Dünýäde iň uly kaşaň ýahta suwa goýberiler. Ol “Titanikden” uly.

2028-nji ýylda dünýäde iň uly ýahta boljak Ulyssia superýahtasy suwa goýberiler. Gäminiň uzynlygy 324 metr bolar, ol meşhur “Titanikden” (269 metr) hem uzyndyr diýip, Naked Science habar berýär.

Taslama tanymal dizaýner Espen Oýno tarapyndan taýýarlandy we onuň gurluşygy 2028-nji ýylyň oktýabr aýynda tamamlanar.
Ulyssia super ýahta diýilse-de, aslynda ol ýolagçy gämisi hasaplanýar. Onuň bortunda meýdany 112 inedördül metrden 930 inedördül metre çenli bolan kaşaň penthouslar ýerleşer. Her bir penthous ýatylýan otaglar, myhman otaglary, aşhanalar we ummana bakýan giň terrasalar bilen enjamlaşdyrylandyr.

Ulyssia-nyň gurluşygyna indiki ýyl Germaniýanyň Maýer Werft gämi gurluşyk kärhanasynda başlamak meýilleşdirilýär. Gämi kaşaňlyk, rahatlyk we innowasiýa tehnologiýasyny özünde birleşdirip, inženerçilik we dizaýn sungatynyň hakyky nusgasyna öwrüler.
Royal Caribbean kompaniýasynyň “Deňizleriň tumary” (Icon of the Seas) gämisiniň taryhda iň uly kruiz gämisi bolmagynda galýandygyny belläliň. Bu uzynlygy 365 metr bolan 20 palubaly gämidir.


Çeşme: tmcars.info (şu gün 23:02)

Stambulyň ýaşaýjylary asman jisiminiň ýere gaçyşyny synladylar.

Stambulyň hem-de Türkiýäniň beýleki birnäçe şäherleriniň ýaşaýjylary asmanda ýere gaçýan meteoriti synladylar. Bu barada Türkiýäniň kosmos agentligi (Türkiye Uzay Ajansı) habar berdi diýip, «Iz.ru» ýazýar.

«5-nji iýul gijesi biziň ýurdumyzyň dürli ýerlerinde asmanda görnen meteorit adamlary haýran galdyrdy» diýlip, agentligiň internet sahypasynda habar berildi.

Stambulyň, Bursanyň we beýleki şäherleriň ýaşaýjylary şenbä geçilýän gije asman jisiminiň şöhle saçyşynyň köpsanly wideolaryny internetde goýdular.



Çeşme: tmcars.info (06.07.2024)

Kanadadan Lesli atly towuk Ginnesiň rekordyny goýdy. Ol sanlary, harplary we reňkleri bilýär.

Kanadadan Lesli atly towuk Ginnesiň rekordlar kitabyna girip, “Dünýädäki iň akylly towuk” adyny aldy. Bir minutda alty sany, harpy we reňki tanamak bilen, üýtgeşik ukyplaryny görkezdi.

Lesliniň eýesi, weterinar Emili Kerrington öý haýwanyna köp endikleri öwretdi.
Kerrington: "Towuklar dogry harpy ýa-da reňki çoksa, özüne iým beriljegine düşünýär" – diýip düşündirdi. Zenan towuklaryň, köpleriň pikir edişi ýaly, samsyk däldigini görkezmek we "rekordy täzelemäge synanyşyk etmek" kararyna gelendigini gürrüň berdi.
Lesli 15 towuk bilen bäsleşdi. Ol iň ýokary takyklygy görkezdi, bir-iki günüň içinde harplaryň we sanlaryň şekilini ýatlamagy başardy.
Kerrington “The Thinking Chicken” (“Pikirlenip bilýän towuk”) atly YouTube kanalynda özüniň öý haýwanlary barada gürrüň berýär.



Çeşme: tmcars.info (düýn 15:02)

Bu gün @kppbilmish agzañ doglan güni!

Atabaý doglan güniñ gutly bolsun. Uzaaaak we manyly ýaşa 😊 görjegiñ hemişe gowulyk bolsun güler ýüzüñ hiç haçan solmasyn 🥳🎉🎊 Brooşumyñkyny beýdip gutlan däldirin gadrymy bil 🙈... Surat goýup bolmady saña gezek gelende mañlaýda 😅


Uzak ýaşa :))

ABŞ-nyň Harby Howa Güýçleriniň aýdym-saz topary Aşgabatda konsert berdi.

ABŞ-nyň Harby Howa Güýçleriniň Merkezi Serkerdeliginiň aýdym-saz topary (AFCENT) bäş günlük sapar bilen Türkmenistanda boldular.

