mnarmyradov
22.10.2024 12:36
Real Madrid vs Barcelona 26-njy oktýabr Aşgabat wagty bilen sagat 23:55-de bolýar.Kim haýsy komanda fanatlyk edýäňiz komentariýada ýazyň 😉
Menä Real Madrid
8
56
3
smiling_
22.09.2024 10:13
Gözüme çaýyldy ukynyñ reñki...

Gözüme çaýyldy ukynyñ reñki,
- Sen meñki,
- Sen meñki, diýip tapyldy işem.
Beýnimem gabanýan kitabyn daşlap,
Ugrady düýşe.

Adam däl, ähli beden añsadyn gözlär,
Dilem erk etmeseñ ýalany sözlär.
Kiçijek kine-de içiñem duman,
Erbet pikirlerem geler bigüman.
Gözem görmek islär görmesiz zady,
Labirint durmuşyñ çykalgasynda
Öz eden işine öküner adam.
Çygylyp, çygylyp dörär gasynda...
Akylsyz hereket üçin...
Serhoş ...
Duman...
Garyşyp bir geçmiş ýat bolup gider,
Wagt geçer.
Ýiter,
Çöken gum bolup.
Uky-ölüm...
Her güni ölüp.
Düşün,
Düýşümem aldaýar.
Durmuşam kyn,
Himiýada tapylmaýan element.
Hakydañdan ýiter ähli alamat
Dogulmagyñ bagt.
Oýa gezmegem.
Häzir ýadaw bahana gözläp,
Wagtlaýynça ölmek isleýär beden
Añsadyn gözläp.
Uklamakdan gorkup ýören ynsanlar...
Gowy düýş görüñ!
Säher oýanmakdan gorkyny ýeñip
Uklañ!
Şuwagt ýalandan ölüp.


Remezan Mämetgurbanow
14
82
2
paris_off
07.09.2024 01:38
Russiýanyň futbol bileleşigi (RFS) Russiýa bilen Türkmenistanyň milli ýygyndylarynyň arasynda ýoldaşlyk duşuşygyny guramagy teklip etdi. RFS-niň bu başlangyjyny Türkmenistanyň Futbol federasiýasynyň ýaryşlar bölüminiň başlygy Resul Mämmedow tassyklady diýip, Sport24 habar berýär.

«RFS bize noýabr aýynda Moskwada ýoldaşlyk duşuşygyny geçirmek teklibi bilen ýüz tutdy. Milli ýygyndymyzyň baş tälimçisi häzirki wagtda iş sapary bilen Portugaliýada bolýar. Bu ýoldaşlyk duşuşygyny geçirip-geçirmezlik barada diňe ol karar berip biler" diýip, Mämmedow teswir berdi.

Duşuşyk 11-19-njy noýabrda FIFA-nyň resmi günlerinde geçirilip bilner. Emma teklip heniz öwrenilýär.
10
51
4
möjek_daýy🐺
22.08.2024 21:26
Dünýä futbolynyň super ýyldyzy Kristiano Ronaldo diňe bir meýdançada däl, meýdançanyň daşynda-da rekordlar goýmagyny dowam edýär. Dünýäde sosial mediada iň köp yzarlaýjysy bolan 39 ýaşyndaky Ronaldo “YouTube”-de hem öz hasabyny açdy. Portugaliýaly ýyldyz hasaby açanyndan soň, 1 million yzarlaýja ýetmek üçin oňa 90 minut ýeterlik boldy. Bu görkeziji “YouTube” üçin rekord hökmünde hasaba alyndy. Her minutda yzarlaýjy sany artýan Ronaldonyň entek 24 sagat hem dolmanka 18 milliona golaýlap barýar. Ronaldonyň “Instagram”-da 636 million, “Facebook”-da 170 million, X-de 112,5 million yzarlaýjysy bar.
zamanturkmenistan.com.tm
23
149
3
stella_🖤
07.07.2024 21:36
"Okko" Ýewrokuboklary göni ýaýlymda görkezmek hukugyny satyn aldy.

Kompaniýanyň metbugat gullugynyň habar bermegine görä, Okko onlaýn kinoteatry futbol boýunça Ýewropa kuboklarynyň duşuşyklaryny göni ýaýlymda alyp görkezmek hukugyna eýe boldy.

2024/25-nji ýyllaryň futbol möwsümlerinden başlap UEFA-nyň Çempionlar ligasynyň, Ýewropa ligasynyň we Konfederensiýalar ligasynyň duşuşyklaryna bu platformadan tomaşa edip bolar. Ilkinji göni ýaýlym 14-nji awgust güni «Real Madrid» (Ispaniýa) bilen «Atalantanyň» (Italiýa) arasyndaky Naýbaşy kubok ugrundaky duşuşyk bilen başlanar.

