Maýyplygyna garamazdan, durmuşda uly üstünlik gazanan 13 şahsyýet

Ýigidi endiginden tana!

Şol sebäpli-de men içi-daşy bir adamlara hormat goýýaryn. Hatda baryp ýatan bihepbe bolsa-da. Sebäbi bihepbe adam aslynda yasama gowy görünýärlerden müň esse gowy...

1. DÖREDIJILIKLI PIKIRLENMEGIN ÖSMEGI

2. ÜNSÜN GÜÝÇLENMEGI

...Köpimizde bolýan ýagdaý, haçan-da haýsydyr bir zadyň yşkyna düşüp, wagtlaýyn joşgunyň täsirinde bolýarys-da, aslynda satyn almak islemeýän zadymyzy satyn alýarys. Şeýle-de bolsa, köpçülik näme-de bolsa özüniň şol hili isleglerine garşy göreşmäge ukyply we wagtyň geçmegi bilen, netijede, zerur däl hasap edýän zatlarymyzy bolgusyz söwda etmek meýilleri, dessine pul harçlamak islegleri öz-özünden galyberer. Emma şeýle ýerliksiz söwda etmek, hatda gerekmejek zatlary hem satyn almak meselesinde onuň güýçli täsirine düşýän adamlar bolýar, bu edil olaryň durmuş endigine öwrülen ýaly. Şeýle adamlara «şopogolikler» diýilýär, olar köpsanly gereksiz, amatly bolmadyk we görnüp duran pes hilli zatlary satyn alýarlar, bular üçin ep-esli pul harçlaýarlar, soň bolsa olary ýerliksiz alandyklary üçin özlerini günäkärleýärler.

Marketologlar alyjynyň ünsüni özüne çekmek üçin aň-düşünjä we duygulara täsir edýän, satyn almaga höweslendirýän ýörite psihologik hileleri ulanýarlar. Bu hilelere mysal hökmünde şu aşakdakylary getirmek bolar:

• reňk ulanmak. Açyk reňkli önümler (gyzyl, mämişi we ş.m.) birbada göze ilginç bolýar, şonuň üçin bu reňkdäki önümler alyjylary özüne çekýär;

• ortatap adamyň gözüne deň gelýän
beýiklikdäki tekjelerde, adatça, möhleti
tamamlanyp barýan, ýa bolmasa-da iň
gymmat harytlar goýulýar;

• taktil duygular - harytlary eliniz bilen köp gezek ellemezlige çalşyň, esasanam satyjy ony eliňize berse almakdan saklanyň. Taktiki aragatnaşyk, hatda zerur däl önümi hem satyn almak üçin aňasty islege sebäp bolýar;

• yslar we sesler. Dükanlarda köplenç alyjynyň eşidişine we ys alşyna täsir etmek usulyny ulanýarlar. Yakymly saz dartgynlygyny peseldýär, tankydy garaýşyňy aradan aýyrýar we gerekmejek zatlary hem satyn almaga mejbur edýär. Bu ys babatda hem şeýle: tagamly iýmitiň, gymmat bahaly atyryň, gymmat deriniň ysy...

Aşakda «hemme zatdan we köp» satyn almaly diýen islegiňi çäklendirmegiň birnäçe ýönekeý we täsirli usullary getirilen.

Supermarkete aç halyňyza gitmäň - sebäbi, beýle ýagdaýda köpsanly gerekli-gereksiz gymmat hem-de zyýanly harytlary - çipsleri, süýjülikleri, et delikateslerini we şuňa meňzeş zatlary satyn alyp bilersiniz.

Özbaşyna sanaw düzüň we ýanyňyz bilen çäkli möçberde pul alyň.

<Eger-de gymmat bir zady halaýan bolsaňyz we sizde ony nädibem bolsa satyn almaly diýen isleg dörän bolsa, bu ýagdaýda özüňize birnäçe sorag berip görüň: «Muny satyn alman bilmerinmi?», <<Şuny satyn almasam näme bolarka?», «Bu zady öýde saklamaga ýerim bir barmy?», «Bu zady nähili ýagdaýda ulanarkam?».

Söwda edeninizde iki ýa-da üç gün ara wagt salyň. Bu döwürde pikiriňizi üýtgedip bilersiniz.

Bir gün birine sowgat bermek üçin ýa-da aýratyn bir pursatda ulanmak maksady bilen «ätiýaçlyk>>> arzan ýadygärlik sowgadyny satyn almak hem ýerliksizdir. Olar öýüňizde ulanylman ýatar, puluňyz bolsa biderek ýere harçlanar.

Öz-özüňi ynandyrmak üçin aşakdaky delilleri ulanyp bilersiňiz:

• ownuk gereksiz zatlar köp ýer tutýar we tertipleşdirmegi kynlaşdyrýar;
• men olary zyňaryn, artykmaç hapalar bolsa, esasanam, plastik önümler tebigata zyýan ýetirer;
• Söwdadan tygşytlan bu pullarymy sagdynlygymy berkitjek bir zatlary satyn almaga ýa-da medeni dynç alyş ýa-da şypahana ýaly bir yere gitmek üçin sarp etsem gowy bolar (teatra, konserte, sport zalyna we ş.m.)

