Islam_Atayew
04.06.2024 16:16
Saña nädip dúşünmeli, eý dünýe!
Adamlary ne günlere saldyň sen.
Adamlygyn unutdyryp adamyň,
Arkasyndan hezil edip, güldüň sen.
Indi namys-arly käbir ýigitler,
Kagyz pula satdy namys-aryny.
Agzy tagam tapsa başga söýgiden,
Orta ýolda, taşlap gider ýaryny.
Ýagşylyk etmekden gorkmaly boldy,
Nätanyş adama, gözüň bakmasyn.
Käbir çäresize kömek edäýseň,
Gaýta töhmet atar, Hudaý saklasyn.
Dost diýeniň ýagyrnyňdan urup dur,
Sylag-hormat pula döndi, pul boldy.
Saňa nädip düşünmeli, eý dünýe!
Adam ogly, öz nebsine gul boldy.
Kuwwat Ýazmuhammedow
21
53
Islam_Atayew
04.06.2024 00:18
📌TÄSIN REKORD
Ajaýyp «rekordlaryň» birisi otuz ýyl mundan ozal ABŞ-da goýlupdyr we şu güne çenli oňa hiç kim üns bermändir. Gürrüň aşgazanyndan 258 predmet alnan bir erkek
kişi barada gidýär. Şol predmetleriň 88-si teňňe, 39-sy dyrnak gyrar yaly ige, 26-sy açar, galanlary bolsa başga dürli predmetler bu barada «Mlady swet» (ÇSFSR) žurnaly ýazýar.
📌GOÝUN KELLELI GÖMÜLGEN
Şeýle ýylany Başgyrdystanda Şaripowa obasynyň golaýyndaky kölde gözi bilen görenler bar. Özem ony görenler onlarça. Adamlaryň birine, hatda, onuň suratyny almagam başardypdyr. Gömülgeniň ýogynlygy ep-eslije bar, onuň derisiniň,
reňkem ýaşyl uzynlygam 6-7 metre ýetýär. Ol hemişe diýen ýaly kellesini gaty dik ýokaryk göterip ýüzýär. Adaty ýylanlar häzir gyş ukusyna gitdiler. Oňa welin kölüň kenarynda gabat gelinýän wagty bar. Bu ýeriniň adamlary uly ýylanlary indi görmeli del. Olar uly ýylanlary göre-göre gelýärler. Ýöne şeýle kelleli uly kelleli ýylany hiç wagt görmändirler.
📌GORKY BEJERDI
Ren atly fransuz şäherinden bolan Jak-Mozes Sowini entek üç ýaşyndaka güýçli gök gümmürdisinden gorkupdy. Şol günden başlap oglanjyk gürläp bilmesini goýupdy. Wraçlaryň kömek etjek bolup eden ähli synanyşyklary şowsuz tamamlandy. On bäş ýaşyna ýetende ol bir gezek şäheriň golaýynda ýerleşýän obanyň töweregindäki tokaýda gezelenç edip ýördi. Duýdansyz ýerden onuň üstüne ygyşyp ýören itleriň bir sürüsi topuldy. Olar üýrüşip hem-de dişlerini gyjaşyp, oglanjygyň üstüne hüjüm etdiler. Ol gorkusyndan golaýdaky daragta tarap ylgady. Bu daragt ullakan dub bolup çykdy. Ýokaryk dyrmaşdy. Itler agajyň daşyny gurşap alyp, dişleri bilen oňa ýetäýjek bolýardylar. Jak welin barha ýokaryk dyrmaşýardy. Iki sagat töweregi wagtdan soň itler gitdiler. Oglanjyk daragtdan syrylyp düşdi. Ine, şonda ol özüniň gürläp bilýändigini aňyp galdy. Öýe gelip, ol ene-atasyna bolan waka hakda jikme-jik gürrüň bermegi başardy.
📌OT DAGY NÄMEJIK?
Günorta afrikaly Sarel fon Feýpig otdan gorkýan adam däl. Ol közleri eline almak boýunça dünýä çempiony. 25 ýaşly S. fon Feýpig arada öz rekordyny täzeledi. Ol şonda elini oduň içine sokup, 300 gezek gysymynda gysyp köz çykardy. Bu adam özüniň oda çydamlydygyny mundan alty ýyl
öň bildi, ol şonda oda gaçan eti eli bilen almaly bolupdy. Şeýlelikde-de 1990-njy ýylda 174 gezek, soňam 270 gezek elini oda sokup, rekord goýup ugrapdy. Otdan gorkmaýan bu ýigit tomaşa görkezip gazanýan ähli pularyny Günorta Afrikanyň kömege mätäç çagalarynyň fonduna geçirýär.
dowamy bar.
32
137
Islam_Atayew
03.06.2024 02:11
Adamçylyk gutarypdyr diýdiler,
Adam bolsaň, seň üstüňden kim gülsin.
Köp adama kömek edip, yzyndan,
Ýamanlyk baryny gördük sag bolsun.
Ýene biri çykyp söýgi ýok diýdi,
Her ýerde şeýleräk ýüreksizler bar.
Söýgiň ýok ýerinde, ýaşaýyş ýokdur,
Söýgiň saýasynda durandyr ýer şar.
Biri adamlara ynam ýok diýdi,
Hamala özi bir duran perişde.
Günäni özünden gözlemez hiç kim,
Her kim saňa görä bolar durmuşda.