«Okkonyň» abunaçylary duşuşyklaryň göni ýaýlymy bilen bilelikde olaryň ýazgylaryna tomaşa etmek, teswirlemeleri dürli dilde diňlemek, esasy pursatlary gaýtalap görmek we seljerme gepleşiklerini diňlemek ýaly mümkinçiliklere hem eýe bolup bilerler.

Ýeri gelende aýtsak, täze möwsümden başlap, UEFA-nyň Çempionlar ligasy täze görnüşe geçýär. Gatnaşýan toparlaryň sany 32-den 36-a çykýar.
18
40
2
stella_🖤
04.07.2024 09:04
kubogynyň bijeleriniň çekiljek güni belli boldy


Türkmenistanyň Futbol federasiýasy 11-nji iýulda milli çempionatyň Ýokary ligasynyň klublarynyň ýolbaşçylary we baş tälimçileri bilen ýygnak geçirer. Bu ýygnagyň çäginde Türkmenistanyň kubogy 2024-iň ilkinji tapgyrlary üçin bije çekişligi hem guramak meýilleşdirilýär. Bu barada «Janköýer» habar berdi.

Federasiýadan Ýokary liga wekilçilik edýän klublara gelip gowşan hatda görkezilişi ýaly, şol günki ýygnakda milli çempionatynyň birinji ýarymynyň netijeleri jemlenilip, öňde duran aýlawlar, Naýbaşy kubok ugrundaky duşuşygyň geçiriljek senesi barada pikir alşylar. Şeýle hem klublaryň wekillerinden agzalan ýaryşlary ýokary derejede geçirmek üçin öz tekliplerini hödürlemek haýyş edildi.

Milli çempionatyň Ýokary ligasynda we bu liga wekilçilik edýän klublaryň ýaşlar düzümleriniň arasyndaky birinjilikde «Arkadag» toparynyň öňde barýandygyny ýatladýarys. Çempionatyň üçünji we dördünji aýlawlarynyň senenamasy düzülende, Kubok we Naýbaşy kubok ýaryşlary bilen bilelikde, türkmen toparlarynyň AFK-nyň Çempionlar ligasy 2-däki we Çagyryş ligasyndaky duşuşyklary hem göz öňünde tutular
18
73
1
Tayler
22.06.2024 19:16
Şu gün ir säher bilen Solt-Leýk-Sitide (ABŞ) geçen MMA söweş sungatlarynyň garyşyk görnüşi boýunça «PFL 5» ýaryşynyň çäginde türkmenistanly söweşiji Döwletjan Ýagşymyradow kamerunly Simon Biýongdan üstün çykdy.

Ýarym agyr agram derejesinde geçen duşuşyk 3 raundlap dowam etdi we eminleriň biragyzdan gelen netijesi esasynda Döwletjan Ýagşymyradowyň ýeňşi bilen tamamlandy (30–27, 30–27, 30–27).
Bu ýeňşi netijesinde türkmen pälwany PFL-de ýarym agyr agram derejesinde Gran-pri-niň plef-off tapgyryna gatnaşmagyny üpjün etdi.
Döwletjan Ýagşymyradowyň karýerasynda 23 ýeňiş, 7 ýeňliş we bir deňme-deňlik bar.
Biýong 14 söweşde bäşinji gezek ýeňildi.

Türkmen söweşijisi Döwletjan Ýagşymyradowyň indiki garşydaşy awstraliýaly Rob Wilkinson bolar. Agyr agramda PFL-iň Gran-prisiniň ýarym finalynyň çäklerinde geçiriljek söweş 16-njy awgustda bolar.

Şenbe güni Solt-Leýk-Sitidäki (Ýuta ştaty, ABŞ) ýaryşda 32 ýaşly Wilkinson amerikaly Joş Silweýrany emin agzalarynyň tapawutly karary bilen ýeňdi. Ol professional karýerasynda 19 ýeňiş gazandy we iki ýeňlişe sezewar boldy.
Şol ýaryşda 35 ýaşly Ýagşymyradow Kamerunyň wekili Simon Biýongdan üstün çykdy. Türkmen söweşijisiniň hasabynda 23 ýeňiş, 7 ýeňliş we bir deňme-deňlik bar.
Gran-priniň beýleki bir ýarym final söweşinde amerikaly Impa Kasanganaý (17-4) şu gün Wilkinsondan ýeňlen Joş Silweýra (13-3) bilen duşuşar. Kasanganaý ýarym finala sloweniýaly Jeýkob Nedony ikinji raundda tehniki nokaut arkaly ýeňmek bilen çykdy


