Allajagyňy bilip

Ýene-de söýdüm gülim.

Ýatlamajaňňy bilip

Ýene-de söýdüm gülim.

Daşyňdan juda sada,

Allamak boldy kada,

Berseňde ýalan wada,

Ýene-de söýdüm gülim.

Taý ýokdur syratyňa,

Görk görmek kamatyňa,

Seredip suratyňa,

Ýene-de söýdüm gülim.

Öçüremok belgiňi,

Unudamok salgyňy,

Görkezseňde görgüni,

Ýene-de söýdüm gülim.

Ýüregmi ýakyp bildiň,

Ýylan deý çakyp bildiň,

Özge ýigdi tapyp bildiň,

Ýene-de söýdüm gülim.

Ýüregimden çykmadyň,

Senden özgä bakmadym,

Derde däri tapmadym,

Ýene-de söýdüm gülim.

Meni oýnap taşladyň,

Özge ýigde başladyň,

Görüp gözüm ýaşladym,

Ýene-de söýdüm gülim.

Halys doýurdyň indi

Derde gowurdyň indi

Senden sowadym indi

Oduňa köýdüm gülim.

Görünmegin gözüme,

Ynam ýokdur sözüňe,

Gowja seret özüňe,

Bagtyň diledim gülim.

Hangeldi unut indi,

Güneş ýok, bulut indi,

Haka sygynyp indi,

Bagtym diledim gülim.

Ýaş şahyr:Hangeldi Orazmyradow.

18.12.2023.

Adam ogly,dünýä gelip,

Haýwan adyny almagyn.

Her niçe, zalymam bolsaň,

Ynsan  badyny   almagyn.

Gadryny bilgin ýaşlygyň,

Gepini çekme başlygyň,

Eý  pelek,   iki    aşygyň

Göwün şadyny almagyn.

Ýekelik   Hudaýa     ýagşy,

Garyplyk   gedaýa   ýagşy,

Tar çalyp, gyzanda bagşy

Huşdan, ýadyny almagyn.

Ykbalyň,   her   ýan ykmasa,

Adamlar göwnüň ýykmasa,

Aýak ýorgandan  çykmasa,

Zilläň,     zadyny   almagyn.

Musulman, ýitirme ýoluň,

Hudaý berse, dolar goruň,

Rehmiň gelip haramhoruň,

Dertli,  dadyny      almagyn.

Hangeldi, başyň  boş wagty,

Entekler  juwan,  ýaş  wagty,

Söýgä mynasyp, hoş wagty,

Ýaman,  hatyny    almagyn.

Ýaş şahyr:Hangeldi Orazmyradow.

08.12.2023ý

Owal  başda,  adam ogly,

Eneden ýalňyz dogmasyn.

Dogaýsada   sagat    jany,

Ýaşlykda hassa bolmasyn.

Mähremli   eneleň   ýüzi,

Mylaýym   gelinleň  sözi,

Söýenine     barsyn   özi,

Gyzlaryň güli  solmasyn.

Ärler gözüne, ýaş düzse,

Gelin   ärinden,  el  üzse,

Dul gelin, köçede gezse,

Daşyna sallah dolmasyn.

Ýigit bar, depseň yranmaz,

Ýigit bar,  gama gynanmaz,

Ýigit  bar,   ilde    sylanmaz,

Ýigdiň  ömri,   kül  olmasyn.

Dostuň erte, duşman bolsa,

Bahyl soňra, puşman bolsa,

Gözellige    joşman    bolsa,

Jennet hem ajap bolmasyn.

Hangeldi, dözümsiz  bolduň,

Gamlanyp göwünsiz bolduň,

Ah şeýdip, ömürsiz  bolduň,

Şygryň bir duzsyz bolmasyn.

Ýaş şahyr: Hangeldi Orazmyradow.

Eý, Musulmanlar, Halaýyklar,

Pyragydan, pata alsadym.

Beýik, şygryýet äleminde,

Menem nusga bolup galsadym.

Ýaş şahyr:Hangeldi Orazmyradow.

Namardyň, nepi degmez ynsana,

Hudaýdan gorkan, geler ynsaba.

Hiç kim, çekişmez derdiňi,

Sen saýla, dostuň merdini.

