BaýramBejidow
BaýramBejidow
27.11.2022 12:16
Salam hormatlylar! Iñ halaýan adyñyzy ýazyñ! Oglanlar bir gyzyñ adyny ýazyñ. Gyzlar bir oglanyñ adyny ýazyñ. Meselem: Baýram
29
335
33
BaýramBejidow
BaýramBejidow
27.11.2022 00:14
Senbir ýitme durmuşumdan, Gitseñ menem alyp gitgin, Imrinse gözlerim özgä, Ömrüm köze salyp gitgin. Çekemde teşne zarlygyn, Sensiñ mähirde barlygym, Salgym bolan ykbalymyñ, Umydyny ýolup gitgin.
23
118
3
BaýramBejidow
BaýramBejidow
26.11.2022 15:53
Men ýitmerin durmuşyñdan asyl-ha, Bu tenimden iglän ruhym gitmese, Senli günleñ ýakasyndan asylsam, Şor mañlaýy, owal täleý itmese. Men bu bagty çalyşmaryn hiç zada, Tekepbirlik dar göwnimi ursa-da,
22
109
4
BaýramBejidow
BaýramBejidow
26.11.2022 00:16
Ejizlik erkege gelşenok welin, Owaldan täleýi ýazylan hemmäñ, Nämedir bir zatlar gysyp dur demim, Men şu gün aglajak teselli bermäñ! Ajy geçenlerim, duzsyz geljegim, Sowatdy gursagmyñ ähli künjegin,
31
191
7
BaýramBejidow
BaýramBejidow
25.11.2022 12:02
Ýalanmy
21
183
16
BaýramBejidow
25.11.2022 01:07
Aglamaýynmy, bulansa içim,
Kine, gussa bilen bürense içim,
Her ýanym hüjüm, günämi geçiñ.
Seniñ göreldäñi ulanýan eje,
Hawa, menem kem-kem ulalýan eje,
Ulag däl eje, köñül sürere,
Umydyñ tanapy geldi üzere,
Hawa düzeler, olam nesibe,
Ykbal ýüz berenok hasap-hesibe,
Kisämde gözler, hoşamaý sözler,
Öçenok közler, ýalançy ýüzler,
Ýadatýar hawa, ýadaýan eje,
Durmuşym dowam, geljegim sowal,
Gyşyñ aýazynda bilemok sowap,
Edenim ters, etmesem sogap,
Içdäki soragma tapamok jogap,
Ýadaýan eje, hawa ýadatýar,
Aglatýar käte, içden gelenler,
Daşdan gelenleri sygdyryp bilmän,
Şol öñki telbäñ, geñem däldir-le,
Dogryny dogrynyñ ýüzüne ýelmän,
Kine-de çüýräp, gussa-da heñlän,
Garaz emelläp, ugryny añtap,
Käteler sabyryñ çaýyny demläp,
Bolşuna görä, durşuna görä,
Görýäñ-ä pagtaly çalynýar damak,
Elimde gamak, dilimde ýamak,
Ýadatýar eje, hawa ýadaýan,
Ýykylýan käte, bulaşsa seçek,
Menem düzelerin ulalsam eje,
Ulanjak eje, beren öwdüñi,
Ýa juda kynmy-dy ulalmak eje?...

Awtory: Baýram Bejidow
17
84
2
BaýramBejidow
22.11.2022 01:09
Öýkelem bilen elleşjek,
Şu gün maña hiç zat diýmäñ!,
Özim bilen jedelleşjek,
Şu gün maña hiç zat diýmäñ!.

Tekçe ýaly açyp-ýapyp,
Del sözleñ deñinden ötüp,
Ýatjak öz suratym öpip,
Şu gün maña hiç zat diýmäñ!

Goý, gülsin bahyllam maña,
Ýeter-le dahyllam saña,
Höwes bilen batjak gama,
Şu gün maña hiç zat diýmäñ!.

Hassa kalbym, dermany ýok,
Bagt hakda permany ýok,
Ýaş göwnimiñ armany köp,
Şu gün maña hiç zat diýmäñ!.

Erkim bilen erkleşjek,
Nebsi telbä örikleşjek,
Ruhym bilen şertleşjek,
Şu gün maña hiç zat diýmäñ!.

Närazy däl ömirdenem,
Ýüregim däl demirdenem,
Taldan tanap egirsemem,
Şu gün maña hiç zat diýmäñ!.

Awtory: Baýram Bejidow
19
167
10
BaýramBejidow
21.11.2022 10:14
Soñky wagt köp zat çaşyrýar başym,
Kelte köýneklini geñlän göremok,
Köpler ýalan sözi edindi moda,
Halaldan elleri heñlän göremok.

