Madmazella
21.02.2023 22:09
Ýellere sesimi duýdurjak boldum,
Derdimi daglara siňdirjek boldum.
Saňa ýüregimden gelen söýgümi,
Hiç zat gürlemezden bildirjek boldum.
Durmuş beýle dowam etmejek eken,
Gürlemedik bagta ýetmejek eken.
Sensiz ýaşamaryn diýerdim bir wagt,
Düşündim sensizem ýaşaljak eken.
Aýtmaly ekenim söýenimi başda,
Samsyklyk edipdirin 16 ýaşda.
Göwnüňe degmekden gorkup özümçe.
İndi seni görýän her gije düýşde.
Ýüregim edenok söýmäýin diýsem.
Ajy duýgulary duýmaýyn diýsem.
Gijeler düýşümde çekdirýäň jebir.
Huşumda bir seni görmäýin diýsem.
Awtor: Aýdogdyýew Çaryýar
19
62
1
Madmazella
14.02.2023 23:25
Ýaşlykda yşka köýdüm
Öýlenen ýigidi söýdüm
Kem kem yşka ulaşdym
Ony juda giç söýdüm
ÝAŞLYGYM
Ýaşlygymyň ýalňyşy
Gaýdyp gelmejek pursat
Onda çaga bala bar
Maşgala neneň dözjek
ÝALŇYŞYM
Ýalňyşyma çäre ýok
Bilýän dogry edemok
Ýalňyz geçjek günlerim
Ýürek diýen edenok
Nädeýin neneň çäre tapaýyn
Nädip ara açaýyn
Öýlenen ýigidi söýdüm
Hoş gal bugün söýgülim
Söýgülim indi näme etmeli
Nädip yza gaýtmaly
Başarmaýar ol oglan
Öz gelnine aýtmagy
NAMYSYM
Namys arym nirde sen
Ömrüm bolduň pide sen
Başgaň alman gudasyn
Öýlenen ýigidi söýdüm
KÖÝDÜM
Köýdi ýaşlygym köýdi
Öýlenen ýigidi sewdi
Öýlenen ýigidi söýdüm
Durmuş ýalňyşlyk goýdy
ÝAŞLYGYM ÝALŇYŞYM.
23
128
11
Madmazella
13.02.2023 19:21
Galyňa ýazýaňyz kagyz üç metr
Geýiljek geýimden gök çaýa çenli
Gelýän gudalaň gözleri çykýa
Çaşýa ýöräp bilmän o jaýa çenli
Bu galyň belasyndanda beter
Ara daş bolsada gyz berilenok
Nämemiş gyz berseň lebapdan mara
Dereksiz ýitýämiş soň görülenok
Zamana serediň mährem ejeler
Ýoluňda otly bar asmanda uçar
Görjek diýseňizem hepdede her gün
Bu ýollar şol gyzyň üstünden geçer
Daş ýollar galmady golaýda bary
İndi Amerika salymda ýetýäs
Oýlanyň ejeler çuňdan oýlanyň
Biz haýsy zamanaň gürrüňin etýäs
Galyňam goýalyň aradaşlygam
Esasy bagt dälmi beýgelden bizi
Birje gezek meňem aýdanym diňläp
ÖZ SÖÝEN ÝARYNA BERİŇ SİZ GYZY!
16
129
17
Madmazella
07.02.2023 00:02
Durmuşyň şeýleräk kanuny bardyr,
"Hiç bir zat özünden güýçlä topulmaz"
Ejiz görüp, duşman daşyň gabasa,
Doganyňdan başga hiçkim tapylmaz.
Başa bela alsaň sebäpsiz ýerden,
Bir baş bilen, nädip göterer gerden.
Çykgynsyz ýagdaýa düşäýseň birden,
Doganyňdan başga hiçkim tapylmaz.
Herkim bilmesede seniň derdiňi,
Dogan seniň bilen alar her demi.
Durmuş saýla diýse dostuň merdini,
Doganyňdan başga hiçkim tapylmaz.
Birdir ganyň, syrdaşyňdyr her wagt,
Saňa her bakanda ýylgyrar bagt.
Dogan ýeri dolmaz ne mugt, ne nagt,
Bir gidensoň giçdir dogan tapylmaz.
Kuwwat Ýazmuhammedow
10
81
5
Madmazella
01.11.2022 00:42
Ähli aýralygy gören bu başym, Bu gezekki maňa has agyr geldi. Kalbymyň bahary jan göwün hoşum, Ynanýan diregim soýam ýykyldy. Sensiň ynanýanym sendiň ynamym, Sendiň gussam diňlän kalba salanym. İne
12
109
10
Madmazella
31.10.2022 00:49
Kagyza ýetende galamyň ujy,
Gözlerimden gaçdy üç sany ünji.
Beýnimdäki pikir şeýle bir ajy,
İne dostlar, ýalan söýgiň ezýeti.
Kagyza ýazamda ilkinji sözüm,
Göz öňüme geldi söz aýdan günüm.
Yzyny ýazmaga barmady elim,
İne dostlar, ýalan söýgiň lezzeti.
Ýazjak sözüm çykdy meniň ýadymdan,
Lezzet alýan bäş harply adyndan.
Gutulma ýok ilki söýgiň odundan,
İne dostlar, ýalan söýgiň lezzeti.
Galamymam gaçdy meniň elimden,
İň soňky umydym gitdi golumdan.
Gaýdypdym, gözlerim ýaşlap toýuňdan,
İne dostlar, ýalan söýgiň lezzeti.
Erkimi aldyryp söýüpdim seni,
Sen bolsa gözelim söýmediň meni.
İndi bolsa bolduň bir öýüň gelni,
İne dostlar, ýalan söýgiň lezzeti.
Suratyňa bakyp, gözlerim ýaşlap,
Uludan dem alyp, soňra-da haşlap.
Goşgy hem ýazypdym saňa bagyşlap,
İne dostlar, ýalan söýgiň lezzeti.
Birdenem oýandym oý pikirimden,
Göz ýaşymy süpürip men gözümden.
Galamymy alyp ýatan ýerinden,
İne dostlar, ýalan söýgiň lezzeti.
Goşgymy şu ýerde edeýin tamam,
Menem söýülerin belki bir zaman.
Söýeniňiziň saýasynda ýaşaň sag-aman,
İne dostlar ýalan söýgiň lezzeti.
14
118
10
Yene yükle
