Arslan_Alaýew
12.08.2024 12:25
HASRATLY SÖÝGIŇ KYSSASY
2 - nji bölüm
Ýolda gelýäkäm ol ýigit ondan mundan gep tapyp meni geplare goýmady soň men öňa
- size bir sorag berjek jogaplaýyň diýdim
- bolýa
- neme (wah adyn hem bilemokdym) egerde siziň gepleşen gyzyňyz maýyplyk arabasyndaky gyz bolsa, suraty hem özüniňkini dalde başga gyzyňkyny iberen bolsa, ýagny menkini beren bolsa, siz şol gyzy halarsyňyzmy ýa suratdaky gyzy: - diýip soradym
Ol esli wagt dymyp ýoredi we meniň jogaba garaşýanym bilip
- suratdaky gyz siz, maňa berlen surat siz, ýone şol ses, sen dal bolsaň men şol telefonda gepleşen gyzymy saýlardym goý ol maýyplyk arabada bolsada sebabi men ol gyzyň hasiýetini, özini alyp barşyny haladym, bu soragy siz maňa name üçin berdiňiz
Men şony size nadip aýtjagym bilman duryn
- aýt, hakykat hakykat bolsyn, men gaty görmen, nahili bolsada men şo durşyna kabul edýan
- aýtsam, siziň gepleşen gyzyňyz men dal, ol biziň köçamizde ýaşaýan maýyp gyz, ýone adamçylygy siziň aýdyşyňyzdanda has gowy gyz, ýone durmyşda maýyplyk araba baglanaýdyda, ýone oňat bolar diýip lukmanlara aýdypdyr
- surat name
- surat menkiler, men ol gyza hiç dözmedim we surat bilen şonyň gowni azajyk hem gulýan bolsa naçe surat diýsede duşup berdim, siz meni bagyşlan, ola bir maýyp gyz siz bir aýdaýmaly ekeniň diýmegiň mumkin, men naçe gezek aýtjak boldym size ýone hiç şol gyza dözmedim, yzam name bolsa bolarda diýip dymdym, indam ynha men name diýseň diý ýone ol gyza hiç zat diýme, ol gyz ozal hem ýarym gowun, indi bir agladaýma, hazir ol, biziň öňümizden çykar, sen ony tanamadyk bol, ol seni gormek üçin öňümizden çykýar, oda seni çyn ýurekden söýýar,
- mena name diýjegim bilemok
- ýuregiň diňle
- ýuregiň name hereket et diýse şony et
- bolýa
Azajyk egnimden bir ýük aýyrlan ýaly boldy Biz soň arkaýyn ýorap gaýtdyk, ol boýym bilen deň aýysyn goterip ondan mundan gurruň edip gelyadik.
Uly çemen bolsa meniň elimdedi
Biz öýe sowulýan köçamize sowlamyzda öňümizden gelýan maýyplyk arabadaky gyzy gorup ol çalaja üm bilen şomy diýip sorady, menem sesim çykarman başym atdym
Aýjeren biziň deňimize ýetip ýanymyzdan çalaja arabasyn sürüp geçip gitdi. Bize kan üns bermedik ýaly bolyp geçip gitdi. Birden ýanymdaky ýigit meniň elimdaki güli hem aldyda
- ýok men beýle zat edip bilmen, men ol gyzy gorman söýdim, görenimden soň, ony ýitirmek islamok, ondan gizlenmek namartlyk bolýar, ol öziniň bu ýagdaýyny menden gizlap, meni ýitirmezlik üçin edendir, onyň söýgusi ýaly söýgini hazir deňimden geçirsem hiçem beýle söýga men duş gelmen diýdide
- Aýjeren, saklan diýdi
Aýjeren durdy, ol ýanymyzdan geçip gidende eýýam, gözleri gyzaryp durdy, aglandygy bildirip durdy
- beýtme, men seni söýýan diýdi
Aýjerenden ses çykanokdy. Men saklanyp bilman, olaryň gürrüňleriniň arasyna goşyldym
-Aýjeren bu ýigdiň söýgüsine name jogap berjek diýip soradym
Ol bolsa şo aglap durdy
- aglama, sen ýeke goýmasaň menem seni ýeke goýman: - diýip ol ýigit onyň göziniň ýaşyn eli bilen supurup elindaki güli we boýym bilen deň bolyp duran ullakan aýysyn Aýjerene gowşurdy
Men bulara pasgel bermaýin diýip öýe gaýtdym
Agşamlyk Aýjeren ýene meni ýanyna çagyrdy.....
Dowamy bar...
15
39
Arslan_Alaýew
12.08.2024 09:23
"HASRATLY SÖÝGIŇ KYSSASY."
1- nji bölümi...
