Islam_Atayew
09.09.2024 22:28
Özüme gelendirin öýdüpdim. Al kakmyş, henizem huşumda däl ekenim.
***
Men dogrymy aýtdym. Seniň maña ynanmaýanlygyň, meniň ýalançydygymy añladanok!
***
Her gül her bagda gögerýän däldir. Şonuñ üçin öz bagyňyzda düýp tutaýjak güli saýlawerin, hormatly bagbanlar!
***
Ynsan oglunyň iň ýakyn dostudyr-ýalňyzlyk! Ýalñyz wagtymyz hemişe ýanymyzdadyr!
***
Ölümden gorkma dostum, ol bu dünýädäki ýeketäk hakykat ahyry!
***
Iki sany ýakyn dostuň bir-birine diýýän sözi: "Men seni tanamok ekenim".
***
Ynsan ogly biz! Adamlaryň bir ýalñyşy üçin onuň ähli dogrularyny ýok edip bilýäris!
***
Biziň diýenimiz däl, durmuşyň diýeni bolar. Sebäbi ol bizden has egoist.
***
Seni bagtly edip bilmedik bolsa, başgasy bilenem bagtly bolup bilmez. Häsiýet üýtgeýän däldir, dostum!
***
Ol hiç kitap okamady, yöne nämüçindir ýazyjylary tankyt edýär.
***
Ol öldi, ýöne hiç kim gelmedi. Molla geñirgenip:
-Näme üçin hiç kim ýok? Nähili adamdy?
Aýaly seslendi:
-Süýthordy.
Jynaza okaljak ýerde obanyň ykmanda itleri süňk gemirip ýatyrdy.
***
Agyr ýatan hassanyň ýanynda iki nätanyş küşt oýnap otyr. Özara gürrüñem oýun bilen bile gyzgalańly dowam edip dur.
-Aýtsana gardaş, näme üçin adamlar meni ýigrenip, seni gowy görýärler?
-Ýönekeý, men süýji sözli ýalan, sen bolsa olara hakykaty görkezýärsiň. Dostuñ ýoklugyndan biliber-dä.
-Hm-m-m, goý onda bu gezegem hakykat ýeňsin, küşt!
Agyr hassa öldi. Ölüm ýene bir gezek özüniň hakykatdygyny subut etdi. Durmuş bolsa: "Men näçe ýalanam bolsam adamlar meni söýmegini dowam eder" diýdi-de öz ýanyndan begenip, başga bir süýthoryň gözlegine çykdy.
Aýsapar Emelowa
13
92
Islam_Atayew
08.09.2024 10:49
Ol gämi uludy, taryp ederden,
Obada bäs gelip biljek göwrümde.
Şondan-da ulurak söýgi döräpdi,
Amerika barýan gaýgyñ böwründe.
Gyz oglansyz asla oñup bilenok,
Ýigidem o ýarsyz edenok takat.
Aşyk magşuklara buýsanýan ýaly,
Titanik ýüzýärdi, deñizde rahat.
Rahatlyk pozuldy, deşildi gämi,
Edilen arzuwlar sönüp başlady.
Ilki bagta, soñ ajala öwrülen,
Gämi köpler bilen çümüp başlady.
Ýigit halas etdi,
Gyzy,
Söýgüsin,
Özüniñ kysmatyn düýpden unudyp.
Beýik Titanigi ýuwudan deñiz,
Başarmady çyn söýgini ýuwudyp.
14
96
Islam_Atayew
07.09.2024 23:53
1. Towşana "Jynlaryň gorkusy" diýýärler. Sebäbi jynlar towşanyñ ýanyna gelip bilmeýärlermiş.
2.Kirpi-de, samyr-da, eger, özlerini kepjebaş çakaýsa, timýan otuny iýmek bilen sagalýarlar.
3.Delfinler deňizde gark bolanlary halas edÿärler. Delfin gark bolanyň ýanyna gelýär, ol hem elini onun arkasyna goýýar. Onuň özüne daýanmagyna, özünden ýapyşmagyna kömek edýär, özi bolsa ýanyndan ýüzüp gidýär. Ýunus pygamberi ýuwdan balyk hem delfindir, şonuň üçin oña «Ýunus balygy» hem diýilýär.
