Öňem biri gurçuk tutýan ekeni. Gurçuklardan çykan tut çybyklar melleginde alaň bolup dur eken. Soň ýaňkyň uluja ogly çybykdan birini satanynyň arasyna alyp at edip oýnaýan ekeni. Kiçi oglam menem mündüräý diýýämişin. Şonnon adam bolmaz. 10 instudy gutarsada adam bolmaz. Aňyrda million çybyk barka şoňka münjek bolýar ...

#düşünen #düşündi

Dünýäni döreden Güýç aram-aram özi barada habar bermegi gowy görýär. Özem gönümel däl-de, bir tüýsli geň usulda. Aýdaly, asmanda guşlar donup galýar ýa-da iki sany gün peýda bolýar. Aý ikä bölünýär, käbir adamlara şol bir sanlar sataşýar, hiç bir kartada ýok şäherler peýda bolýar. Garaz dünýede örän geň zatlar kän bolup geçýär, bolup geçýän zatlaryň ählisi, biziň aňymyzda berkän materialistik dünýäň sütünlerini gowşadýar. Materialistik dünýä daş töwerekdäki ähli bolýan zatlary hökman düşündiräýmeli, şeýle dälmi? Eger düşündirip bilmese, diýmek ol ynamdan adamzada peýda ýok. Beýik Ýaradyjy bolsa aram aram örän ýeňiljek usulda material dünýäniň sütünlerini sarsdyrmagy gowy görýär, ýokarda agžalan ýaly ýeňiljek gudratlary görkezýär, adamlarda materýalistik dünýä şübhe dörär ýaly. Bu Hudaýyň häsiýeti, bu zatlardan gitjek ýeriň ýok. Ýöne, dünýäni dolandyrýan "gara güýçler", isle masonlar, ilýuminatlar ýa-da başga bir güýçler, internet atly ulgamy işe girizmäge mežbur boldular. Internet ähli ýerde elýeter bolar ýaly, wideo we foto kameraly telefonlary hem her bir adama elýeter bolar ýaly etmeli boldylar. Her bir adamy yzarlamak üçin bu çykgynsyz çäre, bu ýerde 2-nji waryýant ýok. Her bir adamyň eline kameraly telefon berip we internetde ähli zatlary paýlaşmaga mümkinçilik döredip, Garä güçler bir zatdan gorkdular. Häli şündi onda munda Hudaýyň görkezýän ownujak gudratlary bilen nähili bolmaly? Ol gudratlar hemişe bardy, ýöne indi ol gudratlary islendik adam telefona düşürip, başgalar bilen paýlaşyp biljekdi. Şeýle gudratlaryň ýeketäk düşündirişi bolsa, diňe Hudaýdy. Dogrusy 1999-njy ýylyň mart aýynyň 31-ne çenli şeýledi. Şol seneden soň ähli zat üýtgedi. Golliwud "Matrisa" atly çeper filmi surata düşürdi we şondan soň ähli zat üýtgedi. Ol çeper filimde biziň ýaşaýan dünýämiz kompýuter simulýasiýasy diýen pikir öňe sürülýär. "Matrisa" çeper filmi ýöne ýere 1999-njy ýylda peýda bolmady, ol film laýyk elektron enjamlaryň giňden ýaýramagynyň öň süresi ekranlara çykdy. "Matrisadan" soň, her dürli çaklamalar we teorýalar peýda bolup başlady, hamala bir adamzat, ähli şäherlerimiz we janly tebigatymyz bilen, örän uly kompýuter similýasiýada ýaşaýas. Daş-töwerekde bolýan Hudaýyň ownuk gudratlary bolsa, şol kompýuteriň ýalňyşlyklarynyň hasabyna ýazyldy. Biziň çyndan hem kompýuter simulýasyýasynda ýaşaýandygymyzy çyny bilen subut etmäge synanşýan adamlar diýseň kän. Iň bärkisi Ilon Mask atly artist hem şol tarapa ýykgynlyk edýänini aýtdy. Garaz Matrisa kulty adamlaryň aňynda örän berk urnady, özem pikir edip bilýän adamlaryň aňynda. Pikir etmeýän adamlara Hudaý öz gudratlaryny görkezenok. Bu ýerde bolsa gudraty başga akyma sürmek üçin "Matrisa" teoriýasy möwç alýar. Elbetde bu aldawlaryň barsy biziňki ýaly halklara nýetlenmändigi üçin, biz bu zatlarşan çetde. Ýöne ýewrupa halklary Matrisanyň ýesirligine düşdüler. Biziň merýalistik dünýämiziň sütünlerini sarsdyrýan islendik düşnüksiz zady, indi matrisaň ýalňyşlyklaryna ýazybermeli. Elbetde beýle işler ilki bilen Hudaýa garşy edilýär we adamzady iň esasy duşmany bolan iblissiz amala aşyryp bolmazdy. Duşman 2 dünýäde öz işini alyp barýar, biziň dünýämizde çöpçülikleýin habar beriş işleri Martisa temasyny gyzgyn ýagdaýda saklaýarlar, ony dogry akyma ugrukdyrýarlar. Pikirler dünýäsinde ýaşaýan şeýtanlar bolsa, gerekli wagt adamlaryň kellesine dogry pikirleri oklaýar. Praktikada bar zat şeýle işleýär: Bir adam internetde bir ýerde, ýa-da öz durmuşynda geň zadyň şaýady bolýar, mysal üçin aýdaly tutuş towuk ketek doňup galýar, hiç bir towuk gymyldanok. Şeýle zady synlan adamyň kellesine birinji geljek pikir, materýalistik paradigma ähli zady düşündirip bilenok, dünýede ýene bir güýç bar bolmaly? Ýöne 1999-njy ýylda çapa çykan Matrisa atly şeýtanyň çeper filmi öz işini etdi. Adatdan daşary islendik gudraty synlan adamyň iň birinji kellesine gelýän pikir? 