28-nji iýunda başlanan saparyň çäklerinde AFCENT sazandalary Maýa Kulyýewa adyndaky Türkmen milli konserwatoriýasynda ussatlyk sapaklaryny geçirdiler, maýyplygy bolan çagalar üçin çykyş etdiler, olaryň "Berkarar" söwda-dynç alyş merkezindäki konserti bolsa müňden gowrak tomaşaçyny özüne çekdi. ABŞ-nyň ilçihanasynyň, Türkmenistanyň Goranmak ministrliginiň we Türkmenistanyň Medeniýet ministrliginiň goldawy bilen amala aşyrylan bu saparyň dowamynda sazandalar Türkmenistanyň Goranmak ministrliginiň orkestri bilen bilelikdäki aýdym-saz çäräsine hem gatnaşdylar diýip, ABŞ-nyň Türkmenistandaky ilçihanasynyň maglumat we medeniýet bölümi habar berdi.

Baş binasy Dohanyň golaýynda ýerleşýän AFCENT topary Merkezi we Günorta-Gündogar Aziýa boýunça syýahat edýär. Sazandalar jemgyýetçilik konsertlerinde, mekdep ýygnaklarynda, harby çärelerde, ABŞ-nyň ilçihanalarynyň we ilçileriniň diplomatik kabul edişliklerinde çykyş edýärler. Amerikan we halkara ýokary derejeli sazçylyk mekdeplerinde okan dünýä derejesindäki sazandalardan ybarat bolan AFCENT topary dürli diňleýjiler üçin çykyş edip, zehinlerini dürli aýdym-saz görnüşlerinde, şol sanda pop, rok, R&B, country, jaz žanrlarynda görkezmäge çalyşýar.


Çeşme: tmcars.info (düýn 16:26)

Uber kompaniýasy şahsy ulagyndan 5 hepdelik ýüz öwren adama 1000 dollar tölär.

Uber kompaniýasy ABŞ-da we Kanadada synag geçirip, öz şahsy ulagyndan 5 hepdelik ýüz öwren adama 1000 dollar berjekdigini aýtdy diýip, The Verge habar berýär.

Saýlanyp alnan 175 gatnaşyjy barjak ýerlerine jemgyýetçilik ulagynda, takside, karşeringde, welosipedli, elektrik skuterinde we ş.m. gitmeli bolar.
Uber awtoulagyň eýesine gymmat düşýändigini, saglygyna we daşky gurşawa ýaramaz täsir edýändigini nygtaýar. Uber-iň beren puluny diňe ulag çykdajylary üçin ulanyp bolar. Ýagny,

500 dollar Uber programmasynda ulagly gezelenç, welosiped we Lime skuteri üçin sarp edip boljak, “Uber Cash” görnüşinde berler;
200 dollarlyk talony awtoulagy kärendesine alanda ýa-da karşering üçin ulanyp bolar;
300$ - ulagyň beýleki görnüşlerine, şol sanda jemgyýetçilik ulagyna çykýan pul.
Synagyň 22-nji iýul - 25-nji awgust aralygynda geçirilýändigi bellendi. Islendik adam gatnaşmak üçin onlaýn ýüz tutup biler. Uber her şäherden 30 adamy saýlap alýar.
2023-nji ýylda Awstraliýada hem şuňa meňzeş synag geçirilipdi, ol şondan soň gatnaşyjylaryň ýygy-ýygydan ýöremäge we alternatiw ulagdan peýdalanmaga başlandygyny görkezdi.



Çeşme: tmcars.info (düýn 11:45)

"Ejemiñ mazarynda"

Ýükünden dollurdy dünýä gerdenim
Pelek bilen ykbalymam bir eje
Kemsiz düzlär ýaly ýykylan ýerim
Maña geçen günlem gaýdyp ber eje

Säher bilen sypap oglan başymy
Iýdirerdiñ elleñ bilen aşyñy
Ýigit çykdym namart aldy daşymy
Örýärler daşyma duzak tor eje

Eden işim hiç ugruna bolanok
Haýsy ýana gitjegimi bilemok
Ýykylsam gujagynda göterýänem ýok
Gujak gerýän diñe gara ýer eje

Ýeke galdym, azaşdym öz ýolumdan
Dost diýenlem gaçar boldy ýanymdan
Bu ýalançy, keçpelegiñ zorundan
Eger bolly öz başyna ser eje

Çekip özümçe bar ýoguñ gepini
Şeýdip alýan gara dermiñ hakyny
Meniñ bagtym señ barlygyñ ekeni
Ýalñyz neneñ ýanýar janym gör eje

Sen ekeniñ meniñ arkamyñ dagy
Sen ekeniñ meniñ ýüregimiñ bagy
Öñküler deý gorkmazym ýaly
Ýylgyryp ýanymda gelde dur eje

