Yürüyen bir aptal, oturan iki akıllıdan daha çok yol alır.

                ✨✨✨

Gül sunan bir elde daima bir miktar gül kokusu kalır.

                  ✨✨✨

Oturarak yapabileceğin hiçbir şeyi ayakta, yatarak yapabileceğin hiçbir şeyi oturarak yapma.

                 ✨✨✨

Kişinin aklından geçeni öğrenmek istersen, söylediklerini dinle

                ✨✨✨

Eğer bir ülkede cücelerin gölgeleri uzamaya başlamışsa güneş batıyor demektir.

                ✨✨✨

Bilen ve bildiğini bilen akıllıdır. Onu izleyin. Bilen ve bildiğini bilmeyen uykudadır. Onu uyandırın. Bilmeyen ve bilmediğini bilen bir öğrencidir. Ona öğretin. Bilmeyen ve bilmediğini bilmeyen bir aptaldır. Ondan sakının.

Çin Atasözleri

               ✨✨✨

Beni hatırlamadın mı?

Hani..bir tende iki can,bir kabukta iki badem idik?!Ben seni nasıl incitebilirim?Ayağına bir öpücük kondurayım desem,kirpiklerimin dikeni ayağına batar da,rahatsız eder diye korkarım

Şems-i Tebrizi

Ýazyjy.3-nji mart. 13:20

Bu seýilgäh öň beýle dymyşlyga duçar bolup görmändi,muňa özüm şaýat. Her gün bolmasada, köplenç ylham uçgunjygymy gözläp şu ýere gelýärdim. Aklymdan geçenleri diňlemek üçin bu ýer gowy mesgen. Ençeme eserlerimiň döremegine sebäp bolan bu ýer kim bilýär,ýene näçe eserlerimi döremegine öz täsirini ýetirer. Bu seýilgäh üçin bügün adaty gün däldi, bu ýer bugün öň şaýat bolmadyk wakasyny gördi. Bu ýere ýaşlar durmuş gurmak teklibini bermek üçin, ýa-da durmuş gurýanlar bu gözelligi suratlarda ýadygärlik saklamak üçin gelýärler. Bügünki söhbetdeşimem şeýleräk niýetde bu ýere gelipdir. Emma netije garaşany ýaly bolmady...

Mekan. 3-nji mart. 10:45

"Bügün meniň üçin möhüm gün. Men ahyry ukusyz geçiren gijelerime soňlama bererin. Ençeme ýyl ýüregimiň bir töründe syr bolup saklaýan duýgymy äşgär ederin. Men onuň jogaby nähili boljakdygyny oýlaman ähli zady uly töwekgelçilik bilen aýtmaly, indi garaşmak dogry bolmaz. Ýüreginiň sesine diň salmak, kalbynyň gapysyny kakyp görmek pursady ýetdi." Şeýle pikirleri aklymdan geçirip gelşime seýilgähe gelenimi duýman galypdyryn. Ylalaşylan wagtdan gaty ir geldim,sebäbi öýde wagt geçenok, garaşmaga sabrym ýetmedi. Hem-de seýilgähe irräk gelip Marala aýtjak gürrüňlerimi oýlanaryn,taýýarlanaryn. Duýgularymy has açyk,has täsirli düşündirmegim gerek.Elbetde ol maňa düşüner. 
Seýilgähiň säherinde onçakly adam ýokdy, özüm üçin oňaýly oturmaga ýer tapyp otyrdym. Garşymda orta ýaşly bir adam otyrdy. Ol şeýlebir pikir ummanyna çümüpdir welin, seýilgähdäki saýraşýan guşlaryň sesleri, ýada uzagrakdan eşdilýän awtoulaglaryň sesleri muňa päsgel berenokdy. Käwagty eline galamyny alyp depderiň ýüzüne bir zatlar ýazýar-da ýenede oýlanmagy dowam edýär. Mende onuň bilen biraz söhbetdeş bolmak islegi döredi. Ýöne nähili bolarka, men oňa päsgel bermezmikäm diýip ikirjeňlenip otyrkam, ol meniň ýüzüme seretdi. "Ana seret duýdy,adam görmedik ýaly, ýüzüne seredip otursaň duýmazammy ýogsam" diýip özüme daşymdan gürlänimi duýman galypdyryn. Ol ýylgyrdy we men tarapa ýöräp başlady. Maňa ýakynlaşyp: "ýaş ýigit, ýanyňyzda otursam bolýarmy" diýdi. "elbetde, baş üstüne". Men oňa "bagyşlaň size dikanlap seredip galypdyryn,beýle pikire çümüp depdere näme ýazýanyňyza gyzyklandym" diýdim. Ol özüniň ýazyjydygyny, köplenç bu ýere gelip akylyndan geçenleri depdere göçürýänini aýtdy we menden "birine garaşýandyrsyň herne" diýip sorady. Men ähli zady oňa aýtdym.

