Tükedip takatdyr, sabryñ,
Dünýe käte içiñ ýakar.
Bu gün bolmasa-da bir gün,
Ykbal hökman gülüp bakar.

Gözläp tapmadyk nesibäñ
Özi gelip seni tapar.
" Men asla ynanamok " diýmäñ,
Ykbal hökman gülüp bakar.

Agyr oýlarda azaşyp,
Käte göwne gussa çöker.
Belki garaşsak azajyk
Ykbal hökman gülüp bakar.

Öñden belli irde - giçde
Sabryň ýoly bagta çykar.
Düzelerde ähli işler,
Ykbal hökman gülüp bakar.

Şanazar Hydyrow