Mowzuklar barlagcy » Sahypa 8 » Öwrenmeli App

barlagcy

barlagcy

19.08.2022 15:11

Gözlerim asmana edende syny, Ol gün doguljakdy goşgynyñ kyny, Birbada başlandy bolmady yzy Şol ýazylman galan sözlere salam. Toýunda ýasynda barynda bolup Serhoşlukda büdräp ķä ýykylyp Deñ duşlarymyñ

127

12.08.2022 13:30

Artyk hereketler, ýeňles gylyklar
Ýaşlyga kadadyr, näzdir kereşme.
Ýuwaş-ýuwaş sen olardan saplanyp,
Durlanyp barýarsyň misli bir çeşme.

Sen kimin gözele duş gelen ýigit
Şowsuzlyga, gussa ownuk zat diýer.
Seniň gözden gaçan şadyýan ýaşyň
Almaň ýaňagynda uka batan der.

Seniň söýgiň äpet daragt deýin
Ýüregime kökün çuňňur urupdyr.
Birdem gama batyp, egilse başyň,
Kökler ýüregime yza berip dur.

Bir gün garylsam-da mele topraga,
Sowurman söýgiňi tupana, ýele.
Seniň söýgiň hiç guramaz kökleri
Ýaýrar bu zemine ýüregim bile.

Gurbannazar Ezizow

103

08.08.2022 16:08

Ownujak zatlar agzap durmalyň,
Aýlar geçip, ýyllar aýlanyp dursun.
Toýlar toýa, ýaslar ýasa meňzesin,
Ak gün depämizden sallanyp dursun.

Her paslyň ýagdaýy — rejesi bar.
Her zadyň özüniň derejesi bar.
Adamyň agy bar, garasy bar,
Ýagşylar ýamandan saýlanyp dursun.

Men kemimi öz içimde saklan däl.
Görüp durus, her diplomly lukman däl. Bileňokmy — bilýän diýmek hökman däl. Bilmeýän bilýänden öwrenip dursun.

Ýap boýunda tallar yransyn herýan,
Sülmüresin deňiz, çyrpynsyn derýa.
Sepilen tohumlar bolmasyn yrýa,
Ýaýlalar ýagmyrdan suwlanyp dursun.

Öý-öýdür, üzügi, durlugy bilen,
Adamy tanarlar ýerligi bilen,
Säheriň çygy dek terligi bilen,
Gyz çyksyn, Ýigitler öýlenip dursun.

Ogullarmyz ata ýumşun bitirsin,
Her kes diňe öz ornunda otursyn.
Gelen özi bilen döwlet getirsin,
Gidenler yzyna köwlenip dursun.

Ýigit ýalňyz dogulmasyn dörände,
Hossar bolsun, dost-ýar bolsun degräňde.
Bili guşap bir tarapa ugranda,
Işimiz mydama şowlanyp dursun.

Biderek gitmesin berlen öwütler,
Goý, ýetişsin garga däl-de, bürgütler.
Häh! diýende Mäh diýäýjek ýigitler,
Çapyljak at ýaly şaýlanyp dursun.

Bolsa-da adamlar beýikli-pesli,
Maýda-ha bolmandyr türkmeniň asly.
Oguz hanyň yzy, Göroglyň nesli,
Ownama haw, murtuň towlanyp dursun.

Berdinazar Hudaynazarow

121

04.08.2022 19:08

Soranmyş bir wagt Aý Güne bakyp: .
«Dünýäniň görki nä? Aýdyp bersene!»
Gün hem diýenmişin nuruny döküp:
«Dünýäniň bar görki enedir, ene!»

Soranmyş bir wagt ýel suwa bakyp:
«Dünýäniň berki nä? Aýdyp bersene!»
Suw hem diýenmişin şarlaýyp akyp:
«Dünýäniň bar berki enedir, ene!»

Soranmyş boz gulan bir ata bakyp:
«Dünýäniň örki nä? Aýdyp bersene!»
At hem diýenmişin jülgeler söküp:
«Dünýäniň bar örki enedir, ene!»

Soranmyş bir ene şahyra bakyp:
«Dünýäniň durky nä? Aýdyp bersene!»
Şahyr hem diýenmiş dyzyna çöküp:
«Dünýäniň bar durky ene, sen, ene!»

Gurbandurdy Gurbansähedow

67

barlagcy

barlagcy

27.07.2022 14:51

Çäksiz uly şatlyk dolduryp kalby, Ähli gaýgy-aladany öçürdi. Bir gyz ony tassyklady buýruksyz, (Edaly ýylgyryp), hatsyz-möhürsiz. Diýmek, men hiç kimden ogurlamadym, Men bu kalbymdaky baýramçylygy.

127

26.07.2022 14:22

Birkemsiz gözel ýok» diýenmişinler,
Belki, şol gözelem däldir birkemsiz.
Belki, iş edende ýokdur usuly,
Belki-de, özüni söýýändir çensiz.

A sen weli, ýöräp barýaň şadyýan,
Göni bakyp adamlaryň ýüzüne,
Tur, otur sen, kitap oka, suw daşa,
Sen mydam ýeke-täk meniň gözüme.

