AýgülÝazweliýewa
09.01.2023 13:48
Baýram Bejidow
Köpeldi ykbalyň ýüzlenmeleri,
Täleýime düşüpdi kiçiräk saýlow.
Sen meniň bagtyma berilen diýip,
Adyňa belläpdim diňeje "My love".
Sil deýin söýgümiz joşardy öňler,
"My heard" diýsemem, düşünýän you no.
Bildim life bize love eçilmändir,
My love indi bizden edipdir aýlow.
Aýgül Ýazweliýewa
Tanap başlan günlem ýüregme salyp,
Seni edinipdim ömrüme saýlaw.
Özüň aýdan wagtyň nomeriň ýazyp,
Adyňa belläpdim ýürejik "My love".
Emma seň ýüregiň başgada eken,
Men ony eşitdim özge gulakdan.
Şondan soň dürtüldi ýüregme tiken,
Entegem dursuň sen kalbymda "My love".
Bezemez indi goşgym seň çatyňy,
Hoş gal, nirä eden bolsaňam aýlaw.
Juda agyr düşýär, bozmak adyňy,
Şol bellänje adym ýürejik "My love".
19
143
AýgülÝazweliýewa
08.01.2023 01:02
Aýdyşyk:
Gyz:
Ýaradan deý, Alla meni seň üçin,
Gel ýarym, dol gujagma ömürlik.
Sensizlige uçramaýyn täzeden,
Gitmäýdä sen, dolan maňa öwürlip...
Oglan:
Öwrülde doldur sen boşan gujagmy,
Goý duýmaýyn aýralygyň barlygyn.
Göz öňe getirip bile geljegi,
Bilgin sensiz bu jahanyň darlygyn!
Gyz:
Görýän seni düýşlerimde hemişe,
Hakykatdan bolsadyň meň ýanymda.
Oýa batyp, başlan wagtym her işe,
Senden özge bolanok meň aňymda.
Oglan:
Sebäp bu ýüregmiň her bir öýjugi,
Saňa bolan söýgim bilen doludyr.
Sesiňi eştmesem eger birje gün,
Bir zadym däl, müň zadym kem ýalydyr!
17
204
AýgülÝazweliýewa
07.01.2023 11:14
Gabat geldim seýilgähleň birinde,
Şahyr eken, goşgusyn ýazyp otyr.
Haýsy gözel barka onuň serinde,
Ol bolsa ser bermän şo-ol ýazyp otyr.
Arzuwlanym meniň türkmen ýigidi,
Şol şahyra mende söýgi döredi,
Kalbymdaky garlaň bary eredi,
Ol bolsa ýeň bermän şo-ol ýazyp otyr.
Geçdim eýläk-beýläk onuň deňinden,
Has görmegeý eken çaky-çenimden,
Menem-ä gelerin seniň emiňden,
Ol bolsa, syr bermän şo-ol ýazyp otyr.
Ahyry jydaman söz atdym oňa:
"Arma-da eý ýigit, salam saňa!"
Başyn galdyrman:"Salam!"-diýdi maňa,
Ýene-de şol bir zat, ol ýazyp otyr.
Yzyma öwrülip ýöräp başladym,
Şahyr hakda pikirlermi taşladym,
"Üns berme"-diýip, göwnümi hoşladym,
Oýandym birden, bilsem düýşüm eken...
😆😆😆
Aýgül Ýazweliýewa
21
119
AýgülÝazweliýewa
06.01.2023 17:25
Ak saç
Şar garaja saçymy,
Hemişe-de eý görýän.
Örtüp durýar başymy,
Ezizläp iki örýän.
Saçymy darap her gün
Sypap otyrmam bardy.
Ine gözlem meň bu gün,
Kellämde ak saç gördi.
Ilki göremde gorkup:
"Waý, Alla, toba!"-diýip,
Uly gamlary iýip,
Oturdym gussa çümüp.
Ahyr özüm dürsedim:
"Özüň rahat duýsana,
Agaranda nämemiş,
Ýene saçyň örsene!"
Diýip biraz aýňalyp:
"Köşeş Aýgül aglaýma!
Ak saçly adam dälmi?!
Ruhuň pese baglaýma!"
Köp zat geçipdir menden,
Bar zat geçmänkä deňden,
Aladasyn etmeli,
Arzuwlarňa ýetmeli...
Aýgül Ýazweliýewa
05.01.2023ý.
16
81
AýgülÝazweliýewa
05.01.2023 10:33
Meň dünýämi gülletjek,
Ahyr gözlänim tapdym.
Çyn söýgini öwretjek,
Ahyr gözlänim tapdym.
Şahyr ýöregin söýdüm,
Ýeňledi agyr derdim,
Düýşlemde şony gördüm,
Ahyr gözlänim tapdym.
Sesi misli bilbil deý,
Menem oňa bägül deý,
Ýürek urar zilzil deý,
Ahyr gözlänim tapdym.
Barsam şonuň ýanyna,
Ýetişsin meň dadyma,
Özge düşmez ýadyma,
Ahyr gözlänim tapdym...
14
102
AýgülÝazweliýewa
25.12.2022 15:44
-Garaşýan
-Bararyn
(Aýdyşyk)
Aýgül:
Ençe ýyllary ýakyp,
Diňe saňa garaşdym.
Geljek ýoluňa bakyp,
Diňe saňa garaşdym.
Aman:
Sensiz geçen ýyllaryñ,
Men pidasy bolaryn.
Saña tarap ýollarym,
Señ ýanyña bararyn
Aýgül:
Kä gün boşady ýürek,
Senden bolmady derek,
Maňa birje sen gerek,
Diňe saňa garaşdym.
Aman:
Sen diýip dur ýüregim,
Sensiz ýokdur deregim,
Eeý, dünýäme bezegim,
Señ ýanyña bararyn.
Aýgül:
Sabyr etdim gelerňe,
"Aýgül, salam!"-diýerňe,
Hiç kim gelmez deregňe,
Diňe saňa garaşdym.
Aman:
Bagtyma sanap günüm,
"Salam" diýip Aýgülim,
Baglap çemen güllerim,
Señ ýanyña bararyn.
Aýgül:
Gözüm ýolda eglendi,
Geljek günüň bellendi,
Göwnüm beýge deňlendi,
Diňe saňa garaşýan...
Aman:
Ýollaryma garan ýar,
Seni juda gabanýan,
Ýüregimi awlan ýar,
Señ ýanyña bararyn.
13
89
