Paradise
21.08.2024 09:48
Ahmyr
Ýaz ýeline ýüzümizi ýuwardyk,
Leýlisaçlaň gujagyna gysylyp.
Ýygralygyň geçip bilmän ýüzünden,
Durmazdyk biz boýunlardan asylyp.
Gülki bilen günlerimiz gyzardy,
Şol wagtlar bagt bilen aşnadyk.
Ýüreklerde ýokdy gaýgy, aýralyk,
Ýokdy biziň arzuwlarmyz paşmadyk.
Seýilgähi yşgymyza bürärdik,
Oýnap ýören çagalara meýil edip.
Ýadyňdamy? «Oglum bolsa…» diýeniň,
Şonda neçün «Ikimiziň!» diýmediň?
Bir perişdäň gulagyna ilişdi,
Meni telim örtän, ýakan hyýalyň.
Şol günden soň men-ä gezdim dommaryp,
Senem bolduň bir bagtlyň aýaly.
Aýralyga dözüm etdik, ýaşadyk,
Sen ogul dogurdyň, men bolsa gussa.
Düýnden ýakymsyz ýel öwüsdi durdy,
Men seni ýatladym ýüregim gyssa.
Barybir aýňalyp bilmedim soňam,
Wah, neneň gyýanyň duýmadyň şonda!
Biz aşna dälmidik bagtymyz bilen?
Neçün «Ikimiziň!» diýmediň şonda?!
Aşyr Hanow
15
23
Paradise
27.06.2024 16:22
EJE MENI ÇAGALYGMA ALYP GIT...!!!
Ýene öz hüwdiñe bendiläp göwnüm,
Eje! Meni çagalygma alyp git!,
Durmuşyñ ýollary edip dur öwrüm,
Eje! Meni çagalygma alyp git!.
Göwnimi ýyksalar gujagña ylgap,
Gereksiz zatlara elimi salgap,
Ýyly gujagyñda diñerdim aglap,
Eje! Meni çagalygma alyp git!.
Ulalmagym üçin gamym kän iýdiñ,
,,Biribardan özgä ynanma..." Diýdiñ,
Gadryny bileýin beren ak süýdiñ,
Eje! Meni çagalygma alyp git!.
Suw alan ýerleriñ tapman adasyn,
Unudyp gitdiler beren wadasyn,
Durmuşyñ oýnuny oýnap ýadadym,
Eje! Meni çagalygma alyp git!.
Zeýrenmek öwrüldi indi endige,
Geçmişim salaýyn syrly sandyga,
Ýene-de täzeden dolap gundaga,
Eje! Meni çagalygma alyp git!.
Baýram Bejidow
16
26
Paradise
11.06.2024 12:07
«MEŇ KALBYMDA...»
Meň kalbymda Güneş bolup,
hemişelik dogan Sen bar.
Meň dünýämde dogan Güne
ýaşma-da ýok, batma-da ýok.
Gursagymda hiç öçmejek,
ýanyp duran Narym barka,
Men gözümi ýumsam,
bolmaz...
Meň içimde birde: «Ters-ters!»,
birde: «Dürs-Dürs!» diýýän ses bar.
Birde kalbym ornunda ýok, birde bolsa...
...ähli ýürek meň içimde urýan ýaly...
Gursagymda sem bolmajak
Ynsap sesi ýaňlanýarka,
Men eştmedik bolsam,
bolmaz...
Her nepesim hamd-u-sena,
zikire, şüküre öwrülýär.
Dileglerim-dogalarym gaýtalanýar,
gaýtalanýar.
Meň kalbymda millionlaryň arzuwlary-arzy barka,
Dymsam,
bolmaz...
Dymsam,
bolmaz...
Laçyn Pürjäýewa
11
27
Paradise
05.06.2024 10:59
Indiden soñ
Biri janygyp ,, Birini garşylygyna söýgi islemezden söýseñ ana şol hakyky söýgi bolýar" diýip, tabyda ýeke mündirilýänini düşündirjek bolýan ekeni maña...
