garlawac
15.04.2024 16:27
Bilseň, bu günleňem möwriti öter,
Eglenmez başyňda kelpeň ýaşlygyň.
Hatda, aňarsyňam giden mahalyň
Ýaňagma syrygan tuşdur öýdeniň
gara ýaşdygyn.
Hawa,
Şadyhorram dünýäň mazasy gaçar,
Diskotekaň bolmaz öňki şowhuny.
Götärsiň gursakda günlerde bir gün
Öz-özüňi ýitiräýmek howpuny.
Ýene Sella bara eňersiň,
emma
portugal çakyram keýpiň götermez.
Ýüregiň joşsa-da, agramly ruhuň
Keýpihonlaň gürmegine itermez.
Alnyňda bulanýan ýarym-ýalaňaç
Näzeninler hyjuwyňa joş bermez.
Misli buthana dek, gijeler dynman
gatnan haremhanaň gujagyn germez.
Özüňe gelersiň, soňam gün-günden
Şadyhorram dünýäň mazasy gaçar.
Birsellem dymarsyň.
Gözüň öňünden
Birin-birin menli günleriň geçer.
Meň ýüregmi wagt tebibi seýiklär,
Gel, günäňi geçip biljek beýikkäm.
Aýbölek ABDYÝEWA
24
166
garlawac
15.04.2024 02:01
Duýman durkam ýüzümde ýylgyrşyň peýda bolmagyna sebäp bolan päk ýürekli adam duýdansyz aralaşdy içki dünýäme. Garaşylmadyk pursatda ýüregimiň gapysyny kakdy we rugsat bermegime garaşmazdan kalbymyň töründen ýer tutupdyr özine. Asmanda peýda bolan ýedi reňkli älemgoşar deýin dünýäme görk goşduň. Seniň saýaňda söýginiň, mähriň, begenjiň, şatlygyň, ýersiz-ýere gaharlanmagyň özboluşly täsin tagamyny datdym. Kiçijik tanyşlykdan başlan bu gatnaşyk al-asmanda ganat kakýan goşa gumra öwrüldi. Emma bu ýagdaýdan habarsyz bolup, gezmek ikimiz üçin hem iň gowusydy. Biri-birimize aýdyp bilmeýän zatlarymyzy gizlin, jadyly sözleriň üsti bilen ýetirip göwnümizi galkyndyrmagy başarmagymyz hem biziň birek-birege duýýan ýakymly duýgymyzyň syrydy. Heniz özümize subut edip bilmedik ýakymly duýgularyň yşkynda perwana bolup gezip ýördük. Ne sen göniňden gelip bir zatlary aýdyp bilýärdiň, ne-de men. Diňe öz täsin duýgularymyzyň ýesiri bolup gezmekden başga alajymyz ýokdy. Belki ýyllar soňra öküneris. Bir-birimize beýan edip bilmedik şol duýgularymyz ömrümiziň süýji ýatlamasy bolup galmasady diýip öz-özümizi günäkärlemegimiz mümkin.
“Käşgä” diýen sözi halamok. Başardygymdan şol sözi az ulanmak isleýärin. Henize çenli durmuşyma bezeg beren wakalarda bu sözi ulanyp görmedim. Emma geljekde ulanmakdan gorkýan. Ýöne welin has uly ýalňyşlyklara ýol açyp biljek zatlardan gaça durmak maksady bilen şu gün hiç zat gürlemek islämok. Başga wagt bir minut durmaýan agzym, şu meselede lal-jim bolýar duruberýär. Ähli zady durmuşyň öz ellerine goýberip, ýoluňy dowam etmek iň gowusymyka diýýän.
Seniň bilen guran hyýaly dünýämde ýaşamak meniň üçin diýseň gyzykly. Emma hemme zat wagty gelende tamamlanýar. Soňy bolmajak bir ýolda ýöräp barýanymyz ikimize-de mälim. Muňa garamazdan biri-birimize göwünlik bermegimize, daýanç bolmagymyza düşünip bilemok. Seni öz dünýämden uzak tutmaga synanyşdym ençeme gezek. Näme üçindir muňa güýjüm ýetenok. Ynsan öz-özüni uçrumyň kenaryna itäklärmi? Men bolsa geljekde ýüregimi paralajak duýguny yhlas bilen iýmitlendirip, gün-günden ösüp ulalmagyna goldaw bolýan. Erkimiň jylawyny öz eline alan ýüregim diňe öz diýenini gögertmegi maksat edinen ýaly hujuw bilen öňe ymtylýar. Hemme zady ykbalyň gollaryna taşladym-da, ýüregimiň diýen ýerine gitmek kararyna geldim. Belki erteki gün aglaryn, gynanaryn emma şeýle beýik duýguny az wagtlyk bolsa-da başdan geçirenim üçin özümi bagtly saýaryn.
Men senden hiç wagt nägile bolmaýan, çünki sen maňa hiç zadyň sözüni bermediň. Diňe ýakyn, dertdeş bir tanyş hökmünde ýanymda durduň we çykgynsyz ýagdaýlardan baş alyp çykmagyma goldaw bolduň. Munuň üçin men saňa ömür boýy minnetdar bolup galaryn. Şu günden özümi sensiz dünýäniň bosagasynda duran jahankeşde kimin duýmaga başlamakçy. Çünki seniň dünýäňe edýän syýahatymyň haçan tamamlanjagy belli däl.