Bu Matrisa. Dogrusy pikirler dünýäsiniň öz hökümdary bar we pikirleri adamlaryň kellesine şol oklaýar, ýöne kellä pikir oklamak üçin, fiziki dünýäde döredilen obrazlar gerek. Obrazlary döretmekde iň öňde baryjy kärhana haýsy? Bildiňiz, "Disneý" kino kompanýasy. Ýeri gelende aýtsam, ruslaryň geçiren soraglarynyň esasynda, şu wagyda çenli durmuşa çykman galan garry gyzlaryň iň esasy sebäpleri, olaryň şazada garaşmagy bolup durýar. Şazadalaryň iň esasy ekspartýory bolsa, Disneý studiýaň multfilimleri. Garaz ýokarda agzalanlary bir sözleme jemlesem şeýle bolýar: 20-nji asyrdan başlap materialistik paradigmasy möwüç alýar. Beýik Ýaradyjy bolsa balans bolar ýaly materýalistik dünýäni puja çykarýan ownuk gudratlary görkezýär. Görkezeniniň zyýany ýok welin, ýöne XXI asyryň başyndan internetidi we kameraly enjamlary köpçülige elýeter etmek zerurlygy döreýär we köçülige ýaýrajak gudratlary bir zat edip materialistik paradigmaň çäginde adamlara düşündirmeli bolýar. Şu ýerde Matrisa ideýasy peýda bolýar.

Köpçülikleýin habar beriş serişdeleri, global mediýa, kinematografiýa we başga şoňa meňzeş ulgamlar, tutuşlaýyn duşmanyň elinde we diňe Hudaýa we adamzada garşy işleýär. Şol ýerde peýda bolen islendik önüm, hiç haçan ýöne ýere däl.

Rahman Zulfikarow

kitapcy

"Okaraňy getir süýt bereýin" atly tomzajygy biziň ählimiz bilýäs. Ruslar ol jandara "Hudaýyň sygyrjygy" diýýärler. Ol jandar tomzaklaryň içinde, ýeke-täk ýigrenç döretmeýän jandar. Ol jandary biziň ählimiz çaga wagtymyz öz elimizde saklap gördük, biz ol jandary gören badymyza öldürmäge ymtylamzok. Ýöne tomazaklaryň başga görnüşlerini biz şol bada basyp öldürerdik. Eýsem näme üçin "okaraňy getir süýt bereýin" biziň kalbymyzda beýle ýeri eýeleýär? Elbetde ol jandar ekarançylykda peýdaly diýip hasaplanýar. Baglara we ekinlere zyýan ýetirýän şireli akja möjegi iýýär. Belki şol sebäpden ol tomzajygy öldürmeli däl diýip, ähli adamlar agzap geçendir we adamlaryň indiki nesillerine eýýäm hiç zat agzamak gerek däl bolandyr, informasiýa eýýäm biziň ganymyza ýazyldy? Mümkin? Ýöne bu ýerde başga-da bir tarap bar. "Okaraňy getir süýt bereýin" tomazajygyň ýewropa ýurtlarynda başga owadan atlary bar: Bibi Merýemiň guşy, Merýemiň tomazajygy we şoňa meňzeş. Ol jandar näme üçindir Isa pygamberiň (a.s) ejesi Bibimerýem bilen assosasiýalaşdyrylýar. Ondan başga dini rowaýatlara görä, "okaraňy getir süýt bereýin" Hudaýyň dünýäsi bilen adamlaryň dünýäsiniň çaparymyşyn. Rus çagalary ol tomzajyk ellerine gonanda, ýönekeýje sanawajy sanaýarlar, ol sanawajyň mazmuny şeýle: "Asmana uç, maňa çörek getir, ak bolsun gara bolsun, ýöne köýük bolmasyn".

"Okaraňy getir süýt bereýin" asmandan çörek getirmeli. Bu ýerde Bibimerýem bilen hem baglanyşyk ýöne ýere däl. Gurhana görä Bibimerýemiň ýaşaýan otagyna asmandan her dürli nygmatlar inýän eken. Merýeme seredýän adam Zekeriýa (pygamber): "Bu zatlar nireden gelýär?" diýip soranda, Bibimerýem "Alladan!" diýip jogap beripdir. Indi şu ýerde meniň şahsy çaklamam: "Okaraňy getir süýt bereýin" atly jandarjyk, dogrudan hem iki dünýäniň habarçysy bulup çykyş eden bolmagy mümkin. Mysal üçin aýdaly, asmandan nygmatlar inmezden öň otagyñ içinde ilki bilen şol jandar peýda bolýan bolmagy mümkin, ýa-da şoňa meňzeş bir alamatlar? Garaz okaraňy getir süýt bereýin Biberýem bilen dahylly bir ýeri bar. A biziň ählimiz adamzadyň we Hudaýyň duşmanlary tarapyndan döredilen informasion giňişlikde ýaşaýanymyz üçin, ol tomzajyklaryň ady hem hökman garalanaýmaly. Tomzajyklary nämede aýyplap bolar diýip piki edýärsiňiz? (Şu zatlary ýazýanym üçin Alla meni bagyşlasyn) Bibmerýemi nämede aýyplajak bolýan bolsalar, şol zatlarda hem olary aýyplaýarlar. Tomzajyklary jelepçilikde aýyplaýarlar. Hamala alymlar ol tomzajyklaryň urkaçysynyň, tertipsiz jynsy durmuş alyp barýandyklaryny anyklapdyrlar, şol sebäpden ol tomzajyklar jyns ýollary bilen geçýän keseller bilen keselleýärler. Rus dilinde internete sorag berip görüň we siz aňk bolarsyňyz. "Okaraňy getir süýt bereýin" tomzajyklary zynanyň we günäniñ ähli görnüşlerinde aýyplanýarlar. Beçebazlykda, ölen jandarlar bilen jynsy gatnaşykda, ganiballykda we ýene bir giden zatlarda. Bir makalada bolsa, ol jandarlarda "ahlak ýok" diýip ýazypdyrlar. Eýsem mör-möjek toparlaryň haýsy birinde ahlak bar? Ahlak diňe pikir edip bilýän jandarlaryň aýratynlyklary bolup durýar. Ol jandarlaryň oba hojalykda getirýän peýdasy hem şübheli diýip aýdylan ýerlerine-de gabat geldim. Gürrüň kiçijek tomzaklar barada dälde, eýsem belli bir adam barada gidýän ýaly bolup dur? "Ýewropanyň alymlary subut etdi" diýen sözler bilen başlaýan islendik informasiýa bolsa, adamlaryň 99% şol bada ynanýarlar. Ýeri gelende aýtsam, "Okaraňy getir süýt bereýin" bilen bagly bolan barlag işlerini BBC guramasy geçiripdir.

