Hassahanada praktika gecemde ozumde bolan waka:
Hassahananyñ adaty iş günleriniñ biridi, sagat takmynan 08:30 töwerekleri. Ýaşy 80-den aşan bir ýaşuly başam barmagynyñ dikinini aýyrtmaga gelipdir. Howlugýandygy görnüp durdy. Naýynjar tolgunçly ses bilen sagat 9-da mühüm bir işiniñ bardygyny aýtdy. Men kellämi ýaýkadym-da gynansakda ähli lukmanlaryñ işlidigini we azyndan bir sagatsyz boşamajakdyklaryny aýdyp ýaşulyny oturtdym. Ýöne onuñ nähili gynançly gözler bilen sagadyna seredişini görüp ýüregim awady we entek tejribäm az bolsa-da kömek etmegi ýüregime düwdüm. Barmagyny gowja gözden geçirip ýarasynyñ bitişendigini gördüm we lukmanlaryñ birinden maslahat sorap gerekli gurallary we medikamentleri ýygnadym. Dikinlerini aýyrma işine girişip biraz gürrüñdeş boldum. Men çydam bilmän: "Beýle howlugyşyñyza görä i$iñiz gaty möhüm bolsa gerek?" diýip soradym. Onda ol: "Hawa, hassahana barmaly, aýalymy naharlamaly" diýdi. Aýalyna näme bolandygy bilen gyzyklandym. Ýaşuly gynanç bilen aýalynyñ Alsgeýmer (seýrek duş gelýän beýni bilen baglanyşykly çäresiz hassalyk, adatça 65 ýaşdan ýokary adamlarda duş gelýär) keseline duçar bolandygyny aýtdy. Onýança men dikinlerini aýyryp, ýarasyny dañdym. Men sagadyma seretdim-de: "Biraz gijä galsañyz aýalyñyz tolgunmaz-a?" diýip soradym. Soñky 5 ýyldan bäri ayaly ony tanamaýandygyny eşidip haýran galdym. Soñundanam: "Aýalym hat-da men onuñ nämesidigimem bilenok" diýdi. Menem haýranlyk bilen: "Ol siziñ kimdigiñizi bilmese-de her gün irmän gatnap ýörsiñizmi?" diýip soradym. Ýaşuly ýylgyrdy-da egnimden kakyp: "Ol meni tanamasa-da men ony tanaýana." diýdi. Men gözýaşlarymy zordan sakladym...
Şular ýaly adamsynyñ bardygy üçin ol aýal hassa hem bolsa şüphesiz dünýädäki iñ bagtly aýaldyr. Çyn söýgi - diñe bir fiziki hyjuw ýa-da romantika däldir. Hakyky söýgi - ähli zady (öñki, häzirki, soñky) bolşy ýaly kabul edip bilmek ukybydyr.
Ýaşulynyñ güni biziñ başymyza düşende bizem şonuñky ýaly hereket edermikäk?"

#Туркменистан Live.
vk.com