Portugaliýanyň milli ýygyndysynyň we “Al-Nasryň” hüjümçisi Kriştianu Ronaldu ýylyň iň gowy bombardirleriniň sanawynda birinji orny eýeledi.

38 ýaşly oýunçy Bosniýa we Gersegowinanyň milli topary bilen oýunda iki gol geçirip, 2023-nji ýylyň başyndan bäri klub we milli topar üçin 40 gol görkezijisine ýetdi. Şeýlelik bilen, Ronaldu hasabynda 39 gol bolan “Mançester Sitiniň” we Norwegiýanyň milli ýygyndysynyň oýunçysy Erling Holanddan öňe geçmegi başardy.

16-njy oktýabrda Portugaliýa Ýewro-2024-üň saýlama tapgyrynyň J toparçasynyň 8-nji tapgyr oýnunda Bosniýa we Gersegowinany 5:0 hasabynda utdy. Topar saýlama tapgyrynyň sekiz oýnunyň sekizisinde-de ýeňiş gazandy. Häzire çenli umumy gol tapawudy – 32:2.

Saýlama tapgyrynyň indiki oýnuny Portugaliýa 16-njy noýabrda, penşenbe güni geçirer. Martinesiň topary Lihtenşteýn bilen duşuşar.

Portugaliýaly hüjümçi Kriştianu Ronaldu Ýewro-2024 çempionatynyň saýlama ýaryşynyň çäklerinde Slowakiýa bilen bolan duşuşykda dubl etmegi başardy. Indi 38 ýaşly Ronaldu milli ýygyndy toparlaryň düzüminde iň köp pökgi geçiren oýunçylaryň sanawynda eýranly Ali Daýeiden 17, argentinaly Lionel Messiden 21 pökgi öňde barýar. Şeýlelikde, ol taryhda ilkinji bolup milli ýygyndyda 125 pökgi geçirmegi başaran futbolçy boldy.

Ronaldu 29-njy minutda penalti urgusyny dürs ýerine ýetirdi, 72-nji minutda bolsa pökgini derwezä girizdi. Portugaliýalylar 3:2 hasabynda ýeňiş gazandylar we Germaniýada geçiriljek Ýewro-2024-e gatnaşmaga hukuk gazanan ilkinji toparlaryň biri boldular. Fransiýa we Belgiýanyň toparlary hem şeýle netije gazandylar.

Şeýle hem Ronaldu penalti urgularyny hasaba almazdan, karýerasyndaky 700-nji pökgüsini tora girizdi. Onuň jemi 857 goly bar.

Madridiň “Realynyň” we Ispaniýanyň milli ýygyndysynyň öňki derwezebany Iker Kasilýas dünýäniň iň güýçli derwezebanlarynyaýtdy.

“Kurtua häzirki wagtda, şikes alandygyna garamazdan, iň güýçli derwezebandyr. Soňra Oblak, Ter Ştegen we Kepa gelýär. Käbirleri Kepany tankytlaýarlar, ýöne ol ökde derwezeban. Kurtua degjek başga birini tapmak aňsat däl "- diýip, La Gazetta dello Sport Kasilýasyň sözlerini getirýär.

Şu ýylyň awgust aýynda Kurtuanyň çep dyzynyň öň tarapky haç görnüşli bognunyň üzülendigini ýatladýarys. Şondan soň “Real” möwsümiň ahyryna çenli “Çelsi”-den Kepany kärendesine aldy.

Iker Kasilýas Ispaniýanyň bäş gezek çempiony, Çempionlar ligasynyň üç gezek ýeňijisi, 2010-njy ýylyň dünýä çempionatynda hem-de 2008-nji we 2012-nji ýyllaryň Ýewropa çempionatynyň ýeňijisi. 2020-nji ýylyň 4-nji awgustynda ispan oýunçysy ýürek näsazlyklary sebäpli karýerasyny tamamlady. Futbolçy karýerasynyň dowamynda Madridiň “Real”-ynda we “Portu”-da oýnady.

Saud Arabystanynyň “Al-Nasr” toparynyň portugaliýaly hüjümçisi Kriştianu Ronaldu 2023-nji ýylda “Forbes”  işewürlik žurnalynyň habaryna görä, dünýäde iň köp girdeji gazanan futbolçylaryň sanawynda birinji ýeri eýeledi.

Neşiriň ýazmagyna görä, 38 ýaşly hüjümçi, takmynan, 260 million dollar gazanypdyr, şolardan 200 million dollary sport bilen baglanyşykly, galan 60 million dollary bolsa Ronaldu mahabat şertnamalaryndan gazanypdyr.

