Islam_Atayew
08.08.2024 12:14
Büzmeýinde Hojamyrat aga diýip biri ýaşapdyr. Onun başdan geçirenleriniň käbirlerini size hödürleýäris.
OBAMYZDA DEREK ÝOK!
1 gezek Hojamyrat aga kişmiş satmak üçin bazara barýar. Onsaň alyjy gelip "Kişmişiň bahasy näçeden?" diýmegiň ýerine:"Kişmişiñ nämeden?" diýýär.
-Kişmişim üzümden.
-Men ony soramok, kilosy nämeden diýýän?
-Kilosy demirden, inim.
-Alaýt ýaşuly, sen-ä tüýs bir dereksiz adam ekeniń!
-Inim, derek diñe bizde däl, obamyzda-da
ýok. Pylan agalarda biri bardy welin, onam düýn-öňňun ýykyp aýyrdylar - diýende alyjy görgüli hüññürdäp, Hojamyrat aganyň ýanyndan ýeňsesini el ýaly edipdir.
EKLEMELI ORSUMYZ KÖP!
1 gezek Hojamyrat agany göreldeli kolhozçy
hökmünde Moskwa iberipdirler. Hojamyrat agany Moskwanyň beýik-beýik jaýlary, maşynlaryň sil suwy ýaly akyp durşy haýrana goýupdyr. Emma, ony has haýran galdyran zat adamlaryň köplügi bolupdyr. Oba gaýdyp gelensoň obadaşlary:
"-Hojamyrat aga, iýen-içenin özüňki, gören- eşdenlerinden habar ber" - diýipdirler.
Hojamyrat aga:
"- Aý, adamlar, gürledip nätjekdiňiz, arkaýyn işläberiň. Öň bir guşak dakynyp işleýän bolsańyz, indi iki guşak dakynyp işläň. Biziň eklemeli orsymyz gaty köp eken" diýipdir.
ENEÑ BARMY?
1 gezek Hojamyrat aga Köwata gidýär. Şol ýerde-de çaý gaýnadylmak üçin çöpleme çöpläp ýörkä, keýpi damagyny çalyp barýan ýigitleriň birisi:
"- Şunuň ýaly ataň bolaŷsa, çöpleme çöpleder ýaly" díýýär. Muny eşidip duran Hojamyrat aga:
" - Ogul, onyň-a gürrüñini etme, eneň bar bolsa ata bolup beräýerin" diýipdir.
WAGON SANAMAŞAK.
1 gezek demirýolyň gyrasynda mal bakyp ýören Hojamyrat geçip barýan otlynyň wagonlaryny sanamaga başlaýar: -1, 2, 3, 4, 5, 6.....
Hojamyrat aga mallaryny ýatdan çykarýar.
Haçanda otly geçensoň, görse, geçileriniň biri otlynyň aşagyna düşen eken. Muny gören Hojamyrat aga: " - Wahh, wagon sanamak nämäñe gerek diýse-ne. Ýeri şolaryň biri kem bolsa dakyp biljekmi? Ýa-da biri artyk bolsa alyp galyp biljekmi?... Ondan-a geziberd-ä mallaryňy bakyp" diýip, öz-özüne igenmäge durupdyr.
26
214
Islam_Atayew
08.08.2024 00:01
Soraglar kyn däl, pikirleniñ!
1.Aslynda adam bedeninde bir ýürek
bolýar, ýöne kä wagt, käbir adamlarda ýürek iki bolýar, olar kimler?
2.Dyz bogunlary 4-sany bolan ýeketäk
süýtemdiriji haýwan, haýsy?
3.Edil bir paýtagt şäheriñ içinde başga
bir döwlet ýerleşen, şol haýsy şäher we döwlet?
4.Bir paýtagt şähere şol döwletiñ bir prezidentiniñ ady berlen, ol haýsy şäher?
5.Üç sany dost gezelenje gidýär, biri kör, biri lal, biri ker, onnoñ ýolda ker ölýär, soñ lal keriñ ölendigini köre nädip aýtmaly?
6.Eliñizde top bar şony uzak bir aralyga oklamaly ýöne şol top ýene özüñize dolanyp gelmeli, ony diwara we başga bir adam saña oklamaly däl.
7.Bir gutyda 5 sany alma bar, şol 5 almany 5 gyza bir birden bölip bermeli ýöne soñunda gutyda bir alma galmaly, nädip?
Internet maglumatlary esasynda toplandy.
