Tebigat - biziň öýümiz. Geliň ony goralyň !!!

Gülüň - ýüzler açylsyn

😊Bazarda çagasyny ýitirip, uly ili bilen aglap eňräp çagasyny gözläp, tapansoňam çagasyny it uran ýaly urýan aýala türkmnen diýilýär.

😊Bir ýaşuly daşary ýurda bilet almak üçin kassa barýa. Kassadaky bir oglanam ýaşula habar gatýa.

- Ýaşuly daşary ýurda mäne üçin barýaňyz?

- Syýahata. Dynç almana oglym.

-Gelejemem äkitmeli ekeniňizdä onda

- Oglum tokaýa odun äkidilmeýä

😊Bildirişler!

Gaýynenemi ýitirdim. Ol köpden bäri biz bilen ýaşaýardy. Daşky görnüşi edil aýalyma meňzeýä. Kimde-kim gaýynenemi tapyp getirse suda bererin.

Bildiriş.

40 ýaşan aýalymy iki sany 20 giren bilen çalyşýan.

Bildiriş

Öýümi ähli enjamlary bilen satýan. Öýde aýalymam bar.

😊-Gyzym ejeň kastýumymy arassladymy?

- Hawa kaka

+Jalwarymy arassaladymy ?

Hawa kaka

-Köwüşimi arassaladymy

-Oň jübüsi ýoga kaka.

😊Gaty utanjaň adamlar suwa düşende, çyralary öçürip suwa düşýämiş.

😊Ýazyň günleri bir adam öýüniň ýanynda, tapjanda gowurdak iýip otyrka goňşysy gelýäde "gel şuň bilen bir degişeýin" diýip, goňşusyna :"ahow goňşy, süňki azrak çeýneber, itede biraz goý ahyry" diýýä. Ýaňky adamam goňşusynyň henegine düşünýäde :

-Aý bolýa goňşy, yrdyň, me al -diýýäde süňki goňşusynyň öňüne oklaýa.

😊- Kaka adamlar näme üçin işleýä

- Çörek üçin işleýä oglum.

- Kaka, çörek bişirýänler näme üçin işleýä.

- Oglum köp sorag bermesene.

😊- Dost, goňşym Begenç karzyna pul sorady bersemmikäm.

- Ber dos, bolmasa menden sorar.

Günde müň kowlasam baýlara gitmez,

Dulumda goş basyp ýatar garyplyk.

Kemine

Emma çagi çaklenip,

Gurlan ynsan takdyry.

Bir uçansoň gözüňden,

Gaýdyp Ejeň tapdyrmy!?

Men-menlik

Pederlerimiz ynsan häsiýetiniň onuň görk-görmegine, döwlet-rysgalyna,

bagtyna täsir edyändigini nygtapdyrlar. Bubarada il arasynda şeýle tymsal teswirlenýär.

Ir zamanda bir barjamly adamyň eli hünärli, owadan, akylly gyzy bolupdyr. Oña bir begzada üçin sawçylyga gelipdirler. Sawçylar batylykda, görk-görmekde öňüne geçjek adamyň ýokdugyny aýdyp, ýigidi öwüpdiler. Perdäniň añyrsynda oturan gyz bu sözleri diňläp, ene-atasyna begzadanyň

öýleriniň penjiresiniň öňünden

geçmegi sorapdyr. Ýigit iki sany

deň-duşy bilen penjiräniň öňünden atly geçip barýarka, gyz penjiräň tutusyny çalaja galdyryp seredipdir. Dogrudan-da, ýigit syratly, edermen, hoşsypat görnüpdir. Şol pursat niredendir bir ýerden bir köpek peýda bolup, atlylaryň

öñüni kesip geçipdir. Ýigit şonda özüni görkezjek bolup, köpegiň üstüne atyny debsäp, sürüpdir. It diňe bir üýrmän, ata topulypdyr. At ürküpdir, üstündäki ýigit bolsa atdan agman otursa razy bolupdyr. Gyz bu ýagdaýy görüp, güljeginem bilmändir, gaharlanjagynam. Ýöne

ene-atasyna:

-Köpek ol ýigide «men-menlik» edip, degmedige degmeli däldigi barada gowy sapak berdi. Meni beýle kelpeň ýigide bermäň. Indi onuň görk-görmegi, batyrlygy gözüme görnenok. Sebäbi onda ýagşy gylyk ýok eken. Ýagşy

gylyk bolsa ýagşy günüň açary - diýipdir.