Tmcars
26
490
56
diktr
21.06.2024 17:31
Solt-Leýk-Sitide (Ýuta ştaty, ABŞ) geçiriljek PFL ýaryşynyň esasy söweşleri 22-nji iýunda irden (Aşgabat wagty bilen 05:00-da) başlar. Bu ýaryşyň çäklerinde Türkmenistanda garyşyk başa-baş söweş sungatynyň muşdaklary üçin köp garaşylýan söweş Döwletjan Ýagşymyradow bilen kamerunly Simon Biýongyň arasyndaky tutluşykdyr.
Ýagşymyradow yzygider dört ýeňişden ybarat tapgyrda barýar. Ol aprel aýynda Las-Wegasdaky (Newada ştaty) PFL 2 ýaryşynda bolan soňky söweşinde sloweniýaly Jeýkob Nedony birinji raundda tehniki nokaut bilen ýeňdi. Onuň professional rekordy: 22 ýeňiş, 7 ýeňliş we bir deňme-deňlik.
Türkmen söweşijisiniň indiki garşydaşy Simon Biýong 2017-nji ýyldan bäri garyşyk başa-baş söweşlerde professional derejede çykyş edýär. Ol 2021-nji ýylda Bellator-da ilkinji gezek çykyş etdi. Onuň hasabynda 9 ýeňiş (7-si nokaut bilen) we 4 ýeňliş bar. Aprel aýynda bolan soňky söweşinde Antonio Karlos Žuniordan birinji raundda demikdiriji usul bilen ýeňildi.
Ýarym agyr agramda (93 kg çenli) Ýagşymyradow bilen Biýongyň arasyndaky söweşiň 05:30 töweregi başlamagyna garaşylýar. Türkmenistanda söweş Älem TV-de elýeterli bolan Setanta Sports kanalynda ýaýlyma berler.
18
51
3
diktr
02.06.2024 11:41
Madridiň "Realy" final duşuşygynda Dortmundyň "Borussiýasyny" utup, taryhynda 15-nji gezek UEFA-nyň Çempionlar ligasynyň ýeňijisi boldy. Ondan öň, "Real" bu abraýly baýragy 1956, 1957, 1958, 1959, 1960, 1966, 1998, 2000, 2002, 2014, 2016, 2017, 2018 we 2022-nji ýyllarda eýeläpdi.
Dortmundyň "Borussiýasy" bilen Madridiň "Realynyň" arasynda Londonyň "Uembli" stadionynda geçirilen final duşuşygy tamamlandy. Duşuşyga Slawko Winçeçiň (Sloweniýa) ýolbaşçylygyndaky eminler topary eminlik etdi. Duşuşyk "Realyň" 2:0 ýeňşi bilen tamamlandy.
Duşuşykda gollary 74-nji minutda madridlileriň goragçysy Daniel Karwahal, 83-nji minutda bolsa Winisius Junior geçirdi.
15
59
2
diktr
01.06.2024 15:27
Şu gije Londondanky "Uembli" stadionynda UEFA Çempionlar ligasynyň final duşuşygy geçiriler. Ýewropa futbolynyň iň esasy baýragy üçin Dortmundyň "Borussiýasy" bilen Madridiň "Realy" bäsleşer.
"Borussiýanyň" finala çenli geçen ýoly ýeňil bolmady. Çaklamalara garamazdan, nemes kluby diňe bir toparlaýyn tapgyrda iň bir agyr hasaplanýan topardan çykmak bilen çäklenmän, birinji ýer bilen çykdy. Onuň garşydaşlary - "PSŽ", "Milan" we "Nýukasl" bolupdyr. Pleý-off tapgyrynda dortmundlylar Eýndhowenden "PSW-ni" we Madridiň "Atletikosyny" ýaryşdan çykardylar. Ýarym finalda bolsa iki gezek "PSŽ-den" üstün çykdylar 
Şeýle-de bolsa, final duşuşygynda "Real" bilen deňeşdirilende "Borussiýanyň" ýeňşe bolan mümkinçilikleri az görnüp bilner. Belläp geçsek, "Real" Çempionlar ligasynyň final tapgyrynda 18 gezek çykyp, 14 gezek ýeňiş gazandy. Toparlaýyn tapgyrda "Real" "Napoliden", "Bragadan" we "Union Berlinden" ybarat toparda üstün çykdy. Pleý-off-da bolsa "Leýpsigden", ýaryşyň häzirki çempionlary "Mançester Sitiden" we "Bawariýadan" üstün çykdylar.
"Borussiýa" nobatdaky gezek ýeňşe bolan erkini görkezip, Madridiň klubunyň agalygyna rüstem gelip bilermi?
Muny biz 1-inden 2-nji iýuna geçilýän gije bileris. Duşuşyk Aşgabat wagty bilen 00:00-da başlanar. Oýny «Матч ТВ» teleýaýlymy görkezer.
15
63
7
Yene yükle