Rahman Zulfikarow

kitapcy 

JYN TAÝPALARY we MILLETLERI

Jynlar göze görünmeýän, adamlar bilen bile ýer ýüzünde ýaşaýan mahluklardyr. Olar taýpa-taýpa bolup ýaşaýarlar. Ýaradylyşlary-da adamyñ ýaradylyşyndan has irki döwürlere degişli hasaplanýar.

Otdan ýaradylan bu taýpalaryñ we jemgyýetleriñ aýry-aýry atlary we milletleri bar. Bular:

Betr

Betr taýpasy bilen ýaşaýan jynlar adamlary gaharlandyrmaga, gygyrmaga we çagyrmaga üns berýärler.

Bular ýaly adamlaryñ gözi wagtyñ geçmegi bilen hiç zat görmän başlaýar. Erbet adamlaryñ arasynda gezmegi halaýarlar.

• Ammar

Bu taýpa degişli jynlar esasan öýleriñ içinde ýaşaýar. Seýrek ýagdaýda-da nolsa käbirleri öýlerde edilýän hereketlere görä ýaşaýar. Arak-şerap içilýän, Allanyñ adynyñ ýatlanmaýan, nazy-nygmatlaryñ arak-şeraba ýanalyp iýilýän hojalyklaryñ saçagyna-da ýanaşýar.

• Gu:l

Haýsam bolsa bir ýeriñ içerki raýonlarynda göçhä-göçlükde ýaşaýarlar. Gorkunç görnüşde her dürli keşbe girýärler we adamlaryñ ýüregine gorky salýarlar. Käbir wagtlarda adamyñ garşysyna mähnet bir zat bolubam çykyp bilýärler.

• Demon

Bu taýpanyñ mahluklary özlerini hudaý hökmünde görkezýär. Ynandyryp bilme güýçleri diýseñ ýokary bolan demonlar adamlary keşp we ses bilen aldaýar.

• Amir

Tebigy we adamlaryñ ýaşaýan tenha we tebigy ýerlerinde ýaşaýarlar.

Pis gylykly jynlardyr. Yslam akydasynyñ daşynda galyp, musulman adamlara sataşmagy gowy görýärler.

• Dasim

Bu mahluklar iýip-içmegiñ şeýtany hökmünde-de tanalýar we adamlaryñ iýip-içýän wagtynda peýda bolýar. Bissimillasyz iýilýän naharlardan ogurlap garnyny doýurýarlar. Hatda şeýle naharlara gusmak bilen iýlip oturan nahary hapalaýarlar. Şeýdibem psihologiki taýdan adamlaryñ ýykylmagyna sebäp bolýarlar.

• Arwah

Enäniñ garnyndaka ýa-da çagalyk döwründe adamlara musallat bolýarlar. Beden we ruhy taýdan täsir edýärler. Hiç bir sebäpsiz çagasy bolmaýan aýallara-da musallat bolýan mahluklar şu taýpadandyr. Olar enäniñ ýatgysyna girip çagalary bogýarlar.

• Hazep

Ybadat ediljek bolnanda kalbyña howsala salýan we ybadat etdirmezlige synanyşýan mahluklardyr. Edýän bet işleriniñ hemmesi diýen ýaly şowuna bolýar. Adamlaryñ günä işlere bulaşyp galmagyna çäksiz begenýärler.

• El Ebýaz

Bu taýpada ýaşaýan jynlar welilere we pygamberlere musallat bolupdyr. Pygamberlere tär edip bilmeseler-de, alymlaryñ mejlisine girip pikirleri bulaşdyrypdyr. Her meselede adamlara erk edip bilmäge güýji ýetýär.

• Ifrit

Jynlaryñ arasynda iñ güýçlileridir. Adamyñ endamyna aralaşyp, musallat bolýarlar. Aralaşan endamynyñ eýesini däliredýärler. Jynsy meýiller babatda-da bolmajak birnäçe zatlary isleýärler. Weledizynalaryñ (binika çagalaryñ) dünýä inmegini ýola goýýarlar. Howp taýdan alanda ýokary derejede bolýarlar. Adamlaryñ ölmegine sebäp bolup bilýärler. Bu mahluklaryñ ýaşaýan ýerinde guşlar we ýyrtyjy haýwanlar ýaşap bilmeýär.

• Marid

Bu taýpanyñ jynlary asylzada gatlakda ýer alýarlar we iñ howplularydyr. Olaryñ şeýtan bilenem, Hudaý bilenem işleri bolmaýar. Olar ateist jynlardyr. Adamlar bilen gatnaşyk saklamaýarlar we çagyrylan ýagdaýynda ölüm bilen gutaran netijeler ýüze çykyp bilýär.