Sen gözel däl, sen köpleriň biri sen,
Sen gözel däl, sen ömrümiň ykbaly.
Bolubersin gözelleriň ýetmezi,
Sen gözel däl, kemçiligiň bor ýaly.

Gurbannazar Ezizow

113

24.07.2022 10:02

Birmahallar lowlap duran güldüň-ä,
Giň meýdana şugla paýlaýan nurduň.
Indi näme sary gussa öwrülip,
Birhili göwünsiz ýygrylyp dursuň?!

Ýa-da gül ömrüňi otlap gitdimi,
Bilbilleň içinde taýdyr öýdeniň.
Ynandyňmy, onuň saýrak sesine,
Bilmediňmi, allar bilen öwsenin?!

Şondan soň görküňden nyşan galmandyr,
Adamlaram diýýär saňa «çyrmaşyk».
Sen şonda-da näler ýaşajak bolýaň,
Ýanyňdaky ot-çöplere çyrmaşyp.

Ah, seniň derdiňden, gamyňdan ýaňa,
Galtaşan gülüňem saralýar, synýar.
Onsoň, göwündeşem galmandyr saňa,
Garaz, bu durmuşda seniňki kyn-da.

Käte-de şemalda uçasyň gelýär,
Ýanyna çen şol biwepa bilbiliň.
Ýöne uçarganat adamlarda-da,
Ykbaldaşyň az däldigin bilginiň.

Ynha, meň öňümde ýaýylyp ýatyr,
Yşgyň aýak basylmadyk meýdany.
Ýöne goýbermedi onuň goýnuna,
Ho-ol birmahal ýiti-ýiti seredip,
Bir gözeliň kalba atan peýkamy...

125

20.07.2022 01:06

Pursatlar suw üzre aýak yz kibi
Aýt sen, wagt diýeniň aýaýar kimi
Ýazlar gül geýinip uly gyz kibi
Tijenende, sen düşýärsiň ýadyma

Asmanda ýazylan ýerde çözülmez
Köňle taý kylanyň derde dözülmez
Penjire ýapylmaz, perde süzülmez
Gijelerine, sen düşýärsiň ýadyma

Kalp tez-jeren, awy däldir her şiriň
Günleň tesbisinde ömür teswiriň
Alaja deý düýnim, şu günim, ertirim
Işilende sen düşýärsiň ýadyma

Ýaşlygy perinde göterip guwlar
Sowlar, bir pursatlyk bahar deý sowlar
Toý güni bir bire iň hoş arzuwlar
Diýişilende sen düşýärsiň ýadyma

Yşkyň sabyr pyýalasyn gyrmalap
Ýazyklydyr ýar ýanynda ýygralan
Bir ýyly söz, ähli derdim bir gyra
Süýşirende sen düşýärsiň ýadyma

Söýmäge bir pursat-köýmegä ömür
Diýmäge birje söz..
Duýmaga köňül
Daň ýyldyzy kibi, her täze güniň
Işiginde sen düşýärsiň ýadyma

Göräýmegä, durmuş düzläp dokuzyn
Günler çalar şool adaty gopuzyn
Ýöne, dost-ýar dogan gözler dokunyp
Üýşilende sen düşýärsiň ýadyma

45

16.07.2022 14:42

Näçe meýlis, näçe ýasda bolundy,
Salamlar berildi, salam alyndy.

Hemra bolup bereketli saçaga,
Dost diýmedim her bir tanyşlyk açana.

Ýöne şolaň baryn gamly halatym,
Syladym men, hormat etdim, haladym.

Dost bolmaz meýlisde oturanyňdan,
Toý güni hemmeler oňat görülýär.

Ýöne ýakynyňa getireniňden,
Kä adamlar daşdan oňat görünýär.

Gurbannazar Ezizow

66

15.07.2022 20:27

Bu dünýäden ýagşy adam ötende –
Gyýylýaryn bir ýyldyzyň ýitenne.
Ýitýär ýaş ýyldyzlar, garry ýyldyzlar.
Iň gerek ýyldyzlar,
Saýry ýyldyzlar.

Tirkeşip, tirkeşip, ýitýärler olar.
Arzuwlary bilen ötýärler olar.
Biz diriler bolsa hasrata çümüp,
Olaryň jesedin gaýdýarys gömüp.
Şo mahal
diňe bir jeset gömulmän.
Tonnalap, tonnalap arzuw gömülýär.

Bu gün gyýylýaryn
Ýene bir zada:
Olar bilen dem alyp bir dünýade,
Görsem-de jahanyň gündiz-gijesin,
Içsem-de durmuşyň ajy-süýjüsin,
Ýüregimde ýatan söýgimiň baryn
Olara dirikä gowşurmandyryn.
Olar çuň söýgimi bilmän gidipdir.
Iň uly algysyn alman gidipdir.

Ýatyr ýüregimde ummasyz söýgi,
Ony ýyl geçdikçe götermek görgi.
Sebäbi meňki däl, başgaňky olar.
Gowuşmaly kalba, gowuşmandyrlar.
Gerşimde birgiden
Amanat ýük bar.
Men – ölä bergidar,
Howply günäkär.

Kerim Gurbannepesoq

100