Paradise
17.05.2020 23:00
Dostuma...
Bolmasa hiç ýürekdeşiň, dertdeşiň,
Durmuş mydam ezýet berer gerdene.
Ýanyp, ýanyp şahyr borsuň bolmanda,
Eger hiç kim düşünmese derdiňe.
Jinnek ýaly peýda bolmaz ýerliksiz,
Kinaýadan, öýke bilen gahardan.
Adamlary ýagşy päle iter sen,
Ýamanlara ýagşylyk et başarsaň.
Şonda her kim bolar senden minnetdar,
Günleň hasam gözelleşer şonda seň.
Alkyş okap geçer saňa ömürlik,
Kyn gününde bir bendäni goldasaň.
Adamlary razy etmek- dereje,
Iň arzyly bagt ol owal-ahyrda.
Ýeterlik däl öz derdiňe tutaşmak,
Il derdine ýanyp bilen şahyrdyr
61
113
6
Paradise
17.05.2020 12:44
Ejeme...
Telefondan gelýär seniñ mähirden,
Aladadan dolup duran owazyñ:
"Gyzym, galyñ geýin, üşäýme birden,
Bilip bolmaz güýz gününiñ howasyn!"
Asmana bulutlar üýşüpdir, meger,
Ýagyş ýagyp, giñ köçeler eziler.
Şonda, arman bolup kalbyma siñen,
Duýgulam baş bermän, gider kejime.
Nämedir bir zady küýsärin hem-de
Uzyn asfalt ýoly giderin boýlap.
Asman aglap bolup, ýagyş diñende,
Ötegçi şemallar saçymy oýnar.
Kalbyma müñ dürli hyýal ekerin,
Ellerim kisämde, gözüm asmanda.
Ähli zatdan dilgir bolýan ekeni,
Adam öz-özüne dözüp başlanda.
Telim soraglarym galar jogapsyz,
Soñsuz gussa bilen ot alar içim.
"Şu günler adamlañ kalby sowapdyr,
Üşäýme!" diýsene, mähriban ejem!
68
340
41
Paradise
16.05.2020 16:18
Bakylyk barada söz berme maňa, Diýme:”Söýgim- bir ömrüňe ýeterlik!” Sen uçup gidersiň durna mysaly, Gyş gelende gök asmana göterlip. Çaý deý sowar gyzgyn söýgiň mähiri, Ýazan hatlam bukjasynda
66
175
6
Paradise
15.05.2020 19:50
Dostluk
Dostluk-mertebäniñ asyl mekdebi,
Şol mekdebe garamaly mähirli.
Dostuñ saña bir ýagşylyk etdimi,
Senem oña ýagşylygyñ etmeli.
Dost diýip dünýäde çyn dosty saýla,
Dost tutunma öñýeteniñ birini.
Goý, şol dostuñ bolup saña bir aýna,
Ulus ile ýagşy tanatsyn seni!
Çyn dost özün bilmez-dostuny biler,
Mukaddeslik-dostuñy eziz saýmak.
Pederlermiz paýhas bilen diýipdir:
,,Özüñi süýt bilgin, dostuñy gaýmak!''
Dostluk-uly Dünýäñ bir bölegidir,
Düşünmez ol ýaza, güýze hem gyşa.
Ynsanlar-durmuşyñ päk bezegidir,
Şonuñ üçin dostlaşalyñ hemişe!
52
97
2
Paradise
15.05.2020 19:36
Bir gezek şeýleräk sowal berdiler:
,, Dünýede mukaddes iki zat näme?"
Pikiredip, jogap gözläp durmadym,
Jogap berdim: ,,Olar-ata we ene "
Ýene-de şeýleräk sowal berdiler:
,, Dünýäde mukaddes iki keleme? "
Jogap berdim: ,,Beýik Tañrydan soñra
Bu iki keleme-ata we ene".
Soñ-soñlar ýene-de sowal berdiler:
,,Iñ uly ejizlik düşdi kimlere? ''
,,Öz balasy özüne el göterse,
Iñ ejiz adamlar- ata we ene".
Soñra bolsa hiç kim sowal bermedi,
Emma welin jogap berdim men ýene:
,,Ynsanlar, bu uly Dünýäñ manysy
Iki sözde, olar-ata we ene
60
199
6
Paradise
13.05.2020 17:28
Ýyl geçdikçe garrap barýar bu dünýä,
Garraýar deňizler, ummandyr daglar.
Ýyllar sepgidine ýyllary baglap,
Olar gojalyga gadam basýarlar.
Bulutlar zemine çagbasyn guýup,
Açanynda onuň gamly perdesin,
Zemin mähir bilen dillenermişin,
Belentden-belende ýetirip sesin.
Asman bilen zemin söýgüsi ýaly
Söýüp ýaşamaly uly Dünýede.
