Mowzuklar Karaleva_ » Sahypa 6 » Öwrenmeli App

27.08.2024 06:15

Arheologlar Müsürde miladydan öňki VI asyra degişli gadymy astronomiki obserwatoriýany tapdylar. Obserwatoriýa Kafr eş-Şeýh welaýatynda ýerleşýän Buto ybadathanasynda tapyldy diýip, Müsüriň Milli syýahatçylyk we gadymyýet ministrligine salgylanýan RIA “Nowosti” ýazýar.

Takmynan 850 inedördül metr meýdany tutýan obserwatoriýa şol döwrüň mälim bolan iň iri desgalaryndan biridir.
Desga çig kerpiçden gurlup, diňi we uly zaly öz içine alýan on otagdan ybarat. Onuň içinden Gün sagady, şeýle hem XXVI nesilşalygy döwrüniň çal granitden ýasalan ruhany heýkeli ýaly, amaly-haşam sungatyna degişli zatlar, müsürlileriň gündelik durmuşda we dini däp-dessurlarda ulanan ölçeg gurallarynyň toplumy, faýans we keramika önümleri tapyldy.
Alymlaryň pikirine görä, obserwatoriýa Günüň we ýyldyzlaryň hereketine gözegçilik etmek üçin ulanylan bolmaly. Bilşiňiz ýaly, gadymy müsürliler astronomiýany çuňňur öwrenip, Gün senenamasyny ulanypdyrlar.

Tmcars

23

27.08.2024 00:04

Londonda öýkeniň rak keseline garşy täze sanjym kliniki synaglardan geçirilip başlandy. Barlag London kollejiniň Uniwersitet klinikasynda (UCLH) geçirilýär diýip, guramanyň web sahypasynda habar berilýär.

Waksinanyň ilkinji dozasy keseliň gaýtalanmazlygynyň öňüni almak umydy bilen bu barlaga gatnaşan 67 ýaşly britaniýaly Ýanuş Rasa goýberildi.
Waksina Germaniýanyň BioNTech kompaniýasy tarapyndan işlenip düzüldi we immunitet ulgamyna, sagdyn dokumalara zeper ýetirmezden, rak öýjüklerini tanamaga we ýok etmäge itergi berýän mRNK bejergisinden ybarat. Bu çemeleşme kesel öýjükler bilen birlikde sagdyn öýjükleri-de zaýalaýan adaty himiýa bejergisinden tapawutlanýar.
Şeýle-de, waksina Angliýadaky, ABŞ-daky, Germaniýadaky, Wengriýadaky, Polşadaky, Ispaniýadaky we Türkiýedäki 34 sany barlag meýdançasynda synagdan geçirilýär.
Barlagyň maksady onkologiýa kesellerinden ýogalmagynyň esasy sebäpleriniň biri bolan öýken raky üçin täze täsirli bejergileri tapmakdan ybaratdyr.

Tmcars

21

26.08.2024 20:34

Anjelina Joli Tom Ford Beauty-nyň täze ýüzi boldy diýip, brendiň metbugat relizine salgylanyp, WWD habar berýär.

Ilkinji önüm Tom Ford Runway Lip Color dodak boýagy bolup, onuň kampaniýasyna 49 ýaşly aktrisa gatnaşdy. Bu önüm sentýabr aýynda satuwa çykarylar.
Tom Ford-yň baş müdiri Giýom Jeseliň aýtmagyna görä, Joliniň saýlanmagy onuň dünýä derejesinde tanalmagy we dürli nesiller üçin özüne çekijiligi bilen baglanyşykly.
Meşhur fotoduet Mert Alas bilen Markus Piggot tarapyndan düşürilen mahabat kampaniýasynda Joli "ajaýyp" diýip atlandyran Scarlet Rouge reňk öwüşginini görkezýär.
Täze Tom Ford Runway Lip Color hatary 18 sany reňk öwüşginini öz içine alar, şolardan 10-usy firma, 8-isi täze reňk. Şeýle-de, dodak üçin Runway Lip Pencils galamlary täzelener.
Sentýabr aýynda mahabat kampaniýasynyň täze suratlary, oktýabr aýynda bolsa Joliniň gatnaşmagynda doly derejeli mahabat wideosy çykar.
Bu Anjelina Joliniň kosmetika brendiniň ýüzi hökmünde ilkinji tejribesi däl. Ol 2006-2008-nji ýyllarda Shiseido-ny, 2017-nji ýylda Guerlain-i hödürledi, 2011-nji ýylda bolsa Louis Vuitton bilen 10 mln dollarlyk şertnama baglaşdy

Tmcars

81

26.08.2024 07:58

Abu-Dabidäki Nýu-Ýork uniwersitetiniň Astrofizika we kosmos ylymlary merkeziniň hem-de Gresiýanyň Patras uniwersitetiniň barlagçylary astronawtlary Marsdaky radiasiýadan netijeli gorap biljek materiallary kesgitlediler.

