Ejem
Janyndan maňa jan berip,
Bu dünýä inderen ejem.
Entek ýaşym ýaşamankam,
Hüwdiläp diňdiren ejem.

Arassaja eşiklerden,
Ütükläp geýdiren ejem.
Ýörjen-ýörjen diýe-diýe,
Ädimler ätdiren ejem.

Dile alan ilki sözüm:
"Eje" boldy käbäm ejem.
Aladasyz ulalmagma,
Sen sebäpsiň didäm ejem.

Gör ejejan öz gyzyňy,
Ussat bolup ýetişmekçi.
Ogşaýyn aýak tozuňy,
Saňa janym gurban ejem!

#aýgülýazweliýewa
31.01.2022ý.