Gojalyga gadam basan bu Dünýä,
Şol söýgüden ýaşararmyş ýene-de.
Bir-birege arkalaşyň, direniň,
Bir biregi söýüň,ýürekden söýüň!!!!
52
118
3
Paradise
09.05.2020 11:15
FRONTDAN GELEN HAT
“Düşmeris ahyry aýra biz baky...
Diýipsiň:”Bir eýýäm bugdaýlar bişdi”.
Hatyňy okamda gaýramyzdaky
Bugdaýly meýdanlar ýadyma düşdi.
Ýada düşýär düzde saman dek akan
Aý nury, irmezdik orak ormadan.
Indi göz ýetirdim, şol meýdan eken
Süňňümize öz reňkini ornadan.
Aramyz daş , ýöne ýüregmiz daş däl,
Umytda bol mydam, ölüm ýok merde.
Munda ýanýan diňe ot ýa agaç däl,
Suwlaram, topragam ýanýar bu ýerde.
Or, ýygna bugdaýy, unut gyssaňy,
Eglenmen, bararyn tamamlansa toý,
Bir haýyşym , ilki bogan dessäňi
Men barýançam dulumyzda asyp goý”
Garaşdyk, saraldyk köp ýatan suw deý,
Kyndy galkyndyrmak aç galan ýurdy.
Saçak boşdy, ýöne bir desse bugdaý
Kepbäň bir burçunda asylgy durdy.
51
104
2
Paradise
06.05.2020 21:50
Bir wagtlar, saña aşyk bolanymy,
Alyslardan galan ýyllardan sora.
Soñ üçin, heý senem undyp bolarmy,
Hakyda-da galan günlerden sora.
Ýatlap bolýan eken geçen günleri,
Ýöne geçmisiñe gaýdyp bolmaýar.
Ýaşlyk ýatlamasy ýakymlam bolsa,
Köýen arzuwlaram aýdyp bolmaýar.
Ýatlama öwrülip galmazdyñ daşda,
Eger meñ nesibämde bar bolsañ,
Awara durnalañ owazyn diñle,
Yşk hakdaky aýdymlarmyz bar bolsa.
61
75
1
Paradise
05.05.2020 23:43
Dostluk we söýgi
Ýadymda
Şol gün gara saçlaryňy penjeläp
Gözleriňe gan öýdürip,ýürekden
Ýakyp giden ilki söýgiň barada
Gürrüň beripdiň
Gahar jemlenipdi göreçleriňe
Ýigrençden dodagyň titredi durdy
Bilseň,şol gün duýgularym gorjalap
Ýüregmiň burçuny pytradyberdi
Söýmek hakda ýa-da söýülmek hakda
Jinnijek ýaljagam ýokdy pikiriň
Diýdiň “Söýşüp bagtly bolunýan bolsa
Goý,men bu dünýäden bagtsyz öteýin
Gepiňe “hä” berip otyrdym menem
Ýüregmiň törüne hasrat gapladyp
Şol günden soň ne oýundan,ne çyndan
Saňa söýgi hakda söhbet atmadym
Ýollar aýra düşdi
Ýodalar gaýra
Meni gör nireden çykardy ykbal,
Eger,ilki söýgi ýakmadyk bolsa
Sen meňki bolardyň,bolardyň ahmal
Ýadymda,şol gije aýyň yşgynda
Ilkinji söýgüňi ýa-da salanmam
Şonda ökündim men,ökündim kemsiz
Bagtyňa şärik däl,dostuň bolanma…
55
553
21
Paradise
05.05.2020 23:09
ESGER HATY
Eger ýagyş bolsam asmandan gaýdan,
Sen seýle çykaňda ýagman bilerin.
Aýdyma öwrülip säher çagynda,
Seniň juwan ýüregiňe siňerin
Güneşiň zemini gujaklan çagy,
Seni ýatlap ýene göge galaryn.
Söýgi şalygymyň yalňyz melegi,
Diňe seniň gözleriňde galaryn.
Henizem söýginiň atdyryp palyn,
Gezip ýörmüň öz-özüňden utanyp.
Seniň üçin ýazan goşgularymy,
Okaýarmyň ýalňyz syrdaş tutunyp.
Ýazýan hatlarymyň mährini duýup,
Keşbim görünýärmi dideleriňde.
Gullugym sag-aman dynyp bararyn,
Seniň söýgiň bilen idelerinde.
Bilýärin, kä mahal ýüregiň gysyp,
Ýalňyz seýilbaga gatnaýanyňy.
Bägüle çalymdaş bagtly ýaşlary,
Toý sähedi bilen gutlaýanyňy.
Watanym-öz öýüm,goramak borjum,
Harby kasamymy okadym uýup.
Bararyn umydym edinip ýaran,
Garaşan günlere nokadyn goýup....
56
324
8
Yene yükle
