Ýakynda “Motorola” smartfonlara howa arkaly zarýad beriş tehnologiýasyny mahabatlandyrdy.
“Motorola-nyň" bu täze tehnologiýany döretmek üçin simsiz zarýad berijileri öndürýän “GuRu Wireless” kompaniýasy bilen işleşýändigi habar berildi. Ol "MmWave" modullaryndan ybarat kiçijik geçirijä esaslanyp, energiýany howa arkaly geçirmek üçin millimetr uzynlykdaky tolkunlar ulanylýar.
Zarýad bermekde we akylly algoritmlerde "mmWave" diapazonynyň ulanylmagy netijesinde, geçirijiniň we kabul edijiniň ölçeginiň kiçelmeginiň mümkindigi aýdylýar. Mundan başga-da, enjam elektromagnit tolkunlaryny has gowy ugrukdyryp biler.  Şeýle hem ol 80-100 santimetr aralykdan zarýad berip biler.
"Motorola" ilkinji gezek 2021-nji ýylyň başynda howa arkaly simsiz zarýad beriş ulgamyny hödürläpdi. Onda enjamlaryň arasyna el ýa-da başga bir zat goýlanda, zarýad beriş prosesi togtaýardy.

Londonyň "Çelsisi" ikinji gezek Çempionlar ligasynda ýeňiji boldy. Portugaliýanyň Portu şäherinde geçirilen ýaryşyň finalynda Tomas Tuheliň şägirtleri "Mançester Sitini" 1:0 hasabynda ýeňdiler.
Toparyna ýeňiş getiren ýeke-täk goly birinji ýarymyň ahyrynda nemes ýarymgoragçysy Kaý Hawers tora girizdi. Meýson Mauntyň ajaýyp geçiriminden soň nemes oýunçysy derwezeban bilen ýekme-ýeklige çykdy we ondan hem geçip, topy boş derwezä gönükdirdi.
Oýnuň ikinji ýarymynda "Çelsi" hasaby saklamak üçin netijeli oýnady.
“Siti” üçin bu taryhynda Ýewropa kubogynyň ilkinji finalydy.
Angliýanyň çempionlary bu möwsümde 25 gol geçirip we bary-ýogy 4 gol geçirdip ýewrokubok möwsümini ýokary derejede geçipdiler.

BMG-niň meteorologlary geljek bäş ýylda alnyp barylýan gözegçiligiň taryhynda rekord derejede yssy ýylyň boljakdygyny çaklaýarlar. Bütindünýä meteorologiýa guramasynyň wekilleriniň aýtmagyna görä, häzirki wagtda 2016-njy ýyldaky görkezijiler birinji ýerde durýar.
Geçirilen barlag işiniň netijesine görä, “2021-2025-nji ýyllar aralygynda iň bolmanda bir ýylyň gözegçiligiň tutuş taryhyndaky iň yssy ýyl bolmagynyň 90 göterim ähtimallygy bar” – diýlip, BMG-niň saýtynda bellenilýär.
Gözleg işi Beýik Britaniýanyň meteorologlary tarapyndan geçirildi. Olar bäş ýylyň (2021-nji ýyldan 2025-nji ýyl aralygy) hersinde gury ýeriň we deňziň üstünde ortaça temperaturanyň industrialdan öňki döwrüň temperatura derejesinden Selsiý boýunça azyndan bir gradus ýokary boljakdygy, bu bäş ýylyň birinde bolsa “40 göterim ähtimallygy” bilen temperaturanyň industrialdan öňki derejeden 1,5 gradus ýokary bolup biljekdigi baradaky netijä geldiler.
Mundan başga-da, hünärmenler ýokary giňişligi bolan ýerlerde has çygly howanyň boljakdygyny hem-de Atlantikada lon işjeňliginiň ýokarlanjakdygyny çaklaýarlar.
Ýatlap geçsek, howa we klimata edilen gözegçiligiň taryhynda iň yssy üç ýylyň biri bolan 2020-nji ýylda ortaça temperatura industrialdan öňki döwrüň esasy derejesinden 1,2 gradus ýokary boldy.

Barlaglar smartfona 100% -e çenli kuwwat bermegiň we ony 0%-e çenli doly ulanmagyň smartfonyň batareýasynyň ömrüni gysgaldýandygyny tassyklady. Bu barada RIA NOWOSTI agentligi habar berdi.
Smartfonyňyzda, planşetiňizde ýa-da noutbuklarda batareýa ulanýan bolsaňyz we onuň kuwwatyny her gezek 100% -den 0% -e çenli boşadýan bolsaňyz, 300-500 aýlawdan soň, onuň sygymyna düýpli zeper ýeter diýip, NAFI "Sanly raýat" platformasynyň hünärmeni Wladimir Gritsenko "Praým" agentligine aýtdy.
Batareýanyň "saglygy üçin" iň dogry ulanyş ýagdaýy - 80% bilen 40% arasynda ulanmak. Şeýdilende, batareýanyň umumy kuwwatynyň sygymy has uzak wagta gider.
"Öndürijiler, ilkinji nobatda, batareýanyň kuwwatyny doly çökermezligi, şeýle hem mümkin boldugyça, seýrek ýagdaýda enjamy 100% kuwwatda saklamagy maslahat berýärler" diýip, hünärmen belleýär.

Tiz wagtdan YouTube-da täze ulanyş şertleri hereket edip başlar. 2020-nji ýylyň noýabr aýynda täze şertler ABŞ-da güýje girdi. Indi olar beýleki ýurtlarda hem hereket eder.

