garlawac
26.03.2024 22:52
Nirelerden peýda bolduň bagtyma?
Sensiz gaçýar maňa dünýäň gyzygy,
Geçenok-la wagtymam.
Bu gije-de baýguş deýin dikgerip
Otyryn ine.
Gulak goýup sözlerime jikme-jik,
Arzymy diňle!
Äpişgeden jyklaýaňmy,
Çydap bilmän joralaryň jeňine?
Ymyzganyp uklaýaňmy?
Ya-da meniň garaşýarmyň jaňyma?
Uzynly gün okuwda-da ýadansyň,
Soňam öýe gelseň birgiden iş bar.
(Referat ýazmaly, goşgy düzmeli)
Hamala sen mollumlaryň gözüne,
Unwersal işgär.
...Sabyr käsäm dolup, ahyr jaň edýän,
Zordan pyşyrdaýaň, tutaryk diliň.
Sebäbi ýap-ýaňy uklan ekeniň.
(...Gürlemäge derek şirinden-şirin)
Uklaýyn menem.
Awtor: Parahat Batyrow