4. Iñ köp tohum taşlaýan jandar balykdyr, soň çekirtge, soň içýan.
5.Balyk öz ýumurtgasyny iýmeýär, çagasyny ulaltmaýar, emdirmeýär. Allatagala şonuň üçin onuñ zürýadyny köp edipdir. Ol kepderi ýaly çagasyny idemeýär we ulaltmaýar.
6.Kepderi ýylda diñe iki sany ýumurtga guzlaýar. Alla onuň neslini az edipdir. Towuk bolsa jüýjesini ulaldýar, soň idemeýär. Alla onuň ýumurtgasyny we jüýjesini köp edipdir.
7.Ýylan otuz ýumurtga guzlaýar. Onuň otuz gapyrgasy bar, şonuň üçinem onuň oňurgasy güýçlüdir. Bu ajaýyp işleri ýerli ýerine goýan Alla ähli kemçiliklerden päkdir. Bu hikmetleri ýaradan Alla nähili parasatlydyr.
8. Pişige "ýolbarsyň asgyrmagy" diýýärler. Sebäbi, syçan Nuh alaýhyssalamyň gämisini gemrip başlanda, Allatagala ýolbarsyň asgyrmagyndan pişigi çykarypdyr. Ol hem syçany ýok edipdir.
Çeşme: Mahmyt Zamahşary "Ýagşyzadalaryň bahary".
20
125
Islam_Atayew
07.09.2024 16:04
Bu waka Oklahoma Sitiniň güneşli günleriniň birinde bolupdy. Meniň dostum buýsanjaň
ata Bobbi Lýuis öz iki ogluny mini-golf oýnamaga alyp gidipdir. Ol petek satyja ýüzlenip:
–Petek näçeden?
–Siziň üçin üç dollar, üç dollar hem alty ýaşdan uly çagalar üçin. Alty ýaşly we ondan kiçileri mugt goýberýäris.
Size näçesi gerek?–diýip, ýaş ýigit sorapdyr.
Bobbi:
–Biri üç ýaşynda, ikinjisi ýedi ýaşynda, diýmek, men saňa alty dollar bermeli.
Petek satýan ýigit gyzyklanyp:
–Meni diňle,ser! Sen näme täzelikde baýadyňmy? Sen üç dollar tygşytlap biljekdiň ahyryn. Sen maňa ulym hem alty ýaşynda diýen bolsaň, men aňmazdym ahyryn.
–Hawa, şeýle hem bolup bilerdi, ýöne çagalar aňardylar-a–diýip, Bobbi jogap beripdir.
Netije: her hili ýagdaýlarda hem töweregiňizdäkilere oňat nusga görkeziň.
Hekaýalar ýygyndysy.
14
77
Islam_Atayew
07.09.2024 01:05
Belli nemes şahyry Moris Zafır (1795-1858) edebiýaty öwrenijileriñ biri bilen mazaly jedelleşipdir.
"Siz diñe pul üçin ýazýarsyñyz!" diýip, edebiýaty öwreniji şahyra teýenesini atypdyr.
- Men bolsam, wyždan, at-abraý üçin galam İşledýän.
- Gaty dogry aýdýaň! diýip, şahyr bada-bat onuñkyny tassyklapdyr. Ikimizem özümizde ýok zatlar üçin ýazýas-da!
***
Bir oturyşykda iki sany ýuwan ýigit Wolteriñ üstünden gülmek maksady bilen oña şeýle sowal beripdir:
- Hormatly ýazyjy, "Bize suw beriñ" diýip gürleseñ dürsmi ýa-da "Bize suw getiriñ!" diýip gürleseň dürs?
"Siziñ üçin bularyñ hiç haýsysam gabat gelenok" diýip, Wolter olara jogap beripdir. "Bizi suwa ýakmaga güzere äkidiň!" diýseñiz siziñ häsiýetiñize has laýyk gelerdi!
***
Kazy aýyplanýana ýüzlenýär.
Özüñizi aklajak bolup edýän pyrryldaklaryňyzy bes ediñ! Sizi ogurlygyň üstünde gören on sany şaýady gaşyñyzda dikip biljek.
- Weý, muñ aýdýanyny diýip, aýyplanýan dillenipdir. Beý diýjek bolsañyz meni ogurlygymyň üstünde görmedik şaýatlaryň onusyny-ha däl, eýsem, ýüzüsini-de siziñ gaşyñyzda dikip biljek.
