,

derýada sandykly Garyp akmazdy,

Perhat dagy daşy ýaryp ýykmazdy,

eger-de çyn söýgi bolmadyk bolsa.

Mahym gyz Tahyra özün dözmezdi,

Züleýha nurana  gözün oýmazdy,

Törebeg öz janyn özi almazdy,

eger-de çyn söýgi bolmadyk bolsa.

taryha däl, şugüne ser salsakda,

hakyky söýgi bar giden  gursakda,

şahyrlar ýazmazdy päk duýgy hakda,

eger-de çyn söýgi bolmadyk bolsa.

muňa ynanmaýan bolmagňyz mümkin,

çyn söýgiň bardygna ynanmaklyk kyn,

hiç kim göreşmezdi ýar bagty üçin,

eger-de çyn söýgi bolmadyk bolsa.

Baýramgeldi Täçmyradow

ÝAGYŞ ÝAGÝAR

al asmandan, damja damyp zemine,

ýagyş ýagýar, ýene seni ýatladyp.

sesin goşup meniň söýgi heňime,

ýagyş ýagýar, ýene seni ýatladyp.

ýagyş ýagsa sen şadyýan bolardyň,

şatlanardyň, ýylgyrardyň, gülerdiň,

sen ýagyşy, menem seni söýerdim,

ýagyş ýagýar, ýene seni ýatladyp.

goşgy ýazdym, söýen ýüregme dözmän,

bagyşla, bilmedim sen hakda ýazman,

gözýaşlarym deýin yzyny üzmän,

ýagyş ýagýar, ýene seni ýatladyp.

Baýramgeldi Täçmyradow

GIDERIN

eger-de bar bolsa özge söýeniň

seni söýgüň bilen goýar giderin

alawlaýan ot bolsada ýüregim

köz deýin sessizje söner giderin

açaryn men saňa ýürek syrlarym

söýgümi duýmasaň ýanar giderin

ýöne goşgularma gaty görmegin

ölünçäm sen hakda ýazar giderin

sen meni söýmeseň söýmän bilersiň

söýmeseňde seni söýer giderin

eger gitmegimi isleýän bolsaň

saňa mensiz dünýä goýar giderin

söýmeýändir öýtme giderin diýsem

seni söýýänligim üçin giderin

sen bagtly bol maňa seň bagtyň ýeter

seniň bagtyň üçin senden giderin

Baýramgeldi Täçmyradow

ENE, ÝENE SENI GÖRESIM GELÝÄR

(Topardaşym A.Elaýasowanyň

mähriban enesine bagyşlanýar)

bu gün ýüregime erkim ýok meniň,

ene, ýene seni  göresim gelýär.

düýşümde görsemde keşbiňi seniň,

ene, ýene seni göresim gelýär.

mährem keşbiň, göz öňüme  getirsem,

ýüzüm, ýalanjykdan, ýylgyryp  gülýär.

ýüregime kine alyp otyrsam,

ene, ýene seni göresim gelýär.

ýada salsam ýoklygyňy jahanda,

gözüm ýaşa dolýar, bagrym dilinýär.

kalbym mähir küýsän wagty haçanda,

ene, ýene seni göresim gelýär.

seniň ýoklugyňy boýun alsamda,

suratyňy görsem içim  ýylynýar.

indi gaýdyp gelmejegňi bilsemde,

ene, ýene seni göresim gelýär.

ýüregmi gysdyrýar, sensiz ýaşaýyş,

muny bile-bile ýürek elenýär.

munda aýralykdan ýok eken gaçyş,

ene, ýene seni göresim gelýär.

bu dünýäden baky ýümdüň gözüňi,

diýip Aknur gyzyň ahyny sözlär.

aňda janlandyryp nurly ýüzüňi,

ene, ýene seni göresim gelýär.

GATY  GÖRMESEŇ

Nurana ýüzüňi aýa meňzetdim

Aýym diýjek saňa gaty görmeseň

Bu dünýäde saňa bagtymsyň öýdüp

Adyň aýdym edip gezýärin bilseň

Taýym diýjek saňa gaty görmeseň.

Nur çaýylýar gözleriňden ýyldyz deý 

Ala gözlüm diýjek gaty görmeseň

Barlygyňda özüm bagtly duýýan men

Aglaýar ýüregim seni görmesem

Tümde çyram diýjek gaty  görmeseň.

Näme söz diýsemem ýetmez waspyňa

Apat diýjek  saňa gaty gaty görmeseň

Bagtym diýjek, ýarym diýjek men saňa

Aý gyz bu goşgyma gaty görme sen

Täleýim sen diýjek gaty görmeseň.