“Inter Maýami”-niň argentinaly hüjümçisi Lionel Messi bu sanawda ikinji ýerde durýar - 2023-nji ýylda 135 million dollar gazanypdyr, şonuň 65 million dollary aýlyk, galany mahabat şertnamalaryndan gazanylan. Sanawyň üçünji setirini “Al-Hilýal”-yň braziliýaly hüjümçisi Neýmar eýeleýär - ol 112 million dollar gazandy (80 million dollary - aýlyk, 32 million dollary - şertnamalardan). 

Şeýle-de, bu sanawyň ilkinji onlugyna şu aşakdaky futbolçylar girdi:

4. Kilian Mbappe (“Pari Sen-Žermen”) - 110 million dollar (aýlygy - 90 million dollar).

5. Karim Benzema (“Al-Ittihad”) - 106 million dollar (aýlygy - 100 million dollar). 

6. Erling Holand (“Mançester Siti”) - 58 million dollar (aýlygy - 46 million dollar). 

7. Mohamed Salah (“Liwerpul”) - 53 million dollar (aýlygy - 35 million dollar). 

8. Sadio Mane (“Al-Nasr”) - 52 million dollar (aýlygy - 48 million dollar).

9. Kewin De Brýoýne (“Mançester Siti”) - 39 million dollar (aýlygy - 35 million dollar). 

10. Garri Keýn (“Bawariýa”) - 36 million dollar (aýlygy - 26 million dollar).

UFC-niň agyr agram derejesi boýunça öňki çempiony, (84 kg çenli) nigeriýaly Kamaru Usman (20-3) 21-22-nji oktýabr gijesinde Abu Dabide (BAE) geçiriljek UFC 294 ýaryşynda Hamzat Çimaewiň (12-0) garşydaşy bolar. Muny Amerikanyň mahabatynyň başlygy Dana Uaýt mälim etdi.

Ýatlatsak, deslap Çimaýew öňki çempion Paulo Kosta bilen söweşmelidi, ýöne söweşden on gün öň braziliýaly türgeniň stafilokokk ýokanjy bilen kesellidigi belli boldy. Kosta tirseginden operasiýa edildi, lukmanlar oňa bu söweşe gatnaşmaga rugsat bermediler .

Mart aýynda UFC 286-da bolan soňky söweşinde Usman bölünen karar bilen häzirki agyr agram derejesiniň eýesi britaniýaly Leon Edwardsdan ýeňildi.

Çimaew UFC 279-da birinji tapgyryň başynda amerikaly Kewin Hollandy möhletinden öň togtadandan soň, 2022-nji ýylyň sentýabr aýyndan bäri söweşe çykmandy.

UFC 294 ýaryşynyň esasy wakasynda braziliýaly Çarlz Oliweýranyň deregine russiýaly Islam Mahaçew bilen awstraliýaly Aleksandr Wolkanowski rewanş geçirer. Bu barada UFC-niň metbugat gullugyna salgylanyp, gazeta.ru habar berýär.

Bellenilişi ýaly, Oliweýranyň ýüz öwürmegi sebäpli onuň ornuny çalyşmaly boldy. Ol şikes aldy. Ýaryş 21-nji oktýabrda Abu-Dabide geçiriler.

Mahaçew braziliýaly bilen 2022-nji ýylyň 22-nji oktýabrynda Abu-Dabide geçirilen UFC 280 ýaryşynda ýeňil agramdaky titul söweşinde duşuşdy. Russiýaly söweşiji ikinji raundda demikdiriji usul ulanyp ýeňiş gazandy we titula eýe boldy.

12-nji fewralda Islam Mahaçew Pert şäherinde geçirilen UFC 284 ýaryşynda Aleksandr Wolkanowskiden üstün çykdy. Russiýaly üçin bu ýeňiş professional karýerasynda 24-nji boldy.

Oliweýra soňky söweşini şu ýylyň iýun aýynda Wengriýanyň wekili Beneil Dariuşa garşy geçirdi. Ol söweşde ýeňiş gazandy. Onuň hasabynda UFC-de 44 söweş bolup, olaryň 34-üsi ýeňiş bilen tamamlandy.

Wolkanowski 9-njy iýulda meksikaly Ýair Rodrigesi ýeňip, ýarym ýeňil agramda UFC-niň çempiony titulyny gorady. Onuň hasabynda 28 söweşde 26 ýeňiş bar.

Sportuň meşhur görnüşleriniň biri bolan basketboluň  gyzykly taryhy bar. Bu oýun ilkinji gezek 1891-nji ýylyň 21-nji dekabrynda döredilýär. Bu oýny dörediji bolsa asly kanadaly Jeýms Naýsmitdir.