Gam gussadan bu durmuşdan ýadaýan
Sessiz diñýän ýene sessiz aglaýan
Maña şu durmuşda ýeke zar aýan
Sensiz boşap galdy öýüm tör eje

Taşlap gitdiñ bu ýalançyñ añyna
Şondan bäri düşünýän ýok halyma
Mähir isläp gelemde mazaryña
Sessiz dymýar bu garañky gör eje

Ýetim galdym ýesir galdym yzyñda
Mejalym ýok gurbatym ýok dyzymda
Añzak gyşda, tomus, bahar güýzümde
Neneñ ýaşamaly sensiz men eje
Ýalbarýan yzyña gaýdyp gel eje


Awtor: Atajan Gylyjow

Hazar deňziniň suwunyň derejesi 119 santimetr ýokarlandy.

Hazar deňziniň demirgazyk-gündogar böleginde 2024-nji ýylyň başyndan bäri suwuň derejesi 119 santimetr ýokarlandy diýip, Gazagystanyň Suw gorlary we irrigasiýa ministrligine salgylanýan «Daryo.uz» habar berdi.

Aprel-maý aýlarynda Žaýyk derýasyndan daşgyn suwlaryň deňze guýulmagy Hazaryň ady tutulan böleginde suwuň derejesiniň artmagyna getirdi. Umumy alnanda, deňze Žaýyk derýasyndan 7,4 mlrd kubmetr suw goşuldy.

Daşgyn suwlaryny deňze akdyrmak boýunça görlen çäreler netijesinde Gazagystanyň Atyrau oblastynda goşmaça kanallar ulanylyp, Hazara 350 million kubmetr suw ýollandy.

«Demirgazyk Araly hem suwdan doldurmak boýunça işler dowam etdirilýär, ol ýere ýylyň başyndan bäri 1,1 mlrd kubmetrden hem gowrak suw akdyryldy. Netijede, Aral deňziniň demirgazyk böleginde-de suwuň möçberiniň ýokarlanýandygy hasaba alyndy» diýip, ady tutulan ministrligiň ýolbaşçysynyň orunbasary Nurlan Aldamžarow habar berdi.



Çeşme: turkmenportal.com

Pariždäki Olimpiada sebäpli Air France awiakompaniýasy €160-180 mln ýitirer.

Air France-KLM awiakompaniýasy Olimpiýa oýunlary bilen baglylykda Pariže uçmaga bolan islegiň azalmagy sebäpli tomus möwsüminde €160-180 mln möçberde çak edilýän ýitgiler barada aýtdy. Bu barada Bloomberg habar berýär.

“Air France we Transavia France Pariždäki 2024-nji ýylyň Olimpiýa oýunlary sebäpli tomus möwsüminde garaşylýan girdejileriň azalmagy bilen ýüzbe-ýüz bolýar. Fransuz paýtagtyna/paýtagtyndan gatnaw garaşylýandan pes we Ýewropanyň beýleki iri şäherlerine garanyňda hem pes” – diýlip, awiakompaniýanyň habarynda aýdylýar.

Tomusky Olimpiýa oýunlary Parižde 26-njy iýuldan 11-nji awgust aralygynda geçiriler. Olimpiýa çäreleri Parižde, onuň töwereklerinde we Fransiýanyň beýleki dokuz şäherinde ýerleşýän 35 meýdançada geçer.


Çeşme: tmcars.info (şu gün 13:29)

Eýnşteýniň duýduryş haty auksionda satylar. Oňa 4 million dollar nyrh kesdiler.

Albert Eýnşteýniň 1939-njy ýylda ABŞ-nyň prezidenti Franklin D.Ruzwelte ýazan haty sentýabr aýynda Nýu-Ýorkdaky Christie's auksionyna çykarylar. Wall Street Journal neşiriniň ýazmagyna görä, ol auksionda 4 million dollara gider diýip garaşylýar.

Bu hatda Eýnşteýn Germaniýanyň atom bombasyny döretmeginiň mümkindigi barada Ruzwelte duýdurýar. Bu habaryň täsiri bilen ABŞ-nyň prezidenti Amerikanyň ýadro ýaragyny ösdürmek maksatnamasy bolan Manhetten taslamasynyň esasyny düzen komiteti döretdi.
Hatyň asyl nusgasy Nýu-Ýork ştatynda, Gaýd-parkdaky Prezident muzeý-kitaphanasynyň gaznasynda saklanýar. Şeýle-de bolsa, auksiona onuň has gysga nusgasy çykarylýar, ony Eýnşteýniň kärdeşi, asly wenger-ýewreý bolan amerikaly fizik Leo Silard saklap galypdyr.


Çeşme: ( düýn 12:07)