Biziň ýaşaýan köçämiziň ilerki çetinde Nepes aga diýip goňşymyz bardy. Onyň meniň bilen deň duşrak gyzy bardy. Ol gyzyň ady Aýjerendi. Ol iki üç ýyl mundan öň, ýol heläkçiligine sezewar bolypdy. Şondan bari hem maýyplyk arabasyna baglanypdy
Aýjeren özi alçajykdy, ýone ýüzi mydama gaýgylydy
Ol indi ýöräp bilmejegini doly boýnyna alypdy
Günlerde bir gun onyň ejesi öýe gelip
- gyzym işden gelen bolsaň Aýjerenjana ukol edip beraýda, ol düýnden bari düşeginden hem galanok, şol aglap ýatyrda : -diýdi
- bor gelneje hazir baraýaryn diýip ony öýlerine ugratdym
Az wagtdan men olara ukola baramda, hakykatdanda Aýjeren aglap ýatan ekeni
- name boldy saňa
- meniň ýaşasym gelenok
- o nameüçin, name boldy beý diýer ýaly
- maňa kyn maýyplyk arabasyna baglanmak
- oňat bolarsyň, sunkler bitişmek üçin wagt gerek
- naçe wagt bir ýylmy ýa on ýyl
- az wagt
- bilmedimda
Şol barmana meniň imoma jaň geldi, men olarda imoň üstu bilen bir ýigit bilen gurleşdim, ol ýanymda biziň gepimizi diňlap otyrdy we
- Söýguliňmi
- ýoklagyz dostym
- o nahili dost,
- internet dostym
- gowlygyn meniň hem şeýle dostym bolsada
- bolar hemme zat, men seniň imoňy alaýyn we seni gruppa goşaýyn, sen ol taýdan öziňe ýakyn dost tapda gruppdan çyk, ýone söýup aldaýma iliň çagasyn
- maýyp gyz bilen kim dost tutunsyn
- beý diýme gowy gowy oglan gyzlar içinde kop, diňe söýgi dal, dost ýaly habarlaşýanlar hem juda kan
- bolýa
Men şeý diýdim-de ony gruppa goşdym
Şol wakadan soň men olara iki üç gün ýaly ukola bardym we şonda ol özine dost, jora tapynandygny begenip guruň berdi, men onyň begenşini daşyndan synlap hem begendim hemde gynandym
Iki üç ýyllykda Iki ýana ylgap iş edip ýoren gyzyň bu gun beýle ýagdaýa duşmesi meni gynandyrdy, ol bolsa ýorasim gelýar, dostlarym goresim gelýar diýip diňe arzuw edip maňa gurruň bererdi
Günlerde bir gun Aýjeren
- öýde bolsaň bize gelip gidaý diýip jaň etdi
Men ýene ýaranokmyka diýip olara ylgap diýen ýaly barsam ol maňa
- senden bir zady haýyş etjek bir dostym boýyň göräýin,vdik duryp surata duşup ugradaý diýip, surat soraýar welin sen surata duşup beraý şony ugratjak diýdi
Elenip ýalwaryp duranyna ýuregim etmedi we ol ýigdiň edil aýdyşy ýaly surata duşup berdim
Aýjeren begenip ony ol ýigde ugratdy
Men öýe gaýtdym
Aradan bir hepde geçip geçmankä ýene Aýjeren meni çagyryp surat sorady, ýene bu maýyp gyza dözmän surata duşup berdim
Soň soňlar hem birnaçe gezek surat duşup berdim
Günlerde bir gun ol maňa telefon nomer soraýar, seniň nomeriň beraýin diýdi, sen men bolyp gepleşip beraýda diýdi menem nomerim sypyryp onyň eline berdimde
- sen öziň arkaýyn gepleşiber diýip nomerim goýup gaýtdym
Aradan 6 aý towerek geçdi Aýjeren ol ýigdi doly derejede söýdi, ýone onyň gözine gornip biljek daldi, sebabi Aýjeren ol ýigdi söýupdi ýigit bolsa şol suratdaky gyzy, surat başga ses hem başgady
Ýene sesim çykarmadym, ýarym gowun çagaň begeneni nama degenok diýdimde dymdym
Bir ýyla golaý wagt geçdi. Indi ol ýigit hiç Aýjereni gunine goýanokdy, gorşeli toý edeli diýip
Aýjerende bolsa muň bahana bardy, ol nadip gorsun, özi maýyp gyz, surat hem başga
Bir gun soň Aýjeren maňa şol ýigdi görmegi haýyş etdi
Menem bolýa işden gaýdyşyn bile gaýdaýaryn diýip aýtdym, şonda gelýakak Aýjeren ýola çykmaly we ol ony görmelidi ýone tanatmaly daldi ....