Basketbol oýny ilkinji gezek Amerikanyň Birleşen Ştatlarynyň häzirki wagtda Springfild  kolleji diýlip atlandyrylýan sport mekdebinde oýnalýar. Basketbol ýönekeý oýunlaryň biri hasaplanýar. Bu  oýnuň esasynda topy tora salmak ýatýar. 1894-nji ýyla çenli ýagny, basketbol pökgisi döredilýänçä, oýunda futbol pökgisi peýdalanylypdyr. Şeýle  hem basketbol  pökgisi 30 dýum ölçegde  bolupdyr.

1893-nji ýylda basketbol şiti döredilýär. Ilkinji basketbol şiti tordan, soňra bolsa agaçdan ýasalypdyr. Häzirki wagtda ol aýnadan ýasalýar. Basketbol tory barada aýdanymyzda ol 1913-nji ýylda döredilýär. Bu bolsa basketbol oýnunyň ösüşinde ädilen ilkinji ädimleriň biridir. 1921-nji ýylda bu oýun basketbol diýlip atlandyrylyp başlanýar. Ilkibaşda Jeýms Naýsmit basketbol oýnunyň  esasy 13  düzgünini girizýär we bu düzgünler lkinji  gezek 1896-njy ýyldaÝelsk uniwersitetinde  peýdalanylýar. Bu 13 sany ilkibaşky  esasy düzgünlerden ugur  alyp, Naýsmit  basketbol  oýnunyň 4 sany düýpli ýörelgesini döredýär.   

1898-nji ýyldan başlap häzirki zaman basketbol oýny bilen meňzeş hakyky basketbol oýnunyň ilknji gezek oýnalyp başlanmagy bilen liga doredilýär we ol Milli basketbol ligasy diýlip atlandyrylýar. Milli basketbol ligasy 4 sany topardan, ýagny Nýu-Ýork,  Filadelfiýa,  Bruklin we Nýu-Jersi toparlaryndan ybarat bolupdyr. 1932-nji ýylda Halkara basketbol federasiýasy tarapyndan basketbol oýny halkara statusa eýe bolýar.

1930-njy ýylda  Kenni  Seýlor, 1940-njy ýylda Bob Kurland tarapyndan, täze düzgünler girizilýär. 1980–1990-njy ýyllar aralygynda Maýkl Jordan Milli basketbol asossasiýasynyň taryhynda ökde oýunçy hökmünde özüni bütin  dünýä tanadýar.  Basketbol oýny sportuň iň giň ýaýran görnüşidir.  Häzirki wagtda bu oýun dünýä ýüzünde oýnalýar.

Oktýabr aýynyň 7-sinden 8-ine geçilýän gijede San-Hosede (Koliforniýa, ABŞ) Bellator 300 ýaryşynyň çäklerinde türkmenistanly pälwan Döwletjan Ýagşymyradowyň polşaly türgen Maseý ROzanskiden üstün çykandygy üçin näçe gazanandygy belli boldy. 

Koliforniýanyň Atletiki komissiýasynyň maglumatlaryna görä, türkmen pälwany ABŞ-nyň 100 müň dollar möçberinde pul baýragyny alar diýip, ORIENT agentligi habar berýär.

ÝAtlatsak, Döwletjan Ýagşymyradow Bellator 300 ýaryşynda Maseý Rozanskiden üstün çykdy.

“Inter Maýaminiň” futbolçysy Lionel Messi Demirgazyk Amerikanyň Esasy futbol ligasynda (MLS) möwsümiň iň gymmatly oýunçysy üçin baýraga (MVP) dalaş edýär. Bu barada ýaryşyň saýtyna salgylanyp, rsport.ria.ru habar berýär.

Düzgünlere laýyklykda, her bir klub baýrak üçin dalaş edip biljek iki oýunçyny özbaşdak saýlaýar. 30 dalaşgäriň hataryna argentinalynyň klubdaşy Serhio Buskets hem girdi. Şeýle-de, Messi möwsümiň iň gowy täze oýunçysy üçin baýraga dalaş edýänleriň sanawyna goşuldy. “Inter Maýaminiň” 2023-nji ýylyň tomsunda topara goşulan ýene bir oýunçysy Žordi Alba möwsümiň iň gowy goragçysy adyna dalaşgär görkezildi.

Nominasiýalarda ýeňijiler klublaryň oýunçylarynyň, tälimçileriniň we baş menejerleriniň, şeýle-de HBS-iň wekilleriniň arasyndaky ses berişligiň netijesinde kesgitlener. Ses berişlik 10-njy oktýabrdan 23-nji oktýabr aralygynda geçiriler.