The European Physical Journal Plus-da neşir edilen barlagda alymlar kosmiki radiasiýa şertlerinde dürli materiallara baha bermek üçin kompýuter simulýasiýalaryny ulandylar.
Olaryň iň netijelisi plastik we rezin düzümli birleşmeler, şeýle hem Mars regoliti bolup çykdy. Bu materiallar Gyzyl Planetada uzak möhletli missiýalaryň howpsuzlygyny ýokarlandyrjak, ýaşamak üçin goragly gurşawlar we skafandrlar üçin esas bolup biler. Goşmaça barlag kosmos tehnologiýasynda giňden ulanylýan alýuminiň beýleki pes atom sanly materiallar bilen birleşdirilende peýdaly boljakdygyny görkezdi.

“Bu astronawtlaryň howpsuzlygyny ýokarlandyrar we Marsa uzak möhletli missiýalary amala aşyrmagy hakykata hasam golaýlaşdyrar. Bu adamyň kosmosy özleşdirmeginiň geljegini we Marsda adamlar üçin bazanyň döredilmegini, şol sanda BAE-nyň “Mars 2117” taslamasyny we 2117-nji ýyla çenli Marsda şäher döretmek maksadyny goldaýar" – diýip, barlagyň awtorlarynyň biri Dimitr Atri belledi.

Tmcars

46

25.08.2024 13:33

Fergana jülgesiniň demirgazyk böleginde, Taşkumyr şäheriniň golaýyndaky Balabansaýyň paleontologiki formasiýasynda nemes alymlary ýyrtyjy dinozawrlaryň ozal näbelli görnüşleriniň galyndylaryny tapdylar.

Alpkarakush kyrgyzicus diýlip atlandyrylýan bu görnüş, takmynan, 165-161 million ýyl ozal Ýura döwrüniň Kelloweý ýarusynda ýaşapdyr. Dinozawryň bedeniniň uzynlygy 7–8 metre ýetipdir we, megerem, kellesinde şahy bolan bolsa gerek.
Görnüşiň ady gyrgyzlaryň “Manas” eposyndaky äpet mifiki guş bolan “Alp-karakuşyň” (sözme-söz terjimesi - gahryman gara guş) hormatyna dakyldy.
Alpkarakush kyrgyzicus tirannozawrlar we allozawrlar bilen garyndaş ýyrtyjy dinozawrlar topary bolan metriakantozawridlere degişlidir. Bu açyşdan ozal metriakanthozawridiň galyndylary diňe Merkezi Ýewropada we Gündogar Aziýada tapylypdy.
Bu dinozawrlaryň süri bolup ýaşandygyny görkezýän iki dinozawryň – uly, ýaş we çaga dinozawryň skeletiniň bölekleriniň tapylmagy gyzykly açyş boldy. Täze görnüşiň beýany Zoological Journal of the Linnean Society žurnalynda çap edildi.
Häzirki wagta çenli metriakantozawridleriň galyndylarynyň Merkezi Ýewropada we Gündogar Aziýada tapylandygy bellenýär. Alpkarakuşi galyndylary Merkezi Aziýada tapylan, ýura döwrüniň iri ýyrtyjy dinozawrlarynyň ilkinji wekili boldy.

Tmcars

24

25.08.2024 09:17

"Üstünligiň syry
jübimizdäki pulda däl.

ýüregimizde bolan ynamymyzdadyr."

40

24.08.2024 18:09

Kanadanyň Lucara Diamond kompaniýasy Botswanadaky Karowe käninde 2492 karat agramly almaz tapdy. Bu soňky 120 ýylda tapylan iň uly we häzire çenli tapylan ikinji iň uly almaz diýip, Bloomberg habar berýär.