Üýtgeşmeleriň gysgaça mazmuny:
Ýüzi tanamak funksiýasy bilen bagly çäklendirmeler. Şertlerde öň hem platformamyzda rugsatsyz ulanyjynyň şahsyýetini anyklamaga mümkinçilik berýän maglumatlary ýygnamagyň gadagan edilýändigi bellenilipdi. Bu gadaganlyk ýüzi tanamak funksiýasyny ulanmak bilen alnan suratlara-da hemişe degişlidi. Indi hyzmat bu gadaganlygy aýdyň görkezdi.
YouTube-yň mazmuny monetizasiýa etmek hukugy. YouTube platformada ýerleşdirilen ähli materiallary monetizasiýa etmäge haklydyr. Bu mahabatyň Hyzmatdaş programmasyna girizilmedik kanallarda hem ýerleşdirilip bilinjekdigini aňladýar.
Roýalti we salgytlary saklap galmak. Bu punkt platformada girdeji alýan awtorlara degişli. Awtorlaryň platformada alýan islendik tölegleri roýalti hasap ediler. Kanun boýunça, Google şeýle töleglerden salgytlary saklap galar.
Bu üýtgeşmeler 2021-nji ýylyň 1-nji iýunyndan güýje girip, ABŞ-nyň çäginden daşary ähli ulanyjylara degişli bolar. Şu seneden soň YouTube-y ulanmagy dowam etdirmek bilen, siz täze şertlere razy bolýarsyňyz. Bu şertler “YouTube Kids” hyzmatyna hem degişlidir. Eger çagaňyz bu hyzmatdan peýdalanýan bolsa, siz bu şertleri onuň adyndan kabul edýärsiňiz.

Täze Zelandiýaly sosial medianyň meşhur agzasy karton kagyzdan ýasan awtoulagy internetde 10 müň dollardan hem gymmat baha satmagy sosial mediada gün tertibi boldy. Deýwid Jones atly sosial medianyň meşhur agzasy, sosial mediada paýlaşan "Cartonghini" atly awtoulagyň gurluşyna degişli şekiller, 1 milliondan gowrak gezek görüldi. Ulagyň asyl nusgasyny satyn alyp bilmejekdigini we hiç bir 22 ýaşly oglanyň ulagy kärendesine alyp bilmejekdigini aýdan Jones, bu sebäp bilen ulagyň karton kagyzdan modelini ýasamak kararyna gelendigini aýtdy. "Cartonghini"-iň ini 1,65 metr we uzynlygy 3,78 metrdigini belläp, Jones ulag bilen gysga synag sürüşine çykdy. Soňra karton kagyzdan ýasalan awtoulagyny kömek muzeýinde 10 müň 420 dollara satan Jones, alan pullaryny Täze Zelandiýanyň Oklend şäherindäki "Starship" çagalar hassahanasyna sowgat etdi. Awtoulagyň, müzeýde bary-ýogy 50 dollara satylmagyna garaşýandygyny görkezen Jones, bu görkezijiniň 10 müň dollardan geçendigine geň galandygyny aýtdy.
Şeýle hem gazanan pullaryny "Starship" çagalar hassahanasyna bagyşlap bilendigine begenýändigini aýtdy.

Zinedin Zidan «Real» futbol klubunyň baş tälimçisi wezipesinden boşadyldy. Bu barada madrid klubunyň metbugat gullugy habar berdi.
Zidanyň ýolbaşçylygynda «Real» geçen möwsümde Ispaniýanyň çempionatynda ikinji orny eýeledi. Ýurduň kubogynda klub 1/32 tapgyrdan gaýtdy, Çempionlar ligasynyň ýarym finalynda «Real» iki oýnuň jemi boýunça «Çelsiden» utuldy. «Patyşalyk kluby» 2009/10 möwsümden bäri ilkinji gezek ýeke baýrak hem almady.
Fransuz hünärmeni «Reala» ikinji gezek 2019-njy ýylda tälimçi bolup gelipdi.

B12 witamininiň ýetmezçiligi köp adamyň başdan geçirýän saglyk meselelerinden biridir. Adam bedeni her minutda millionlarça gyzyl gan öýjüklerini öndürýär. Bu öýjükler B12 witamini bolmazdan dogry köpelip bilmez. Sagdyn durmuşy dowam etdirmek üçin zerur witaminleriň biri bolan B12 witaminini diňe daşardan iýmitler arkaly alyp bolýar. Dr. Muammer Yyldyz B12 witamininiň haýsy iýmitlerde bardygyny hem görkezdi. Ine, B12 witamininiň ýetmezçiliginiň öwezini dolýan iýmitler ...
Bedeniň öndürmeýän, ýöne iň zerur witaminlerinden biri bolan B12, häzirki wagtda iň nägilelik bildirýän kemçiliklerden biridir. Haýwan iýmitlerinde bar bolan B12 witamini, et we towuk iýmeýän adamlarda iň köp duş gelýän ýetmezçilikdir. Ganazlyk, newrologiki we akyl bozulmalary ýaly üç esasy näsazlygyň esasyny düzýän B12 ýetmezçiligi, wagtynda bejerilmese has çynlakaý näsazlyklara sebäp bolup biler. Içege bakteriýalary bilen sintez edilip we suwda eräp bilýän B12, bedende gyzyl gan öýjükleriniň köpelmegini goldaýar.