Dünýe ýalan, biziň barlygymyz çyn,
Gürleýän zatlaryň anykmy biliň.
Hemem bar zatlara ýok diýip ýörmän,
Azajyk durmuşa düşünjek boluň!
Kuwwat Ýazmuhammedow
28
97
Islam_Atayew
02.06.2024 22:58
📌ADATY BOLMADYK AWTOMOBIL
Amerikanyň «Ultra limuzin» firmasy adaty bolmadyk awtomobili ýasady. Onuň uzynlygy 28 metr. Maşynyň içinde ullakan ekranly telewizor, balyk üçin 249 litrlik
akwarium, uly bolmadyk ýüzüş basseýni, hatda kriket oýny üçin 6 metrlik ýodajyk hem bar. Awtomobile 35 adam ýerleşýär, bahasy 35 million dollar. Şunça puluňyz ýok bolsa, gynanyp oturmaň. Bu awtomobili her gününe «bary-ýogy» 10 müň dollar töleseň, prokata alyp bilersiň.
📌AZERBAÝJANDAKY ÝEKE GÖZLI DÖW
Bakuwyň geň hadysalar klubunyň başlygy Ali Ahberdiýewiň Bakuwyň «ASSA-IRADA» agentliginiň habarçysynyñ gürrüň bermegine görä soňky döwürde
adamlar geň jandarlara gabat gelip ugrapdyrlar. Kaspiniň ýokary harby uçilişesiniň kursantlarynyň bir topary Baku zeýtunlyk jülgesinde durşuna garamtyl- goňur tüý bolup duran, nar pisint, ýeke gyzyl gözli mähnet jandara gabat gelipdir. Görlüp oturylsa, adamlar şeýle jandarlara Apşeronda öňem duş gelen ekenler. Apşeron ýarym adasyndaky Kýurdahan
obasynda ýaşaýan adamlar 1989-njy ýylyň gyşynda ädimi adamyňkydan dört esse uly, özem ylgap ýören bir zady görüpdirler. Bakuwyñ metropoliteniniň awtomehanigi Şamil Aliýew ýeke gözli döwe baryp 1989-njy ýylyň fewralynda metronyň «Depo» stansiýasynyň ýanynda gabat gelipdir. Bakuwyň geň hadysalar klubunyň
işgärleri şeýle geň zatlar hakda habar bermeklerini ýarym adanyň ilatyndan haýyş etdiler.
📌 73 ÝYL BÄRI... UKUDA
Bu waka barada uly gürrüňleriň başlanmagyna 73 ýyl mundan ozal aradan çykan Rozaliýa atly 2 ýaşly gyzjagazyň beýnisiniň işjeňlik görkezip başlamagy
sebäp boldy. Kellesi sary bantly, goňur kepene çolanyp, aradan çykaly bäri esli wagt geçen-de bolsa oňat saklanyp ýatan kiçijik Rozaliýa medisina dünýäsine sarsgyn saldy. 1918-nji ýylda, 2 ýaşyndaka öýken sowuklamasyndan aradan çykdy. Bu betbagtçylyga, gyzjagazlaryndan aýra düşmäge ýürekleri çydam etmedik ata-ene gyzlaryna adamyň bedenini garratmaýan iňňe sançdyrýarlar. Soňra gyzjagazyň
jesedini, özleri islän wagty görüp bilerler ýaly, aýna gapakly tabyda salyp, Sisiliýadaky Palermo şäherinde ýerleşýän kiçijik ybadathanada saklaýarlar. Çaganyň bedeniniň şeýle gowy saklanyşyna alymlaryň özleri-de haýran galýar. Rozaliýanyň saçlary hem 73 ýyl mundan öňki durkuny ýitirmändir. Palermo şäherindäki bu ybadathanajyga gelýänler 30 ýyl mundan öň kiçijik gyzjagazyň bedeninden lawandanyň ysynyň gelýändigi hakda gürrüň edip başlapdyrlar. Bir gezek, ybadathana gelen orta ýaşlaryndaky erkek kişi tabytda ýatan gyzjagazyň sähel wagtlyk gözlerini açyp-ýumandygyny aýdandan soň, jaý süpürijiler bu yeri syryp-süpürmekden boýun
gaçyrypdyrlar. Hudaýa çokunmak üçin bu ýere gelýänleriň käbiri bolsa «gyzjagaz taňrynyň emri bilen dem alýar» diýip,
gürrüň ýaýradypdyrlar. Gyzjagazda dirilik alamatlarynyň bardygy baradaky habar kiçijik ybadathanajyga köp sanly zyýaratçylaryň çozup gelmegine sebäp bolupdyr. Bu yere gelen alymlar topary üýtgeşik netijä garaşmandylar. Ýöne kompýuterli barlag apparaty Rozaliýanyň beýnisinde örän gowşak elektron
impulslaryň bardygyny görkezdi. Şeýle impulslary bolsa diňe diri adamyň beýnisi berip bilýär. Beýniniň işjeňliginiň dowamlylygy bir gezek 33 sekunta, ýene
bir gezek bolsa 12 sekunta ýetdi. Gyzjagaz uklap ýatan ýagdaýynda onuň beýnisiniň işjeňligi şeýle häsiýetleri bererdi.
- Medisina dünýäsi adam beýnisiniň syrlaryny diňe ýaňy açmaga başlady-diýip, britan alymy Dewid Jekson aýtdy.
Medisina işgärleriniň topary Öz gözegçiliklerini dowam edýär.
dowamy bar.
26
120