"Leýkers" (Basketbol klubyñ ady) öz meşhur oýunçysyna, MBA-nуň bäş gezek çempiony Kobi Braýanta we onun gyzy Jiannanyň hatyrasyna ýadygärlik açdy. Klubuň metbugat gullugy heýkeliň stadionyň girelgeleriniň biriniň golaýynda gurnalandygyny habar berdi.

Ýadygärlik 2024-nji ýylyň 2-nji awgustynda açyldy, bu sene şuny alamatlandyrýar: "2" Jiannanyň ýetginjekler basketbolyndaky belgisi, "8" we "24" Kobiniň "Leýkersdäki" oýun belgileri.

Bu meşhur basketbolçynyň eýýäm ikinji heykeli. Birinjisi fewral aýynda klubuň stadionynyň golaýynda gurnaldy.

Munuň bilen birwagtda ESPN-de "Leýkersiň" egin-eşik çalşylýan otagyndan Kobi Braýantyň şkafynyň 2,9 mln dollara satylandygy habar berildi. Braýant ony 2003-nji ýyldan 2016-njy ýylda karýerasyny tamamlaýança ulandy. Neşiriň maglumatlaryna görä, bu häzire çenli auksionda satylan iñ gymmat sport şkafydyr. Braýant 2020-nji ýylda 41 ýaşynda Kaliforniýa ştatyndaky Kalabasasda hususy dikuçaryň heläkçilige uçramagy netijesinde aradan çykdy. Onuň bilen bilelikde 13 ýaşly gyzy Jianna, bortdaky ýene alty adam we dikuçaryň uçarmany ýogaldy.


Tmcars