Durmuşyň şeýleräk kanuny bardyr,
"Hiç bir zat özünden güýçlä topulmaz"
Ejiz görüp, duşman daşyň gabasa,
Doganyňdan başga hiçkim tapylmaz.
Başa bela alsaň sebäpsiz ýerden,
Bir baş bilen, nädip göterer gerden.
Çykgynsyz ýagdaýa düşäýseň birden,
Doganyňdan başga hiçkim tapylmaz.
Herkim bilmesede seniň derdiňi,
Dogan seniň bilen alar her demi.
Durmuş saýla diýse dostuň merdini,
Doganyňdan başga hiçkim tapylmaz.
Birdir ganyň, syrdaşyňdyr her wagt,
Saňa her bakanda ýylgyrar bagt.
Dogan ýeri dolmaz ne mugt, ne nagt,
Bir gidensoň giçdir dogan tapylmaz.
Kuwwat Ýazmuhammedow