Näme diýse, şony diýsin özgeler,

Meniň bu meselä öz garaýşym bar:

Adam ýalňyşýarmy, diýmek, özgerer,

Diýmek, oňa soňra ösüş garaşýar!

Alym bolsun, işçi bolsun ýa aşyk,

Ýa-da meýdanlaryň häkimi daýhan,

Olar ýalňyşlyklaň üstünden aşyp,

Ýeňişi özüne çekerler hökman!

Olara duruw ýok. Olarda güýç bar,

Olar bulaşyp ýör maňlaý derine.

Otluçöpüň dänesi deý sürtülýär,

Olar şowsuzlyklaň kükürtlerine.

Durmuş Kiselýowyň «Algebrasy» däl,

Durmuş algebradan çylşyrymly has.

Onda ýalňyşmagam asyl günä däl, —

Çünki ýalňyşmazlyk üçin ýalňyşýas.

Bilýän ýalňyşmaýan adamlar-da bar,

Syn etseň, wagty hoş, gowy ýalydyr.

Emma, gör, termosa guýlan suw kimin,

Ne bir ýylaýandyr, ne sowaýandyr.

Ýalňyşýanlaň lapy keçdir elmydam,

Gynansa buzdur ol, begense — otdur.

Ýalňyşmasyn diýip başga bir adam,

Onuň ýalňyşmagy bilseň oňatdyr.

Ýer ýüzüne tohum sepiň, el ýetse,

Tohum sepip utulan ýok, utan bar.

Il-gün üçin sähelçe-de haýr etse,

Işiňizde ýalňyşmaga utanmaň!

Gurbannazar Ezizow

Güýz meniñ durmuşumyñ aýralyk pasly. Güýz sen nahili beýle zalym bolup bilýäñ!!! Ynsanlary biri-biri birinden, yürekleri ýüreklerden, hat-da agaçdaky ýapragy şahadan daşlaşdyrýañ.

Näme üçin beýle? Güýz, sen name üçin meñ durmuşyma diñe ayralyk getirýäñ? Diñe gaýgyly pursatlary, eýmenç duygulary getirýäñ. Her yyl meniñ durmuşyma gaýdyp dolanmajak güýz gelýär. Hem-de bitmejek ýara yzyny goyup gidýär. Indi näçe ýyldyr şeýle. Näme üçin beýle, güýz, jogap bersene. Sen näme üçin meniñ durmuşumyň diñe gaygyly wakalaryna şaýat bolýarsyñ?! Assaja güýz şemaly öwsende köñülde galan bitmez yaralaryñ üstüni sypap geçýär. Şahadan gaçýan ýapraklar meniñ ömrümi sanaýan ýaly.

Güýz, sen ýene geldiñ-de öñki goyup giden ýara yzlaryñy gaýtadan gozgadyñ. Hem-de öñki beren hasratlaryñy az görýän ýaly, ýene kalbyma bitmejek yaralaryñ birini goýduñ. Men haçan hem bolsa bir wagt seniñ meñ şatlykly wakalaryma hem şaýat boljagyña bolan ynam bilen ýaşaýaryn...

Awtory: özüm

Sen gitdiň.

Şo pursat boşady ruhum,

Hemme zat manysyn ýitirdi birden.

Şatlygym galmady, bagtym galmady,

Şo pursat bar zady uçurdy serden.

Daglarym peseldi baglarym bile,

Şemalym sowulyp duşumdan ötdi.

Boşap galdym misli gaşsyz diwala,

Okan kitaplarmyň manysy ýitdi.

Hatda öz ruhuňam aldyň-da gitdiň;

Göz, gaşyň, egniňi gözden salamok,

Ýöne olaň baryn öňki bolşy deý,

Seniň syratyňda jemläp bilemok.

Çasly çeşmelerim akýar tersine,

Tersine ýaňlanýar aýdymym-sazym.

Seniň barlygyňdy — meniň baýlygym,

Bir pursatda garyp galdym, ezizim.

Gurbannazar Ezizow

Mahmal sähram sen bolup,

Bahar maňa bakanda,

Howlukmadym hiç zada,

Sen bar diýip jahanda.

Yrsaradym, näz etdim,

Betdim, Nähili betdim!

Hernä kejiňe gitdim,

Sen bar diýip jahanda.

Näme diýseň tapylýar,

Näme etsem hakym bar.

Boldum saňa hökümdar,

Sen bar diýip jahanda.

Ona ýetsemem çaga,

Ondan ötsemem çaga.

Wagtym ýok ulalmaga,

Sen bir diýip jahanda.

Ellä ýetmän eje jan,

Gözüň ýumlan mahalda,

Özüm aldap kän gezdim,

Barsyň diýip jahanda.

