asyl
16.02.2023 15:23
BELENT AHLAKLAR YNSANY BEZÄR .
***
Ýagşylygyna minnet edeniň şüküri köýer , öz işine göwni ýeteniň — sogaby .
***
Ters işi ýüregiň bilen oňlamak , köňlüň garalygyna delil . Erbet gylyklaryňdan razy bolmak , aslyň hapalygyna delil .
***
Dogry sözli adamyň görki zyýada bolar .
***
Eli açygyň ýoly açyk .
***
Baýlygyňy il - gün üçin eçil — öwülersiň . Abraýyňy il - gün üçin peýdalan — söýülersiň .
***
Iň haýyrly pul , halal gazanyp sowgada sarp edeniň . Iň ýaman pul , haram gazanyp , bet işe harç edeniň .
***
Iň ýagşy hereket — hasratly kişä teselli bermek . Iň ýagşy häsiýet — syr saklamany başarmak .
***
Iň ýagşy ýardam — perişan kişä goltgy bermek .
***
Edebiň ýagşysy , haram işden saklar . Häsiýetiň
ajaýyby , belent işlere iteklär .
***
Goldawsyz we ejizdigi üçin sypaýylyk edýän adam , mylakatly hasaplanmaz .
Duşmany dep etmek ýa - da hak - abraý almak
üçin pul harçlaýan adam , jomart hasaplanmaz .
Gaçmaga ýol galmandygy ýa - da hemaýatkärlerini ýitirendigi üçin gözsüz batyrlyk edýän adam mert hasaplanmaz .
Diliniň peltekdigi ýa - da söz oňarmaýandygy
üçin gürlemeýän adam dymma hasaplanmaz .
Eliniň ýukadygy ýa - da garşydaşynyň güýçlüdigi üçin ynsap edýän adam , adyl hasaplanmaz .
Abu Mansur As - SAGALYBY
10
73
asyl
15.02.2023 13:58
BELENT AHLAKLAR YNSANY BEZÄR .
***
Kimiň seresaplylygy azalsa , öte geçmeleri köpeler .
***
Ýagşylara haýyr-yhsan etmek hoş niýetlilikdir .
***
Gülerýüzlülik ýürekdeşligi ( çyndostlugy ) döredýär .
***
Gadyrbilmezlik adaty haýyr - nygmatyň apatydyr .
***
Kim ýagşylyga şükür etmese , bereketden mahrum galar .
***
Kim elmydama şükür etse , haýyr - nygmatyň
içinde gezer .
***
Iň kämil ýagşylyk , ýeterlik kömek etmekdir .
***
Iň ajaýyp zat , gözel işler bilen utgaşan dogry sözdür .
***
Kimiň köňli kireňsiz bolsa , ony sylamak wajypdyr .
***
Kim gödek sözler bilen gaharyňy getirse , sen onuň gaharyny sypaýylyk ( mylaýymlyk ) bilen getir .
***
Ýagşylyk etseň , ile ýaýma , ört . Saňa ýagşylyk etseler , gizleme , ýaýrat .
***
Kim bol berekedi bisarpa tutsa , betbagtlyk daňysyny çözer .
***
Abu Mansur As - SAGALYBY
15
66
asyl
17.01.2023 00:39
ÝAZMAK - ÝAŞAMAGYŇ MANYSY !
***
Eger gürrüň berip , keşp döredip , wakalary oýlap tapyp bilýän bolsaňyz , özüňizdede höwes bar bolsa , onda nähili ýazýanyňyzyň parhy ýok .
Somerset Moem .
***
Eger wakalary toslamaga güýçdür hyýalyňyz bar bolsa hemem ýazmaga ýürek edip bilseňiz , onda durmuşyň ähli zadyny beýan edip bilersiňiz . Sebäbi döredijiligiň iň ganym duşmany özüňe ynamsyzlykdyr .
Silwiýa Plas .
***
Hakyky kitap elmydama özüne okyjy tapýandyr .
Woli Läm .
***
Ençeme ýyllap hiç bir eserimi tamamlaman gezdim . Sebäbi her bir işiň tankydy tarapy bar .
Erika Joň .
***
Özüňe ynan , ukybyňa bil bagla . Öz güýjüňe ynanmasaň , durmuşda bagtlam bolup
bilmersiň , şowlulygam ýar bolmaz .
