Frenk Sagona atly amerikaly bir sagadyň dowamynda turnik çekmegiň sany boýunça Ginnesiň rekordyny täzeledi. Bu barada guramanyň resmi saýtyna salgylanyp, Mir 24 habar berýär.

Bellenilen wagtda 45 ýaşly amerikaly 1010 gezek turnik çekip, 2011-nji ýylda Stiwen Haýland tarapyndan 993 gezek turnik çekilip goýlan öňki rekordy täzeledi.

Onuň aýtmagyna görä, bu proses resmi synanyşykdan bir gün öň arka myşsalarynyň gypjynmagy sebäpli kynlaşdy.

Amerikaly öz rekordyny üç ýyl ozal taýýarlanyp başlamaga kömek eden, ýöne rekord goýmazdan birneme öň ýogalan dosty Maýk Rumfa bagyşlady.

4-nji oktýabrda Çempionlar ligasynyň 2023/2024 möwsüminiň toparlaýyn tapgyrynyň 2-nji duşuşyklarynyň çäklerinde galan sekiz oýun geçirildi.Duşuşyklaryň netijelerini dykgatyňyza ýetirýär.

4-nji oktýabr, duşuşyklaryň netijeleri:

Е topar

«Atletiko» Madrid (Ispaniýa) — «Feýenoord» (Niderlandlar) — 3:2;

«Seltik» (Şotlandiýa) — «Lasio» (Italiýa) — 1:2.

F topar

«Nýukasl» (Angliýa) — «PSŽ» (Fransiýa) — 4:1;

«Borussiýa» Dortmund (Germaniýa) — «Milan» (Italiýa) — 0:0.

G topar

«RB Leýpsig» (Germaniýa) — «Mançester Siti» (Angliýa) — 1:3;

«Srwena Zwezda» (Serbiýa) — «Ýang Boýz» (Şweýsariýa) — 2:2.

Н topar

«Antwerpen» (Belgiýa) — «Şahtýor» (Ukraina) — 2:3;

«Portu» (Portugaliýa) — «Barselona» (Ispaniýa) — 0:1.

Häzirki wagtda «Atletiko» Madrid, «Nýukasl», «Mançester Siti» we «Barselona» degişlilikde Е, F, G we Н toparlarynda birinji orny eýeleýär.

«Bawariýa» UEFA Çempionlar ligasynyň toparçalaýyn tapgyrynyň ikinji aýlawynda «Kopengagenden» 2:1 hasabynda üstün çykdy. Daniýaly toparyň ýeke-täk goluny ýarymgoragçy Lukas Lerager geçirdi, «Bawariýanyň» düzüminde bolsa ýarymgoragçy Jamal Musiala we hüjümçi Matis Tel tapawutlanmagy başardylar.

Şeýlelik bilen, Mýunheniň kluby Ýewropanyň esasy klub ýaryşynyň toparçalaýyn tapgyrynda 36 oýun ýeňilmedi we ýaryşyň täze rekordyny goýdy. Mundan başga-da, nemes topary toparçalaýyn tapgyrda yzly-yzyna 15-nji ýeňiş gazanyp, Çempionlar ligasynyň ýene bir rekordyny täzeledi.

«Bawariýa» soňky gezek toparçalaýyn tapgyrda 2017-nji ýylda «Pari Sen-Žermenden» ýeňilipdi. Şondan bäri Mýunheniň topary 33 ýeňiş gazandy we üç gezek deňme-deň oýnady.

«Bawariýa» häzirki wagtda iki oýundan soň alty utuk bilen «A» toparçada öňdeligi eýeleýär. Indiki tapgyrda «Bawariýa» Türkiýäniň «Galatasaraýy» bilen oýnar. Oýun 24-nji oktýabrda geçiriler.

Halkara futbol taryhy we statistikasy federasiýasynyň resmi web sahypasynyň habar bermegine görä, “Al-Nasr” toparynyň portugaliýaly hüjümçisi Kriştianu Ronaldu professional derejede ýeňlişsiz 1000 oýunda oýnan taryhda ilkinji futbolçy boldy.

Bu Aziýanyň Çempionlar ligasynyň toparlaýyn böleginiň 1-nji tapgyrynda, “Al-Nasr”-yň “Persepolis”-i ýeňen oýnunda bolup geçdi. Portugaliýaly futbolçy karýerasynda 776 ýeňiş we 224 deňlik gazandy.

Ronaldunyň 2023-nji ýyldan bäri “Al-Nasr”-da oýnaýandygyny ýatladýarys. Hüjümçiniň klub bilen baglaşan şertnamasy 2025-nji ýyla çenli dowam eder. Futbolçy bu möwsümde ähli ýaryşlarda sekiz oýna gatnaşyp, dokuz gezek pökgi geçirdi we bäş gezek netijeli pas berdi.