Karaleva_
27.05.2024 14:53
Prezident Serdar Berdimuhamedow Türkmen halysynyň baýramy mynasybetli ýurdumyzyň raýatlaryna «Türkmenistanyň at gazanan halyçysy» diýen hormatly ady dakmak hakynda Permana gol çekdi.

Resminama laýyklykda, ýurdumyzyň şu raýatlaryna «Türkmenistanyň at gazanan halyçysy» diýen hormatly at dakyldy:

«Türkmenhaly» döwlet birleşiginiň Aşgabat çeper halyçylyk kärhanasynyň halyçysy Annabegi Nurýagdyýewa,

«Türkmenhaly» döwlet birleşiginiň Bäherden çeper halyçylyk kärhanasynyň halyçysy Ýazgül Annaberdiýewna Begliýewa,

«Türkmenhaly» döwlet birleşiginiň Gyzylarbat çeper halyçylyk kärhanasynyň halyçysy Maýagül Halykowa,

«Türkmenhaly» döwlet birleşiginiň Daşoguz çeper halyçylyk kärhanasynyň Gubadag haly önümhanasynyň halyçysy Ogulbibi Tirkeşowa,

«Türkmenhaly» döwlet birleşiginiň Halaç çeper halyçylyk kärhanasynyň halyçysy Jümagül Aşyrgulyýewna Mahramowa,

«Türkmenhaly» döwlet birleşiginiň Halaç çeper halyçylyk kärhanasynyň halyçysy Rehmegül Jumageldiýewna Galkanowa,

«Türkmenhaly» döwlet birleşiginiň Halaç çeper halyçylyk kärhanasynyň 1-nji önümhanasynyň halyçysy Jeren Hydyrgulyýewna Taňyrberdiýewa,

«Türkmenhaly» döwlet birleşiginiň Halaç çeper halyçylyk kärhanasynyň 2-nji önümhanasynyň halyçysy Dursun Çarýardurdyýewna Mämedowa,

«Türkmenhaly» döwlet birleşiginiň Halaç çeper halyçylyk kärhanasynyň 3-nji önümhanasynyň halyçysy Aýjemal Kerimowna Pirimkulyýewa,

«Türkmenhaly» döwlet birleşiginiň Mary çeper halyçylyk kärhanasynyň Baýramaly haly önümhanasynyň halyçysy Gyzlargül Borjakowna Amannazarowa.
20
53
2
Karaleva_
27.05.2024 09:52
TikTok döwlet köpçülikleýin habar beriş serişdeleriniň (KHBS) öz platformasyna ýetirýän täsirini çäklendirmek boýunça çäreleri girizýär. Kompaniýanyň metbugat beýanatyna görä, döwlet neşirleriniň, teleýaýlymlarynyň we beýleki KHBS-iň akkauntlary indi ulanyjylara maslahat berilmez diýip, Gazeta.ru ýazýar.

Sosial ulgam bu çäräniň bellenilen akkauntlar tarapyndan ol ýa-da beýleki bir temalar boýunça maglumatlaryň maksatly ýaýradylmagynyň öňüni almaga gönükdirilendigini belleýär.
Sosial ulgam döwlet KHBS-iň mazmunyna baha berjek garaşsyz bilermenler bilen hyzmatdaşlyk eder.
Baha bermeleriň netijesinde, şeýle akkauntlaryň mazmunyna hem-de mahabatlaryna degişli bellik goýlar.
21
70
0
Karaleva_
27.05.2024 06:22
Kann kinofestiwalynda amfAR Gala haýyr-sahawat auksiony geçirilip, onda “Emili Parižde” serialy üçin bir epizodik keşp satyldy. Söwdanyň ýeňijisi Netflix-de çykýan şouwyň bäşinji möwsüminde peýda bolmak mümkinçiligi üçin 250 müň ýewro töledi diýip, Variety habar berýär.

Gyzykly ýeri, Netflix heniz “Emili Parižde” serialynyň bäşinji möwsüme uzaldylýandygyny resmi taýdan yglan etmedi. Gala-agşamyň alypbaryjylary bäşinji möwsümiň surata düşürilişiniň 2025-nji ýylyň ortalarynda bolup biljekdigini aýtdylar.
Serialyň täze epizodlarynyň premýerasynyň haçan boljakdygy belli däl. Ýöne onda auksionda melodrama üçin keşp satyn alan adam peýda bolar. Şeýle-de, ol bäşinji möwsümiň çykmagy mynasybetli Los-Anjelesde geçiriljek çärä gatnaşar.
Umuman, heniz muňa şübheler bar. Neşiriň çeşmeleriniň biri Netflix-iň heniz serialyň dowamy bilen bagly belli bir karara gelmändigini aýdýar. Şoudaky keşp auksiona serialyň prodýuseri “Darren Staryň kömegi bilen” çykaryldy.
“Emili Parižde” serialynyň dördünji möwsümi Netflix-de 15-nji awgustda çykar – şol gün platformada epizodlaryň birinji bölümi peýda bolar, ikinjisi bir aýdan soň, 15-nji sentýabrda çykar.
21
53
1
Karaleva_
27.05.2024 00:06
Golliwudly ýaş aktýor Timoti Şalameniň mumdan heýkeli hanym Týusso muzeýiniň kolleksiýasynyň üstüni ýetirer. Heýkel 22-nji maýda hödürlendi.