Hakyñ kelamyndan gizläp çözümi,
Agzyny açýalar ýumup gözüni,
Ähli dört setirde diýjek sözüni,
Ýekeje sözünde jemlän göremok.

Nirä çekýälerkä hallanlan döwri,
Barha berkleşýär ýürekleñ düwni,
Ençe ejir bilen ýykylan göwni,
Hoşamaýlyk bilen emlän göremok.

Her kim bir-birekden köñüli sowan,
Garyba teññe-de görlenok rowa,
Paýyş söz bolupdyr dillere doga,
Käte öz kemini kemlän göremok.

Aýdylýan akyllañ agramy saman,
Köpleñ gursagyndan ak ýaly gazan,
Gürletseñ döwür ýa zamana azan,
Emma ýagşy sözi diñlän göremok.

Pikirler täzeçe, dessurlar köne,
Dereksiz gözýaşlar öwrüldi köze,
Bir gün gülünjegne ynam bar, ýöne,
Her kim eñreşip ýör, diñýän göremok...

Awtory:Baýram Bejidow
21
190
13
BaýramBejidow
21.11.2022 00:06
Bilmän gezipdirin köpiñ içinde,
Andy gant ýerine iýilýän eken,
Käte ynsan duýgylary göçende,
Özge göwinlerem duýulýan eken.

Islemedim, nätjek ykbal saýlasa,
Şatlygyñy bir çukura jaýlasa,
Syr bereniñ, syryñ ile paýlasa,
Herne ynanmagam goýulýan eken.

Hoş gelipdik, boşuna gidilmesin,
Ejizleriñ döşinden itilmesin.
Begenýäris täleýden utulmasak...,
Barybir ölimden ýeñilýän eken.

Kä öziñden, kä ömirden geçiler,
Kä göziñden damja ýaşlar seçiler,
Doýman ötdi ýaşamakdan niçeler,
Hasratlar basanda doýulýan eken.

Çañlan ýüzim, ýuwylanda derime,
Umyt edip, hyýal gurnap serime,
Çagajykkam arzuw eden ýerime,
Asly ýalan ,,durmuş" diýilýän eken...

Awtory: Baýram Bejidow
19
95
7
BaýramBejidow
20.11.2022 20:31
Palçyk eýläp döredipdir Ýaradan,
Hemme deñ däl, otyr, syn et gyradan!.

Kimler halal üçin gara der, derlär,
Kimler köñlündäki ýarasyn emlär.

Dile geçdi, akyl berjek danalar,
Pakmyka ýa?, Öñ ekilen däneler.

Zähmet çekip, biri çörek gözleýär,
Ýene biri ahmyr çekip izleýär.

Päk imany gazandyñmy öterlik?,
Kimi görseñ aladasy ýeterlik...

Parhy ýok, ogrymyñ, dindarmyñ kim sen?,
Özgeler unudar, özüñi bilseñ.

Diýdiler ,,erksizden bolarmy erkek?-
-Juda köpelipdir görkezip biljek!.

Haýasyn ýitiren ,,namys-ar" hakda,
Gepleýär maý bermän hemlesin oklap.

Ýüregiñ awaýar käbirlerine,
Belki-de duşmadym kämillerine.

Myhmandygyn unytýarlar panyda,
Günbe-günden artyp barýar sany-da.

Awuna gurt ýaly topulmañ ýerne,
Tilki hilelerni salýalar serne.

Ýalan ýylgyryşdan ýüzümi bukýan,
Sözleñ ýarasyny bejermez lukman.

Öýkünseñem illeñ gowsyna öýkün,
Hökgesi düzelmez umytsyz küýkiñ.

Niýet gara bolsa, sowulmaz duman,
Şu günde toba et, ertiriñ güman.

Gam-gussalañ uçup gider hamala,
Duranyñda niýet edip namaza.

Bir bergiñ bar, olam Allañ öñünde,
Zikir bilen gezmek iliñ deñinde.

Haýyr bilen şaýat bolup halala,
Duşman bilen ýer goýuber salama.

,,Kömek geler" diýen pikiriñ taşla,
Saña gynanjak ýok, bir senden başga.

Öz-öziñi aldamakdan çetleşgin,
Dertleşseñem, mert bilen dertleşgin.

Namarda el serme, mertebäñ pesär,
Ynjalan duýgylañ, kalbyñy kösär.

,,Ýalançylar ýakyp barýar" diýme sen,
Galan ömri dogry bilen güýme sen!.

Palçyk eýläp döredipdir Ýaradan,
Hemme deñ däl, käte syn et gyradan!...

Awtory: Baýram Bejidow
26
118
12
Yene yükle