Adamlaryñ we ýyrtyjy haýwanlaryñ keşbine girip bilme ukyplary bar. Kontrollyk edip bilme ukyplarynyñ bardygy üçin ähli şeýtanlary kontrollary astyna alyp bilýärler.

• Lietli

Bu taýpanyñ jynlary adyny urkaçy jynlardan alypdyr. Adatdan daşary görnüşde adamy was-wasa düşürýärler. Adamlarda çakdanaşa derejede ukuçyllyk we özüni bilmezlik ýagdaýyny döredýärler.

• Metun-Mesit

Adamlaryñ eşidýän zatlary bilen meşgullanýarlar. Adamlary gorpyñ gyrasyna äkidýänçä gidişýärler we şony edip oñarýarlar.

• Müsfer

Injir agaçlarynyñ arasynda, sähralyklarda, ekin meýdanlarynda aýlanmagy gowy görýärler. Boýy 140 sm bolan bu jynlar umuman alanda erbet niýetli däl. Olar adamlardan bimaza bolmadyk ýagdaýynda zyýan etmeýärler.

• Musabbar

Bu taýpanyñ jynlary gowaklarda ýaşaýar. Gaýalyk ýerleri olaryñ iñ köp aýlanýan ýerleri. Boýlary hem 90 sm bolýar. Adamlary halamaýan jynlaryñ görnüşine girýär. Çalt we köplük bolup hereket edýärler. Maşgala ýakynlyklary güýçli bolan musabbar taýpalary köplük bolup hüjüm edýärler.

• Şeýtan

Şeýtan aslyna seredilende ýeke jyndan emele gelipdir. Şeýtan adamlara islese görnüp, islemese görünmän bilýär.

Welhan

Bu jynlar gündelik durmuşdaky närseleri ulanmagy gowy görýär. Olar adamlaryñ maddy güýçlerini ulanýarlar we zyýan ýetirýärler.

• Wesnan

Bu taýpada ýaşan mahluklar ukynyñ şeýtany hökmünde-de tanalýar.

• Zellenbur

Söwda bilen meşgullanýan islendik kişi bilen ham-çam bolýan taýpa. Söwdada aldawçylyga ýüz urdurmak we ýaramaz haryt satdyrmak olaryñ söýgüli pişesidir. Munuñ sebäbi-de söwdagärlere hilegärlik etdirmek, adamlara zyýan çekdirmek we zyýan etmekdir.

• Juhenna

Iñ doñýürek we iñ öçli taýpalaryñ arasynda ýer alýar. Bu taýpanyñ jynlary adamlary hiç halamaýar. Erbet adamlar bilen gatnaşyk açyp, doga-jady üçin ýardam edýärler. Sabyr-takatsyz bu jynlaryñ aýdanyny etmeseñiz, şobada maşgalañyza musallat bolup bilýärler.

• Kulýas

Kulýas taýpasy iñ köplük we iñ howply jyn taýpasydyr. Adamlara aşyk bolup bilýän bu taýpa hamana taýpalaryñ žandarmasy we poliseýi ýalydyr.

• Nusaýbin

Gurhany diñläp musulman bolan ilkinji jyn taýpasydyr. Çakdanaşa derejede güýçleri bolýar.

• Zuzula

Zuzula taýpasy adamlara garşy ynsapsyzlyklary bilen tanalýar. Hazynaly ýerleri tapyp bilýärler. Käbir ýurtlaryñ halkynyñ arasynda gadymy döwürlere degişli altynlary şu taýpanyñ gömendigini we olary ýene şularyñ çykaryp biljekdigini aýdýan gep-gürrüñler bar.

kitapcy

Internet maglumatlary esasynda taýýarlandy.

Ýadro urşy, klimat üýtgeşmeleri, köpçülikleýin ýokanç keseller, emeli añ boýunça gorky-howatyrlanmalar çekişmeleriñ temasyny üýtgedýär

Emeli añ, uruşlar, klimat üýtgeşmeleri we köpçülikleýin ýokanç keseller baradaky gorky-ünjiler \"kyýamat\" hakda has köp gürrüñ edilmegine sebäp bolýar.

ABŞ-nyñ Wermont ştatyndaly Middlebury Kolležiniñ professorlary Erik Bleýçdir Kristofer Staryñ analizine görä, \"ahyrzaman\" indi giñden ýaýran, ýöne agşamlyk naharynyñ ürküziji gürrüñine öwrüldi.

Bleýç we Star \"StudyFinds\" üçin ýakynda bilelikde ýazan makalasynda öñe çykan dört \"kyýamat\" temasynyñ mediýadaky habarlaşdyrylma ugurlaryny analiz etdi: Ýadro urşy, köpçülikleýin ýokanç keseller, klimat üýtgeşmeleri, emeli añ.

Barlagçylar mediýada kyýamat baradaky çekişmeli gürrüñleriñ \"jemgyýetçige hökmüni ýöredýän gaýgy-aladalar üçin barometr\" bolup ulanylyp bilinjekdigini öñe sürýär.

ABŞ-nyñ üç \"The New York Times\", \"The Wall Street Journal\", \"The Washington Post\" gazetlerinde 1980-nji ýyl bilen 2023-nji ýyl aralygynda \"kyýamat\" ýa-da \"kyýamat bilen baglanyşykly\" sözleriñ geçen makalalary analiz edildi.

Dini temaly we güýmenje makalalar süzgüçden geçirildi, şondan soñ dört kyýamat endişesiniñ birinden ýa-da has köpüsinden söz açýan 9 müñ 380 makala galdy: Ýadro urşy, köpçülikleýin ýokanç keseller, klimat üýtgeşmeleri, emeli añ.

