garlawac
05.01.2024 09:00

Kitapdan belliklerim:



‘’ Size Prag’dan, sonra Meran’dan da yazmıştım. Cevap yazmadınız. Gönderdiğim o notlara karşılık beklemem gereksiz, biliyorum. Yazmadığınıza bakılırsa iyi halde olmalısınız; bizler çoğunlukla iyi olduğumuz zaman susarız, böyle ise sevinmem gerekir…’’



♡♡♡



,,Elinden gelen her şeyi yapıp güzelleştiremediğin yerleri terk etmek seni kötü biri yapmaz Milena."



♡♡♡



kanadından öpüyorum kalbimin kuşu.



♡♡♡



“Mesela neden senin odanda duran, sen sandalyende ya da çalışma masanda otururken, uzanırken, ya da uyurken, seni bütünüyle gören mutlu bir dolap değilim? Neden değilim?”



♡♡♡



“Ama bana gelirsen, uçuruma atlamış olacaksın. Bunu biliyor muydun?“



♡♡♡



Bunu kıskançlıktan söylemiyorum Milena, kıskanç değilim. Ya dünya çok küçük ya da biz çok büyüğüz, ne olursa olsun onu tamamen dolduruyoruz. Kimi kıskanacağım ki?



♡♡♡



Ki sen, sen isen özür dilerim. Bilmeden sevdim.



♡♡♡



Sevgili Bayan Milena;

Hastalığımın hiçbir çaresi yokmuş.

Tıpkı senin özlemin gibi.



♡♡♡



Geçti artık, şimdi yalnız kendi hastalığımı, kendi esenliğimi düşünüyorum, ama ikisi de sen demeksin...



♡♡♡



Yardım et bana! Söyleyebildiklerimden daha fazlasını anla!



♡♡♡



Biz nələri isə itirəndən sonra qədrini bilirik. Bilirsiniz, görmək də belədir. Gözlərin nə qədər əhəmiyyətli olduğunu heç düşünmüsünüz?



♡♡♡



"Pes ettiğimden değil, olmayacağını gözüme soka soka gösterdiğin için vazgeçtim."



♡♡♡



Her şeyi yanlış yorumluyorsunuz, suskunluğu bile."



♡♡♡



"Benim yalnızlığım insanlarla dolu..."

-Franz Kafka



♡♡♡



Benimsin,

bir daha seni göremeyecek olsam bile...

Franz Kafka



♡♡♡



"Olabildiğince yalnız kalmalıyım. Başardığım ne varsa, yalnızlığıma borçluyum...."



♡♡♡



- Ya bi şey sorcam sana Bizi kimler biliyo

Kimlere söyledin Tolstoy'a anlattın mı mesela

+ Daha anlatmadım ya sonra anlatırım

- Neyse böyle soğuk cevaplar atmaya devam et sen. Yatıyorum ben iyi geceler.



Franz Kafka / Milena'ya Mektuplar

33
243
garlawac
01.01.2024 23:36
Joşubrak ýaşadym, gijräk söýdüm,
Örtenäýdim öýdýän yşkyň iňrigne.
Elbetde, bu zatlar bir taraply däl,
Her niçigem bolsa meniň kimligme
Ýa-da armanyňa alnyň deginçä
Başyboş umydym gezer gusully.
Bir töwra, haýakeş duýga ten berip,
Men bu meselede boldum usully.

Otagymyň günbatarna gysylyp,
Durmuşyň ýadyndan çykaýjak bolýan.
Utanjym zemine girip başlady,
Amanadym bolsa uçaýjak bolýar.
Belki, ol uçardam, ony başarar.
Emma welin, ýöne saňa kössekli
Arzuw meni goýberenok, goýanok.
Onuň aýby ýok.

Irem bolsa, seni söýäýdim öýdýän,
Örtenäýdim öýdýän ölümden owal.