Men ony gorjekligim Aýjerene aýdyp öýe gaýtdym
Ertesi işden çykan badyma howlyň daş ýuzinde eli gulli boýym bilen deň ullakan aýyly bir ýigde gözim kaklyşdy we men
- gelnejesiniň yzyndan uly aýysy bilen gelaýipdir diýip içimi gepledip onyň ýandan sahel geçdim welin ol ýigit
- Aýjeren, bu senmi: - diýip sorady
- ha hm ha howa diýmamkam
- suratyň boýunça tanaýandyryn gorseň, sen bolsa şonça surat görübem meni tanaman ýanymdan geçip gidip barýaň
- wi, üns bermandirin diýen boldym, men nadip tanayyna men onyň suratyn goremoga, Aýjeren ony maňa gorkezdam öýtýan bir iki gezek ýone kan üns bermamsoň ýada duşenokdy
-siz öýemi diýip ol ýigit dymyşlygy pozdy
- menem howa diýdim
- onda sizi öýňize çenli ugradaýyn garşy bolmasaň
- yok garşy dal
Dowamy bar...
16
45
Arslan_Alaýew
12.08.2024 06:27
ZEHINI YHLAS AÇÝAR
Okuwçylaryň ählisi nämedir bir zada meşgul bolsa-da, aralarynda biri hiç zada güýmenmän, gözüni bir nokada dikip oturan ekeni. Mugallym ol okuwçydan hiç zada baş galdyrman oturmagynyň sebäbini sorapdyr. «Sen näme üçin boş otyrsyň? Sapagyň ahyrynda kimde nähili zehiniň bardygyny ýüze çykararys. Ýasan ýa-da ýazan zadyň muňa tutaryk, makul jogap bolar. Henizem giç däl, başla!» diýip, mugallym onuň ýüzüne bakypdyr. «Ýoldaş mugallym, mende hiç hili zehin ýok. Men diňe tabşyrylan ýumşy ýerine ýetiräýmesem, kimdir biriniň ünsüni çeker ýaly ukyp-başarnygymyň ýokdugyna göz ýetirdim. Menden köp zada garaşmaň» diýip, müýnli ýüzüni aşak salypdyr. «Bu mümkin däl. Ýa sen zehinli, ýa-da dünýäde hiç kime meňzemeýän ýeke-täk adam» diýip, mugallym okuwçysynyň ýüzüne seredipdir. «Ýeke-täk diýýäňizmi? Nädip men ýeke-täk bolýarkam?» diýip, okuwçy geňirgenipdir. «Sebäbi dünýäde zehinsiz dogulýan çaga ýok. Her kimde nähilidir bir zada ukyp-zehin bar. Her ynsan bir daragtdyr: ýa saýasy bilen hezil berer, ýa-da miwesi bilen. Eger-de sen häzire çenli özüňi zehinsiz hasaplan bolsaňam, bu seniň gömükdigiňi däl-de, öz ukyp-başarnyklaryň hakda düýpli pikirlenmändigiňi görkezýär» diýip, mugallym okuwçysynyň başyny sypalapdyr. «Tebigaty synlaýaryn-da, bir zatlar ýazmak isleýärin. Elime galam alýaryn, ýöne sözlerimi sepläp bilmän, bu pikirimden sowaşýaryn: mende ýazmaklyga zehin ýok diýýärin. Käteler bir zatlar düzesim, ýasasym gelýär. Gerek-ýarak zatlarymy jemleýänem, ýöne başlamagyň ebeteýini tapman, ýa-da bir başlasamam, ugrugyp bilmän, ol pikirimden hem dänýärin: mende zehin bolan bolsa, ol zatlary bireýýäm bitirerdim diýýärin» diýipdir. «Düşnükli» diýip, mugallym ýylgyrypdyr we sözüni dowam edipdir – onda sen özüňde zehin ýoklugyndan zeýrenme-de, bir işe uzak dümtünip bilmeýändigiňi, sabyr-kanagatyň azdygyny boýnuňa al. Ukyp-zehin gymmatbaha göwherler ýalydyr. Göwher daşlaryny gazanmak isleseň hem ýa daglary köwlemeli, ýa-da çuň deňizleriň düýbüne çümmeli bolýar. Zehini ýüze çykarmagyň ýoly hem hut şeýle – öz üstüňde köp işlemeli. Yhlas etmeli, ýöne ýaltanmaly däl. Dyrjaşmaly, hergiz yza dönmeli däl. Arzuwlaryňa wepaly bolmaly, sähel müşgillik ýüze çyksa, ondan ýüz öwürmeli däl. Bir zada höwesiň barmy, diýmek, şol zada zehiniň hem bardyr. Sebäbi zehin seni şol işi bitirmeklige iterip durýar. Onsoňam, az bolsun – uz bolsun, her eden işiňi kämil ýerine ýetir. Ýalňyş ýolda keýik deýin çapanyňdan, dogry ýolda pyşdyl ýaly ýöräp, öňe ilerlemek has dogrusydyr» diýipdir. Mugallymyň bu sözleri okuwçysyna ýagşy ugrukdyryjy bolupdyr. Ol dessine öz halaýan işini – zehiniň höwes arkaly salgy berýän işini bitirmäge girişipdir.
