Девушка.
17.03.2023 21:37
"Hiç-laý diýdim".
Etjegini edip kä kişiň,
Ýalan ökünşinden irdim,
Gynanjymy saklap içgin,
"Zyýany ýok, hiç-laý" diýdim.
Egnimde kän ýük bolsa-da,
Her gymyldym gep bolsa-da,
Agyran ýer"çep" bolsa-da,
"Zyýany ýok, hiç-laý"diýdim.
Paýlasam dostlara bagty,
Ýerne soramadym nagty,
Gelmeseler gerek wagty,
"Zyýany ýok hiç-laý"diýdim.
Wadalarda durmasalar,
Ýa-da hile gurnasalar,
Gaty görmän durmasamam,
"Zyýany ýok hiç-laý" diýdim.
Awtory:Şanazar Hydyrow.
8
94
Девушка.
15.03.2023 23:10
Görşüňe görä.
Il agzy halta däl daňdyrmaz hijem,
Diýseler diýsinler ak ýa-da gara,
Öz eliň,öz ýakaň, öz bolşuň bolup,
Ýaşaber herkimiň bolşuna görä.
Açlykda galdyrmaz bendesin Hudaý,
Şükürli ýaşasaň düşürmez gedaý,
Berse-de kynçylyk synagdyr öýdäý,
Kanagat kyl ryskyň berşine görä.
Han bolup dynç alar gul bolup işlän,
Arkaýyn ýatýandyr halaldan dişlän,
Çögütsiz jedel adyllyk işlär,
Her kimiň hasaby garşyna görä.
Manysy ýaşamak bu ýagty Dünýäň,
Hiç kimi ynjytmaň, hiç göwne degmäň,
Aglaýan gyt bolsun, köp bolsun gülýän,
Gözellik her zatda, görşüňe bagly.
Amangeldi Nurgeldiýew.
8
56