Seýitmyrat GELDIÝEW
29
130
garlawac
30.12.2023 21:33
Garaş! Sabyrly bolmagy başar! Ömür bilen ölümiñ arasynda sõweş gidýärkä ýaşaýyşdan bagt süýjüligini datman gitmejegiñe kasam et! Howluksañ, umytdan düşseñ õzüñi kyn güne salmagyñ ahmal, bagtyñ saña goýulan paýyndan ýoluñ sowa düşüp ahmal galaýmagyn! Õmür beren bu derejede bagtly bolmaklyga esas dõredipdir ahyryn - toýa baranyñda toý paýyny alnyña sylman gaýtmaýşyñ ýaly durmuş bagtyndanam binesip dälsiñ, eý, köñül! Diñe sabyrly hem kanagatly bolsañ õmür bilen õlümiñ aralygyndaky menzilden nesibäñ bagtlylykdygyna düşünersiñ!

# Kalba Nur
35
261
garlawac
29.12.2023 15:08
Gör-le, meniň bagtym nirede eken!
Meni nirden ötüripsiň, kör düýäm?!
Gündelikden.
Sen näme bilýärsiň ýaşaýyş hakda,
Ýaşlyk ygtyýaryň alypdyr seniň.
Ýanjak bolup dursuň ýyldyrym çaksa,
Uçjak bolup dursuň degäýse elim.

Bes!
Örteme meni göz gyýgy bile,
Meni ol gözlere eýleme bendi.
Onsuzam ölüm hem ýaşaýyş maňa
Seň buýsanjaň eginleň deý deňlendi.

Häzir saňa akyl berip,
ugradyp,
Yzyndan oturyp aglasym gelýär.
Owadan gyzlary ýigrenýärin men,
Olar betbagtlygmy ýadyma salýar.

Ýok, aglama!
Ine, munyň bolanok,
Aga çen ortada ýaşlyk bar häli.
Dünýäniň öňünde zerre günäň ýok,
Gözýaşlaryň bilen ýuwaryň ýaly.

Isle, sen diýip özüm uraýyn oda,
Ýa dolaýyn girdabyna derýanyň.
Ýöne mensiz bagtly bol sen dünýäde
Hem diňleme mundan artyk perýadym.

Söýgim soldy,
Söndi otly ýüregim,
Olardan kalbymda diňe gubur bar.
Mazar agajymy gögertme meniň,
Ol nahal däl,
Ýok, ol barybir gurar!

Hem begenme muny söýgüdir öýdüp,
Şowsuzlyga duşdum diýbem dowl alma.
Sen-ä giç doglanňa günäkär dälsiň,
Menem ýazykly däl owal doglanma!..


Nobatguly REJEBOW
28
83
garlawac
27.12.2023 00:25
?-nji hat. Sentýabr

Ýaşamaga güýjüm galmady, dostum. Sen ýaşa… Ýöne hergün ir-säher, otagyň her boşlugyny Gün şöhlesi bilen doldurmagy unutma! Tutularam tans etsin ýeliň sazyna. Ýolugra bir sazyň täsiri bilen hiňlenip ugra sen işiňe bakan. Men saňa üýtgeşik aýdym goýmadym, bilýän. Sen saýla bir serçäni, goşulyber şonuň heňine.
Depderiň bir çetine Gün suratyn çekmegi, ähli saralyp-solan gülleri jaýlamagy we her agşamara, dostum, aglamagy unutma! Men henizem ýaşaýandyr öýtsün otagym.

Ýaşaýarkaň, ýaşamagy unutma! Ýadasaň eger, akymyna goşul mawy asfaltyň, ýöräber ýoluň soňuna deňiç. Ýollar uzak, ädimlerem gysga… Soňuny saýma, ýürek urşuňa deňläber ädimleriňi.

Men gidemsoň asmana gowy seret, dostum. Göwnüňi birinde galdyraýsaňam, hergiz umydyňy ýitirmejek bol. Saňa ykbal gam çekdirse, ony çilim tüssesi deý sowur goýber gursagyňdan. Öz hasratyň özüňe artyk ge:r, dostum.

Aýnada özüňe syn edýäňmi bir?! Agyr dälmi gözleňdäki betonlar? Utanma, agla!
Arasynda ýöriteläp saçyňy dara. Şemalam halaýar bezemenleri. Gözellik diýip aşa kösenme ýöne. Ýylgyryp goýber.

…Ölüler mazarda üşemeýän eken. Şol pikir maňa köp ejir çekdirdi. Ötenlem üçin. Emma itler, pişikler üşeýär, dostum. Olaryň ganaty ýog-a, uçup gidäýer ýaly.