#Ondan-mundan
34
201
garlawac
27.03.2024 11:41
Birnäçe adam seniň gaharyňy getirip, ýa göwnüňe degip, ýamanlyk edip, seni durmuşdan doýurýar, ruhuňy öldürýär, ýaşamaga höwesiňi eliňden alýar. Şeýdibem lapykeç bolup, gaýga batyp, ahyry durmuşdan umydyňy üzjek-üzjek bolan wagtyň hiç garaşmadyk ýagdaýyňda biri peýda bolýar-da, ýekeje söz, bary-ýogy ýekeje söz aýdýar-da, seni täzeden dünýä getiren ýaly edäýýär.
Üstesine-de ýekeje ýylgyrşy bilen ýaňky garaýürekleriňem ýüreklerini ýagtyldaýjak derejede sende mähir döredýär...
Sözüň gudratyna bir seret!
#anonim.
35
171
garlawac
26.03.2024 16:43
Ýanyňda bolmasam, ýadyňda borun,
Men bir pikir borun ýüregňe düşýän.
Gijeler meň adym düýşüňden çykmaz,
Barlygym gündizem huşuňda düşlär.
Çemin tapman menden sypyp gitmegiň,
Özüňi günäläp, çekersiň yza.
Bir görseň, ähli zat ýalan ýaly bor,
Bir görseň, ähli dert üstüňe dyzar.
Aňymda yza bar seniň adyňdan,
Ony ýürek arasynda daşadýan.
Ant içýärin seniň gorkýan zadyňdan,
Menden saňa dönüp gitmek başartmaz.
Derdiň men bolaryn, dermanyňam men,
Ýöne men seň üçin lukman bolmaryn.
Giň dünýäni dar eýleýip başyma,
Söýgüsin ýygşyryp-bukýan bolmaryn.
Gözýaş bolar käte derdiň egisjek,
Käte öten günler bolar teselli.
Sen bu derdi satyn aldyň meýletin,
(Asyl, söýgi seň çakyňdan ýesermi?).
Her ynjyk pikiriň göwnüňe deger,
Özüňe özüň deý tapmarsyň duşman...
...Ýanyňda bolmasam, ýadyňda borun,
Men bir pikir borun ýüregňe düşýän...
PARAHAT MÄMMETNUROW
33
88
garlawac
25.03.2024 20:21
Gel, baryny başlaly biz başyndan,
Öýke-kine düýne siňsin ebedi.
Ykbal bagtyn gysganybam durmaýa,
Bozulmasa ýaşamagyň edebi.
Kim günälidigniň parhy ýok indi,
Göwünler döwlensoň tutmasa ýama.
Bilýäňmi, bagtymda adyň göründi,
Palçy daýza bakanynda aýama.
Diýipsiň hatyňda: "Bozmak aňsatdyr,
Gel, ikimiz täze haýat guraly.
Durmuş bir-de bahar, bir-de aňzakdyr,
Biz mydama sözümizde duraly.
Diýýärler: "Söýginiň kadasy şeýle,
Uruş-dawa kän ilipdir bellige.
Ýok, göwne degmeklik kada bolmasyn,
Öýkeleşmek öwrülmesin endige.
Uzak menzillere ýoldaş bolmaga,
Sarsmasyn kalpdaky ynamyň saly.
Umyt, ynam ganat berse kalplara,
Şonda söýgi bagtly eder ynsany.
Annabeg AÝMAKOWA,
31
78
garlawac
25.03.2024 04:51
Başagaý günlere ýükläp günäni,
Şygyr ýazman hem okaman geçilen.
Gijeleriň, gündizleriň jemini,
Gündeligme bellemedim, eje, men.
Bilgeýşleýin ýazman gündeligimi,
Örtjek boldum ýaltalygmy ýene-de.
Kast etdigim bolýamy bu özüme,
Ýa ikilik bormy beýik senede.
Eje men ulaşyp derde, alada,
Gözlerime soňky çäredi-uky.
Ukymda görmedik gorkunç düýşlerden
Oýalykda gorkup gözledim buky.
Özgelere ýükläp ähli webaly,
Şygyr ýazman hem okaman geçilen.
Gije-gündiz tutuş ömrüň hasabyn,
Gündeligme bellemedim eje men.
Annabeg AÝMAKOWA,
29
67
garlawac
24.03.2024 22:03
Diýme: «Gözleriňde asmany görýän»,
Asmandan Zemine gaçaýma birden.
Diýme: «Barlygyňda alawlap ýanýan»,
Soňundan kül bolup öçäýme birden.
Humar bolup diňlän sazlaň hakynda,
Bendi bolup synlan ýazlaň hakynda,
Menden ozal söýen gyzlaň hakynda
Ýanymda agzyňy açaýma birden.
Kiçelsem kiçi bol, beýgelsem — beýik,
Ýarama melhem bol, döwügme — seýik.
«Bul-a maňa indi ýüz berdi» diýip,
Mertebämden ätläp geçäýme birden.
Tämiz bolsun niýetleriň, pälleriň,
Aýdyň bolsun ýodalaryň, ýollaryň.
Bilip bolmaz, aglap, ejizlän günüm,
Menden ýüz döndürip uçaýma birden.
Parahat Batyrow
35
154