Üstünlikli baý adamlaryň syrlary

Nädip sowalgaňy oýlanyşykly sarp etmeli we harajadyňy meýilleşdirmegi öwrenmeli? color =yellow>

Işleýän adamlaryň hemmesi diýen ýaly aýlyk alanlaryndan bir hepde geçensoň, bu aljyraňňylyk duýgusyny başdan geçirýän bolsalar gerek: «Pullarym nämä sowuldyka?». Pul özbaşyna tiz hem-de düşnüksiz ýagdaýda gutarýan häsiýete eýedir. Pulunyň hasabyny has ykjam we ýerlikli ýöredip bilýänler gaty bir känem däl, ýöne ony tygşytlamagy öwrenmek welin edip boljak zat.

Ilkinji bilen, biderek zatlara nähiliräk derejede pul sarp edilýänini göz öňünde tutmaly.color =red>Nobatdaky, onunjy gezek satyn alynýan, zerurlygy bolmadyk pamada ýa-da yene-de bir göwnüňe ýaran telefon daşy, ýolugra tiz tagama sowlup, garbanara bir zatlar almak, süýji tagamly gazly suw, ownuk-uşak möhüm bolmadyk egin-eşik almak, wagtly-wagtyna restorana girmek, köplenç halatda gijä galyp, jemgyýetçilik ulagynyň ýerine taksa münmek bularyň ählisi bir aýyň dowamynda ortatap adamlaryň köpüsiniň möhüm däl ýere sarp edýän harajatlarydyr.

Adamyň puly näçe köp bolsa, şonça-da köp sowýar.color =red>Girdeji näçe köpeldigiçe, çykdajy hem şonça artýar. Diňe käbir adamlar girdejisiniň has köpelýändigine garamazdan, öz maddy ýagdaýyny adaty tygşytlylykda saklap bilýärler. Biziň pulumyzyň köp harçlanmagyna bolsa daş- töwerek hem-de moda täsir edýär. Sosial media ulgamynyň, modanyň, haýsydyr bir meşhur bloggeriň sahypasyndaky «owadan durmuşyň» kartinalary köpleri «prestiži satyn almaga»,
ýagny illerden pes bolmazlyga we maddy
ýagdaýyny hemmelere görkezmäge mejbur edýär.

Puluňyzy ýerliksiz sarp etdirýän salym wagtlyk arzuwlaryňyza erk etmek isleýän bolsaňyz, gündelik durmuşyňyza zeper ýetirmezden, olardan kem-kem araňyzy açmaly bolarsyňyz.color =red>Mysal üçin, günde işde ýadap günortanlyga çykyp, onda-da golaý-goltumdaky kafeleriň birinde garbanýan bolsaňyz, onda mundan el çekip bolmaz, diýmek bu dogry çözgüt däl. Ýagdaýyňyza görä geýinmek isleýän bolsaňyz we muny netijesiz hasap etseňiz, tygşytly geýinmegiňizi dowam etmeli bolarsyňyz, bu hem ýerlikli çözgüt däldir. Yöne, her günde aýak üstünden sowulýan tiz tagamlarymyz we ýerliksiz içgiler hem-de çipsdir beýleki tebigy däl iýmitlerden welin agzymyzy çetleşdirip bileris. Egin-eşik satyn alanymyzda hem örän ünsli bolup, haýsydyr bir marketing hilelerine düşmejek bolmalydyr.
Iň gowsy harajatlaryň hasabyny ýöretmek we býujetiňi aýa, hepdä we her güne bölüp meýilleşdirmekdir,color =yellow>özüňe has gerek bolan harytlaryň sanawyny düzmek bilen, ýanyň bilen gereginden artyk pul almazlyk. Bu bolsa gerekmejek zatlara pul sowmakdan saklar. Eger gündelik satyn alýan zatlarymyzy her günde ýazyp goýsak, onda nähili ownuk-uşak zatlara pul harçlaýanymyzy görüp bileris.
Eger maddy ýagdaýyň mümkinçilik berýän bolsa, onda artykmaç galan pullaryňy «içi pully howpsuzlyk ýassygymyz» üçin süýşürmek has ýerliklidir. Bu babatda ykdysatçylar aýlyk girdejiniň iň bolmanda 5-10%-ini tygşytlap goýmagy maslahat berýärler.

Pul tygşytlamakda <50/30/20» shemasy bar. Bu shema laýyklykda, aýlyk gazanjyň 50%-i has wajyp bolan sarp ediş harajatlaryna (iýip-içgi, jemagat hojalyk hyzmatlary, ulag, gerek bolan dermanlar...), 30%-i - o diýen bir zerur bolmadyk harajatlara (güýmenje, garaşylmadyk çykdajylar, sport türgenleşikleri we ş.m) sarp edilip, galan 20%-i bolsa «içi pully howpsuzlyk ýassygy» üçin tygşytlanylýar. Aýlyk girdejiniň köplügine görä, bu shemany özüňe laýyk görnüşde hem gurap bolar. Dogry, eger wajyp zatlar üçin sowýan puluň möçberi aýlygyň 80%- ine deň bolsa, onda <50/30/20» shemasyndan peýdalanyp bolmaz. Munuň ýaly ýagdaýda diñe gazananyň 5-10%-ini tygşytlamak ýörelgesine eyermek dogry bolar.
Eger örän uly bir zada pul sarp etmeli bolsaňyz, 3-4 aýlap onuň üçin gazanjyňyzdan mümkin boldugyndan pul süýşürmek ýerliklidir, emma aýlygyňyzy dolulygyna diýen ýaly şoňa harçlasaňyz indiki aýlar günüňizi dolamak kyn düşse gerek.

