Hünärmen bu hakynda "Rossiýskaýa Gazeta" bilen bolan söhbetdeşlikde aýtdy. Onuň aýtmagyna görä, bu ýerde esasy mesele köne telefonlaryň operasion ulgamynyň täzelenmelerini almagy bes etmegi we haker hüjümlerine garşy ejiz bolmagy bilen baglanyşyklydyr. Hünärmen wagtyň geçmegi bilen işläp düzüjileriň we ýaman niýetlileriň ulgamda has köp howpsuzlyk «ötüklerini» tapýandygyny aýtdy. Döredijiler olary ýamalar, ýagny halkara söz bilen aýdylanda "paçlar" bilen ýapýarlar. Emma täzelenmeler bolmasa, ulgamdaky "ötükler" şol durşuna galar.
Hünärmen eger-de adam köne smartfony näçe uzak ulansa, onuň kezzaplara garşy şonça-da ejiz boljakdygyny aýtdy. Mundan başga-da, enjamyň işleýiş tizligine zeper ýetýär. Soňabaka gündelik adaty işleri ýerine ýetirmek üçin hem has köp serişde sarp edip başlaýar.
Şeýlelikde, hünärmen smartfon üçin operasion ulgamynyň täzelenmesini alyp durmagyň zerurdygyny nygtady we ony diňe resmi usullar bilen täzelemegi maslahat berdi.

1. Gözlegleriň netijesinde kabir adamlara görä "adamlaryň beýnisi 10%- i işleýär" diýlen düşünjäniň dogry däldigi tassyklanyldy. Aslynda beýni has köp işläp biler, emma öwrenme wagtynda beýniniň käbir funksiýalary ulanylmaýar.
2. Täze bir maglumat öwreneniňizde bir zatlar ýat tutanyňyzda ýada bir düşünja eýe bolan wagtyňyzda beýniňizde täze bir baglanyşyk döredýärsiňiz. Bu netije beýniňiziň güýçlenmegine getirýär
3. Beýni kislorodsyz 4-6 minuda çenli ýaşap biler we soňra ölmäge başlar. Eger adam 5-10 minut juda pes ýa-da ýok ýerde bolsa beýni şikeslenýär.
4. Ys bilen oýarylan beýni wakany has güýçli yatda saklap bilýär mysal uçin: synaga taýýarlanýan wagtyňyz duhy sepinip taýýarlanyň we synaga hem şol duhyny sepinip baryň. Bu size hökman kömek berer.
5. Beýnidäki gan damarlarynyň uzynlygy 100.000 mil-e barabardyr.
6. 5 ýaşan adam beýnisiniň ululygy barjak derejesiniň 90% ýetýär.
7. Beýni 8-10 sekunt boýunça gan ýitirse adama ölüm howpy abanýar.
8. Ýatan wagtymyz beýnimiz 10-23 watt arasynda elektrik güýjüni öndürýär. Bu bir lampany işletmek üçin ýeterliklidir.
9. Deriňiz beýniňiziň 2 esse agyrlygyna eýe.
10. Ynsan bedeninde bolşy ýaly, beýnide hem 70-75% suw saklanýar.

ABŞ-nyň Perdýu uniwersitetiniň hünärmenleri ak boýagyň täze formulasyny taýýarladylar. Şeýle formula boýunça döredilen boýag şöhläniň 98,1 %-ni yzyna serpikdirip bilýär, onuň ulanylmagy howanyň üýtgemegine garşy göreşmäge kömek edip biler.

Bu önümiň tehnologiýasy Gün şöhleleriniň göni täsiri astynda-da boýagyň sowuk bolup galmagyna mümkinçilik berýär. Hünärmenler onuň bilen binalary boýap boljakdygyny, netijede olaryň ýylylyk geçirmejekdigini belleýärler. Bu hem öz gezeginde daşky gurşaw üçin zyýanly bolan kondisionerleriň ulanylmagyndan gaça durmaga mümkinçilik berýär.
Mehaniki inženerleriň aýtmagyna görä, eger üçegiň 92,9 inedördül metrini täze düzümli boýag bilen reňkleseň, onda on kilowatt sowadyş ukybyny gazanyp bolar.
Geçen ýyl uniwersitetiň işgärleri 95,5% şöhläni serpikdirýän boýagy döredip, rekord goýupdylar. Şu gün bolsa alymlar rekordy täzelemegi başardylar. Boýagyň ozalky görnüşi kaliý karbonatynyň bölejiklerini ulanmak bilen döredildi. Alymlar şöhle serpikdiriji täze materiallary gözlemek bilen bariý sulfatyna üns berdiler. 
Dowamly tejribeleriň esasynda hünärmenler bariý sulfatynyň bölejikleriniň dürli ululykda bolmalydygyny anykladylar. Bu boýagyň has köp mukdarda şöhläni dargatmagyna ýardam berýär.