Terjime eden: RAHMET GYLYJOW,
«HALALLYK KYSSALARY» KITABYNDAN.
15
31
Arslan_Alaýew
11.08.2024 14:33
ZIKIR
Dini düşünjelerden, käbir çeşmelerden, ene-mamalarmyzyñ gürrüñlerinden bilişimize görä, ýaramaz ruhlary kowup, ruhy hassalygy bejermek üçin "huw hak" diyip seslenip ilki egilip ýõräp, soñ aýaklaryny tarpyldadyp, Allany ýatlap ylahy sõzleri gaýtalap "Ylahy Omyn-eý " diýip başlanýan zikir çekmek küşt depdiniñ has irki gõrnüşidigini bilmeýanimiz az-azdyr. Zikir çekmek ýaramaz ruhlara garşy okalýan doga hõküminde kabul edilipdir.
"Türkmen klassyky edebiýatynyñ sõzlüginde"
"zäkir" sõzüniñ arap sõzi bolup "ýada salyjy, Hudaýyñ atlaryny gaýtalaýjy, hereket ediji" diýmekdigi bellenilýär.
Rowaýatda aýdyşlaryna görä: "biziñ eramyzdan alty asyr õñ ýaşap geçen Zekerýa pygamberi şeýtanyñ aldamagy sebäpli duşmandan gaçyp, agajyñ kõweginde gizlenipdir, şonda pygamberi jezalandyrmak üçin ol agajy byçgy bilen kesipdirler. Agaç bilen bilelikde Zekerýa pygamberiñ hem başyndan kesipdirler. Pygamber jan bereninde zikri-rahman edip, Allanyñ atlaryny tutup hiñlenýan ýaly owazlanyp jan beripdir." Küştdepdiniñ döreýşi, aýdylyşy baradaky gyzykly maglumatlary enemiñ manyly gürrüñlerinden diñlemek has ýakymlydy. Hut şuña meñzeş rowaýaty enem (Tuwakgül) ir wagt gürrüñ bereninde pygamberiñ (r.a) yanynda şol wakany synlap duran ýaly, gyýylyp diñlänim ýadymda galypdyr.
Hezreti Magtymgulynyñ keramatly, hazynaýy hikmetli, dogaýy setirlerinde gabat gelmek bilen rowaýatyñ añyrsynda nähili-de bolsa bir hakykatyñ bardygyna ynanmyñ artýar:
Ol Zekeriýa pygamber kim Tañrynyñ Zäkir guly,
*Erre goýdy başyga ol zikri-rahman eýledi.
"Babarõwşen" dessanynda:
Kapyr erreledi ol Zekerýany,
Saña gelip kimniñ gõwni şat oldy.
diýip tekrarlanyp geçilýar.
Küştdepdiniñ asly Zekerýa pygamberiñ hormatyna zikir atlandyrylyp yslam edebiýatynda türkmen halkynyñ Zekeriýa pygambere goýan sarpasyndan hasyl bolanyny çeşmeler habar berýar.
Deñiz ýakasynda ýaşan türkmenler oglanlary deñize awa gidenlerinde yzynda galýan hossarlary eneleri, uýalary, atalary olaryñ uç gyraksyz, haçan tupan turjagy näbelli bolan, çaýkanyp ýatan mawy dünýäden balalarynyñ, agalarynyñ, sõwer ýarlarynyñ sag-aman ojaklaryna dolanyp gelmegini Beýik Ýaradandan zikir çekmek, gazal aýtmak bilen towakga edipdirler. Ellerini asmana galdyryp aman diläpdirler. Howply ýolçulykdan aman dolanyp gelen deñizcileriñ gaýdyp gelen wagty bolsa oba bolup garşylap, şatlykly küşt depipdirler, şükürli zikirler bilen senalapdyrlar.