Bu bir «Köp bilip azyňdan galmak» diýen ýaly gatnaşyklardyr. Şonuň üçin has arzan zady satyn almak isleýän bolsaňyz, nämä pul berýäniñiz barada oýlanyň. Köplenç beýle tygşytlylyk arzan bahadan alnan haryt hiç zada yaraman galan halatynda çykdaja sezewar edýär. color =yellow>

24 sagat: Ýer ýüzünde bir günde nämeler bolup geçýärcolor =blue>

Biziň ýaşaýan dünýämizde 24 sagadyň dowamynda ululy-kiçili täsin wakalardyr hadysalar bolup geçýär. Biz köplenç bu wagty bolaýmaly ýaly, ähmiýetsiz hasaplaýarys, ýöne käbir jandarlar üçin Yer ýüzüniň bir güni bütin ömürdir.

Ýer ýüzünde bir günde nämeler bolýar?

7 ýertitreme, 18 müň tüweleý, 8,6 million ýyldyrym.

Takmynan, 18 million adam doglan gününi belleýär.

Takmynan, 365 müň adam dünýä inýär.

Her gün bir agaç planetanyň iki ýaşaýjysy üçin ýeterlik bolan kislorody bölüp çykarýar.

Orta hasap bilen her birimiz günde 15 gezek gülýäris.

Ynsan ýüregi günde 104 müň gezek urýar.

Kagyz haltalary ýasamak üçin 40 müň agaç, hajathana kagyzy ýasamak üçin 27 müň agaç kesilýär.

Ösümlikleriň, mör-möjekleriň, guşlaryň we süýdemdirijileriň 150-200 görnüşi daş-töweregiň hapalanmagy, ýeriň zaýalanmagy we daşky gurşawa zeper ýetmegi sebäpli yok bolar.

Hytaýly daýhanlar 510 müň tonna tüwi ýygnaýarlar.

Dünýä ýüzi boýunça 1,700 ,000 tonna miwe ýygnalýar.
Ortaça, her bir adam takmynan 48 müň sany söz aýdýar.

Bütin dünýädäki towuklar 190 million yumurtga berýärler.

Dünýädäki adamlar her gün hajathananyň suwuny 22 milliard gezek goýberýärler. Bu suw mukdaryna adamzadyň ýarysy suwa düşüp bilerdi.

142 müň awtoulag öndürilýär. Eger bu täze öndürilen awtoulaglar zynjyr görnüşde hatara düzülen bolsa, olaryň uzynlygy takmynan 512 kilometre barabar bolardy.

Adam her gün 23 müň gezek dem alýar.

Adam bedeninde her günde 50 trillion öýjük ölüp, täzeden döreýär.

Adamyň 40 - 100 aralygynda sany saçy dökülýär.

Adamlar bir günde 800 million apelsin, 1 milliard alma, 1,5 milliard sany bolsa banan iýýärler.

Adam saçlary 0,35 millimetr ösýär.

24 sagat maýyp güjügiň gysga ömri.

Bir günde adamlar şulary satyn alýarlar:
• 570 müň sany telewizor;

• 3,4 million sany telefon;

• 540 million sany gazet;

• 820 müň sany golf topjagazy.

Her günde 2753 sany kitap çap edilýär.

Ýer ýüzünde 24 sagadyň dowamynda Gün bir gezek dogup, bir gezek batýar. Şeýle-de bolsa, Halkara kosmos stansiýasynyň (ISS) astronawtlary günde 16 gezek Günüň doguşyny we 16 gezek Günüň batyşyny görýärler.

Ýer togalagymyzda her günde bolup geçýän wakalar örän köp bolsa-da, köplenç olara ähmiýet bermeýäris. Bir günde köp sanly janly- jandar dünýä inýär we ölýär, ekinler ösýär we miweler bişýär, köp mukdarda önüm öndürilýär. Tebigatyň ýaşaýşy yzygiderli ösüp-ýetişip dowam edip dur, adamzat işleýär, kämilleşýär.

24 sagadyň içinde milliardlarça jandar üçin ýaşaýyş üpjün edip, ullakan özgerişler sikli başdan geçirilýär. Bu zatlaryň ählisi planetamyzy her pursatda ajaýyp wakalaryň bolup geçýän ýerine öwürýär.

Haŷsysy has kyn

Ölmekmi

Ŷaşamakmy.

Gyzyklyja

Arasynda tanalŷan agzalaram,tanalmaŷan agzalaram bar. Biraz kynlasdyrmak ucin etdim onam