Şalameniň mumdan ýasalan heýkeline 2021-nji ýylyň “Dýuna” filminiň Londondaky premýerasyndan Alexander McQueen-iň kostýumy geýdirilen. Bu moda öýüniň aýakgapy obrazyň üstüni ýetirýär – egin-eşigi aktýoryň özi üpjün etdi.
Heýkeliň döredilmegine dokuz aý sarp edildi, hudožnikler onuň çekgeleriniň we gür, buýra saçynyň jikme-jik işlenmegine aýratyn üns berdiler.

“Timoti Şalame – hereketine syn etmek ýakymly bolan örän zehinli aktýor. Ýöne ony mumda ebedileşdirmek diňe şunuň bilen baglanyşykly däl. Biz ol Z nesli üçin meşhurlygyň täze ýüzüni janlandyrýar diýip hasaplaýarys. Şalame 2024-nji ýylda Golliwudyň öňdebaryjy erkek adamynyň nähili bolmalydygy baradaky stereotiplere çagyryş edýär” – diýip, Londonda hanym Týusso studiýasynyň ýolbaşçysy Jo Kinsi aýtdy.
23
123
11
Karaleva_
26.05.2024 21:22
,,Ne güzel demiş ..!.
HZ .Ali.
Yaptığın sana geri donecektir .
O yüzden sadece iyilik yap ".
22
77
2
Karaleva_
26.05.2024 16:22
Türkmenistanda Kosmos işi babatda döwlet syýasatynyň konseptual esaslarynyň taslamasyny işläp taýýarlamak meýilleşdirilýär. Bu barada Ministrler Kabinetiniň ýanyndaky Ulag we kommunikasiýalar agentliginiň Baş direktory M.Çakyýew Hökümet mejlisinde habar berdi.

Bu resminamanyň esasy wezipeleri ýurdumyzda kosmos pudagy babatynda alnyp barylýan işleri döwrüň talabyna laýyklykda dowam etmekden we täze tehnologiýalary ornaşdyrmakdan, “TürkmenÄlem520E” Milli aragatnaşyk hemrasynyň hyzmatlarynyň gerimini giňeltmekden, ýerüsti kosmos infrastrukturasynyň obýektlerini döwrebaplaşdyrmakdan ybaratdyr. Şunuň bilen baglylykda, döwlet Baştutanynyň garamagyna degişli teklip hödürlenildi.
Serdar Berdimuhamedow hasabaty diňläp, sanly ulgamy ösdürmek üçin hemra aragatnaşygynyň mümkinçiliklerinden netijeli peýdalanmagyň möhümdigini belledi. Ýurdumyzyň ulag we kommunikasiýa pudagynyň hukuk binýadyny döwrüň talabyna laýyk ösdürmegi dowam etmelidigini aýdyp, döwlet Baştutany agentligiň ýolbaşçysyna bu ugurda degişli işleri geçirmegi tabşyrdy
31
48
3
Karaleva_
26.05.2024 08:00
Golliwudyň Şöhrat alleýasynda Kris Hemswortyň adybir ýyldyzynyň açylyş dabarasy geçirildi. Aktýor Marvel kinoäleminde Toruň keşbi bilen bellidir diýip, Afisha Daily habar berýär.



Dabaraly çärä aktýoryň kärdeşleri Robert Dauni-kiçi, Anýa Teýlor-Joý we “Furiosanyň” režissýory Jorj Miller gatnaşdy. Şeýle-de, Hemsworty goldamak üçin onuň aýaly Elsa Pataki, çagalary we ene-atasy geldi.
Dabarada Dauni-kiçi çykyş edip, Krisiň özboluşly akyla we çuňňur ruhubelentlige eýedigini belledi. Soňra ol Krisi “Golliwud ýyldyzyny alyjy” diýip üç söz bilen suratlandyrdy.
Täze “Furiosa” filminde – “Telbe Maks: Gazap ýoly” («Безумный Макс: Дорога ярости») lentasynyň prikwelinde Hemswort zalym Dementusyň keşbini ýerine ýetirdi.
43
125
7
Karaleva_
25.05.2024 22:23
5-nji iýunda Magtymguly adyndaky milli sazly drama teatrynda Italiýanyň iň meşhur opera kompozitorlaryndan biri bolan Jakomo Puççinniniň aradan çykmagynyň 100 ýyllygyna bagyşlanan konsert geçiriler.