Altyn, 5000 ýyl gowrak mundan ozal Aleksandriýadaky alhimikleriň adam bedeniniň kesellere garşy göreşmegine we ýaş bolmagyna kömek edip biljek suwuk dermandygyny bilýärdiňizmi?

Hakykatdanam, altyn zergärçilik kolleksiýaňyza diňe bir gymmatly goşundy däl; Saglyk üçin köp peýdalar kesgitlenildi:
1) Derini bejermek
Gadymy Müsür şa zenany Kleopatranyň hem her gije altyn maska bilen uklaýandygyny bilýärdiňizmi? Altyn derä ýyly we rahatlandyryjy yrgyldylar berip, bedeniňiziň öýjüklerini täzelemegine kömek edýär. Altyn derini ideg etmekde we gözellik önümlerinde köp ulanylýar. Şeýle hem ekzema, kömelek ýokançlyklary, deriniň dökülmegi, ýaralar, deriniň ýanmagy ýaly dürli deri meselelerini bejermekde ulanylýar.
2) Bedeniň gyzgynlygyny kadalaşdyrmak
Altyn saklaýan eşik geýmek, bedeniň gyzgynlygyny saklamaga kömek edýär we sowuklama, gyzgyn şöhle we gijeki derler ýüze çykanda bedeniň temperaturasynyň deňagramlylygyny dikeldýär.
3) Neşekeşligi bejerýär
XIX asyrda altyn arakhorlugy bejermek üçin ulanylýar. Bu gün altyn; Nikotin, neşe we kofein endiklerini bejermek üçin dermanlarda ulanylýar.
4) Rak keseliniň ösmegine gözegçilik edýär
Altyn bedene düwnük öýjükleriniň ösüşine gözegçilik edip biler. Şol sebäpli prostata we ýumurtga keseli ýaly dürli görnüşli rak keselini bejermekde alternatiw derman hökmünde ulanylýar. Şeýle hem altyn, düwnük keseliniň ir ýüze çykarylmagyna kömek edýär. ABŞ-da ýerleşýän “CytImmune” biofarmasewtika kompaniýasy, altyn nanobölejikleri ulanyp, rak keseline garşy dermanlaryň täsirini ýokarlandyrmagyň usulyny oýlap tapdy. Nanospectra atly başga bir kompaniýa, altyn bilen örtülen "nanoshellleri" döretdi, ýylylyk rak öýjüklerini ýok edýär.

“Brand Finans” halkara marka baha beriş guramasy tarapyndan geçirilen “Dünýäniň iň gymmatly 500 markasy” gözleginde, Apple şu ýyl takmynan 263,4 milliard dollar bolan dünýäniň iň gymmatly markasy hökmünde kesgitlenildi.

“Brand Finans” halkara marka baha beriş guramasy tarapyndan taýýarlanan “Dünýäniň iň gymmatly 500 markasy-global 500-2021” gözlegleri tamamlandy. Gözleg maglumatlaryna görä, “Apple” markasy 263,4 milliard dollar bolan dünýäniň iň gymmatly markasy hökmünde kesgitlenildi. “Apple” 141 milliard dollar bilen 2020-nji ýylda geçirilen gözlegde üçünji ýeri eýeledi.

Alymlaryň gözleglerine görä, haýwanlary iýmitlendirýänleriň ömri iýmitlenmeýänlerden has uzyn.

Gözleglere görä, pişikleri we itleri iýmitlendirmek ýürek agyry howpuny peseldýär.Ortopediýa we trawmatologiýa boýunça hünärmen Op. Dr. Adnan Bağrıçak pişikleriň we itleriň saglyga berýän peýdalaryny şeýle düşündirdi: Dr. Warwiç Anderson it eýeleriniň ýürek agyry howpunyň itsizlere garanyňda pesdigini ýüze çykardy. Edil şonuň ýaly-da, Amerikan ýürek birleşigi, 2013-nji ýylda çap edilen ylmy beýanynda; "Haýwanlara eýe bolmak ýürek keselleriniň töwekgelçiligini azaltmaga kömek edip biler" -diýdi. 5200-den gowrak adamyň gatnaşan gözleginde; It eýeleri, haýwanlary bilen gezýändikleri üçin itleri bolmadyklara garanyňda has işjeň bolandyklary anyklandy. Gözleg; Şeýle hem, öý haýwanlarynyň stresi uzaklaşdyrýanlygyny, semizlik we holesteriniň derejesi ýaly keseller üçin ep-esli peýdasynyň bardygyny görkezdi.