Gyzyklanmalar agzalan döwürde dört temadanam gürrüñ edýän makalalarda durnukly artyş bolýandygyny görkezýär.

Munuñ bilen birlikde iñ köp edilen endişeler onlarça ýyldan soñ üýtgeýär. Emeli añ birinji gezek 2023-nji ýylda ýadro urşundan has köp kyýamat çekişmeleri bilen baglanyşyklylykda ýetirildi.

Bu analiz esasy gorkynyñ ýadro urşunyñ bolan \"Sowuk uruşyñ\" soñlanmagyndan, munuñ keseller we klimat üýtgeşmeleri tarapyndan yzda galdyrylan 90-njy ýyllara çenli gorky-ünjileriñ nähili ösendigini synlaýar.

Makalada \"2000-nji ýyllara gelinende gazetleriñ gyzyklanmasy gönüden-göni daşky gurşawyñ gaýgysyna ýönelipdi we 2010-njy ýyllarda bu ýönelme hasam artdy\" diýilýär.

Koronawirus pandemiýasynyñ başlan 2020-nji ýylynda \"kyýamat\" we \"kyýamat bilen baglanyşykly\" saglygy goraýyş ulgamynyñ işine we ýokanç kesele bagyşlanan makalalar aşa köpeldi.

Professorlar 2010-njy ýyllar bilen deñeşdirende 2020-nji ýyllarda ýokanç keseli kyýamat bilen baglanyşdyrýan habarlaryñ üç esse köp berilendigini aýdýar.

Şol sanda, emeli añ 2015-nji ýyla çenli mediýada ýeke ýerde agzalmadygam bolsa, \"soñky tehnologiki ösüşleriñ 2023-nji ýylda ilkinji gezek ýadro gorkularyndan has köp emeli añyñ üstünde durup geçýän kyýamat makalalarynyñ ýazylmagyna sebäp bolandygyny\" aýdýarlar.

\"Pew\" ylmy-barlag merkeziniñ 2022-nji ýylda geçiren pikir soralşygy eýýäm kämillik ýaşyna ýeten her on amerikan raýatyndan biriniñ \"ahyrzamanda ýaşaýandygyna\" ynanýandygyny ýüze çykarypdy.

Munuñ bilen birlikde bu pikir soralşygy şol sanda 58%-niñ beýle pikiriniñ ýokdugyny we \"ýokary bilimi bolmadyk amerikanlaryñ ýokary bilimli raýatlara garanda adamzadyñ soñunuñ golaýlaşandygyna ynanma ähtimallygynyñ has artykdygyny\" görkezipdi.

kitapcy

Maýk BEDIGAN.

Jynlar hiç wagtam geljegi bilip bilmeýär.
Diñe perişdelerden maglumat ogurlaýan jynlaryñ adamlara ýakynlaşmak üçin ogurlan maglumatlaryndan peýdalanýandyklary aýdylýar. Ýöne şol maglumatlaram kimdir birine berilmeýär, mediýumlar bilmeýär, jadygöýler olary ele salyp bilmeýär... Jynlaryñ geljegi bilip bilmeýändiklerini Süleýman pygamberiñ (a.s) wakasy subut edýär. Waka şeýleräk bolup geçipdir:
Hezreti Süleýman (a.s) ömrüniñ soñky günlerinde jynlara ybadathana gurdurypdyr. Jynlar Süleýman pygamberden öler ýaly gorkar eken, şoñ üçinem oña gepsiz-gürrüñsiz boýun egipdirler. Pygamberiñ özem ybadathana gurulýan wagty jynlaryñ haýal-ýagallyga ýol bermezligi üçin bir depäniñ üstünde oturyp, olara göz-gulak bolupdyr. Ýöne Süleýman pygamber eýýäm ybadathana gurlup başlan badyna aradan çykypdyr. Gurluşyk gidip durka hiç bir jyn Süleýman pygamberiñ ýanyna gitmäge milt edip bilmändir... Şol ikiarada hem bir gurçuk pygamberiñ hasasyny gemirýän eken. Gurluşyk gutaranda gemrile-gemrile mazaly inçelen hasa döwülip, pygamber ýere ýykylypdyr. Muny gören jynlar şobada Süleýman pygamberiñ ýanyna gelip, onuñ aradan çykandygyny görüpdirler. Bu ýagdaý jynlaryñ geljek barada hiç zat bilmeýändikleriniñ delilidir.


• Jynlaryñ göze görnüşleri we ýaşaýyş-durmuş formasy

Jynlar köp hili tüýsde adamlaryñ gözüne görünip bilýär. Gadymy döwürlerde şekillendirilýän fantastiki mahluklaryñ, aždarhanyñ, iki kelleli ýylanyñ, geçiaýagyñ (fawn), uçýan jandaryñ aslynda jyn bolmagy-da ahmal...
Jynlaryñ umumy göze görnüşi gaty kölege şeklindedir. Emma özlerini doly görkezmek islänlerinde öz aralarynda derejelerine görä dürli hili tüýsde göze görünip bilýär.
Jynlaryñ dürli ynançlara görä iýmitlenme görnüşleri baram bolsa, esasy iýýän zatlary: palçyk, guş eti, gum-kesek, eti sypyrylyp zyñlan süñk-sañk.
Jynlaryñam edil adamlar ýaly eldeki haýwanlary we ulaglary bar. Olaryñ eldeki haýwanlarynyñ sudury ýumşak kölege şekilinde bolup biler. Adamlaryñ gözüne görünmeýär.
Jynlar adamlardan hiç wagtam ýokarda däldirler. Olar pikir ýöredip bilmeýärler we adamlar ýaly ösen duýgulary ýok.
Jynlaryñ iñ täsin aýratynlyklarynyñ birem uçup, dünýäniñ jümmüşine çenli inip we ýyldyrym çaltlygynda hereket edip bilmekleridir.
Jynlaryñ ömri 1000-1300 ýyl aralykda bolýar. Has köp ýaşaýan jynlaryñ bolşy ýaly, olaryñ köp ýaşamakdan ötri toplanan danalyklary-da bar.
Jynlar adamlar tarapyndan biynjalyk edilende, köplenç şol ýerden daşlaşýarlar, emma zyýan görüp başlanlarynda suw akdyryjynyñ açylyp-ýapylmagy, äpişgäniñ ýa-da açylyp-ýapylmagy ýaly dürli ýollar bilen duýdurýarlar. Şular ýaly ýagdaýlarda edýän işiñize üns bermek gerek.

