Mowzuklar ylham_gurbanaly » Sahypa 14

22.11.2023 19:04

Salam Öwrenmeliniň krasavchik ýigitleri we "janjagazy toşap" hanymlary. Işsizlikden ýene sizi mawy ekranyň (@mawy saňa aýdylanok) başynda hoş gördük. "Tanyşmak aýyp däl" virtual gepleşigimiziň bu gezekki, ýagny 10-njy sanynda - Ady bilen Öwrenmelide hemmäniň ünsini çeken agzalaryň biri bolan @mandarin azgamyz myhmançylykda.
Ilki bilen hoş gõrdük. Geliň, geçiň oturyň.
Biz bolsa oňa çenli reklama gidýäs.

Gepleşigiň hemaýatkäri: Jübüňdäki pula utanman göz dikýän "Joş" we "Eçil" şerbetleri. Senem joşup, eçilip goýber)

1. Özüňiz barada gysgaça gürrüň beräýiň. (awtobiografiýa, başardygyňyzdan doly aýdyň, at, familýa, doglan ýer, ýyl).
2. Nikiňiziň döreýşi barada kelam agyzjyk... Bu ilkinjimi ýa başgada bardymy?
3. Öwrenmelä haçan we näme maksatda geldiňiz?
4. Öwrenmelide iň ýakyn dostuňyz kim?
5. @mandarin gyzlary yrmakda karolmyş. (Eşden gulakda ýazyk ýokmyş)) Näçe gyzy söýüp gördüňiz?
6. Diňe mandarin iýip näçe gün oňup bilersiňiz?
7. Goşgy bilen araňyz nähili? Goşgy näme? Kapyýa näme? Goşgy diňe kapyýadan ybaratmy?
8. Men adam aldamok diýip näçe adam aldadyňyz?
9. Miwelerden özüňizi haýsy miwä meňzetýärsiňiz? (Banan bir diýmersiňizde))
10. Eliňde mikrafon. Ilkinji söýen gyzyňyzyň toýunda aýtjak 3 sözlemiňiz haýsylar?
11. Boş wagtyňyz näme bilen meşgul?
12. "Spiderman" bolardyňyzmy ýa "Hulk" ?
Näme sebäpden?
13. Iň uly arzuwyňyz näme?
14. "Öwrenmeli" programma nähili garaýşyňyz bar? Programmany ösdürmeklige nähili pikirlerňiz bar?
15. Gepleşigiň indiki sanynda haýsy agzanyň bolmagyny isleýäňiz?
16. Goý, Siziň janyňyz sag, durmuşda şowlulyklar ýar bolsun!

30

382

33

ylham_gurbanaly

21.11.2023 10:17

Galan ýerimizden dowam)

Öňe, Türkmenistan!

27

400

29

ylham_gurbanaly

21.11.2023 00:34

Tümlük,

içgepletme,

hem-de ýekelik

Bu üçlük bileje birleşdi ýene.

Sebäp, yşgym menden hoşlaşan güni

Gussalyk goş basyp, ýerleşdi sere.

Şatlygymam guýma doňdurma deýin,

Datmankam elimde gidipdi eräp.

Demin sanap, hassa ýatyr umydym,

Arzuwlarňam has-da hallary harap.

Ganat baglan duýgym batbörek eken,

Çatma ýaly yraň atýar kalbymam.

Dökmesem, barybir bugaryp barýar,

Birwagtky pürepür bolan sabrymam.

Gutarypdyr juwanlygyň nabadam,

Bir gezeklik çaýa atarlyk bary

...Tümlük,

içgepletme,

hem-de ýekelik

Şular häzirlikçe ýeterlik ýaly...

Ylham GURBANALYÝEW

25

62

4

ylham_gurbanaly

20.11.2023 16:27

Şu gezegem jaňa jogap bolmasa,
Köýjegim hak, ýanjagym çyn ataşda.
"Abonentiň telefony öçürlen
Ýa-da hyzmat ediş çäginden daşda".

Şeýle bir owadan siziň sesiňiz,
Ýöne diýenňizi gaýtalap durmaň!
Heý, bir alaç tapylmazmy, gelneje,
Men başga biriniň sesine gurban.

"Hormatly müşderi, açyň belgini,
Hyzmat ediş çägindenem daşlaşmaň"
Gaýtam şeý diýiňde käýäň, gelneje!
Siz ol gyzyň oýunlarna gatnaşmaň!

Telefonam bilgeşleýin öçürýär,
Iki söz kän, bir sözem az, öýkelek.
Menem indi ýardan habar gelmese,
Dönüp barýan ýel degmedik ýelkene.

Bir alajyn tapyň, heniz giç dälkä,
Abonentiň telefonyn açdyryň!
Ýüregimden päk söýginj öçürse,
Bagtly ediş çägindenem daşdyryn.