Soňky döwürde köp erkekleriň düýşüne düşen saç dökülmegi üçin her dürli çözgüt bar. Saç dökülmesini tebigy ýagdaýda duruzmak mümkindir. Onda saç dökülmegine näme sebäp bolýar? Saç dökülmeginiň öňüni nädip almaly? Saç dökülmeginiň öňüni almak üçin haýsy iýmitleri ulanmaly? Saç dökülmeginiň öňüni almagyň usullary.
Hindi ýagy
Kastor ýagy saçlary we kirpikleri ösdürmek üçin örän täsirli. Bu erkeklere-de degişlidir! Kastor ýagy diňe bir saç dökülmeginiň öňüni alman, saçyň adaty ösüş depginini iki esse ýa-da üç esse artdyryp biler.

Ozal wada berlişi ýal­y, "Xiaomi" ahyrsoňy ­täze zarýad beriş tehnologiýasy bolan Hype­rCharge-y tanyşdyrdy.­ Bu tehnologiýa batareýany simli we simsiz­ usullar arkaly rekor­d derejede çalt doldurýandygy bilen tapawu­tlanýar.
Mysal üçin, 4000 mAh ­akkumulýatorly smartf­on simli usul arkaly ­bary-ýogy 8 minutda 0­-dan 100%-e çenli zar­ýad alyp bilýär. Sims­iz usulyň zarýad beri­ş tizligi welin ondan­ biraz haýal, ýagny 1­5 minut diýip, “Andro­id Authority” ýazýar.­ Ozal bu tehnologiýan­yň 200 Wt kuwwaty gol­daýandygyny aýdylýan-­da bolsa, munuň diňe HyperCharge-yň goldaý­an ähli zarýad beriş ­usullarynyň jemini aňladýandygy bellenilýä­r.
Täze tehnologiýa esas­lanýan smartfonlaryň ­ýene näçe wagtdan peý­da boljakdygy häzirli­kçe belli däl diýip, ­çeşme belleýär.

Roskaçestwonyň" we «Which?» iňlis sarp edijilik guramasynyň hünärmenleri mikrotolkunly peçleriň saglyga ýetirýän täsirini anyklamak maksady bilen barlag geçirdiler. 
Barlagyň netijesinde, hünärmenler soňky döwürde işjeň ulanylýan elektrik enjamynda - mikrotolkunly peçde radiasiýa ýok diýen netijä geldiler. Mundan başga-da, onda ulanylýan elektromagnit tolkunlarynyň mobil aragatnaşyk ýygylyklary bilen deňdigi anyklandy. Şeýle hem tolkunlaryň iýmitiň düzümine täsir etmeýändigi we onda saklanyp galmaýandygy bellenildi.
Şeýle-de hünärmenler mikrotolkunyň golaýynda artýan elektromagnit şöhlelenmesiniň ýüze çykyp biljekdigini we şonuň üçin ony tokdan aýryp goýmalydygyny nygtadylar. Şeýle hem ylmy barlaglar, düzüminde zäherli maddalaryň bardygy sebäpli, mikrotolkunly peçlerde iýmitleri plastik gaplarda gyzdyrmagyň howpludygyny görkezdi diýip, çeşme belleýär.

"Google I/O 2021" konferensiýasynyň çäginde kompaniýanyň önümler boýunça wise-prezidenti Samir Samat çykyş etdi. Ol öz çykyşynyň dowamynda bütin dünýäde näçe sany “Android” smartfonlarynyň bardygyny mälim etdi. 
Onuň bellemegine görä, häzirki wagtda Ýer ýüzünde 3 milliarddan gowrak smartfon "ýaşyl robot" bilen işleýär. Deňeşdirmek üçin bellesek, olaryň sany 2019-njy ýylda 2,5 milliard töweregi bardy. 2017-nji ýylda bolsa 2 milliarddy. Ýönekeý matematiki hasaplamalar “Android” smartfonlarynyň sanynyň şu depgin bilen 2030-njy ýyla çenli 5 milliarda ýetjekdigini görkezýär.
Bu maglumaty anyklamak üçin çeşme hökmünde "Google Play" programma dükanyna sagylanylandygy aýdylýar. Şol bir wagtyň özünde, hünärmenler bu statistikanyň doly däl bolmagynyň hem mümkindigini, sebäbi dünýäde ýene nijeme "Androidli" enjamyň öçük ýatan bolmagynyň hem ähtimaldygyny belleýärler.