Karaleva_
01.06.2024 11:25
Parižde Eýfel diňi üçin giriş petekleriniň bahasy 17-nji iýundan 20% ýokarlanar. Bu abatlaýyş işleri üçin çykdajylar we syýahatçylyk akymynyň azalmagy bilen baglanyşyklydyr diýip, CNN Travel habar berýär.
“Syýahatçylaryň arasynda meşhur bolan Eýfel diňi abatlaýyş işleri üçin çykdajylaryň we koronawirus pandemiýasy hem-de onuň esasynda gelýän myhmanlaryň sanynyň azalmagy sebäpli maliýe ýitgileriniň öwezini dolmak üçin 17-nji iýundan petekleriň bahasyny 20% ýokarlandyrýar” – diýip, neşir ýazýar.
Şeýlelikde, ulular üçin liftde diňiň ýokarsyna gezelençli petegiň bahasy öňki 29,4 ýewronyň deregine 35,3 ýewro bolar. 12 ýaşdan 14 ýaşa çenli çagalar üçin şol bir petek 17,7 ýewro, 4 ýaşdan 11 ýaşa çenli çagalar üçin bolsa 8,9 ýewro bolar.
Giriş tölegleriniň ýokarlanmagy Eýfel diňiniň abatlaýyş işleri, aýratynam, desgany boýamak üçin çykdajylaryň öwezini dolmaga kömek eder. Reňk çalma işiniň 2027-nji ýyla çenli dowam etmegine garaşylýar, şeýle-de liftleri abatlamak işleri-de meýilleşdirilýär, bu bolsa wagtal-wagtal olaryň ýapylmagyna getirer.
Sociéte d'Exploitation de la Tour Eiffel (SETE) kompaniýasynyň maglumatlaryna görä, 2020-nji ýylda Eýfel diňine bir ýyl ozalky tas 6,2 million adam bilen deňeşdirilende, 1,6 milliondan az adam baryp gördi. 2021-nji ýylda görmäge gelen myhmanlaryň sany 2,1 milliondan az boldy.
Kompaniýa gelim-gidimiň az bolan ýyllarynda ekspluatasiýa çykdajylarynyň desganyň umumy dolanyşygyndan, takmynan, üç esse ýokary bolandygyny belleýär.
17
40
Karaleva_
28.05.2024 08:40
Çikagonyň eteginde “Ýeke özi öýde” filminiň sýužetine görä Kewin Makkallisteriň maşgalasynyň ýaşan jaýy satuwa çykaryldy. Meýdany 848 inedördül metr bolan iki gatly jaý üçin 5,25 million dollar soraýarlar diýip, The Wall Street Journal neşiri Zillow gozgalmaýan emläk satuwynyň web sahypasyna salgylanyp habar berýär.

Jaý 1921-nji ýylda gurlupdyr we şol döwrüň dowamynda onuň eýesi dört gezek çalyşdy. 2012-nji ýylda jaý 2,1 million dollara satyn alnypdyr.
Binanyň içinde bäş sany ýatylýan otag, alty sany hammam, sport zaly, kinoteatr, oýun otagy we beýleki otaglar bar.
Film düşürilenden soň, jaý düýpli üýtgedildi. Muňa garamazdan, filmiň esasy basgançagy ýaly tomaşaçylara tanyş elementler saklanyp galypdyr.
Hut şu öýde Täze ýyl komediýasynyň köp sahnasy surata düşürildi, ýöne agaç jaýy ýaly käbir bezegler film üçin ýörite gurlupdy. Filmde binanyň diňe käbir otaglary görkezilýär. Kinorežissýorlar, esasan, esasy basgançagy we birnäçe içki otaglary ulanypdyrlar. Täze ýyl atmosferasyny döretmek üçin diwarlar diwar kagyzy bilen örtülip, soň bolsa aýrylypdyr.
“Ýeke özi öýdäniň” esasy sahnalary, Nortfilddäki New Trier West orta mekdebiniň sport zalynda gurlan ses sahnasynda surata düşürild
26
166