Kebelekleň nesli tükenmez entäk, ony gaýgy etme. Sen tebigaty arz et Ýaradana. Mümkin bolsa, ýene bir-iki aý goşup bersin bahara. Gyşdan kemse bolar, halys bolmasa. Onsuzam dokuzymyz üçe ýetenok. Hemem, güýzi unutma, dostum. Dekabr aslynda güýzüň kapyýasy.

Onsoňam… Sen göwnüňi giň tut. Şol ýerde bir gysylyp galmaýyn, dostum.

Begençgeldi Orazow
37
178
garlawac
26.12.2023 15:23
Erkek gül ysgasa üstüne gülüň,
Gitdikçe adaty hala öwrüldi...
Aýal etse rowa gördüler ,,ölüm"
Nämçün namys iki jynsa aýryldy

,, At gazygny tapyp geler yzyna"
Dolanarmyş erkek bitirip işin...
Ýaş geçen soň günäň degse gyzyna
Oňada diýjekmi aýalyňa diýşiň?!

Aýal mydam kem gözledi özünne,
Näçe gije çykdy ukysyz daňa.
Diýdi ,,Onça gadrym ýokmyş gözünde,
Ýogsam bu agyryny dözermi maňa?

Laýykmydy gözden akan ýaşyma?
Haýsy günäň jezasyka köýenim?
O dilberem mäkäm gysyp döşüne,
Maňlaýyndan ogşadymy söýenim?

Hormydy bedeni, uzynmy saçy,
Belki jemaly bar menden owadan?
Ýüzümi mylaýym, ýaşymy kiçi?
Bir sebäp bolmaly menden sowadan?

Ýok bolýady özi ýandy derdine,
Wepa ýokka, söýgem ýokdur nikada...
Erkege aýala aýrymy günä
Haýsy imanda bar bu tüýsli kada?

Kim bilýär söýgüsin satan ýalana,
Näçe ýürek bardyr ol derde ýanýan.
Gujagyna başga dilber salana,
Erkek diýenimden özüm utanýan.

Jogapsyz sowallar bernokdy maý,
Gijeler ukudan aglap oýandy...
Ondan soramady köşk ýa-da saraý,
Aslynda ukudan indi oýandy.


Nurana Arslanowa.
26
205
garlawac
22.12.2023 04:56
Böwürlerne sanjy bolup gijeleñ,
Kä surnugyp, kä ÿerliksiz tijenen,
Setirlere sygyp bilmän güÿjelen
Däli duÿgularmyñ eÿesi senmi?
Ÿykdym-ÿykyldymyñ söÿesi senmi?

Müñ gaÿtalap gezer ÿaly adyñy
Ÿa señ adyñ özi maña jadymy?!
Bašga zatdan mahrum edip ÿadymy,
Göwnümiñ iñ süÿji görgüsi senmi?
Hiç üzüp bolmaÿan bergisi senmi?

Adam tapman duÿgularmy añara,
Gošgularmy okap berdim daglara.
Sen bir indi gaÿdyp meni aldama!
Gör, señ näçe gezek gidesiñ geldi!
Gitmediñ.
Ÿa señem gijeleñ menmi?

Sen — derdimmiñ, wagt bejerip bilmeÿän?
Sen berdiñmi ol mukamy — diñmeÿän?
Heÿ, gördüñmi men deÿ takat bilmeÿän?!
Ÿa šol takatlarmyñ ogrusy senmi?
Ömrümiñ ÿalñyšy-dogrusy senmi?

Saña dušup: bilmen, näme — rahatlyk!
Ÿüzün tutup, aglap otyr sagatjyk!
Sagatlar nä!
Aÿ-günleri aglatdyk!
Ömrümiñ ykbaldan algysy senmi?
Ymtylan sa:lgymnyñ salgysy senmi?

Öÿkeläp bilemok,
Bilemok aldap,
Ökünip bilemok, kalbymy daglap —
Galanja günlermem adyña baglap,
Umytda, arzuwda gitjegim belli...
...Gulagym šyñlaÿar:
Ÿatlaÿan senmi?..