Internet maglumatlary esasynda taýýarlandy.

Gurhan aýatlaryna we hadyslara salgylanyp geçirilen barlaglar esasynda jynlaryñ iki dürli görnüşiniñ bardygy anyklanypdyr. Birinji topar olaryñ fiziki aýratynlyklary bilen baglanyşyklydyr. Beýleki topar bolsa häsiýetleri bilen baglanyşykly...
Fiziki taýdan topara bölen alymlar esasan üç dürli görnüşiñ gürrüñini edýärler. Bular:

a). Gara itiñ sypatynda (gara reñkiñ şeýtany güýçleri üýşürme babatda has güýçlüdigine ynanylýar) görünýän jynlar;.


b). Ýylanyñ sypatynda görünýän jynlar;


ç). Ýeliñ sypatyna girýän jynlar. Özem bu toparyñ iýip-içmeýändikleri pikir edilýär.

Bir ýerden başga ýere çalt gidip we jisimleriñ içine girip bilýändiklerini orta asyrlarda ýaşap geçen yslam alymy Ibn Teýmiýe: "Jynlar adamlaryñ we haýwanlaryñ tüýsüne girip bilerler" diýip düşündiripdir. Jynlar Adam atadan öñ ýaradylypdyr.


Pygamberimiziñ (s.a.w) şeýle diýendigi rowaýat edilýär: "Itler özbaşyna bir millet bolmasa, öldürilmeklerini buýrardym. Ýöne bir milleti ýok etmekden gorkdum. Olardan şar gara reñklisini öldüriñ. Çünki bu olaryñ jynlaryndandyr".
Pygamberimiz (s.a.w) bu barada ýene-de şeýle diýipdir: "Şübhesiz, itleriñem bir bölegi jynlardandyr. Jynlaryñ ejizleridir. Her kim nahar iýip durka ýanyna it gelse, naharyndan oña-da bersin, ýa-da iýip bolandan soñ oña iýdirsin".
Käbir alymlar bolsa bu toparlandyrmany şu görnüşde agzaýarlar: "Ganatlary bolan uçýan jynlar, ýylandyr itiñ şekline giren jynlar we bir ýerden bir ýere göçýän jynlar"...

Şuña laýyklykda netijede jynlar esasan üç topara bölünýär:
1). Howada uçip bilýän jynlar;
2). It-pişigiñ, ýylanyñ sypatyna girip bilýän jynlar;
3). Ilatly punktlara ýerleşip we zerurlyk duýýanda göçüp bilýän jynlar. (Çeşme: "el-Hâkim").
Aýatlara we hadyslara salgylananda, jynlary häsiýet taýdan şeýleräk toparlara bölüp bileris:
"Jyn" diýlen köplük san, ýagny "jynlaryñ" (jynny) göz öñüne tutulýandygyny bilýäris.
Adamlar bilen bile öýlerde ýaşaýanlara "Amir", köplük sanda "Ummar" diýilýär.
Çagalara musallat bolýanlara "Arwah" diýilýär.
Betpällilerine "Şeýtan", betpällilikde şeýtandan öñe geçenlere "Marid", betpällikde çäkden-çygyrdan çykanlara "Ifrit" diýilýär.
Jynlaryñ erkegine "Hubs", urkaçysyna "Habais" diýilýär.
Günälerden saplananlaryny "perişde" hökmünde görülýär.

Kitapcy
Internet maglumatlary esasynda taýýarlandy.

♣ Gaý-tupan hernäçe öwüsse-de, çarlak söýgüli deñzinden el üzmez.

♣ Bir ýazyjynyñ iñ uly tragediýasy ~ ölüminden soñ yzynda galan zatlary, tamamlanmadyk ýazgylaryny onuñ özünden başga hiç kimiñ ýazyp bilmejegidir.

♣ Seni ejeñ ýaly söýjek we kakañ ýaly gamyñy iýjek ýokdur. Şonuñ üçin hiç kim seniñ ýanyñda söýgiden söz açmasyn.

♣ Ýoldaşymyza, dostlarymyza akyl bermek bize mahsusdyr. Akyl bermekden çäksiz lezzet alýarys. Öñümizden biri biri çykýar welin, derhal oña akyl berjek bolup dert-azara galýarys. Akyl bermek babatda biziñ ýaly jomart adamlar barmyka?!.

♣ Tanyş-biliş, deñ-duş, dost-ýar, hakyky dost... Her adamyñ tanyş-bilşi köpdür, ýöne deñ-duşy azdyr. Dost-ýary ondanam azdyr. Hakyky dosty bolsa, dost-ýardanan azdyr...

♣ Hormatlanýan bir syýasatçymyzyñ iş otagyna girdim. Ol kitaba gümra bolup durdy. "Näme okaýarsyñyz, halypa?" diýip soradym welin, "Demokratiýanyñ tepbedini okaýaryn!" diýip jogap berdi.