Baýramgeldi Taçmyradow

AGŞAMKY SÖÝGI

(DEGIŞME)

Söýgi sözün aýtdym bir gözel gyza

Ilkinji gezekde aldy sözümi

Öýlerne ugratdym ol gözel gyzy

Gyz gitýänçä aýyrmadym gözümi.

Aýly gije aý astynda barýarys

Aý kimin gözleri şuglasyn saçýar

Ikimizem bu söýgini görýäris

Gyz maňa sessizje ýüregin açýar.

Ol gyzyň gözleri düşende göze

Gijeler öwrülýär ýagty gündize

Şol pursat dilim däl meniň gözlerim

Seni söýýän diýýär bakyp ol gyza.

El tutuşyp barýas ýolda bileje

Söýgiden söz açyp ýöräp çalaja

Asmandaky aý hem şaýat bu söýgä

Söýgi çenden aşdy bu aýly gije

El tutuşyp barýas ýoluň ugruna

Ahyry ýetdik biz ýoluň soňuna

Şol gije gowuşdym men ýaryma

Diňe şol ýazlypdyr meň ykbalyma

Ykbalyma ýazlan gyzy bilemsoň

Ondan söýgi sözlerini alamsoň

Lebinden bir posa alasym geldi

Men ol gyzy çyn ýürekden söýemsoň

Men onuň elinden hasam berk tutdum

Gyz birden tisginip seretdi maňa

Inçe bilden dutup özüme çekdim

Şol wagt gyz özün tabşyrdy maňa

Şeýle golaý geldi dodaklar maňa

Ol gyz gorkmaýardy seretsem oňa

Bu meniň bolanym üçin şeýledir

Başga biri bolsa şeýdermi näme

Bal ýaly lebleri has golaý geldi

Menem golaýladym ol gyza garşy

Ol gyzyň lebleri aklymy aldy

Meni däli etdi ol gyzyň bakşy

Dodagym dodagna ahyry ýetdi

Bu goşgyň gyzykly ýerine ýetdi

Leblerinden sordum misli şokolad

Ýöne welin birden jyrlaýdy sagat.

Oýansam şokolad  leblere derek

Agzymda ýelekli ýassygyň ujy

sagat  gurnap goýmak nämäňe gerek

Ýaňky gören düýşim şeýlebir süýji.

Meň turanym gowy bolaýdy ýogsam

Süýji lebden süýji kesel boljakdy

Eger şu jaňda men turmadyk bolsam

Indiki jaňaçen ýassyk dynjakdy.

ÇAGALYK DÖWRÜM

Bir pursatlyk durup geçdi deňimde,

Meň çagalyk döwrüm, çagalyk döwrüm.

Hezildigini bildim jahyl bolamda

Şol çagalyk döwrüm, çagalyk döwrüm.

Şatlyga beslenip geçerdi günüm,

Bardy meniň çigit ýaly bir göwnüm.

Gyssanmaç ýaşardy her ýaşýan Günem,

Ah çagalyk döwrüm, çagalyk döwrüm.

Ýatlaýan gaýgydan ýürek ezilse,

Geçen günlerini ýaşalan ömrüň.

Oýlanman alardym gaýdyp berilse,

Wah çagalyk döwrüm, çagalyk döwrüm.

Çagakak diýerdik basym ulalyp,

Bir başlyk bolsadym bolsady emrim,

Indi diýýän gelmezmikä dolanyp,

Şool çagalyk döwrüm, çagalyk döwrüm.

Baýramgeldi Täçmyradow

ŞADYÝAN BOLUŇ

Şatlanyň adamlar, şadyýan boluň,

Şatlyk, munuň özi bagta çagyryş.

Ynsanda şatlygy döredýän zadam,

Çyn ýürekden dörän sada ýylgyryş.

Ýylgyryp bakyň siz birek birege,

Şatlyga beslensin her bir günüňiz,

Ykbalyňyz bagta ýugrulan bolsun,

Gülküden garrasyn güler ýüzüňiz.

Degişip, gülüşip, dost-dogan bolup,

Bu durmuşy şatlyk bilen geçiriň,

Arasynda elli gram göterip,

Gam gussany al asmana uçuryň.

Hiç haçan gam gussa bolmasyn sizde,

Şatlyk, gülki, bagt tutsyn oň ornyn,

Siz bagta çagyryp ýylgyryş bilen,

Elmydam, bagtly hem şadyýan boluň.

Baýramgeldi Täçmyradow