Eýse bu wagtky ýaly tehnalogiýalaryñ ýok dõwründe, telefon ýaly habarlaşyjy serişdeleriñ yok, ýerinde perzendini howply ýola ugradan ene nädip õýde ynjalyk tapardy. Gõzüniñ nury arkadaýanjy agasyny, doganyny, ýüreginiñ karary sõwer ýaryny gaýdyp geljegi gelmejegi gumana ýola ugradan naçar Alladan zikir etmekden başga näme bilen ýüregini rahatlandyryp bilerdi?! Ak umytlara beslenip çekilen gazallardan soñ şikardan gaýdyp gelenleriñ şükranasyna şatlanyp oýnalan tansy, aýdylan gõwün begenjine küşt edepdi diýilipdir.
Elbetde wagtyñ geçmegi bilen küşt depdi ýurduñ beýleki ýerlerine ýaýrap her welaýatyñ õzüçe küşt depip, gazal aýdyp bu dessuryñ asylky görnüşinden tapawutlanmagyna getiripdir.
-------------------------------------
*(Erre - salyr, ärsary şiwelerinde byçgy diýmegi añladýar eken)
Bellik:
"Türkmen klassyky edebiýatynyñ sõzlügi"
Magtymguly Pyragynyñ goşgusy
"Babaröwşen" dessany hem-de
Enem Tuwakgüliñ gürrüñlerinden peýdalanyldy.c
2018 ý
13
23
Arslan_Alaýew
11.08.2024 06:57
GÖMÜK
Arzuwlaryň ölýän eken käbiri,
Eliň bilen jaýlanyňy bilmeýäň.
Olaň mazaryna mawy asmandan,
Ýagyş ýagýar,
Ýagyş ýagýar,
Diňmeýär.
Güllemeýär depesinden, bägülem,
Öseni hem juda meňzeş tikene.
Düşünmedim näme boldy, nägünäm,
Ýürek kesel tapdy saldym tikine.
Lukmanam tapmady kesel kesgidi,
Onuň körlügini bilmedik boldum.
Men öz gaýgylarmy hiç kime bermän,
Öz başyna gezip ýören oglandym.
Boýny ýogyn diýmäň maňa,
Beýle däl!
Ugry ýiten, ýady göýdük birzat men,
Men ýeri söýýärin ýöne beýgi däl.
Arzuwlaryn jaýlap gaýdan berbat men.
© Amangeldi ATAÝEW
15.07.2024ý
25
72
Arslan_Alaýew
10.08.2024 20:00
Kaka, şu wagt ertir boldumy?
Eýýäm sagat gije 11-e golaýlap barýar. Eýýäm ertir bolup barýar.
Men welin henizem bu günki meýilnamamy dolamok. Yzda galan 23
sagat etmedik işimi (öz öňümde goýan gündelik meýilnamamy) bir
sagadyň çäginde bitirjek bolýaryn. Ýogsam meniň bu meýilnamamy
özümden başga bilýän hem ýok. Şeýle-de bolsa, özümden müýnür-
gäp, barmaklarymyň tizligini artdyrmaga çalyşýaryn. Sagadam haýal-
ladasym gelýär. Hyýalymda Londona gidip, ýene-de dört sagat pury-
ja aldym (Göwün aldawy-da, garaz). Sebäbi olarda (tomusda) ertiriň
bizden dört sagat giç gelýänligini eşidipdim. Gümansyratmak nämä
gerek, ol ýerde okaýan dostuma bir ýola säher bilen jaň etsem, ol
entek tünüň ýarynda ýedinji düýşüni görüp ýatan eken... Wagt gidip
barýar, gyssanmak gerek. Men ertiriň gelmegini näçe gijikdirjek bol-
sam hem, wagtyň bady haýallar ýaly däldi. Nähilidir bir güýç onuň
çarhyny has batly aýlaýan ýalydy...
Asyl meniň ýeke özüm şu günde eglenmek isleýän bolsam gerek.
Ertiriň tizräk gelmegini isleýänler bolsa köplük bolarly. Muny nire-
den bildim (ýagny çakladym) diýseňizläň, süýnüp ýatan ýerimden
haýdap ýazyp ýatyşyma ünsüm bölündi. Işläp oturan otagyma gyzym
girdi-de: «Kaka, çaý demläýinmi?» diýdi. Men başymy galdyryp, oňa
bir söz bilen «Ýok» diýip jogap bersem hem, edil şu pursat öň hem
bolup geçen ýaly, oýa batdym. Oňa dežawýu diýilýär (bu sözi fransuz
dilinden göni terjime edeniňde, ol «öň hem görlen» diýen manyny
berýär). Ýekeje sowal-jogap alşylar salymyň içinde täsin bir ýagdaý
bolup geçdi. Ýap-ýaňy hem sähelçe müddet säginmegi ýokuş gör-
ýän wagt birdenkä 6-7 ýyl yzyna aýlanan ýaly boldy. Otag, gapy...
garaz, hemme zat öňküligine dur. Emma gyzym kiçelip, ýaňy bir dil
bitenindäki hala bardy. Ynha, ol ukuly gözjagazlaryny owkalap, bo-
sagada dur. Ýene ol özüniň sowalyny berýär. Emma bu soňky gezek-
däki ýaly, çaý bilen bagly däl. Ertir bilen bagly: «Kaka, şu wagt ertir
boldumy?». Asyl men hälki «Ýok» sözüni hyýalymda aýdan ekenim.