♣ Seniñ barlygyñda ýalñyzlykdan has beter ýalñyzlyga düşdüm. Haýyş edýärin, meni öz-özüm bilen goý...

♣ Adam içinde ýaşap ýörkä pursatlaryñ pursatdygyny bilmeýär.

♣ Adam diñe aýdýan zatlaryndan däl-de, dymýan zatlaryndanam jogapkärdir.

♣ Käbir adamlar öwünmeli zatlaryndan utanarlar, utanmaly zatlary bilenem öwünerler...

♣ Bir gün bu ýurduñ ýañajygna bir posa, başujuna-da bir bellik goýup başymy alyp giderin...

♣ Özüñ bilýäñ: günäleri ýazýan perişde çepde oturýar. Megerem ýüregiñ çepdeligem şonuñ üçindir?!. Belki-de, söýgi başdan geçirýän iñ uly günämizdir...

♣ Dünýäniñ öñünde bergidar bolup ölmeli boldum. Eýse bu dünýä bergidar bolup ölmeýän barmy näme? Diñe bergili däl, dünýäden algyly bolubam ölýänler bar...

♣ Erkek adam añsat-añsat aglaýan däldir. Eger aglaýan bolsa, onda onuñ gözýaşynda ýalanyñ zerresi-de ýokdur.

♣ Adamyñ nirede garny doýsa, şol ýeri-de watan ekeni.

♣ "Hiç kime ynanamok" diýen zat ýok, wagtynda "Oña ynanandygym üçin indi hiç kime ynanamok" diýsek dogry bolar.

♣ Ulalan adamlar bilen olaryñ öz çagalyklarynyñ arasynda belki müñ, belki-de iki müñ ýyllyk wagt bardyr. Şonuñ üçinem biz ulalanlar öz çagalygymyzy unudýarys.

♣ Adam dara-direde iñ bolmajak zatlary-da añyna aýlap ýetişýär.

♣ Ne öliniñ, ne-de gideniñ yzyndan gepi ediler. Çünki yzynda galan üçin ölen bilen gideniñ tapawudy bolmaz.

♣ Dünýäde iñ erbet zat - adamyñ iñ soñky ýapyşalgasy bolan adalata we hukuga bolan ynamyny ýitirmegidir.

♣ Gorkamok diýýänler başgalaryñ öñünde ýalan sözleýärler, ýa-da özlerine ýalan sözläp öz-özlerini ynandyrýarlar, ýa-da özleri-de bilmän adam däldiklerini aýdýarlar.

♣ Üşeýän bolsañ onda ýylylyk ýokdur, garañkylyk bar bolsa onda ýagtylyk ýokdur. Eger hemme ýer garañkylyk bolup, senem üşeýän bolsañ, onda OL ýokdur.

♣ Käte birini şeýle bir küýsärsiñ welin... Hatda küýselen kişi öz ýoklugyndan utanar.

♣ Adam ýaly erbet mahluk ýok... Bagtyny başgalardan-a gysganýar, başyna bir betbagtlyk inse welin, başgalar bilen paýlaşasy gelýär...

♣ Birnäçe adam jynaza namazyna gatnaşanda "soñky borjumyz amal edýäris" diýip öz-özlerine teselli bererler, emma olar ondan öñki borçlaryny ýerine ýetirmelidirem öýdenok...

♣ Gadymkylar "Ýagšy adamyñ ady agzalsa, sözüñ üstüne geler" diýipdirler. Men hemişe seniñ adyñy gaýtalap ýörsemem geleñok; diýmek sen gowy adam däl bolmaly.

♣ Öz güýçlüdigime meniñ özümem ynanýaryn, çünki güýçli bolmaga mejburdugym üçin güýçli boldum, öz islegim bilen däl...

♣ Beýik taryhçylaryñ biri şeýle diýipdir: "Taryhdan alynan iñ uly sapak ~ adamlaryñ taryhdan sapak almaýanlygyna düşünmekdir".

♣ Bolup geçýän zatlar biziñ islegimize görä, bolýan bolsa, hamala wakalary biziñ özümiz dolandyrýarysmyka diýip düşünýäris. Adam oglunyñ iñ uly hownuhoşluk pañkelleligi hem şunda! Emma wakalar biziñ isleglerimize gabat gelmese, ajy hakykat alnymyza gütüläp degýär...

♣ Indi ne-hä gelmek, ne-de gitmek durmuşyñ iñ agyr pursaty bolup bilmez, ýagny biziñ hiçimizem dünýä inerimize garaşmandyk, dogulanymyzdan bäri ölerimize garaşýarys.

♣ Durmuş bir synagdyr diýip düşünseñ, onuñ bilen hiç gidişme, adyñy ýaz-da bir gyra çekil. Belki synpyñdan ýykylmarsyñ, emma adyñ aşagynda ap-ak bir sahypa galdyrarsyñ.

♣ Ýalñyzlygymdan başga hiç hili ýakynymam ýok. Kämahal olam meni ýalñyz goýýa diýmeseñ...

♣ Sen ýok. Ýagyşam biderek ýagýar. Bilelikde ezilip bilemzok. Küýseglerimizem, aýralyklarymyzam biderek, aramyz diýseñ uzak. Bilelikde aglabam bilemzok...

♣ Siz üns berdiñizmi ýa bermediñiz, bilemok. Bizde wezipeli işgärleriñ ýüzi köplenç agyr, asyk bolýar. Halkyñ hyzmatyndaky adamyñ halka ýüzüni asan bolmasyna hiç düşünip bilemok...

♣ Ýaşlyk... Ýaşaýyşyñ tagamyny bilmänkä ýaşan we ýaşaýyşyñ hemişe şol başdaky ýaşaýşy ýaly dowam etjegune ynanan adamyñ ömrüniñ başky döwri..