Ölümden gorkma, ajy şerbetdir,

Ölümden-de, aýralyk erbetdir.

Söýen bolsaň ikilik etmegin,

Söýen ýaryň taşlap gitmegin.

Ýaş şahyr: Hangeldi Orazmyradow.

Agyr günümde, hiç kimden kömek gelmedi,

Kaka, rugsat ber, menem indi  zulum boljak.

Çyn  dostlarym,    edilen    kömegi   bilmedi,

Kaka, rugsat ber, menem indi, zulum boljak

Barlygyñda, mätäç däl men, haramhorlara,

Dyzym  epip   ýalbarmadym,   parahorlara,

Başarsam, hemaýat berdim,  garyphorlara,

Kaka, rugsat ber, menem indi, zulum boljak

Çagalarña,  sada,  päk  bolmagy  sözlediň,

Juda, kynam bolsa, halal gazanç gözledim,

Kömek gerek diýse, janymy hem dözmedim

Kaka, rugsat ber, menem indi zulum boljak.

Bu dünýäde, naýynsaplaň ýoly, möwç alýar,

Binamyslaryň işi,   gün  saýyn   güýç   alýar,

Hangeldi,   şu goşgyňy okanlar,   örç   alýar,

Kaka, rugsat ber, menem indi zulum boljak.

Ýaş şahyr:Hangeldi Orazmyradow.

Ogul öýlenip, gyz çykmaz,

Ýaman hatyn, bolan öýde.

Maşgala, bir agza bakmaz,

Ýaman hatyn,  bolan öýde.

Içeriň   bolar,   tüm   ýaly,

Däli   bolarsyň, güň  ýaly,

Dawa, galmagal, jeň ýaly,

Ýaman hatyn, bolan öýde.

Saçyň agarar ýaşlyňňa,

Gezer ýörersiň açlyňňa,

Günde iş borsuň başlyňňa,

Ýaman  hatyn,  bolan öýde.

Bäş ömür döwran sürmersiň,

Dostuňdan peýda görmersiň,

Il   bilen    gezip     ýörmersiň,

Ýaman   hatyn,   bolan   öýde.

Maşgalaň   başy    ýykylar,

Çagalaň      ömri    ýakylar,

Üstüňden.   gülen  tapylar,

Ýaman hatyn, bolan öýde.

Hangeldi dogan küýsärsiň,

Agzybir mähre suwsarsyň,

Arzuw  däl,  şatlyk islärsiň.

Ýaman hatyn,  bolan öýde.

Ýaş şahyr:Hangeldi Orazmyradow.

Bilýän,  belkide,  küýseýänsiň  meni,

Ahmal, soraýansyň, tanyş ýakyndan.

Ýöne ýatla, unutmandym, men seni,

Özüň, çykyp gitdiň,  giren gapyňdan.

Şeýdip,  ýapyp gitdiň,  ýürek gapysyn,

Soňra, men ol gapa, adam salmadym.

Seniň  ýapan   gapyňa,    girjek   bolup,

Ençe  gözel  geldi,  myhman almadym.

Neneñ salyp, neneñ myhman alaýyn,

Açylmaz   ýaly,  özüň   gurup    gitdiň.

Indi,   aýralyk     mukamyn     çalaýyn,

Ýürek,     gürsüldüsini,  burup   gitdiň.

Şowhunly, sazlary,  diňlän pursatym,

Neçün,  ýüregime,   lezzet  tapamok,

Gaýgyly, mukam,  diňlände gursagym,

Derde derman bolýar, ezýet tapamok.

Diýdiler: ( Näme beýle, gamgynla sen?,

Köýdürmesene!,  gül   açan ýaşlygyňy).

Men  bolsa,  çalaja,  başym   ýaýkalap,

Ýüzlendim:  ( Ýitirdim  men  aşygymy).

Şol   üç    sözi,  aýtmak,   agyr degsede,

Kalp   ýanyp,   zyban  başardy  diýmäni.

Boýun   alaýyn,  söýgä   baş    egsemde,

Sen   öwredensiň,   Hangeldä   söýmäni.

Ýaş şahyr:Hangeldi Orazmyradow.