yslam7
23.10.2022 16:00
III

Ýigitlik döwrümdi. Söýdüm bir gyzy.
(Agyr günler bolsa bolupdy tamam.
Ýeňiş nury bilen ýagtylan sözler
Biziň öýmüze-de beripdi salam).

Emma ol söýgimem başa barmady.
Ýene asgyn çykdym oýnan oýnumdan:
Ýeri, söýýäniňi aýdyp bilmeseň,
Kim samsyk aslyşar seniň boýnuňdan!
Şeýdip geçip gitdi ýigitlik döwrüm.

K.Gurbannepesow
8
67
8
yslam7
22.10.2022 20:57
II

Jahyllyk döwrümdi. Söýdüm bir gyzy.
Ol hem maňa söýýän ýaly bakardy.
Emma zalym uruş ara düşdi-de,
Herimizi bir gapydan çykardy.

«Söýýän!» sözün sözlemäge ýetişmän,
Çykdym ýaş başymdan nan gözlegine.
(Eneň, jigileriň aç burlup ýörkän,
Nädip seredersiň gyz gözlerine!)
Şeýdip geçip gitdi jahyllyk döwrüm.

K. Gurbannepesow
14
82
6
yslam7
21.10.2022 16:12
I

Oglanlyk döwrümdi. Söýdüm bir gyzy.
Ýok, ýok, beý diýerden irräkdi heniz.
Öz ýanymdan söýýän ýaly bolsam-da,
Söýgim basdaşlykdan bärräkdi heniz.

Okuwdan soň baha sanaşygynda
Artyk, kem bolaýsa bir bäşligimiz.
Söýginiň deregin basdaşlyk tutup,
Bolmazdy yşk diýen mätäçligimiz.
Şeýdip geçip gitdi oglanlyk döwrüm.

Kerim Gurbannepesow
15
107
11
yslam7
20.10.2022 14:09
Bu dünýäde hemme ogrudyr! "Men ogurlyk etmedim" diýip özüñ aklajak
bolma! Ejeñ näçe gijelik ukusyny ogurlanyñ hakynda pikir edip
gördüñmi?
14
119
9
yslam7
19.10.2022 10:20
Gülälekli gülzarlykdan
Gyz gelýär görki görkana.
Gara gözli galam gaşly
Göz gerek görkün görmäge.

Gulagynda gulakhalka,
Gaşy göwherden gupbasy.
Geýen geýnüwne gelişýär
Guýma gaşly gülýakasy.

Gözastyndan gyýa garap,
Gyz gelensoň golaýyma,
Görmegine göwnüm gidip,
Gollarym goýdum goýnuna.

Guçdum gysyp gujagyma,
Gursagyma göwsün goýup.
Ganatlanyp göwün guşum,
Ganat gerdi gökde gaýyp.

Garsa gözlerim gerildi,
Görenlerim garabasma.
Galdym garaňky gijede,
Göwnüm gaplap gaýgy-gussa.

Gultundyryp gözden gaýyp,
Gitdi görkana gözelim.
Gursakda galdy gaýgyly
Goşan gysgajyk gazalym.

Gurbangeldi Miralyýew
6
99
7
yslam7
18.10.2022 08:47
Ýa ýaradan Hudaýym,
Owal başda saglyk ber.
Bu durmuşda ylaýym
Abraý bilen sabyr ber.

Enem-atam daýanjym,
Agamjan arkadagyn,
Uýalam göwün şadym,
Maşgalama döwlet ber.

Il içinde dostum bolsun,
Dostlam wepaly bolsun,
Syrymy saklan bolsun,
Bu dostlaryma bagt ber.

Talyp bolmak arzuwym,
Diplom almak islegim,
Öwrenmäge Biribar
Özüň maňa medet ber.

Döwlet diýr, Kadyr Allam,
Hossarym enem-atam,
Doganlam, dost-ýarlarym,
Barjasyna saglyk ber.

2nji goşgym 2018ý. (Mgm goýjak diýipdim)
10
93
9
yslam7
17.10.2022 14:13
Bu ömürde kän gezekler
Elden gitdi paýym meniň.
Duýgulary seňsiretdi,
Agyr-pikir oýum meniň.

Ýigit ýaşly atam bardy,
Terk etmeli boldy ýurdy.
Özgäňkiden giç dogýardy —
Günüm bilen Aýym meniň.

Iki ölüp bir direldim.
Çaga beýnä agram saldym.
Şeýle zabun kemsidildim
Ýokka hergiz aýbym meniň.

Hernä durman geçýär bar zat.
Çagalar sag, öýüm abat.
Eziz Allam, özüň şaýat —
Arassadyr düýbüm.

Agyr maňa günä etmek.
Kine ýatyr gatlak-gatlak.
Emma ine — şükür etmek
Öňden gelýän däbim meniň.

B. Hudaýnazarow
6
72
6
yslam7
16.10.2022 22:20
Ak bilen garadyr garagyň reňki,
Şolaň haýsy seniň ýüregiň reňki?
Birisini saýlap, diýme, «Şu meňki!»
Iller aýdar –
Birje ýylgyrşyň besdir.
11
156
9
yslam7
15.10.2022 10:39
Körpelere saýa gerekdir hökman,
Saýasyz ýaşasa bimydar bolar.
Dünýä gelen adam bir agaç ekmän
Gitse, dünýämize bergidar bolar.
Dünýäden gitmesin hiç kim bergidar,
Iň bolman bir agaç eksin ýadygär,
Kimde-kim bir agaç ekse ýadygär
Dünýäň kitabynda onuň ady bar.
10
71
7
yslam7
14.10.2022 15:32
Men ýola düşýärin, gidemok ýalňyz,
Meniň bilen asyr barýar ädimläp.
Kükreginde syrlar gizlän topragym,
Gyzykly gür berýär pikirin jemläp.

Meýmiredip bu gyzykly gürrüňler,
Ýaş juwan kalbymy gurşap alsa-da,
Ýok, hiç wagt dönmen uzak ýollardan,
Saçlam agarýança hemra bolsa-da.

Men ölsem-de, ölmez ýaşar asyrlar,
Men ölsem-de, ölmez ýaşar nesiller.
Meni ýagşylykda ýatlasa biri,
Ömrümden razy,Diri men, diri!

ANNASOLTAN KEKILOWA 
8
83
5
Yene yükle