21
214
Islam_Atayew
06.08.2024 22:10
Gysgaça dünýä täzelikleri.
1)"Ýelizaweta II portreti auksiona çykaryldy".
Meşhur estrada aýdymçysy Maýkl Jekson tarapyndan çekilen merhum britan Şa zenany Ýelizaweta II portreti auksiona çykaryldy. Portrete 10 müň dollar baha kesildi. Auksion 3-nji awgustda meýilleşdirilýär we girdejiniň bir bölegi haýyr-sahawata gönükdiriler.
2)"Dünýäniň iñ meşhur moda brendi".
«Lyst» seljeriş platformasy 2024-nji ýylyň ikinji çärýeginiň jemi boýunça iň meşhur moda brendleriniň sanawyny hödürledi. Birinji orny «Loewe» ispan markasy eýeledi. Ol bu babatda Italiýanyň «Miu Miu» brendinden öñe geçdi. Liderleriň üçlügine «Prada» hem girdi. Ilkinji bäşligi "Saint Laurent" we "Bottega Veneta" brendleri jemledi.
3)"Öküz uruşlary gadagan ediler".
Kolumbiýanyň Prezidenti Gustawo Petro 2027-nji ýyldan başlap, ýurtda öküz uruşdyrmagy gadagan edýän kanuna gol çekdi. Parlament tarapyndan makullanan kanunda öküz uruşlaryny doly ýatyrmaga çenli üç ýyllyk geçiş möhleti göz önünde tutu- lan. Bu wagtyň dowamynda öküz uruşlaryny geçirmäge rugsat berler.
4)"Dünýäniň iñ gözel zenany".
28 ýaşly Amerikan we Britan aktrisasy Anýa Teýlor Joý altyn kesgitleme düzgünleri boýunça dünýäde iñ owadan zenan diýlip yglan edildi. Britaniýaly plastiki hirurg Julian de Silwa şeýle netijä geldi. «Teýlor-Joý ýüzüniň ähli bölekleri fiziki kämillik nukdaýnazaryndan ölçenende, ýeňiji boldy» diýip, lukman belledi.
5)"Maradonanyň köýnekçesi auksionda".
Argentinaly Diego Maradonanyň 1986-njy ýylda geçirilen Dünýä kubogynyň ýarym final oýnunda geýen köýnekçesi "Sotheby's" auksionyna çykaryldy. Lotuň başlangyç bahasy 700 müň dollar. Auksion öýüniň hasaby boýunça, köýnekçäniň bahasy 800 müň 1,2 million dollar aralygynda bolar.
6)"70 ýaşynda diplom aldy".
Malayziýaly Toh Hong Keng 70 ýaşynda lukmançylyk diplomyny aldy. Ol Filippinleriň PHINMA uniwersitetini tamamlady. Onuñ haýsy hünär ugruny gutarandygy görkezilmeýär. Golaýda uçurym bolan Hong Keng Sebu şäherindäki uniwersitete 2019-njy ýylda, 66 ýaşyndaka kabul edilen eken.
7)"Topragyň gatlaklaryny berkider".
Permiň milli barlag politehniki uniwersitetiniň (Russiýa) barlagçylary soda önümçiliginiň galyndylaryny kalsiý karbonatynyň külkesini ulanyp, ulag ýollarynyň toprak gatlaklaryny berkitmegiň usulyny oýlap tapdylar. Bilermenler bu usulyň ýol gurluşygynyň çykdajylaryny azaltjakdygyny aýdýarlar.
8)"Marsohod açyş etdi".
2012-nji ýyldan bäri Gyzyl planetany öwrenýän "Curiosity" marsohody garaşylmadyk açyş etdi. «Sulfata baý sebiti gözläp ýörkä, «Curiosity» tötänden bir daşy döwdi we onun içinde sary arassa kükürt kristallarynyň üýşmegini ýüze çykardy» diýip, NASA-nyň Reaktiw hereket barlaghanasy habar berýär.
9)"Kindiwanja dron döredildi".
Niderlandlardaky Delft tehniki uniwersitetiniň alymlary kindiwanja drony döretdiler. «Crazy Flie» dronynyň agramy 56 gram bolup, olarda garynjalaryň ugur kesgitleýiş ukybyna meňzeýän nawigasion ulgam bar. Şeýle dronlar ammarlara gözegçilik etmek, gaz syzyşlaryny tapmak ýaly işlerde ulanylyp bilner.
Zaman.Turkmenistan
15
114