♣ Gaýgy-hasratlarymyñ gymmatyna wagt geçdigiçe has gowy düşünýärin...

♣ "Meni çakmadyk ýylan müñ ýaşasyn" diýip ýaşadan ýylanlaryñyzyñ soñky pidasy özüñiz bolarsyñyz...

♣ Eýe bolup bilmedik bir zadyñ bar bolsa, ony ýeterlik islemändigiñ üçindir.

♣ Mundan öñküler nähili tamamlanan bolsalar, bulam şeýle tamamlanar. Tamamlana-tamamlana menem tamamlanaryn. Wessalam, iş tamam.

♣ Garyp-gasarlar ömürlerinde birje gezek ýeñillikden peýdalanarlar, olam ölenlerinden soñ. Meýdi dessine tabyda salnar we derrewem jaýlanar.

♣ Ynanç... Muña gowy düşünýän. Ynanjyña arka dur, eger gorkýan bolsañ, iñ bolmanda dymyp otur! Emma bu gün täze gelene ýaranjak bolup düýnki öwlüýä diýip oturan adamyña kesek oklama, ogry, haramzada diýme.

♣ Ha altyndan bolsun, ha demirden. Kapasa - kapasa bolar!

♣ Ady soralanda iki minut ýaly pikirlenip, soñ aýdýan adamy görüpmidiñiz? "Köpbilmiş bolandygy üçin şeýdýärmişin! Kakasy şeýle öwredenmişin! "Adyñy soranlarynda-da pikirlenmän aýdaýma" diýenmişin!" Çünki köpbilmişler mydama pikirlenýärmişin...

♣ Dalak, ýürek, içege, böwrek, beýin... al hany şulardan... Ýöne bäş şaýylyk wyždany almagy bir unutma!

♣ Gündiz aýdylmaýan söz ýok eken. Şonuñ üçin öz söýýänligimi gijelerine aýdýaryn.

♣ Her ýurduñ taryhynda buýsanylýan we utanylýan sahypalar bardyr.

♣ Adam söýüp bilermikäm diýip pikirlense, onda onuñ hiç haçanam söýüp bilmejegidir. Hernä şu söýgi diýlen zatda düşünje ýok, ýogsa hiç kim hiç kimi söýmezdi...

♣ Söýüşip durkañ ýylanyñam degmezligini, hatda şol pursatda ýyldyrym ursa-da duýmazlygy isleseñ, onda elmydama yşkyñ dünýäsini pürepür boýla, hatda ajalam söýüşip durkañ janyñy almaga dözmezmişin...

♣ Terezi çekip bilmejek etmişlerimiz, ýer göterip bilmejek günälerimiz bar...

♣ Senden bir gyzym bolsun, adyna "Ýagyş" goýaly. Birem oglum bolsun, adyna "Toprak" goýaly. Ikisi dawalaşsyn, ortada "Palçyk" emele gelsin...

♣ Biziñ başymyza ol agyr kynçylyklary salanlaryñ özüne hormaty bolmandygy üçin bize-de, aslynda adam diýlen zada-da hormatlary ýokdy. Özüne hormaty ýoklar başgalara näme üçin hormat goýsun?!.

♣ Häzirki döwürde adamlaryñ ýaşamaga wagtlary bolmansoñ, öljek günlerine garaşýarlar.

♣ Düşegiñe geçende, ýüregiñ sesi seni ýatyrmaýan bolsa, düşün, onda sen ýalñyzsyñ...

♣ Belki-de, gujagyna dolar ýaly belli-külli bir söýgülimiz bolmady, belki-de biz ýalñyzdyrys... Emma şuny gowy bilmegiñizi isleýän: adam ýaly söýüp bilýänligimizdendir ýalñyzlygymyz...

♣ Wadalaşan ýerimizde duşuşdyk, wadalaşan wagtymyzda däl. Men ýigrimi ýyl ir gelip saña garaşdym, sen ýigrimi ýyl giç geldiñ. Men saña garaşmakdan ýaña garrap gitdim, sen bolsa garaşdyranyñ üçin juwanlygyña galdyñ...

♣ Watan başga zat... Watana taý boljak zat barmy!.. Bolubam bilmez...

♣ Ýaşyñyz kiçi diýip hiç bir hakykatyñ sizden ýaşyryn bolup galmagyny islämok. Çagalaryñ düşünip bilmejek zady ýokdur. Megerem, diñleýjileriñ ýaşyna görä, aýdylýan zatlaryñ düşündiriliş görnüşi üýtgäp biler.

♣ Adamdyr - çydar. Adamdyr - çeker. Adamdyr - döz geler. Aldanar -ynanar.

♣ Bir ýalñyşlyk bar: sen şeýle owadan, menem beýle aşyk bolmajak ýalydyk.

♣ Ýurt ýaşlaryñ egninde beýgelýändir.

♣ Hemme hakykatlar hakykata öwrülmänkä ýönekeý bir hyýaldan ybaratdyr.

♣ Öñem biri: "Biz muny öldürmekçi bolsak, kanuna gabat getirip öldüreliñ!.." diýenmişin. Soñra ol adamy öldürmek üçin ilki kanun ýazypdyrlar, ondan soñam kazyýetiñ ýörite çykaran hökümine esaslanyp öldüripdirler...

♣ Hernäçe galmak islesek-de, käte gitmäge mejbur bolýarys. Käte bolsa hernäçe gitmäge mejbur bolsagam, göwnüniz galmagy isleýär.

♣ Däliler ölüp biler, ýöne, heý, ölüleriñ dälireýänini gördüñizmi?

♣ Adam diýeniñ ýatlamalar toplumyndan ybarat.