Şol gün sähel zada göwnüñe degdim,
Etmişim ýüregmi bir ýandan gäder.
Gözüñe ýaş aýlap başyñy egdiñ
Men ötünç sorasam, ýaraşsak näder !?

Ganymda bar gabanjañlyk nädeýin,
Birahat men, bezeýänçäñ tä öýüm,
Täleýime ýazylyp señ täleýiñ,
Bile bir ykbala çolaşsak näder !?

Aşyk gülüm seniñ hoşamaýlygña,
Rugsat bermen ýyldyz kimin gaýmagña,
Bu durmuşyñ soñsuz başagaýlygna,
El berip bileje göreşsek näder !?


Şanazar Hydyrow