Norman Winset Pil .
***
Eger aňry baş ýazýançam garaşan bolsam ,
onda ýeke sözem ýazmazdym .
Margaret Etwud .
Ýazmak arkaly ähli zadyň hötdesinden gelip bolýar .
Klaýw Steýplz Lýuis .
***
Hakyky alhimikler gurşuny altyna öwrenok , olar dünýäni söze öwürýär .
Wilýam Gas .
***
Sözler biziň düýbi görünmeýän keramat çeşmämiz .
Joan Rowling .
***
Guş jogap tapany üçin saýranok , ol aýdym aýdýar .
Maýa Anjelu .
***
Men özüme güýç bermek , özümde ýok gahrymanyma öwrülmek hemem gorkýan zatlarym bilen ýüzleşmek üçin ýazýaryn .
Jos Widn .
***
Ýazýarkam ähli zatdan halas bolýaryn , gussalarym gaýyp bolup , özümde ynam döreýär .
An Frank .
14
60
asyl
16.01.2023 00:38
ÝAZMAK - ÝAŞAMAGYŇ MANYSY !
***
Eser ýazyjynyň hyýalynda başlap , okyjynyň hyýalynda tamamlanmalydyr .
Stiwen King .
***
Ýazyjyda gözýaş bolmasa , okyjydada bolmaz . Ýazyjy geň galmasa , okyjam geň galmaz .
Robert Frost .
***
Ýazyjy bolmak isleýän bolsaň , etmeli iki sany zat bar : köp okamaly we köp ýazmaly .
Stiwen King .
***
Gapyny ýapyp , ýazýarkaň hiç kim depäňden
garap durmasyn . Adamlaryň nämäni eşidesiniň gelýändigini biljek bolmada , olara näme aýtmalydygyňy biljek bol . Bu seniň olaryň öňündäki ilkinji we ýeketäk borjuňdyr .
Barbara Kingsolwe .
***
Özüňe lezzet bermeýän zatlary ýazma , sebäbi
« duýgy » diýilýän zat ýazyjydan okyja
aňsatlyk bilen geçýär .
Jozef Jube .
***
Iň uly zehin — az sözlülikdir , bir söz üçin iki söz ulanmazlykdyr .
Tomas Jefferson .
***
Eseriňizi täzeden işläniňizde , ony boldugyça gysgaldyň , artykmaç zatlaryň ählisini aýryň . Elbetde , bu ýokuş deger , sebäbi pikirleriňi gysgaltmak çagaňdan ýüz öwren ýaly bir zat . Ýöne bu hökman edilmeli zat .
Stiwen King .
***
Ömrümiň ýarysyny ýazan zatlarymy gaýtadan gözden geçirmäge sarp etdim .
Jon Owin .
***
Siz içiňizdäki ody beýlekileriň kalbyna we aňyna geçirmek üçin ýazýarsyňyz , biz bolsa tüssäniň aňyrsyndanam oduň görünmegi üçin redaktirlemeli bolýarys .
Artur Plotnik .
***
Ýazmak ugrundan sapak alýan islendik adamyň bilşi ýaly , gowy ýazmagyň syry gabygyny aýyrmak , harpygyndan arassalamak , ýonmak , timarlamak , her bir artykmaç sözi aýyrmak , aýyrmak we aýyrmakdyr .. ...
Nik Hornbi .
***
Ýazyjylyk ukybymyň ýokdugyna göz ýetirmek üçin on bäş ýylymy sarp etdim , ondan soň ýazmagy taşlardan juda meşhur boldum .
Robert Bençli .
***
Eger lukman maňa ýaşamak üçin bary ýogy alty minudymyň galandygyny aýdan bolsa , men oýa batyp oturmazdymda , öňkimden azajyk çaltrak ýazyp başlardym .
Aýzek Azimow .
14
53
asyl
14.01.2023 23:36
ÝAZMAK - ÝAŞAMAGYŇ MANYSY !
***
Näme ýazsaň ýaz , parhy ýok , ýöne ýaýdanjaňlyk etme . Grandy açmasaň suw akmaz .
Lui Lemur .
***
Ýaz , bagtyňy synap gör . Ähtimal , erbet bolmagam mümkin , ýöne bu seniň gowy zatlary başarýanlygyň ýeketäk ýoludyr .