Men seni karzyna söýdüm,
Gitdiñ, köýmedimem sensiz,
Asla dolanmaryn öýdüp,
Kalbymda bir zady kemsiz,
Kemdiñ.
Bir-birege öwrenişip,
Söýgümikä öýdüpdiris,
Yşgyñ ýolunada ýetmän,
Gaty bärden gaýdypdyrys.
Giden günüñ:
Daşarda ýagyş çisñedi,
Ýüregmi ýelpedi tupan,
Gussa beýnimi çişledi,
Pikirlerem akan-dökän,
Sen geldiñ aklyma diñe,
Ýa-da çyn söýgi şolmykan?.
Indi:
Günler adaty geçip dur,
Güneşem, Aýam ýerinde,
Gökde bulutlar göçüp ýör,
Çünki senem ýok serimde.
Senem mensiz oñýan bolsañ,
Zyñman ujypsyz kinäñi,
Menem sensiz oñýan bolsam,
Bu duýga ,,söýgi" diýmäli...
Bu ýollaryñ soñy geler,
Soramaz gitjegiñ, dä:liñ,
Ýok söýmäýin, soñy ýene,
Birözümi äkiderler,
Ýa-da seniñ birözüñi,
Soñ neýlärin?.
Baýram Bejidow
17
42
Paradise
09.05.2024 13:56
ESGER HAKDAKY HAKYKAT
Öňler umyt bilen ýeli hüwdüläp,
Bugdaý pellerinde enem işlärdi.
Üns berilmän giden Gün deý öýkeläp,
Mensiz günleň gapysynda düşlärdi.
Men onuň gözlerde ýaşadyp ýören,
Buşluk habarlardan agtarýanydym,
Onuň hemmelere bagş edip ýören,
Söýgüsiniň ýalňyz arkadagydym.
Watan üçin söýgim baýdak edinip,
Men oňa enemiň yhlasyn berdim,
Şol söýgüden oba bilmedim gelip,
Şol söýgim artdyrdy enemiň derdin.
Ýok, ölüp gitmedim urşuň içinde,
Men enemiň gözýaşynda ýaşadym.
“Watan” diýdim, gökden ýyldyz gaçanda,
Sebäp, söýgüsidim size bagş eden.
Toprak sorup aldy juda köpleri,
Olaryň yzynda galdy dowamat,
Men-taryh döreden urşuň esgeri
Men bir ýaşap ýören janly rowaýat.
Beýik Ýeñişe 79 ýyl....
12
35
Paradise
24.04.2024 23:17
Men seni hemişe öwüp ýörmäýin.
Senem indi artyk begenip ýörme,
Saña tebigylyk gowy gelişýär,
Bezenip ýörme.
Başarsañ-a gowsy näziñem azalt,
Meni senden gowy tanaýanam ýok,
Durmuşy herýana çekeläp ýörler,
Ýukajyk göwnüñe garaýanam ýok.
Dar gursagñy dowul gurşap almasyn,
Güman etme, ynanmagyñ ýeterlik,
Arzuwyñda men dünýäni unutdym,
Öñ mundanam beterdim.
Gün gizlenip tümlük höküm sürende,
Gözýaşyñy kirpikleñden gizleme,
Küýsegiñde gezip ýörün henizem,
Meni daşdan gözleme.
Hyýallam hor çekýär, umydym üzük,
Öñkiler ýaly,
Asmanyñ aýyna guwanamogam,
Seniñ geljegiñe ynanýan, ýöne,
Ynanamogam...
Baýram Bejidow
27
74
Paradise
15.04.2024 11:43
Birden tanyş heň ýaňlandy radioda:
“Aglama, Mahym jan, gitsem, geler men!”
Oňa hiňlenerdi tanyş-bilişler
Hökman, meni görerine mähetdel.
Irkilen deý süýji düýşüň içinde,
Gözüm ýumup, gönügerdim hyýala.
Gadymy dessanda galan köne heň
Özüm üçin ýazylan deý hamana.
Senem hiňleneňde köpüň ugruna
Öňkülerden has-da ünsli diňledim.
