#düşnüksiz içgepletmelerimden düşünip bolaýjaklary)

Adamlaryň köpüsinde nätanyş adamlara,nätanyş zatlara ynanmak gorkusy bar we başgalara hem bu barada berk duýduryşlary maslahat berýäler.Beýle häsiýetli adamlar biziň daş töweregimizde gaty köp. Bu gorky olarda näme üçin barka? Olar \"Nätanyş\" sözünden ejir çekenlermi? olaryň tanaýan adamlara bolan ynamy güýçlidigindenmi? Ýa-da ynanmak duýgusynyň adamlaryň arasynda barha gowşaýanyndanmy?
Pikirimçe biz köplenç nätanyş adamlara(zatlara) ynanmak islemesek hem özümiz bilmedik (ýada mejbury) ýagdaýda ynanýarys. Meselem: siz bir ýere gitmekçi. Emma ýol uzak. Elbetde niýetlän menziliňize ýetmek üçin size awtoulag gerek we garşyňyzda taksi sürüjisi durdy.Siz awtoulag sürüjisini tanaňyzok. Onuň sürüjilik şahadatnamasy barmy?ulag tehniki howpsuzlyk gözegçiliginden geçenmi?sürüji alkagol içgilerini ulanýarmy?ol hemmetaraplaýyn sagdynmy? näçe ýyllyk sürüjilik tejribesi bar? ş.m soraglaryň hiçisine jogabyňyz ýok.Belli bolşy ýaly ol \"Nätanyş\". Siz şu soraglaryň jogabyny bilmeseňiz hem oňa janyňyzy ynanyp, töwekgellik edil ol awtoulagda menziliňize ýetersiňizmi ýada uzak menzil bolsada, wagt ýitirseňiz hem howpsuz ýoly saýlap pyýada gidersiňizmi?
Ýa-da hassahana baranyňyzda, siz lukmany tanaňyzok. Emma siz hökman lukman gözegçiliginden geçmeli. Sebäbi bedeniňizdäki agyrylar lukmanyň näçe ýyllyk iş tejribesiniň bardygyny,adyny halk arasynda nähili lukman diýip tanalýanyny oýlamaga pursat(ýagdaý) goýanok we siz lukmana ynanmaly bolýaňyz we onuň ýazyp beren dermanlaryna görä bejergi almaly bolýaňyz.
Lukman,süriji ýada başga kesp eýesine hem kämahal ynanmakdan başga ýol ýok bolup galýar. Emma(köplenç ýagdaýda) olara berlen ynamyň netijesi ynamsyzlyk bilen gutarmaýar. Adamlara ynanmak hiç bolmasa ynanmaga synanşmak bu pozitiw adamyň ýörelgesi pikirimçe. Elbetde bu diýildigi nätanyş adamlara hemmetaraplaýyn: maşgala syrlar,şahsy durmuş ş.m iň esasy duýgular babatda ynanmak dogry bolmaz.(hatda bular tanyş adamlaryň aglaba bölegine hem ynanylmaýan zatlar). Elbetde her kimiň öz düşünjeleri, öz ýörelgeleri bolýar.
Bu barada siziň pikiriňiz nähili?
Siz öziňizi pozitiw adamlaryň hatarynda görýäňizmi ýada ýokarda agzalan adamlaryň häsiýeti size has ýakynmy?
Siziň pikiriňizçe haýsy häsiýetli adamlaryň ýörelgeleri dogry?
Her bir agzaň düşünjesine ynanan ýagdaýda, teswirlerde manyly jogaplara garaşýan(⁠•⁠‿⁠•⁠)