goshguchy
14.05.2024 08:28
Belli zat
Ýer üstünde söýüň birek-biregi
Ýer astynda görmejegiň belli zat
Ezizläber ýüregiňe gireni
Bir giden soň gelmejegem belli zat!
Hiç peselme,dyrmaşyber ýokary
Kyn iş däldir azap çekseň bolany
Sylap,söýgüň wagtyň barka dogany
Soň mährinden doýmajagyň belli zat!
Şükür eýle göz açylan her gün
Her şüküriň ýagty saçsyn ömrüňe
Ötünç sora degen bolsaň göwnüne
Ölenden soň diýmejegiň belli zat!
Gören kişi toba kylar azgyna
Uýat sözler gelşmez kişiň agzyna
Ýaman gylyk ornaşan soň kalbyňa
Melek bolup bilmejegiň belli zat!
Ençe ynsan haram para ýetendir
Baýlyk üçin ynsabyndan ötendir
Soňky ýolda üstüň duw ak kependir
Çille,pombarh geýmejegiň belli zat!
Ynamdyr dünýäniň agram bölegi
Çyn söýgüler gurşap alsyn älemi
Ýaralamaň,hiç aglatmaň ýüregi
Köýenden soň söýmejegem belli zat
Şyhberdiýewa Göwher
Oglanjygyň arzuwy...
Bir gün geler menem barly bolaryn
Ýuwdunmaryn,iller nahar iýende
Arzuw edip garamaryn,men bilen
Deň çagalar gowy eşik geýende
Gorkman,ürkmän iýbiçerin doýunçam
Şo günlere ýetmek üçin işlärin
Ynanýaryn geler maňa-da döwran
Emma oňa çenli hyrçyn dişlärin
Gaty çôrek zor tapsamam şuwagtlar
Näräzy bolmaryn hergiz Hudaýdan
Ýöne näm üçindir ýetse derejä
Öňki özüni hem unudýar adam
Näçe hor bolsamda,eğri ýollara-
Baş goşman,nebsime hergiz egilmen
Seni geýindirip,meni aç goýan
-ýalaňaç goýan
Bu zalym durmuşa asla ýeňilmen
Göwher Şyhberdiýewa
20
81
goshguchy
03.05.2024 13:12
Ömrümiň süýjülikleri
Kalbymyň aşygy birdir ýeke-täk,
Gürleşsem ýüregim, giňär iki çäk,
Adyny tutmaýyn siz biliň entäk,
Meger oňa Käbäm diýsem düşnükli.
Ýüküm alýar, jaýlyk salýar janyma,
Şol Mukaddes adyň ornan aňyma,
Men seni deňeýän ýer kuwwatyna,
Meger oňa kyblam diýsem düşnükli.
Siziň keşbiňize zar bolýar didäm,
Durmuşy setire dökmek wezipäm,
Şol wezipä sapak beren halypam,
Meger oňa atam diýsem düşnükli.
Kelledäki pikirlerim ýer depýär,
Aladany öz özüne dert etýär,
Döksem derdim,
Dertdeş bolýar ýeňletýär,
Meger oňa şygyr diýsem düşnükli.
Göwher Şyhberdiýewa
15
21
goshguchy
25.04.2024 08:15
Aradaşlyk kyn geldimi,halys inni ýadadyňmy?!
Söýýän diýip sen menimi,ýa özüňi aldadyňmy?!
Güýmenmekmidi islegiň,nâ sen kiçi çagadyňmy?!
Aýralykda Senem men deý dertli gülüp,dagadyňmy?!
Düşünmedim menâ saňa,köpugurly ýodadyňmy?!
Ýarym galan bu söýgüde mensiz az kem togtadyňmy?
Ähli beren sözleriňe oýlan birje,pugtadyňmy?!
Men hemişe günâlidim,bolýa. Sen ak pagtadyňmy?!
Kalbym kesim-kesim etdiň,almaz,pyçak,paltadyňmy?!
Aý bor,bulara üns berme. Aýdaý az-kem ýatladyňmy?
Senem edil meniň ýaly hopugyplar agladyňmy?
Göwher Şyhberdiýewa
29
58