Maral. 3-nji mart. 12:05

Düýn Mekan maňa jaň edip "möhüm zat hakda gürleşmelidigini, ertir görüşmek üçin boş wagtymy sorady" şol gürrüňi telefonda aýdaýanda-da bolardy. Ýöne men ony kiçiligimden bäri tanaýan. Meniň iň ýakyn dostum, çagalygymyň bir parçasy. Diňe bir çagalygymyň däl, ýüregimiňem bir parçasy. Hawa, ol meniň söýgüm. Oňa bolan söýgim edil çagalygym ýaly sada we eziz. Emma muny özi bilenok,oňa duýgularymy duýdurmadym. Duýdurmaga hakymam ýok. Men ganatlary döwülen guş mysaly. Ol aýtmak üçin möhüm zady bolmasa çagyrmazdy. Sanlyja minutdan bu çagyryşyň sebäbini bilerin, elbetde. 

Mekan. 3-nji mart. 12:30

 "Hanha Maralama gelýär" diýip ýazyjy bilen bolan gyzgyn söhbetimizi saklamaly boldum. Maraly görip ýazyjy birneme sägindide: "Şulmy söýen gyzyň?" diýip aljyraňňy ýagdaýda sorady. "Hawa näme boldy?". Ýazyjy soragyma jogap berip ýetişmänkä, Maral geldi. Ýazyjy sagbollaşyp bizden sähel aňyrrakdaky oturguja geçip, başdaky ýagdaýyny dowam etdi.
Men ilki hal ýagdaý soraşdyryp,gürrüňi nireden başlajagymy bilmän oturdym. Maral: "Mekan näme boldy? Näme gürleşjekdiň men bilen?" diýdi. Indi meselä geçmek wagty gelipdi: "Maral bilýäňmi näme? Men saňa öň äşgär etmedik duýgularym barada aýtmakçy. Maral men seni söýýan...Maňa rugsat ber seni ömrüň ahyryna çenli bagtly edeýin." Bu Marala garaşylmadyk jogap bolany onuň ýüzündenem bellidi. Ol jogap bermekde köp oýlandy we titreýän sesi bilen:"Mekan bu näme diýdigiň. Biz dostduk we bu bize ýaraýady. Men hakda beýle duýgulary duýmagyň mümkin däl...Bagyşla Mekan men seniň bu teklibiňi kabul edip bilmen. Meni başga biynjalyk etme. Sag bol!" diýdi. 
Ýüregim durdy öýdýän,ýaňky atyp duran sesler indi eşdilenok. Näçe ýylymy elden gidirdim şu sanlyja minudyň içinde. Meniň duýgularym ýer bilen bir boldy. Maralyň yzyndan gidişine seredip, niçeme duýgular duýdum muny söz bilen beýan edip bilmen.

Maral 3nji mart. 13:00

 "Bagyşla, söýenim bagyşla. Saňa haksyzlyk etdim. Maňa garşy nähili duýgy duýýan bolsaň, meniň ýüregimdede şol duýgular döredi. Ýeriň ýüregimde, şol ejiz, hassa emma saňa aşyk ýüregimde. Sen bu dünýäde wagtlaýyn adama ýagny maňa baglanyp galmaly dälsiň...