Bu almaz ululygy boýunça diňe Cullinan almazyndan (“Afrikanyň ýyldyzy” hökmünde hem belli) yza galýar. Onuň agramy 3106 karata deň. Almaz 1905-nji ýylyň 26-njy ýanwarynda Günorta Afrikadaky “Premýer” şahtasynda tapyldy we tapylmadyk örän uly oktaedr kristalyň bir bölegi bolmagy ahmal. Daş magdanyň eýesi Tomas Kullinanyň hormatyna atlandyryldy.
Karowe käni özüniň uly almazlary bilen bellidir. 2015-nji ýylda Lucara bu ýerde 1109 karat agramly Lesedi La Rona almazyny tapdy. Soň ol 53 mln dollara satyldy. Karowe şahtalarynda rekord 63 mln dollara satylan 813 karat agramly almaz hem tapyldy. Bu daşlaryň ikisi-de IIa görnüşe degişli – bu iň arassa almazlar.

Tmcars

117

24.08.2024 10:25

Cloudflare-iň wise-prezidenti Roki Robinetiň 8 ýaşly gyzy bary-ýogy ikinji programmirleme sapagynda 45 minutda çatbot döretdi. Bu barada Robinetiň özi aýdyp berdi diýip, IXBT habar berýär.

Gyzjagaz redaktor we Cursor emeli aň kömekçisini, şeýle hem Cloudflare-iň Workers AI platformasyny ulanyp täsirli netijeleri gazandy.
Bu waka hatda täze başlanlara-da programmirlemegi öwretmekde emeli aňyň güýjüni görkezýär.
Gyzjagazyň wideosy X ulanyjylaryndan joşgunly teswirleri aldy. Ulanyjylar, tejribesi bolmadyk 8 ýaşly gyzjagaz muny başaran bolsa, her kimiň hem edip biljekdigini belläp geçdiler.

Tmcars

29

23.08.2024 19:44

Ýer togalagynyň iň garry ýaşaýjysy diýlip ykrar edilen Mariýa Branýas Morera Ispaniýada 117 ýaşynda aradan çykdy. Moreranyň maşgalasy onuň ýogalandygyny X sosial ulgamynda habar berdi diýip, Daily Mail neşiri ýazýar.

Ol ömrüniň soňky 20 ýylyny garrylar öýünde ýaşamak bilen, ukudaka aradan çykdy.

“Wagty geldi. Aglamaň, men gözýaşy halamok. Öňi bilen aýtjak zadym, meniň üçin gyýylmaň " – diýip, ol özmeziniň öň ýany sargady.

Morera 1907-nji ýylyň 4-nji martynda ABŞ-nyň San-Fransisko şäherinde dünýä indi, ýöne 1915-nji ýylda maşgalasy bilen Kataloniýa göçdi we ömrüniň ahyryna çenli şol ýerde ýaşady. Ol uzak ömründe ispan dümewiniň epidemiýasyny we Ispaniýadaky raýat urşuny gördi. 1976-njy ýylda Mariýa Branýas dul galyp, çagalaryndan birini hem ýitirdi.
2023-nji ýylyň ýanwar aýynda uzak ýaşly zenan Ginnesiň rekordlar kitabyna dünýäniň iň garry adamy hökmünde girizildi. Ondan öň rekord eýesi 118 ýaşynda aradan çykan fransuz monah zenany Lýusil Randondy.
Morera ýogalandan soň, Ýer ýüzündäki iň garry adam tituly şu ýyl 116 ýaşyny dolduran ýapon zenany Tomiko Itooka berildi.

Tmcars

49

23.08.2024 14:40

Google kompaniýasy neýroulgam tehnologiýalarynyň ulanylmagy bilen Gmail-iň funksionalynyň giňelendigini mälim etdi. Bu barada PhoneArena habar berýär.

Polish diýlip atlandyrylan täze funksiýada ulanyjylar öz elektron hatlarynyň hilini ýokarlandyryp bilerler. Ol hem web-wersiýada, hem ykjam Android we iOS gurluşlarynda elýeterlidir.
Polish funksiýasy üç stilistik mümkinçiligi öz içine alýar: Formalize, Elaborate we Shorten. Olar teksti dürli formatlarda döretmäge kömek edýär. Bu funksiýany ulanmak üçin hatyň garalamasyny açyp, “Maňa ýazmaga kömek et” nyşanjygyny saýlamak ýeterlik.
Häzirki wagtda täzelik Gemini Business we Enterprise, Gemini Education we Education Premium goşundylary bolan Google Workspace-iň eýelerine, şeýle-de Google One AI Premium ulanyjylaryna elýeterlidir.
Polish funksiýasy öňünden gurnalan görnüşde işjeňleşdirilen bolup, ony öçürmek mümkin däl.

Çesme.tmcars

15