Çary Ataýew.
27
63
garlawac
21.12.2023 15:23
Kalbyň hiç aram tapmasa,
Bu durmuş gülüp bakmasa,
Seni bagra basa-basa,
Bagytly etjek
Men bardyryn.

Basmasyn seni gaýgylar,
Wagt emdir tiz aýrylar,
Söýüp artygyň,aýbyňam,
Bagtly etjek
Men bardyryn.

Seň göwnüňi artyk saýyp,
Bu yşkymy dünýä ýaýyp,
Ähli zady bir ýan goýup,
Bagytly etjek
Men bardyryn.

Gaç durmuşyň agysyndan,
Bol şatlygyň arasynda,
Bu ýollaryň ahyrynda,
Bagytly etjek
Men bardyryn.

© Selimberdi ESENBERDIÝEW.
33
99
garlawac
21.12.2023 00:24
“Meniň önüp-ösen şäherimde diňe... diňe... Siz ýokduňyz...“

Aladamyz ýokdy. Arzuwlarymyz bardy: «Ulalanymyzdan soňra, uly
işgär bolarys, daşary ýurtlaram görüp geleris. Pulumyz köp bolar — biz oňa üýtgeşik mekdep, mugt diýen ýaly hyzmatlary berjek hassahana gurarys, ýolbaşçylygynda-da özümiz durarys. Ilki bilenem köçeleri oňararys. Ýardam isleýänleriň hemmesine hökmany suratda kömek edip ýetişeris» diýýärdik. Ondan bäri ep-esli ýyl geçdi. Haýran galaýmaly ýagdaýdyr bu — başgalar üçin: dostum bilen eden şol arzuwymyz henizem üýtgänok. Nesip bolsa, bir gün amala aşyrarys. Çünki, şäherimiz henizem bize garaşýar ahyryn.
Howwa, meniň önüp-ösen şäherimde her dürli zatlar, adamlar bardy: gazlar, baýguşlar, güller, Gapuryň dükany, hiç kime zeleli bolmadyk Guwaş däli, hiňňillikler, bazarlar, täze oba raýony, çagalary gowy görýän esgerler, paýlaýan çapadyňy ýylgyryp alýan goňşular, Gurban baýramynda hezil edip gülüşýän daýzalar, ýolkanyň başyndaky sowgatlar dörjelenýän täze ýyllar, teleşkeli toýlar, Gadyr gijeleri, tomuslar, gyşlar, ýazlar, güýzler, jokrama yssy, pejiň ýylysy we sowuklar, aprel gözelligi, güýzüň bilim buşlugy, ýollary, ýodalary, pagtadyr-bugdaýlary, mele- myssyk çörekleri, ötegçi myhmanlary, Metjitleri, mollalary, maşynyň daşyna üýşýän çagalary, tanamaýan çagalaryna hem mähir bilen garaýan eneleri, agras ýaşulylary, gahrymanlary, döredijilik dünýäsi: şahyrlary, aýdymlary, kitaplary, şol kitaplara siňen ömürleri, rahat ukylary, dolan Aýy, dogan wagty ýüzüňe düşýän Gün şöhleleri, ullakan ýüregi... bardy. Howwa, meniň dogduk mekanymda hemme zat we her dürli adam bardy.

O. MYRATBERDIÝEWA
28
126
garlawac
20.12.2023 15:46
Şäheriň her ýeri senli ýatlama
Enteşip ýör ýetim galan arzuwlam.
Dar göwnümde ýer galmandyr şatlyga
Öz-özüme galmaýşy deý arzymyň.

Höwesim ýok penjireden bakmaga
Birden aňyrsynda ýoklugyň mümkin
Umytsyz men yşk çyrasyn ýakmaga
Otagym garaňky, çekilen tutym...

Tükeniksizlikde hasrata duşup,
Ruhym ejizläpdir petiş içimde.
Gidäýesi geldi yzyna düşüp,
"72" köçämizden geçende...

Heniz baglar ýirtirmänkä reňkini,
Garaşma durnalaň güýze çykarna
Ähli güýjüm bilen söýýärkäm seni
Gel ezizim,
Baryn puja çykarma!

Ogulnur PIRJIKOWA,
33
84