Ýazyjy. 3nji Mart. 13:15

Mekanyň ýanyna gelen gyzy bilýädim. Ýakynda dostum infarkt geçirip hassahany düşdi. Ony görmek üçin hassahana bardym we dostumyň ýatan otagyna huşundan giden gyzy getirdiler, gyza ilkinji kömek berdiler. Dostum lukmandan gyza näme bolanyny sorady. Lukman: " bu meniň hemişeki müşderim. Onuň çagalygyndan ýüreginde deşijek bar eken emma muny giç bilipdirler. Deşijek barha ulalyp görlen çäreleriňem peýdasyz bolarlyk ýagdaýyna geldi. Gyzyň 3 aý ömri bar" diýdi. Şonda bu gyzyň keşbi ýadymda galypdyr. 
Maral Mekana onuň garaşmadyk jogabyny aýdany daşdan seredeniňdede bellidi. Diýmek ol Mekanyň durmuşyny ýakmak islemändir. Maralam ony gowy görýär ahbetin. Sebäbi ol Mekandan uzaklaşdygyça aglaýardy. Ol akylly we güýçli gyzdygy daşyndanam belli. Bügün biri birini çyndan söýýän aşyklaryň ýüreklerine söýgülerini gömen güni boldy. Bu seýilgäh indi olara iň erbet, ýakymsyz duýgulary ýatladar...

__Sunshine__

Salam gadyrdanym.

Bügün ýalançy dünýäni gözelleşdirmek üçin dünýä inen günüň,has dogrusy meniň reňksiz,manysyz dünýäme reňk,ýaşamagyma sebäp döretmek üçin dünýä indiň we muny dolulygyna başardyň. Men söýmegi saňa seredip,seniň suratyňy çekmege meňzedýän. Söýgi bu-\"Sen\". Muňa başgaça iň gowy şekilde jogap bermek mümkin däl. Sebäbi men söýmegi saňa duşamdan soň öwrendim. Başgaça söýmegi başaramok men. Ömrüňden gidiren 20 ýylyň her bir pursadyna aýratyn hormatym bardyr. Sebabi bu wagt aralygynda özüňi akyl taýdan bütinleý kämilleşdireniňe ynanýan we muňa şüphe gözi bilen seretmegiňem geregi ýok,munuň sözsiz beýany-sensiň. Bügün ikinji ýubileýiňi garşy aldyň, bu möwsüm täze tanyşlaryň,dostlaryň sanyny hasam artdyrar. Olaryň arasynda seni söýjekler bolar,belkem olaryň söýgüsi seni \"Senden\" alarlyk derejede täsirli bolar. Belki senem şu möwsümde öz söýgiňe duşarsyň. Ýöne unutma, saňa bütinleý ömrüni bagş edip barlygy bilen söýjek ýekeje aşygyň men bolaryn,muňa ynanýan. Ikinji ýubileýiňi belläniňde maşgalaň bilen birlikde ýanyňda bolup şatlygyňa goşulmagyň wagty geldimi ýada ýok,bu ýeri meniň üçin garaňky.Emma mundan soňky ýubileýleriňde bile bolmaklyk bu meň üçin elýetmez arzuw... Edil sen ýaly. Hawa, sen meniň elýetmezim. Saňa gowuşmak aklyma gelende munuň ýerine elimi Aýa uzatsam ýetjek ýaly. Saňa \"söz\" bilen gowuşmaly bolýan bolsa günde bir kitap ýazardym we seni iň gowy şekilde saňa beýan ederdim,muňa doly ynanyp bilersiň. Saňa bolan söýgüm saňa \"sen\" diýip ýüzlenenimde \"Sen\" sözüniň baş harp bilen ýazylmagyny isleýär. Hawa ol söýgi şeýle päk. Seniň saýaňda dörän her bir duýgym,elbetde päk bolar.

Ýadyňdamy?Sen maňa:\"Ruh ýoldaşym\" diýipdiň.Şunça ýyllyk söýgüme jogap hökmünde mundan gowy söz tapylmaz. Belki din,resmi taýdan ýoldaş bolmarys. Emma sen hakykatdanam meniň \"Ruh ýoldaşym\". Muny hiç bir hakykat üýtgedip bilmez...Belki maňa:\"şunça sözleri sen ýazdyňmy? Sen meni şeýle söýýäňmi?\" diýen soragy bermek aklyňdan geçer. Hormatlym seni söýýänimi duýan günim ýaşaýanymy,dem alýanymy bildim. Sen meniň garaňkylygymy ýagtylyk bilen kimsesizligimi-barlygyň bilen,duýgusyzlygymy-duýgularyň bilen doldurdyň. Şeýlebir girdiň durmuşyma, durmuşymdaky ähli zat derbi dagyn boldy we täzeden gurdym durmuşymy,arzuwlarymy,hyýallarymy we hemmesinde sen bardaryň,barsyň,bolarsyňam.