Gündogar tymsallary

SYNANYŞMAKDAN GORKMA

Gadymy döwürde bir patyşa öz köşgündäki ýakyn adamlaryndan haýsynyň wajyp döwlet wezipesini eýeläp biljekdigini barlamagy yüregine düwüpdir. Şol maksat bilen köşgündäki ähli akyldarlary, wezirleri ýygnap, bir uly gapynyň ýanyna äkidipdir. Beýle uly gapyny ol ýerdäkileriň hiç haýsy öň görmändir eken. Patyşa:

- Bu köşkdäki iň uly gapy. Kim şu gapyny açyp biler?- diýip sorapdyr. Ol ýere ýygnanşanlaryň ählisi «açyp bilme-

ris» diýen terzde kellelerini yaýkapdyr. Akyldarlaryň käbiri bolsa gapyny gözden geçirip, açyp bilmejekdiklerini boýun alypdyrlar. Hatda: «Eger akyldarlar «açyp bilmeris» diýýän

bolsa, onda biz üçin-ä synanysyp oturasy iş hem ýok» diýip pikir edip, gapynyň golaýyna gelmedikler hem bolupdyr.

Diňe bir wezir gapynyň ýanyna barypdyr-da, ony esli wagt ünsli synlapdyr. Soňra güýjünde baryny edip, gapyny itipdir welin, gapy açylypdyr. Asyl görlüp oturylsa, gapy gulplanmadyk, ýöne ýapyk duran eken.Patyşa ol wezire seredip:

-Şol wezipäni sen eýelärsiň. Sebäbi sen görenleriňe we eşidenleriňe bil baglaman, öz güýjüňe ynanýan we synanyşmakdan asla gorkmaýan adam ekeniň – diýipdir.

* * *

KIM GÜÝÇLI?

Hytaýyň söweş sungaty boýunça iň güýçli ussatlary öz aralarynda kimiň has ökdedigini barlamak isläpdirler. Olar özleriniň şägirtlerini ýanlaryna çagyryp, olara deň, ululykdaky daşlary berip, özlerine zyňmaklaryny buýrupdyrlar. Birinji ussat ähli zyňylan daşlary yzyna hiç hili şikes almazdan gaýtarypdyr. Ikinji ussat hem daşlaryň hemme sinden ezberlik bilen sowlupdyr. Onuňam hiç ýerine şikes ýetmändir. Üçünji ussada bolsa, hiç bir şägirdi ýekeje daş

hem zyňmandyr.

* * *

JOMARTLYGYŇ ÇÄGI

Sahylykda, jomartlykda, eli açyklykda tanalýan Hatam Taýdan günleriň bir güni üýşmeleňde ondan «Sen özüňdenem jomart, eli açyk adama duşup gördüňmi?» diýip sorapdyrlar. Ol:

- Hawa – diýip, sözüni dowam edipdir - Bir gün men bir ýaş ýigidinkide myhmançylykda boldum. Onuň bary ýogy dokuz sany goýny bar eken. Ol saçaga dürli-dümen zatlary getirip, bir goýnunam soýup, ony bişirip saçakda goýdy. Nahar diýseň süýji bolup, esasan-da, goýnuň etinden bir lukma diýseň göwnüme ýarady. Men oňa: «Ömrümde iýen iň süýi

lukma etim şu eken» diýdim. Şondan soň ol ýaş ýigit gidip, hemme goýunlaryny soýup, meniň göwnüme ýaran şol lukmany gowrup getiripdir. Men o hakda hiç zat güman etmän, gowrulan et lukmalary hezil edip iýdim. Haçan-da men öýe gaýtmak üçin daşyna çykanymda, onuň goýunlarynyň ýokdugyny gördüm. Men geň galyp, ondan näme üçin beýdendigi

hakynda soradym. Onda ol ýaş ýigit: «Size meniň öýümden bir zadyň göwnüňize ýaranyna men diýseň begenýärin» diýdi.

Üýşmeleňde oturanlaryň biri:

–Onsoň, onuň saňa eden ýagşylygyny sen nähili gaýtardyň? diýip sorapdyr. Hatam Taý bolsa:

– Men oňa üç ýüz düýe bilen bäş ýüz sany goýun berdim - diýipdir.

Şonda oturanlar ýerli-ýerden: «Diýmek, sen ondan has jomart bolýaň-da» diýşipdirler. Ol bolsa: «Ýok, siz ýalňyşýaňyz, ol ýigit maňa elindäki bolan bar zadyny berdi. Men bolsa oňa özümdäki baýlygymdan diňe bir bölegini berdim» diýipdir.

Kyýamatdan bir söz diýdim baýakda,

Garaw bardyr ýersiz urlan taýakda,

Zalymlar har bolar, galar aýakda,

Garyp, sen ýyglama, şir dek bolar sen.

Magtymguly

Taryhda ilkinji film

Taryhy we dokumental filmler adama dürli asyrlary we ýurtlary, hadysalary we şahsyyetleri öwrenmäge mümkinçilik berýär. Şonuň üçin-de kino dünýäsininň ilkinji filmleri barada bilmek gyzykly bolsa gerek.

Taryhda ilkinji film 1895-nji ýylda Lumiere doganlar tarapyndan surata düşürilip köpçülige hödürlenen «Otlynyň La Ciotat wokzalyna gelmegi» diýen filmdir. Bu filmde giňişlik duýgusyny döreden otlynyň sagdan çepe geçip, uzakdan nähili peýda bolýandygy aýdyň görkezilipdir.

