gul✿
10.09.2024 16:09
Ine, biz ýene sataşdyk. Sen bir tarapda, men bolsa garşy tarapyňda duryn.Salam berip, ýagdaýyñy soramak isledim, öñkiler ýaly, gülüşip -degişmegiñi isledim, ýöne indi durmuş bizi bir ýolda gaşylaşdyrsada, bile bir ugura ýöretmez. Senä öz ýoluña, men bolsa seniñ garşy ýoluña.. Emma seretsene takdyr bizi sataşdyrda. Iň bolmanda azsalymlyk säginmäne pursat berdi.Şoñ üçin takdyra gargamok. Ol bizi telim gezek sataşdyrdy, ençeme gezek bize bu ýoly bile ýöremäge pursat berdi. Şonuň üçin ikimiziñ aýry ýollarda ýôremegimize takdyr däl, biz, özümiz günäkär..
Bilýäňmi? Sen meniň düýşümdekäň düýşüme girýäň. Aýdasym gelýä, "gynama çyk aklymdan" diýip, ýöne seni ol ýerden kowsam soñ düýşüme girmersiñ öýdip gorkýan. Seni ýeke şol düýşlerimiñ içinde öñkiler ýaly gürleşip, özümi bagtly duýýan. Nädeýin isleýändä seni. Aklym bolmajagyna düşünýär, ýöne ruhum düşünenok. Ol seni isleýär. Ol seni görmek isleýär. Bilýäñmi hool ýylgyramda peýda bolýan ýañagymdaky çukurçyklar indi mende ýok, sebäbi men ýylgyrmagymy bes edenim bäri olar menden öýkeli, meni terk etdiler..Sen meniň arzuwymdyň. Arzuwym hem bolup galarsyñ. Ondan ne köp ne-de az.. Nädeýin? Arzuwlaryñ hemmesi hasyl bolup baranok.
Aňlamak üçin aň gerek, pikirlenmek üçin beýni... ýatlamak üçin hatyra. Hakydamdan gitmedigiň pursat, sen hemişe ýadymda...
13
137
gul✿
07.09.2024 23:11
Ali we Nino "Batumi aýlagynyň kenarynda ýerleşdirilen ajaýyp heýkel yadygärligi, Batumi (Gruziýa) şäherindäki heýkeltaraşlykdyr. Bu heýkeli döredijisi Gurzin heýkeltaraşçy zenan Tamara Kvesitadze. Heýkeli döreden ussat zenanyñ aýtmagyna görä, heýkel her gün agşam sagat 19: 00-da, uzynlygy sekiz metrlik gyz bilen oglan heýkeli ýuwaş-ýuwaşdan bir tegelekde hereket edýär, we bir bitewilige gelip bir-biri bilen birleşýär, soň bolsa olar ýene biri-birinden zaklaşyp, daşlaşýarlar. Bu hereketli aýlaw 10 minut dowam edýär. Bu ajaýyp ýadigärligiñ we onuň töweregi ýagty neon yşyklandyryjylar bilen bezelip, ol ýer jahankeşdeleriñ ünsüni özüne çekýän ýerleriñ biri. Bu ýadygärlik gurlandan soň asyl ady “Erkek we aýal” dakylyp ol at soñ “Ali we Nino” diýen aşyklaryñ ady bilen çalşyryldy.
Ali. Nina söýgüsi barada bolsa "Kurban.Said" iñ ,,Ali ve Nina" romanynda giñişleýin beýan edilen. Kitapda 1918,1920 ýyllarda bir musulman, Azerbeyjanly ýaş ýigit Aly. Han bilen, Gurzin hemde hristiýan gyzy Nina. Kipiani atly ýaş gyzyñ arasyndaky başabarmadyk söýgisi barada ýazylan.
Kitaby okamagy maslahat berýän sebäbi bu roman 1937-nji ýylda Wenada ,,Ýüzýylyñ hekaýasy " diýilip dillere dessan bolup biziñ günlerimize gelip ýetipdir.
Toplap ýetiren: 🌹
18
161
gul✿
06.09.2024 14:39
Güller gözelligi senden öwrener,
Göz degmesin, Gülüm, gül çagyñ seniñ.
Agşamyñ şapagy sönük görüner,
Säheriñ şapagy ýañagyñ seniñ.
Gözleriñe baka bilmän bakañda,
Baksam ýürek aýdym aýdar hakyñda,
Ak hünjiñi ak boýnuña dakañda,
Baglar gözlerimi bent bagyñ seniñ.
Dogañda dogupsyñ gaşy sürmeli,
Zülpleriñi ogşap-ogşap örmeli,
Bagty görmek islän seni görmeli,
Düşümlidir, Gülüm aýagyñ seniñ.
Görsem, ýüregimde bir tupan turar,
Görmesem, ýüregim mydam ah urar,
Alkymyñdan atyr ysy bark urar,
Gülabyñ gaýmagy dodagyñ seniñ.
Ölmez, Güljahanym, saña ýar bolan,
Gülmez, Güljahanym, saña zar bolan,
Körpejekäñ saña wepadar bolan,
Şahyr ýüregimde soragyñ seniñ.
Gara.Seýtliýew
Goşgy ähli Güljahanlar üçin)
16
73
gul✿
03.09.2024 15:52
NAMYS HAKYDASY.
(•Birinji mazar)
Üçleñ ulusy men.
Amanbike men.
Maýsalyk döwrümdi urdy bir bela.
Ogulbike bilen suwa gidipdik.
Gaýramyz tokaýdy, çepimiz gala.
~
Kir ýuwup otyrdyk derýañ boýunda,
Jeññellikden çykdy bir jübüt atly.
