Hoş geldiñ noýabr ýene dolanyp.

Kän garaşdym , seret menem üýtgedim.

Güýçlendim , unutdum köýen geçmişim,

Ýöne ony senden özgä aýtmadym.

Çünki senki ýaly hiç kimem saklap,

Başaranok meniñ içdäki syrym.

Myhmanym bolsañ-da ýylda bir gezek,

Men saña şeýle bir minnetdardyryn.

Hajymyrat Goşaýew

Galanja ömrüni ýaşlar içinde,

Dolup, güni gam-gussada ötmesin.

Hiç enâni perzendinden aýyryp,

"Balam" diýip , aglamaly etmesin

Hajymyrat Goşaýew

Seniñ gujagyñdan çykasym gelmez,

Men senden doýamok nädeýin eje?

Myssyjak çöregiñ suwa ezip ber,

Çagalyk tagamyn dadaýyn eje.

Hüwdile sen meni mahmal owazda,

Bäbek deýin uka gideýin eje.

Başym sypan elleriñe gurban men,

Adyñ dile doga edeýin eje.

Hajymyrat Goşaýew

Aram tapman ýaralanan janyña,

Sorag bilen bakypsyñ öz añyña,

Göni gelip bilmeseñem ýanyma,

Meni ýakyn-ýatlarymdan sorapsyñ.

Goýberen ýoluñdan tapman yzymy,

Öwsen şemal getirdimi ysymy?

Çapak çalyp, tutañsoñam ýasymy,

Meni ölen duýgulañdan sorapsyñ.

Ret edilen söýgümi gaýta gözläp,

Gezipsiñ-ä jiger-bagryñy duzlap,

Azaşan ýoluñda salgymy yzlap,

Meni gapy-gapy kakyp sorapsyñ.

Ykbal seniñ gül ömrüñi bulapdyr.

Halyñ hassalanyp , teniñ gurapdyr.

Saña söýgüm , uzak ýola ugrapdyr,

Meni kowan ýodalañdan ýöräpsiñ,

Özgä ýar bolsamam meni sorapsyñ.

Hajymyrat Goşaýew

Tikinçi gyz saña bir soragym bar,

Birje nazaryñy dikip bilermiñ?

Nepis işleriñe sözüm ýok, meñem,

Ýyrtylan ýüregim tikip bilermiñ?

          Hajymyrat Goşaýew

Şahyr ýigit , berme beýle sowaly,

Uýat bor nazarym eglense sende.

Bolsada el işlerimde nepislik,

Ýürek ýamar ýaly ukyp ýok mende.

          Ogulbossan Atdanowa

Agramly bölegi geçse-de  ömrüñ,

Ýakynlañ mährine suwsatýan eken.

Agdyklyk etse-de enäniñ mähri,

Kakamjan señ mähriñ küýsetýän eken.

Ornuny tutmaýar özge söýgüler,

Gursagmyñ bir künji ýykylan ýaly.

Lezzeti ýok, gyzygy ýok durmuşyñ,

Deñizden gus-gury çykylan ýaly.

Tapmadym hiç ýerden , gözläp agtaryp,

Sözüm tutup, açmak üçin şähdiñi.

Çünki, gözlerimden gaýyp bolupdyñ,

Duýup ýetişmänkäñ agtyk mährini.

Durmuş gussalara sepläp goýberdi,

Senli günleñ şat ýañlanýan sazyny?

Ne çün kaka , ne çün ýetim eýledi,

Ykbal seniñ ulaldanja gyzyñy?

Goltgy berip , üstünlige atarýar,

Tutan işi şowlulykda gutarýar,

Ýaşlar öñüñizde elin göterýär,

Ömür diläp Arkadagly Serdara.

Türkmen adyn bu barlyga jar eden,

Ulus ilne göreji deý sereden,

Alkyş alyp , her gursakda ýer eden,

Ömür diläp Arkadagly Serdara.

Sözlän sözi bize nusga bolup dur,

Watanym güllerden görkün alyp dur,

Ýagşy dileg dillermize gelip dur,

Ilime görelde , merdi-merdana,

Ömür diläp Arkadagly Serdara.

Hajymyrat Goşaýew

Kakaly öý , berk haýatly galadyr,

Duşman sözi ýykyp bilmez ursada.

Gorky bolmaz, hem eýmenmez hiç zatdan,

Diñe mertlik guýar , olar gursaga.

Kakaly öý , şatdyr mydam , bolmaz gam.

Kakañ bolsa, aýdanyñ ýerde ýatmaz.

Añyrsyna göz ýetmejek baýlyk ol.

Ýitiräýseñ ornuny kimse tutmaz.

Kakaly öý , Jennete barabardyr.

Näme diýseñ göni üstüñe geler.

Içi dert bolsa-da kakalarmyzyñ,

Çaganyñ ýüzüne bagt biler güler.

Hajymyrat Goşaýew

Dünýäde ejeñi ýitiren bolsañ,

Aýyñ , Günüñ dogmasyny üýtgeder,

Ejiz diýip arkañ aljaklar azdyr,

Köpüsi hem gaýtmaz , kalbyñ tüýtmeden.

Dünýäde ejeñi ýitiren bolsañ,

Ýaşamaga höwesiñem gidendir.

Seniñ üçin iliñ etmedik zadyn,

Balam üçin diýip ejeñ edendir.

Dünýäde ejeñi ýitiren bolsañ,

Gursagyñdan kalbyñ sowrular gider.

Henize çen, gam görmedik ýaş başyñ,

Gussalaryñ bilen agralar gider.

Tagamsyz bor iýjek diýip elläniñ,

Elden gider meñki diýip belläniñ,

Şonda-da sen bu Biribar Allanyñ

Nazaryny salan bendesi borsuñ,

Dünýäde ejeñi ýitiren bolsañ.

Hajymyrat Goşaýew

Eje