Awgust Lui Mari tarapyndan esaslandyrylan, dowamlylygy 49 sekunt bolan bu film «Otlynyň gelmegi» ýa-da «Poçta otlusynyň gelmegi» ady bilen görkezilýär. Bu geň galdyryjy film dünýä ýüzüne ylham beripdir. Netijede, dünýä- däki operatorlar beýleki stansiýalara otlularyň gelmegi bilen şuña meňzeş fimleri döredip başlaýarlar. Mysal üçin, Georges Melies 1898-nji ýylda birbada iki film çykarýar: «Otlynyň Huanwil wokzalyna gelmegi we «Otlynyň Winsent wokzalyna gelmegi». Kinonyň ikinji döredilen gününe öwrülen resmi senäniň 1895-nji ýylyň 28-nji dekabrydygyny bellemelidiris.

Konfusiniň pähimleinden

๏. Ýaý atmak bize hakykaty nähili gözlemelidigini öwredýär: eger ýaý

atyjynyň oky nyşanadan sowa geçse, ol munuň üçin başgalary däl-de, özüni günäkärlemeli.

๏ Kim könä ýüzlenip, täze zat açmany başarýan bolsa. şol mugallym

bolmaga mynasypdyr.

๏ Asylly adam il aladasy, pes adam öz gaýgysy bilen ýaşaýar.

๏ Meniň maksadym - hakykat, kömekçim - päk ahlak, daýanjym-

adamkärçilik, kalbyma rahatlyk berýän zadam - sungat.

๏ Gürleşeniňe degýän adam bilen gürleşmeseň, ony ýitirdigiňdir.

Gürleşeniňe degmeýän adam bilen gürleşseň, sözüň ýele gitdigidir.

Akylly kişi adamlaram ýitirmeýär, sözünem.

๏ Alys geljekde ýüze çykmagy mümkin kynçylyklar hakynda pikir etmeýän adam, ýakyndaky näsazlyklara büdreýär.

๏ Ownuk zatlarda özüňi saklap bilmezlik, uly işlere päsgelçilik döredýär.

๏ Asylly adam ömründe üç zatdan gaça durmaly: güýji dyňzap duran ýigit wagty - yşkbazlykdan, kämillige ýeten wagty - bäsdeşlikden, garrylyga ýetip, güýç-kuwvwaty azalan wagty - gysgançlykdan.

๏ Kyrk ýaşyna çenli özi hakynda diňe ýaramaz pikir döreden adamyň

soň, düzelerine umyt etme.

๏ Asylly adam hemmeler bilen ylalaşyp ýaşaýar. Pes adam bolsa, hemişe özüne kybapdaşy gözleýär.

๏ Akyldar şeýle diýipdir:

-Eger adamlar kimdir birini ýigrenýän bolsalaram, gowy görýän bolsalaram, onuň düýp sebäbine göz ýetirjek boluň.

Aktýoryň ugurtapyjylygy

Beýik italýan aktýory Tommazo Salwini uly meşhurlyga eýe bolupdyr. Onuň her bir oýnaýan keşbine tomaşaçylar sabyrsyzlyk bilen garaşypdyrlar. Ol şan-şöhratynyň Arşa göteilen döwründe Şekspiriň «Otellosynda» Otellonyň keşbini ýerine yetirmeli bolupdyr. Sahna oýnunyň ilkinji görkezilişi ýurtda uly waka öwrülýär. Tommazo bedenini gowy grimläp, gara reñke boýapdyr. Ak eşik, gara beden tomaşaçylaryň gözüne üýtgeşik görnüpdir. Ýöne gara Otellanyň elleri ak bolupdyr. Muny gören tomaşaçylaryň arasyna gozgalaň düşýär. Beýik aktýor ellerini reñklemegi unudypdyr. Emma Tommazo Salwininiň azaryna hem bolman, önküsinden-de joşgunly oýnap başlapdyr. Bu ahwal ikinji bölüme çenli dowam edipdir.

Ikinji bölüm başlanýar. Otellonyň elleri bolsa önküsi ýaly ak. Sabyr käsesi dolan tomaşaçylaryň käbiri seslenýär. Tommazo göwnübir ýaly oýun bilen başagaý. Ahyry tomaşaçylar köşeşýärler. Amatly pursadyň gelendigini duýan Tommazo Dezdemonanyň elinden tutup, sahnanyň önüne gelýär. Şol ýerde

söýgülisi bilen mesawy gürrüň edip durşuna howlukman, akja elligini çykarýar. Tomaşaçylar onuň gara ellerini görüp, şowhun bilen el çarpýarlar

Şeýdip ol ikinji bölümde ak ellik geýip, birinji bölümdäki ýalňyşlygyň üstüni ýapýar. Muny diňe zalda oturanlar däl, Tommazo bilen bile oýnan artistler hem duýmandyrlar. Hatda teatr tankytçylary hem iki bölümde-de aktýor eli elikli oýnandyr öydüpdirler. Olar meşhur artistiň ugurtapyjylygyna haýran galypdyrlar.