Wilýam Folkner .
***
Ilkinji garalama — bu ýazjak eseriňi öz - özüňe gürrüň bermekdir .
Terri Pratçet .
***
Başda gowy zatlar boluberenok . Ýaramazam bolsa , göwnüňe , gowy zatlar ýazýandyryn öýdýäň , ýöne soň ýuwaş - ýuwaşdan ökdeläp ugraýarsyň .
Oktawiýa Batle .
***
Taýyn dälkäň başla .
Stiwen Presfild .
***
Ýerine düşmedik işi redaktirlese bolar , emma aňyrsy boş bolsa bolmaz .
Judi Pikuld .
***
Ylham gelerine garaşyp oturmaly däl , eliňe taýak alyp , onuň yzyna düşmeli .
Jek London .
***
Entek soňunyň nähili boljagyny görüp goşgy ýazamok , sebäbi goşgy ýazmak — açyş etmekdir .
Robert Frost .
***
Eger okamak isleýän kitabyň entek ýazylmadyk bolsa , onda ony özüň ýaz .
Toni Morrison .
***
Gahrymanyň näme isleýändigini bileniňden soň , diňe onuň yzyna düşäýmek galýar .
Reý Bredberi .
***
Ýazyjy wagtynyň köp bölegini okap geçirýär . Ol bir kitap ýazmak üçin kitaphanadaky kitaplaryň ýarysyny okamaly bolýar .
Samýuel Jonson .
***
Gowy kitap ýazmak üçin gowy
mowzuk ( tema ) gerek .
Herman Melwil .
18
93
asyl
13.01.2023 23:56
ARZUWLARYNA SALGYLANYP ..........
( Olar öz arzuwlaryndan ýüz öwürmediler . Olar kalplarynda beslän arzuwlaryny yzarlap , şowsuzlyga garşy döş geren şahslar . Olar maksatlaryna ýetmek üçin kynçylyklardan çekinmedik kişiler ..... ) .
Ilkinji synanyşykda üstünlik gazanmak herkime başardyp baranok . Emma şowsuzlygyna garamazdan , täzeden synanyşmaga , aýaga galmaga bolan gaýraty tapýanlar hem az däl . Häzirki wagtda milliarder , iň meşhur ýyldyz , eserleri dünýä belli ýazyjy , iň ökde telekeçi diýlip tanalýan bu 5 sany beýik adam geçmişlerindäki ýitirilenleri bilen haýrana goýýar .
1 . JEK MA - telekeçi .
Dünýä belli Alibaba söwda portalynyň eýesi , milliarder Jek Ma birwagtlar aýyna 12 dollar gazanýan iňlis dili mugallymy eken . Dünýä derejesindäki biznesi bolan bu telekeçi matematikadan pesligi sebäpli başlangyç
synp synagyndan 2 ýyl galýar , ýokary synpdan 3 ýyl galýar , kollej synagyndan 2 gezek ýykylýar (matematikanyň 120 soragyndan diňe birini dogry jogap berýär) , Garwarda 10 ýyl tabşyrýar we ählisinde şowsuz bolýar , KFC - niň Hytaýdaky restoranyna işe tabşyran 24 adamdan ýekejesi kabul edilmeýär we ol hem Jek Ma . Portaly açandan soň paýdarlary bilen 3 ýyl girdejisiz işleýär .
« Garaýşyň we beren kararyň başarnyklaryňdan has möhümdir »
Jek Ma .
2 . TOMAS EDISON - fizik .
Mugallymlary bu beýik şahsyň zehininiň pesligini , öwrenmäge ukybynyň ýokdugyny nygtaýarlar , iş
berijileri önüm öndürmek we oýlaptapyjylyk ukybynyň ýokdugyny nygtap işden boşadýarlar . Emma bu şahs häzire çenli ulanylýan , öýümize ýagtylyk berýän elektrik çyrasyny oýlap tapýar . Tomas Edisondan : « 1000 gezekki şowsuz synanyşyklaryňdan soňra ýene - de synanyşmak höwesini nähili ýitirmediň ? » diýip soranlarynda , ol : « Men ýalňyşmadym , bu diňe bir çyranyň ýanmagy üçin gerek bolan 1000 basgançakdy » diýip jogap berýär .