__sunshine__

manysyz oýlanmalarymdan.

(okanyma degmedi diýip şikaýat etmezligiňiz üçin)

Tanşymyň ýoldaşy aradan çykdy. Elbetde adamkärçilik üçin menem barmaly we bardym. Garşymdakylaryň hemmesi nätanyş. Ýüzleri nätanyş,duýgulary nätanyş. Hatda aradan aýrylan adamam ýekeje gezek görmändim. Daş töweregimden: "gowy adamdy", "adama azary degmedik bende" ş.m sesler gelýär. Diýmek ölenden soň gadryňa ýetmegi başarýarlar. Merhumyň şunça ýyllyk ömrüne gysgaça taryplar gutarandan soň, ýakynlarynyň arasynda gürrüňler başga temalara öwrülip gitdi. Biri öýüne gitmek üçin awtoulag gözleýän bolsa,beýlekisi saglygy barada şikaýatlary gürrüň bermek bilen başagaý ýene biri gelininden näräzy. Eh adamlar...

Adamlar gaty düşnüksiz. Mundan beýläk näçe ýyllyk gandaşyny,tanşyny, goňşusyny, işdeşini görüp, duýup bilmejekleri aklynyň bir ujyndan geçmeýärmikä?görüşmek kyýamata galdy welin bularyň öz meseleleri. Ýogsam bügün ölen bugün unudylýamy. Ýogsam şol pahyr bolan bende şu oturan jemagat diýip ençeme ýere ylgandyr,janyny azara goýup alada edendir...Aglaýan gaty azdy. Her kim öz meselelerini gürrüň berýärkä, bir gyrada bir aýal çyny bilen sessiz aglaýar. Başgalar bolsa muňa edil başga planetaly adama sereden ýaly haýranlyk bilen seredýärler. Inede merhumy öýünden soňky menziline ugratmak wagty geldi. Birden Hiç hili ses ýok köpçilikden, aglamalar,iňlemeler, dat perýat edýän köpçülige öwrüldi. Bir iki sany aýala gowja edip üns berseň,olaryň gözünden hiç hili ýaş ýok,emma sesiniň ýetdiginden gygyryp dat-perýat edip otyrlar. Aýdýan sözlerem gazal aýdýan ýaly içinden çykyp dur. Soň bilsem olar ýörite taýýarlanan,çagyrylan artistler(başga näme diýip at berjegimem bilemok)eken. Merhumyň aýaly(ýagny tanyşym) çeken azaplaryna çydaman, birnäçe gezek huşundan gitdi. Elbetde ruhdaşyňdan, arkadaşyňdan,ömürdeşiňden aýrylmak dek düýn sagdyn, şadyýan ýagdaýda gezip,ertir öljegini asla aklyňa getirmeýän syrdaşyň bügün ýoklugyny aklyňa sygdyrmak aňsat işmi näme?

Bu gurşaw we ondaky adamlar ruhuma erbet täsir etdi. Näme sebäpden ýada haýsy ýagdaý öz täsirini ýetirdi bilemok, damagym dolup aglap başladym. Belki şol ýekeje bolsada çyn ýürekden sessiz aglaýan aýalyň gowy kalplylygy maňa täsir edendir, ýada ýasama gynançlar bilen iňläp oturan aýallara dörän garşylykly duýgularym täsirlendirdimikä, ýada merhumyň aýalynyň göterip bilmeýän azaplaryny, az hem bolsa düşünýanim sebäpmikä?

Dogrudanam öleniňden soň adamlaryň seni unutmagy köp wagt talap etmeýän eken. Her kim öz aladalary bilen gümra. Köp wagt geçmänkä iş ýeriňe täze işçi gelýär,doganlaryň,tanyşlaryň çagalary,maşgalasy, meseleleri bilen gümra bolýar. Şeýlelikde sen we seniň ýoklugyň azaplary unudylmaga başlaýar