Ýogsam boýun alypdym,

Hemme zady bilipdim.

... A men Dünýä gelipdim,

Sen bar diýip jahanda.

Awtory: Berdinazar Hudaynazarow

Gurbannazar Ezizowyñ belleýşi ýaly:

"Bu aýralyk bolmasa,💔🥀

Güýzüň 🍁🍂görki näm bolsun?!"😔

SÖÝGÄ SORAGLARYM

Söýgi, sen gudratmy, şatlykmy, hasrat,

Perişdemiň ýa-da yaradan senmi?!

Ya bolmasa tozap ýatan tümlükde,

Asmany, Zemini döreden senmi?!

Ynsanyň kalbyny köz ýaly dörüp,

Kä söndürip, käte odun ölçerip,

"Wah Şirinim" diýip, daglary ýaryp,

Perhadyň bagtyny garaldan senmi?!

Mežnun yşk oduna tapman dermany,

Şo-ol düğle çöllerde çekdi armany,

Selbini agladyp, aşyk Hemrany,

Saýadyň ýoluna ugradan senmi?!

Barha alawladyp ysgyň körügin,

Penjesine düşüp gepçi, görübiň,

Şaseneme ýedi ýyllap Garybyň,

Garasyn görmäge zar eden senmi?!

Şahyr bilbil bolup söýdi gülüni,

Neçüýn ýalkamadyň bagtyň guluny,

Meňliden aýyryp Magtymgulyny,

Eziz ýeňňesine ýar eden senmi?!

Ak ýol arzuw edip, gökde pel-pelläp,

Bürgüt aşyklary ýürekden goldap.

Iň soňunda bolsa, Kerimi aldap,

Gaňňalyň, oýunda eňreden senmi?!

Bir zady bilemok, barmyka aýby,

Munda şatlyk köpmi, köpmi ýa gaýgy,

Dyz epip ýalbarýan, aýtsana, söýgi,

Bu gözel dünýäni nur eden senmi?!

Awtory: Şähribossan Geldimämmedowa

Ömrüň agajyndan düşüp dur günler,

Günler ömrüň eleginde elener.

Yza dönmek islär däli göwünler,

Geçen gün şäher däl — gaýdyp gelere.

Her kimiň geçenden bir ahmyry bar.

Mende-de ahmyr bar. Ýöne men hergiz,

Seniň ruhuň bilen ederin mydar,

Meniň bar ruhumy direlden, serwim.

Ýolumyzyň çatak düşeni üçin,

Gam çekme. Bu derdi götergin merdem,

Uruşdan aman-sag halas bolmak kyn,

Has kyn halas bolmak ýatlamalardan.

Düşün, ýatlamalar, köňlüme häli,

Saralan ýapraklaň düşüşi ýaly,

Gurbannazar Ezizow

Biziň dünýämizde dostlukdan gowy we eziz zat ýok bolsa gerek.

SISERON

Dogan dost bolman biler, emma dost elmydama dogandyr.

Benjamin FRANKLIN

Dostluk meýilleşdirilmeýär. Söýgi özgelere aýdylmaýar. Hakykat subut edilmeýär.

Fridrh NIŞSE

Akylly adamlar bilen dost boluň! Käte akmak dost akylly duşmandan hem howpludyr.

Ernest HEMINGUEÝ

Kemçiliksiz dost gözleýän adam dostsuz galar.

Arap nakyly

Öz dostlaryňyzdan duşman etmezlige çalşyň, tersine, duşmanlaryňyzdan dost tutunyň.

PIFAGOR

Öz wepaly dostuňy kyn gününde terk etmek iň beýik baýlygyňdan mahrum bolmakdyr.

Gerbert WELS

Gowy dostlar, manyly kitaplar we arassa ahlak ajaýyp durmuşy emele getirýän esasy sütündir.

Mark TWEN

Ýene güýz. Güýz bolsa saralýar ýaprak.

Ýaprak saralanda durlanýar pikir.

Ýatlaýaň geçeni öňküden köpräk,

Hem diýýäň: «Oňatlyk, Hudaýa şükür!»

Awtory: Gurbannazar Ezizow

Ýaprak bagdan gaçmasa,

Güýzüň görki näm bolsun?!

Otlaň reňki öçmese,

Güýzüň görki näm bolsun?!

Gün tukat nur seçmese,

Ýere duman düşmese,

Gazlar aglap geçmese,

Güýzüň görki näm bolsun?!

Köne oýlar dömmese.

Toprak agras dymmasa,

Bu aýralyk bolmasa,

Güýzüň görki näm bolsun?!

Awtory: Gurbannazar Ezizow