3 . WOLT DISNEÝ - Disneýlend kärhanasynyň eýesi .
Çagalygymyzy öz multfilmleri bilen bezän , Disneýlendi we Mikki Mausy döreden , döredijilik - hyýal ukybynda çäk bolmadyk Wolt Disneý ilkinji işi bolan gazet habarçylygyndan döredijilik , täze ideýalarynyň garyplygy sebäpli işden boşadylýar .
« Arzuwyny etmäni başaran bolsaň , durmuşa-da geçirip bilersiň »
Wolt Disneý .
4 . EMINEM - rep aýdymçysy .
Orta mekdebiň synaglaryndan geçip bilmän 3 ýyl gaýtadan okan Eminem ahyry okuwyny taşlap , rep bilen meşgullanyp başlaýar . 25 ýaşyna çenli maşgalasyny eklemek üçin hepdede 60 sagat restoranda gap - gaç ýuwujy bolup işleýär .
Bagtyny synamak üçin geçirilen ýerli aýdymçylaryň bäsleşiginden hem ýeňiji bolup bilmeýär . Studiýalar tarapyndan replerini ýazmagy ret edilýär we ahyry bir kiçiräk studiýa replerini ýazmagy kabul edýär . Göz öňüne getiriň , ol ilkinji albomynyň girdejisine maşgalasy üçin öý alyp bilýär !
« Men muny başararyn , sebäbi sen maňa « Sen başarmarsyň » diýdiň »
Eminem .
5 . J . K . ROWLING - iňlis ýazyjysy .
« Garri Potter » eserini okamadyk ýa-da kinofilmine tomaşa etmedik , megerem , ýok bolsa gerek . J . K . Rowling entek ýaş wagty işsiz galyp , bir gyzjagazy bilen haýyr sahabat öýünde ýaşap başlaýar . Gününi dolandyrmak üçin bir garbanyşhana hyzmatçy bolup işe geçýär . J . Rowling boş wagty öz göz öňüne getirmelerini kagyza geçirip başlaýar we « Garri Potter » eserini ýazýar .
Eser birnäçe çaphana öýleri tarapyndan çap edilmegi inkär edilýär .
« Men kitaplarymdaky jadygöýliklere ynanamok , elbetde , ýöne gowy kitabyň durmuşymyza girizip biljek jadylygyna ynanýaryn » .
J . K . Rowling .
16
84
asyl
12.01.2023 22:21
Durmuş pelsepeleri
***
Duýdansyz gelen göwnaçyklyk pursadyndan
duýdansyz göwnüçökgünlige düşýän bolsaňyz ,
ýa ýüregiňiziň çuňluklarynda bir gorky , ýada
birine bolan uly küýseg bardyr !
Zigmund Freýd
***
Ony düýşüňde görýän bolsaň küýseýänligiňdir , ony düýşüňde görmek üçin uklaýan bolsaň
söýýänligiňdir !
Orhan Pamuk
***
Dünýädäki iň uly öwrülişik seniň akylyňa akyl
ýetirip başlan pursadyňdan başlar !
Zigmund Freýd
***
Geljegimde görmek islesedim , seni geçmişimde
goýup gaýtmazdym !
Tom Robbins
***
Ähli gülleri goparyp bilersiňiz , ýöne baharyň
gelmeginiň öňüni alyp bilmersiňiz !
Pablo Neruda
***
Hakyky dostlar ýyldyzlara meňzär . Iň garaňky
günüňde yşyk saçarlar !
Hakan Mengüç
***
Edebiň nähili zerurdygyny bilsediňiz , Allahdan
rysk ýerine edep dilärdiňiz !
Hz . Aly
***
Başa gelen bela birdir , ýöne zeýrendigiňçe iki
bolar !
Hz . Semmäk
***
Ruhdaşym ýok diýip gam çekme ! Belki , hiç kimiňkä meňzemeýän ýeketäk ruhuň bardyr !
Nejat Işler
***
Ynsanyň gyşy howanyň sowan wagty dälde , ýüregiň sowan mahaly başlarmyş !
***
Şahsy kitaphanasy bar adamyň bir mugallymy
bar diýmekdir !
***
Her ynsan rahatlyk berer . Käsi gelen wagty , käbiri bolsa giden wagty !
Elif Şafak
16
99