Gyzym hem entek meniň jogabyma garaşyp duran eken. Şu halda
bir zad-a bolup geçdi. Ýa-ha sähelçe wagtlyk wagt ýitdi, ýa-da men
uklap-oýandym. «Ýarym sagatdan ertir bolýar, gyzym!» diýen joga-
byma ol aňk-taňk boldy. Sebäbi ol menden tapawutlylykda, 6-7 ýyl
mundan öň hem oňa edil şu jogaby berenligimi ýadyna salyp bilenok.
Onsoň men özümi ele aldym-da, giňişlikden häzirki pursada tarap to-
wusdym. Edil ýapdan böküp geçen ýaly, başga ölçege — bu kenara
düşdüm. Ýaňky aýdan sözlerimi häzirki pursadyň diline terjime et-
dim: «Çaý içjek däl, gyzym, ertire çenli ýazyp ýetişdirmeli zadym
bar, başlyk ýumuş tabşyrdy».
Gyzymyň şol sowaly — çaýly sowaly däl-de, ertirli sowaly nä-
me üçin berendigi anyk ýadymda däl. Belki, ertir bir ýaňa gezelenje
äkitmegi ýa-da nämedir bir zat alyp bermegi wada berendiris. Garaz,
onuň tizräk ertir bolmagyny isleýänligi-hä anykdy. Başga-da bahym-
rak ertir bolmagyny isleýänler, megerem, köpdür. Özüm hem köp ýo-
la isläpdim. Harby eşikli uzyn gije şöwür çekmeli bolanymda gün-
dogardan görünjek şapaga, kakamyň işden gelerine garaşyşym ýaly,
intizar bolan gezeklerim az-küş däldir. Nämedir bir zadyň haçan bol-
ýanlygyny soranymda, «Eeeertir» diýip jogap berlen gezekleri köp
bolupdy çagalykda. («E» harpynyň süýndürilip aýdylmagy meniň
şol wagtky sözlük gorumda köp wagty aňladýardy). Onsoň men ony
anyklaşdyryjy ikinji sowaly hem bermeli bolýardym. «Oňa çenli üç
ýatsak, bolýarmy eeeertir?» Garaz, şol «e»-leri azaldyp, «ertiriň» «şu
güne» öwrülmegini çynym bilen islän gezeklerim köp bolandyr…
Emma şu wagt welin ertiriň biraz eglenmegini isläp, haýdaýaryn. Ol
eýýäm ýetip gelýär. Gelse-gelibersin. Menem şu günki meýilnama-
myň ahyryna ýetip gelýän. Indi men muňa kaýyl. Bu gün üçin müýnürgemän biljek. Emma men başga bir günüň (31072002) welin ertire öwrülmezligini gara çynym bilen isläpdim. Ol gün men kakamy iň
soňky gezek görüpdim…
15
52
Arslan_Alaýew
10.08.2024 09:16
Ejeňize til kakyň!
Gije sagat 12 bolmaga bäş-alty minut galanda sms geldi: «Häzir
sagat 12 bolar welin ejeňe jaň et-de, doglan güni bilen gutla, aglap
otyr!» Bu habaryň maňa ýalňyşlyk bilen ugradylandygyna meniň ba-
da-bat akylym çatdy. Çatsa-da çatdy welin, bu habaryň döreden pikir-
lerinden ýaňa kelläm çatlap ýarylara geldi. Telefon belgisindäki haý-
sydyr bir sany ýalňyş ýazylanlygy sebäpli, ýalňyş salga baryp gowşan
habar, göýä diýersiň, näbelli bir güýç tarapyndan iňňän dogry salga
ýollanan ýaly boldy. Eger-de bu habar häzir ähli adamzada ýollanan
bolsa, gör, nähili oňat bolardy! Eneler begençden ýaňa uçaýjak bolar-
dy. Ençeme eneler bolsa… ýok, bakyýa göç eýlän eneleriň ruhy bolsa
şat bolardy. Men bu habaryň ähli adamzada ýollanan bolanda, juda
gowy boljaklygy hakynda oýlanyp, hyýala çümüp oturmakden peý-
da bolmajagyna magat gözüm ýetensoň, «Ýeri, bu hyýalyň hakykata
aýlanmagy üçin sen näme etdiň?» diýip, özüme sowal berdim. «Bel-
ki, seniň hem bu habary birnäçe, has dogrusy, ençeme adama ýetirip
biljekligiň üçin ol hut saňa gelendir» diýip içimden bir ses — özüm
özüme jogap gaýtardy. Derrew galama ýapyşdym, ýok, bu leji çykan,
edebiýatda köp gaýtalanan pikir bolansoň, menem ulanaýdym, komp-
ýuterimi açdym-da, ýazmaga başladym…
Ejeňize til kakyň! Doglan güni bolsa, ony doglan güni bilen gutlaň.