Amangeldi Ýegenow

31

77

1

ylham_gurbanaly

19.11.2023 15:58

Bir ýerde bir post goýulsa ylgap kommentariýa ýapyşýanlardan başlap, sessizje hemme zady bilýän agzalara çenli gyzgynjak salam aýtmak bilen "Tanyşmak aýyp däl" virtual gepleşigimiziň 9-njy sanynda siziň hemmejäňizi hoş gördük. Gepleşigimiziň bu gezekki sanynda soňky döwürler az görünýän, öňler bolsa bir ýerde bir dawa bolsa, men Taýsonyň gyzy diýip ýören hanymymyz miss @guli_ myhmançylykda. Hawa, miss @guli_ hoş gördük, eliňizem boş gördük. (Dur, dur başlama şuwagtdan "pahyr knopkanyň" Vip görnüşinden basyp, "a how, agamjan biz talyplaryň ýagdaýyna-da düşünäýdä" diýip)

(Düşünýän, gidenňizde awtobus pulyny bersem bolýa dämi?)

Gepleşigiň baş hemaýatkäri: GDDD, "Gutarýançaň dekana daýy diý" halkara talyplar guramasy.

Başlalyň onda.

@mawy oturaý indi ýeriňde, @besimov04 goý indi şo futbolly gürrüňiňi, @garlawac_ sumkajygyňa salan süýjileri çaltjak ýerinde goý.

Woo, ine boldy. Başladyk.

1. Özüňiz barada gysgaça gürrüň beräýiň. (awtobiografiýa, başardygyňyzdan doly aýdyň, at, familýa, doglan ýer, ýyl).

2. Nikiňiziň döreýşi barada kelam agyzjyk... Bu ilkinjimi ýa başgada bardymy?

3. Öwrenmelä haçan we näme maksatda geldiňiz?

4. Öwrenmelide iň ýakyn dostuňyz kim?

5. Iň köp aldan ýeriňiz haýsy?

6. Aýtmaklaryna görä, adamlaryň ýok zada islegi has uly bolýarmyş. Sizde nämä isleg has uly?

7. "Pahyr knopkany" iň köp ulanan 3 ýeriňiz (ýagdaýyňyz) haýsylar?

8. Söýgi bilen araňyz nähili? Söýgi nähili bolmaly?

9. Aýdaly, 1 günlik oglan bolmaly bolsa, ilki bilen etjek 3 zadyňyz?

10. Jigiň bolany gowumy ýa-da özüň jigi bolsaň?

11. @guli_ -niň bişirip bilmeýän naharlary haysylar?

12. Boş wagtyňyz näme bilen meşgul?

13. Söz aýdylmadyk gyz ýokmyş diýýäler. Size jemi näçe oglan söz aýtdy?

14. "Öwrenmeli" programma nähili garaýşyňyz bar? Programmany ösdürmeklige nähili pikirlerňiz bar?

15. Gepleşigiň indiki sanynda haýsy agzanyň bolmagyny isleýäňiz?

16. Goý, Siziň janyňyz sag bolsun! Okuwda, durmuşda üstünlik! Özüňizem, durmuşyňyzam güller ýaly owadan bolsun!

37

548

31

ylham_gurbanaly

18.11.2023 23:52

Gidenimden soň güneşli şäherimem sowapdyr. Şäherem öz söýeninden jyda düşäýdimikä? Adamlaryň biri-birege aýdýan mähirli sözleri azalyp, sowuk sözler has-da köpeläýdimikä? Ýaryndan aýrylýanlar artýarmyka? Güýz ahyrlap barýar welin, adamlaryňam söýgüsi, mähirleri, ýyly sözleri ýaprak deýin gaçaýýarmyka? Belki-de bütin sowuklygy özünde jemläp, saklap ýören mendirin... Ýa-da maňa meňzeşlerdir...

Öňem bir ýazyjynyň aýdyşy ýaly "Öýde ot ýanýar, diýseň hezil, ýöne bu howada üşeýän bardyr..."

Üşeýän kändir, ýöne olaryň üşemeginiň hersiniň öz sebäpleri bardyr. Käsi daşyndan üşeýän bolsa, käsi-de içden üşeýändir. Howplysy bolsa içden üşemekdir, kalbyň doňmagydyr. Peji "gujaklap" ýatanyň peýdasy barmy, kalbyň doňaklygyny eretmejek bolsa. Käte adamlaryň bolşuna-da haýran galýarsyň. Ýekeje stakan kofeniň berýän ýylylygyny hem berip başarmaýanlar bar. Bir-birekden hoş sözlerini-de gysganýarlar. Hamala hoş söz aýtmak üçinem uly bir sebäp gerek ýaly. Kalplaryndaky güneşi çykarman, gara bulutlary üýşürip ýörler. Ýüzlerden ýylgyryşlaryn-da bukup saklaýarlar. Kiçijek zatlardanam şatlyk döredip başarmaýarlar.

Nähili howa bolanda-da sowuklygy köpeltmäliň. Doňmalyň, ýürekleri doňdurmalyň. Özümiz üşeýäs diýip, başgalary-da üşetmäliň!

Ylham GURBANALYÝEW

18.11.2023

09:30

27

93

1

ylham_gurbanaly

16.11.2023 22:28