Saçymyzdan süýräp, çekdi tokaýa...
Soñ ýene kenara
Oklady gitdi.
~
Şondan soñ üç aýlap
Erkek telpegne,
Seredip bilmedik... Görünse telpek,
Göýäki diýersiñ, bir alahöwren,
Bizi öz demine dartyp barýan dek -
(•Ikinji mazar)
Ogulbike... Üçleñ ortanjysy men...
Amanbike aýtdy maña-da derek.
Şeýdip on altydan ätlän günümiz,
Namysyñ jebrinden
Jaýryldy ýürek.
~
Göýä bedenmizden aýryldy ýürek.
Bolmaz mundan beter işi gaýdanlyk...
Şeýdip ynha gyzyl kürte deregine,
Başymyza gyzyl toprak atyndyk.
(•Üçünji, dördünji mazar)
"Üçleñ ejesi men...
Jemal eje men!..."
"Üçleñ atasy men...
Yslam ussa men!..."
Gülki gatyşykly, eýmenç bir owaz,
Goşalanyp çykdy ýeriñ astyndan:
~
"Ýeriñ üstündäki gara külbeden,
Ýeriñ teýindäki garañky mazar
Has ýagşyrak eken, ýumşagrak eken..."
Başga-da ses çykmady.
Kesildi owaz.
(•Bäşinji mazar)
Şondan bärem ine,
ýatyrys şeýdip.
Tümlükden gaýdypdyk, ýene-de tümlük.
Ýöne bu mekanda bir Adalat bar:
Ýetime-de deñlik.
Hana-da deñlik.
~
Dünýäni sarsdyran hanlaryñ biri,
Ýatyr o ýanymda pezzerdip murtun.
Oñ çep ýüzünde çeşşerip ýatyr,
Bäş ýüz köýnek geýip,
Mesirgän hatyn.
~
Bizi har etse-de ýerdäki zulum,
Ýer astynda bizi deñledi Ajal...
Bir otag, bir eşik... hemmä-de deñlik.
Şu deñlik ýokarda bolarka haçan?
Haçan? Haçan?
(•Awtordan)
Şol deñlige ýetdik, Gadymy Ejem,
Bizi gaýgy etme, ýat sen arkaýyn...
Deñligistan edip ülkäniñ için,
Doganystan etdik gumun, tokaýyn.
~
Türkmenistan dakyp
onuñ adyna,
Uçmahystan etdik ýeriñ arkasyn...
Görsediñ bu döwrüñ Amanbikesin,
Görsediñ bu döwrüñ Ogulbikesin -
Dünýäni añk edip öz görki bilen,
Öz hukugy bilen, öz erki bilen,
Siziñ ýaşyñyza -
on alty ýaşa,
Ýetýärler ýüz arzuw,
Müñ gülki bilen.
°K.GURBANNEPESOW.
gysgaldyp alynan.
17
118
gul✿
01.09.2024 15:05
Käbir zenanlar hemişe ýylgyrýandyr...
Gelersiñ ýylgyrar, söýersiñ ýylgyrar, öpersiñ ýylgyrar, gujaklarsyñ ol ýene ýylgyrar, saçlaryny ysgap, herbir tarynyñ ysyny içiñe çekersiñ ol sada gözlerini güldürip ýene-de ýylgyrar...
Gidersiñ ýene-de ýylgyrar, gam-gussalary berersiñ ýene ýylgyrar. Gözleri ýaşdan dolup, damagy gatar ol ýene-de ýylgyrar.
Gyýylar, gynanar ýöne hiç nägilelik bildirmez, biz bolsa töweregimize, durmuşymyza, dünýämize nur saçyp, ýüregimizi ýylatýan, ýörejek ýolumyzy ýagtylandyrýan, gözleri gülsede, ýüregi aglaýan, ,,Ol ýylgyrýar-a, diýmek bagtly" diýip pikir etýän ynsanymyzyñ aslynda içinde nähili uly bir ajy derdiñ ýatanyny, içindäki bolýan söweşlerden her gün nähili ýaralanyp, ynjaýanlygyny, ýylgyrýan wagty ,,ýagdaýym gowydäl" diýmek isleýänini duýup, añyp bilmejek derejede kördürüs, we bularyñ hemmesiniñ aslynda çyn sebäpkäri özümizdigine aklymyzy ýetirip bilmeýän wyźdansyzlaryñ biridigimizi unutýarys.
#🌹
19
103
gul✿
31.08.2024 13:39
Sen dek gözel bolan bolsa Zöhre-de,
Derýada biderek akmandyr Tahyr.
✿
Mejnunyñ gözünde Leýlini gördim,
Sençe ýok eken.
✿
Men «bar» diýsem,
«ýok» diýjegne şübhe ýok,
Men ýagyşy söýýän,
Oň söýýäni gar.
✿
Bilinmeýän bolsa ýaşaýanyňam
Seniň ölilerden näme parhyň bar
✿
Ýigrenilýän adamdan öýkelenmeýär, ol diňe ýigrenilýär.
✿
Iň belent hem hiç mahal gadry gaçmaýan söýgi ýetilmedik söýgüdir.
✿
Gör hany nirde ýalňyşdyñ, bolmanka bir GIÇ.
✿
HIÇEM, GIÇEM BOLÝA,
SERET SAŇA YNAM ÖLÝÄ.
✿
Ýalñyzlyk bu çuñ ummanda ýeke küreklemek däl, ýalñyzlyk ymmgyr çöllerde ýeke galmak hem dăl, Ýalñyzlyk bu mähelläniñ içinde SENI gözläp tapmazlyk.
#Halanlarymdan.
14
81