Sebäbi şol gün bolmadyk bolsa, onda sizem bolmazdyňyz. Onuň ha-
lyndan habar alyň. Agzyňyzdan süýt ysy gitmedik bäbekkäňiz, «iň-
ňäläp», ukusyny harama çykaranlygyňyz üçin ötünç soraň. Şonda ol ýylgyrar. Siziň bäbek halyňyzdaky pursada dolanyp baran ýaly bolar.
Sizi akja arlykda ýatan päkize guşjagaz hökmünde alkyşlar. Oňarsa-
ňyz-a ýanyna baryp aýdyň aýtjak sözleriňizi hem-de onuň alkyşlary-
ny nagt alyň…
Ejeňize til kakyň! Ese-boýa galyp ugran wagtlaryňyzda hapalap ge-
len egin-başyňyzy, dyzanaklap ýyrtan jalbaryňyzy ýuwup-tämizläp,
tikip-çatyp, ertire taýýarjak edip goýanlygy üçin, munuň üçin uzynly
gijesini gydyrdanyp geçmeli bolanlygy üçin, sag bol aýdyň. Şonda
ol sizi eliňizden tutup, ilkinji gezek mekdebe alyp barşyny göz öňü-
ne getirer-de, ýylgyrar, hyýalynda özüniň gaýan akgaýma tahýasyny
siziň başyňyza geýdirer-de, «oglum, gyzym» diýip, siziň başyňyzy
sypalar. Oňarsaňyz-a şol pursatda aýtmadyk minnetdarlyk sözüňizi
ýanyna baryp aýdyň-da, onuň alkyşlaryny nagt alyň…
Ejeňize til kakyň! Belki, ol bu wagt Kerim Gurbannepesowyň «Ýaz-
masy agyr düşen goşgusyny» okap, oýurganyp, agyr oýlara batyp otu-
randyr. Belki, hut şu pursat şu ýazgylary okaýandyr-da, perzendiniň
şu tymsaldaky Baýazid Bistami ýaly bolmagyny arzuw edýändir:
«Baýazid Bistaminiň ejesine goýan hormatyny ýatlalyň. Garry ene
aýazly bir gyş gijesinde oýanyp, suw içmek isläpdir. Baýazid görse,
suw taňňyry boş eken. Daşaryk ylgap gidip, suw getirýänçä ejesi ýa-
ňadan uka giden eken. Başujunda eli suwly pyýalaly birnäçe sagatlap
gözüni gyrpman garaşyp durupdyr. Ýene oýanan ejesine elinde saklap
durşuna ýylap giden suwy uzadypdyr. Şol günki alan alkyşy-dogasy
Baýazid Bistamini welilik makamyna (derejesine) ýetiripdir».
Oňa mähremligiňizi duýduryň. Mekdepde, institutda käte mugal-
lymlaryňyzyň öňünde ýüzüni gyzartmaly bolanlygyňyz üçin ondan
ötünç soraň. Şonda ol siziň orta bilim hakyndaky şahadatnama, ýoka-
ry bilim alanlygyňyz baradaky diplom alyp gelen pursadyňyzy ýatlap,
size guwanar, buýsanar. Oňarsaňyz-a ýanyna baryp aýdyň aýtjak söz-
leriňizi hem-de onuň alkyşlaryny nagt alyň…
Ejeňize til kakyň! Hawa, meňk-ä bir ýatlatmak. Entek giç dälkä til
kakyň! Oňarsaňyz-a ýanyna baryp aýdyň aýtjak sözleriňizi hem-de
onuň alkyşlaryny nagt alyň… Ine, meselem, mende sizde bar bolan
bu artykmaçlyk ýok. Men şol hukukdan mahrum. Men diňe her anna agşamy — şu agşam edişim ýaly, ejemiň… ruhuna bagyşlap aýat
okaýan. Meň ýagdaýymda bolsaňyz, onda, hiç bolmanda, sizem şeýle
ediň. Şonda onuň ruhy tirsegine galar.