Konsert programmasy Puççinniniň “Toska”, “Madam Batterflaý” we “Turandot” ýaly meşhur opera eserlerini öz içine alýar. Tomaşaçylar italiýaly tenor Matteo Lippi, türkmen aýdymçysy Bahar Durdyýewa we Resul Gylyjowyň ýolbaşçylygyndaky Türkmenistanyň Döwlet simfoniki orkestri tarapyndan ýerine ýetiriljek Puççinniniň opera dünýäsi bilen tanşarlar.
Çäre Italiýanyň Aşgabatdaky ilçihanasy we Türkmenistanyň Medeniýet ministrligi tarapyndan gurnalyp, Italiýanyň Türkmenistandaky ilçihanasynyň açylmagynyň 10 ýyllygy mynasybetli geçirilýär.
Konserte giriş mugt. Wagty: 19:00.
Matteo Lippi Toti dal Monte (Trewizo, 2013) adyndaky halkara wokal bäsleşiginiň ýeňijisi. Ol Mario del Monako (Trewizo) adyndaky Komunale we Pergolezi (Jezi) we Akwila (Fermo) adyndaky Komunale teatrlarynda çykyş edipdir. Wenesiýadaky “La Feniçe”, Neapoldaky San Karlo, Norwegiýanyň milli operasy (Oslo), Niderland milli operasy (Amsterdam), Patyşalyk Daniýa operasy (Kopengagen) teatrlarynda we Moskwanyň Uly teatrynda solist hökmünde çykyş edipdir.
40
91
5
Karaleva_
25.05.2024 07:49
Ýupiteriň buzly "aýy" bolan Ýewropanyň iň jikme-jik suratlary çap edildi. 2022-nji ýylyň sentýabr aýynda “Ýunona” kosmiki gämisi tarapyndan düşürilen suratlar alymlara astynda suwuk suw bar diýip hasaplanýan emeli hemranyň relýefini we geologiýasyny has gowy öwrenmäge kömek eder diýip, “Haýtek” ýazýar.



Esasy ylym gurallary däl-de, goşmaça enjamlar bilen alnan täze suratlar Ýupiteriň şöhlelenýän ýagtylygy bilen ýagtylandyrylan Ýewropanyň gijeki tarapynyň ilkinji şekillerini üpjün edýär. Esasanam, alymlaryň ünsüni “Ördekburun” sebiti – 37X67 km ölcegi bolan meýdan özüne çekýär, bu ýer geologiki aýratynlyklardan çen tutsaň, täze emele gelen ýerdir.
Jikme-jik suratlar zyňyndylary gözlemek we suwy seljermek üçin ýer tapmaga kömek eder. Alymlar suw geýzerleriniň yzlaryny gözleýärler, emma şu wagta çenli Saturnyň emeli hemrasy Enseladdaky ýaly açyk zyňyndylar bellige alynmady.
“Ýunon”-yň şekilleri geljekde Ýewropany öwrenmäge taýýarlyk görmekde möhüm ädimdir. 2024-nji ýylyň ahyrynda Amerikanyň Europa Clipper zondy, şeýle hem 2023-nji ýylda başlanan Ýewropa JUICE-i Ýupitere ugraar.
Ýewropanyň relýewi baradaky maglumatlar bu enjamlary gondurmak üçin ýerleri saýlamaga we buzasty ummandan ýaşaýyş alamatlaryny gözlemäge kömek eder.
33
38
0
Karaleva_
25.05.2024 00:24
Arizonadan (ABŞ) Howe Industries kompaniýasy impulsly plazma raketasyny döretmegiň üstünde işleýär. NASA-da aýtmaklaryna görä, ol  Marsa uçuş wagtyny iki aýa çenli gysgaldyp biler.

Täze tehnologiýa aşa gysylan ýadro ýangyjyna esaslanýar we 5000 sekunt udel impulsly 100 000 Nýuton öndürmäge ukyply, bu häzirki zaman raketa hereketlendirijilerinden 10 esse ýokarydygyny aňladýar.
Marsdan başga-da, şeýle raketa, meselem, asteroidleriň guşagyna barmak ýaly, beýleki kosmos missiýalarynda hem ulanylyp bilner. Mundan başga-da, täze tehnologiýa kosmiki radiasiýadan goragly has agyr ýyldyzara uçýan kosmiki apparatlar üçin amatlydyr.
Häzirki wagtda NASA we SpaceX adamlary hem-de ýükleri Aýa we Marsa tygşytly daşamak üçin täze kosmos gämisini taslamagyň üstünde işleýärler. Hususan-da, Ilon Maskyň kompaniýasy planetalarara uçuşlar üçin niýetlenen, aşa agyr kosmos gämisi bolan Starship-iň uçuş synaglaryny geçirýär.
39
35
1
Yene yükle