“Aglama, Mahym jan, gitsem, geler men!”
Ýöne, nämüçindir, gitdiň, gelmediň.
Eliňden uçursaň arzyly guşuň,
Nepi degmez asla ahmyr-ahlaryň.
Köşeşdi:re Tahyry-da bolmansoň,
Özi aglap, özi diňýär Mahymyň.
...Ýyllar soňra kalbym gozgan köne heň
Giň pursat döretdi ýürek dökmäge.
Oýuňa gelmesin ýazgarýar diýip,
Aýby ýokdur duşan bolsaň “Zöhräňe”.
24
36
Paradise
09.04.2024 12:13
Göwnüm tapmak kyn düşer
Meň göwnümi tapmak saňa kyn düşer,
Ýagyş bolsaň, göwnüm gary höweslär.
Saňa daş zat maňa has ýakyn düşer,
Sen gin bolsaň, göwnüm dary höweslär.
Düşünmeseň goşgularmyň heňine,
Nädip ýetjek,men göwnümiň deňine?!
Sen asuda ýanýaň yşgyň şemiňe,
Meniň göwnüm ataş-nary höweslär...
Gin bolsa-da bu dünýänin çygyry,
Neçun alnymyzda ýyllan ýygyry?!
Erteki sen,
a men göwnüm şygyry...
Hemem akyp ýatan many höweslär...
Kyn düşse-de diýip "Men nä Leýlimi?"
Jahekleýän, saňa bolan meýlimi.
Sen küýsärsiň şol baglaryň seýlini,
Meniň göwnüm belent dagy höweslär...
Ýakynlaşyp bilmän,
bilmän höwrüge,
Diýýäň "Ne kyn, gep düşürmek göwnüňe?!"
Sen gidiber...
ýöne, gelme, öwrülip!
Göwün, meger, ýalňyz çagy höweslär...
Aýgül Garaýewa
28
61
Paradise
27.03.2024 20:04
Saňa
Men saňa şeýle bir Bagt bererin,
Hatda arzuwdanam gözel görüner.
Mähir-yhlasymy nagt bererin,
Söýgim barjasyndan ozal görüner.
Al şapakdan uçgun alan güllerim
boýna orap,
Garşylasam günlerim.
Saýraberse dahan içre dillerim,
Şanyňa goşgular düzen görüner.
Gülden görk alaryn,
Aýdan asyly,
Bahar bolar ömrümiziň pasyly,
Leblerinde gizläp gandu-asaly,
Sözlerinde şerbet süzen görüner.
Seniň adyň bilen dünýämi gurşap,
Men saňa garaşýan
Her säher - her şam,
Togalanyp dursa bu goja ýer şar,
Seni gözläp, älem gezen görüner.
Goý, günler ulaşsyn, güne sepleşip,
Barybir, men gitmen senden çetleşip,
Düýşünde-de seniň bilen gepleşip,
Gijeler ukusyn bozan görüner.
Aýgül Garaýewa
20
51
Paradise
25.03.2024 22:52
BU ÝYL BAHAR NIÇIK GE:RKÄ?!
Bu ýyl bahar niçik ge:rkä?!
Çogup gelermikä bu ýyl?!
Zülplerni örermi, çözlär,
bogup gelermikä bu ýyl?!
Çykdymyka durmuşa ýa?!
(Tebigatyň gurluşy bar).
Gaýtarmaň görme-görşünem
sowup gelermikä bu ýyl?!
Eli çeper, dili çeper.
Şol müşkün-ä hökman seper.
Altyn-kumuş, şaýa-sepe
doňup gelermi-kä bu ýyl?!
Üýtgeşikdir-le, üýtgeşik!
Geler,dünýäni üýtgedip.
Gussany tutup, tüýtmedip,
kowup gelermi-kä bu ýyl?!
Düşürip ýadyna menem,
Söýgi gülün berer, meger...
Şeýdermika, ýa-da ýene,
oňup gelermikä...bu ýyl?!
Aýgül Garaýewa
22
32