Ejeňize…
19
139
Arslan_Alaýew
10.08.2024 04:29
Indi men kime öýlenmeli 5 bölim Hekaýa
Nurgeldi düşünmedim diýdi, Batyr nämäni düşünmediň ýene bir kylasdaşyň toýy boljak bolýa diýän diyip omzuna kakyp gidip galdy, Nurgeldâ bu habar ýokman başlady, ol salona girip Meleğe seretdi, Melek gülüp bir gyzyň ýüzüni owadanlap duran ýerinde Nurgeldâ seretdi, Nurgeldi birhili bolup gaşlaryny çytyp ugry ýok halda oňa seredip dur, Melek hâ näme boldy diyen äheňde kellesini kakdy, Nurgeldi " hiç zat diýmän çykyp gitdi, Melek oňa näme bolanyny bilmek üçin daşary çykdy, görse ýok gidipdir, Nurgeldi" öýüne bardy ugry ýokdy özüniň näme üçün beýle ýagdaýa düşenini hem bilip bilenokdy, ol oýa batdy, Bibini ýatlasa gowy duşuşuklar bolandy, a . Meleği ýatlasa hiç wagt ondan geçip bilmediğini bilýärdi, ol gürleşýän gyzlary jaň edip durka Melek jaň eden bolsa olarkyny öçürüp Meleğe jaň edenlerini ýadyna salýardy, ýada kiçijekkâ ejesi Uran wagty aglap duran Melegi gahar edip öýüne alyp gaýdanyny hem orta ýola gelende ejesi yzyndan ýeten wagty indi degseňiz başga sizde ýaşamaýar diyip 9 ýaşyndaka haýwat atanlaryny ýadyna salýardy , Melek bolsa aglap dur ejesi gülüp söz berensoň, elini aýranyny ýatlap asmana bakyp gülüp stoluň üstünde çuňňur oýa batyp indi men kime öýlenmeli diyen pikir aklyny gurşaýardy, aradan on güne golaý wagt geçdi, Bibi Melege jaň edip Nurgeldi bilen halaşýan bolsaň näme üçün aýtmadyň diýdi, Melek o nähili kim aýtdy diýdi, Bibi Nurgeldi aýtdy ol menden geçirim sorap gelip gitdi meni söýenokmyş, senden aýrylyp bilenokmyş urşanmyşyňyz soň meň bilen gurlesenmis seni unutmak üçin, olam bolmanmyş gürleşmânkam bir agyz aýdaýmaly ekeniňdâ diýdi, Melek ýok ýok beýle dâl diýdi weli, Bibi gepini diňlemän öçürdü, Melek goýmaga başga bahana tapmadyňmy diýip gahar edip, onuň öýüne baryp gapyny kakdy, Nurgeldi çykyp salam gel diyip birhili bolup dur, Melek bâri gel diyip maýkasyndan tutup çekip howla çykardy Nurgeldi, waý nâme boldy diýdi, Melek sen nähili adam men seň bilen haçan gürleşip goyusdum sen Bibi bilen aramyzy bozduň men saňa öňünden aýtdyma ony aljak bolsaň gürleş diyip diyip gepiniň yzyny dowam edip gygyryp dur Nurgeldi onuň ýüzüni bolşuny mähir bilen synlaýardy, Melek elini onuň ýüzüniň ýanyna eltip barmagyny şyrkyldadyp saňa aýtýan kelpese nâme üçün beytdiň diyip jyzzyk bolup dur, Nurgeldi men seni söýýän Melek diýdi, Melek nämee diyip ýüzüni birhili etdi, Nurgeldi " bu gün ejemdagy size barar eğer ýok diyseň diyip sâgindi, Melek näme bolar ýok diýsem hm diyip gahar bilen seretdi, Nurgeldi" alyp gaçaryn bagty gara diyip gözüni güldürdü, Melek muňa gep düşündürup bolmaýa diyip howlydan gaty ýöräp çykyp gitdi, Nurgeldi yzyndan seredip galdy, aýdyşy ýaly şol gün, Meleklere Nurgeldilerden sawçy bardy, Melek ýok diýip goýberdi Nurgeldi " nâme üçün beýtýän diýip hem soranokdy, ol ýene ugratdy yene ugratdy, ahyry ejesinden razylyk aldylar, Melek nâme üçün beýtýän diýip Nurgeldiden soranda, Nurgeldi men seni ozaldan ahyra söýýän ekenim men ony seň ýanyňa oğlan baryp gürlân wagty bildim, onsaň kime oylenjegimi bildim sen ekeniň meniň söýgüm bagtym diyip Meleği azajyk ynandyrdy , Melek toýy yakynlansoň Onuň aytyanlarynyň çyndygyna göz ýetirip başlady, Melek onda göwni bardy, emma öňler ondan umydy ýokdy, indi bolsa bu zatlar Hakykata öwrüldü.
Soñy
Jumayewa ogulgurban
17
50