***
Eý, sen näme üçin egin-eşikleriň bilen suwa düşüp ýörsün?
- Şeýtmek bilen men olary ýuwýan.
- Näme, kir ýuwýan maşynyň ýokmy? Bar welin, oña girsem başym aýlanýar.
***
Bir obada toý bolýar. Bagşy getirilýär. Bagşy ilkinji aýdymyny "Köne güzerden" başlapdyr. Şol wagtam goñşy obadan gelen bir ýigit ýerinden turup, gitmekçi bolýar. Oña:
- Otur, halypa, aýdym ýañy başlady ahyryn- diýişýärler.
Ol köwşüni geýip durşuna:
- Bagşy şu sesi bilen aýdymyny dowam etse, ýene iki aýdymdan soñ sesi obamyza ýeter. Men ony öz öýümizde oturyp diňläýjek - diýipdir.
***
Erkek kişi bilen düýäniň arasynda näme tapawut bar?
- Düýe bir hepdeläp içmän işläp bilýä.
- Adam näme?
- Adam bir hepdeläp işlemän içip bilyä.
***
Çaýhanada bir ýigit hiç kime gezek bermän öwinipdir.
Birini-hä kelläm bilen süsüp ýykdym, ýene biriniñ ýakasyndan tutup urdym, siltäp urdum...
Edil şol wagtam ukudan oýanansyň-ow! - diýip, Ependi onuñ sözüni bölipdir.
***
Ýigit gyza sowgat bermekçi bolýar.
- Ezizim! Sen haýsy güli halaýañ?!
- Günebakary.
-O, näme üçin?
-Onuñ çigidini çigitläp bolýar.
***
- Sen öýüñde gaplaň saklaýarsyn diýýärler. Şol çynmy?
- Hawa! Ýöne, ol şumat atasy öýüne gitdi.
Internet maglumatlary esasynda taýýarlandy.
18
183
Islam_Atayew
06.09.2024 18:41
Goşar sagadyny çep ele dakynmak biz üçin adaty ýagdaýlaryň biridir. Bu ýagdaý bize endik bolup galandygy sebäpli munuň näme üçin beýledigi barada pikir etmedik bolsak gerek.
Adamlaryň aglaba bölegi goşar sagatlaryny çep eline dakynsalar, käbir adamlar, esasan hem, zenanlar sagady sag eline dakynmagy makul bilýärler. Taryhy maglumatlara nazar aýlasak, XX asyryň başlarynda ilki jübi sagatlary peýda bolup, olary ilki erkekler ulanypdyr. Olar häzirki döwrüň goşar
sagatlaryndan has uly bolup, ýörite tikilen torbalarda saklanylypdyr. Jübi sagatlarynyň
daşky ýüzi köp döwlegen bolandygy we sagadyň hronometrlerini zeper ýetmekden goramak maksady bilen sagatlary has az iş edilýän çep ele dakynylmagy makul bilnipdir. Ýagny, sagadyň çep ele dakylmagy, oňa belli
bir derejede zyýan ýetmeginiň öňüni almakdan ybarat bolupdyr. Çep el azrak iş bilen meşgul bolup, sagady döwülmekden gorap saklapdyr. Wagtyň geçmegi bilen goşar sagady iň gerekli enjamlaryň birine öwrülýär. Sagadyň çep ele dakynylmagynyň ýene bir sebäbi ýer ýüzünde sag elinde ýazýan adam laryň çepbekeýlere garanyňda has köp bolma gy bilen baglydyr. Goşar sagatlary ilat arasynda has meşhurlyga eýe bolansoň, olary çep ele dakynmak has oňaýly bolupdyr. Aslynda, ony haýsy eliňe dakanyň tapawudy ýok.
Telefonlaryň peýda bolan ilkinji ýyllarynda goşar sagadyny ulanýanlar birneme azalan hem bolsa, soňlugy bilen artyp başlady. Ony bezeg hökmünde dakynýan hem az däl. Şeýle hem soňky ýyllarda smartfon bilen sazlaşykly işleýän, jaň edip, SMS leriňi okap bolýan, äden ädimleriňi sanaýan sagatlaryň
peýda bolmagy bilen bu enjamlaryň ulanylyşy has hem artdy.
Zaman.Turkmenistan.
16
66
