ylham_gurbanaly
23.08.2024 18:20
Bulaşyk pikirler aklymy gädip,
Günde senden geçýän,
hem sende galýan.
Mekan tutanym sen, gideýin nädip?!
Men seniň her ýylgyrşyňda ýaşaýan.
Sowuk niýetlileň sowuk bakyşyn,
Üşetmez ýylgyrşyň, bu gyşa aýan.
Gözlem eglenşinden aňmaklyk kyn däl,
Men seniň her ýylgyrşyňda ýaşaýan.
Leblem "hoş gal" sözün gaýtalan pursat,
"Gitme" diýip, dynman haýkyrdy gursak.
"Seniň ýylgyrşyňda ýaşaýan" diýdim,
Synmaz utanjaňlyk dursa-da dyňzap.
Pikirlermi talamazdy pikirleň,
Duýgular duýguny etmezdi beýan.
Ylham bolup, joşgun bolup getirlen,
Men seniň her ýylgyrşyňda ýaşaýan.
Abat Aşyrgeldiýewna
19
73
ylham_gurbanaly
22.08.2024 08:48
Agşamara ot başyna egrilip,
Çopanlar çaýyny öňe alanda.
Ýaş oglan gürrüň tapýar warsaky,
Menem oňa gülen bolýan ýalandan.
Olar gürrüň edýär, uçgurny bezäp,
Bir ýeňlesiň toýa barşy hakynda.
Gulagyny şaňlatdylar öňem kän,
Herki zady bes etmeli çakynda.
Oýa batanymda, asmana bakyp,
Bir ýyldyz göz gypýar, bakýar şadyýan.
Kerwengyranmyka, Zöhremikä ol,
Bilmeýärin, başgamyka ady ýa!
Bir owdan gyzy ýada salýar ol,
Boýy sanjak ýaly, ýaňagy hally.
Dünýäde şol gyzyň barlygy üiçn,
Diňe şat günlerim ýadymda galdy.
Küýseginde geçýär bir meňzeş günler,
Bu günüm duşenbe, ertir sişenbe.
Has beter küseýän deň-duş oglanlar:
Pylan hem öýlenýärmiş diýşende.
Bahym bahar sowlar, tomusam geçer,
Guran çigitlerni döker sözenler.
Dowzaha düşse-de, perwaýsyz ýanar,
Bu dünýäde yşk oduna dözenler.
Çary Ýegenmyradow.
18
42
ylham_gurbanaly
20.08.2024 09:53
Biparhlyk derdine ýolugaýypsyň,
Gözleriňde ýaşaýyş ýok, yşyk ýok.
Janygyp bir zatlar aýdýan,
Sözlerme
düşünere paýhasyň ýok, üşük ýok.
Damagyňam düwün tutan ýalymy?
Agyr-agyr ýuwudynýaň... Nämeden?
Aýt, gardaşym, nämedir ol birmahal
Umman bolan gözleriňi käl eden?
Ýylgyryşy unudypsyň, gyýyldym,
Gülkiň tükenipdir, demiň uludan.
Zaryn aýdymlarny diňläp Pälwanyň,
“Serwi agajyny” köp okaýarsyň,
Şahyr ýok deý başga Nobatgulydan.
Şatlykdan, şowhundan ara açypsyň,
Çilimli gussadan agtarýaň şypa.
Kim?
Nirede?
Näme?
Haýsy?
Näm üçin?..
Saňa näme boldy, Hommadow Sapa???
Sapa HOMMADOW
23
49
ylham_gurbanaly
19.08.2024 20:09
Sekuntlardan ýüki ýetip minutlaň,
Sagat güne, günler aýa aýlanyp,
Sagatsaýyn derdi artýan bu başym
Barýan ýaly oglanlykdan saýlanyp.
Çekilýän çilim deý kemelip badym,
Arzuwlar sowrulýan tüsse mysaly.
Baglanmaga umyt tapmadyk söýgim,
Elin salgap ötägidäýen borly.
Bagty bolsun kime baran bolsa-da,
Birwagtlar bagtym diýip bakanym.
Duýdum, direg däl ekenim dünýäde,
Olam görki däl ekeni jahanyň.
Ýylmanak däl, aýna ýaly tekiz däl,
Ömür kerweniniň çäge ýollary.
Munda agras bassam yz bolup galar,
Ýel aparar ýeňil goýlan yzlary.
Üýşmeleňden çykan serhoş ýoldaş dek,
Taşlanara dözülmeýän ýatlama.
Gowşak goşgym ýaly manysyz olar,
Duýgularňa erkiň ýetse, ýatlama!
Durmak ýok, fizikaň sada kanuny,
Ýürek dep kakyp dur ýöriş şanyna.
Howlugamok hol “arzysyz” sepgide,
Men barmasam özi geler ýanyma.
MERDAN BAÝADOW
17
38
ylham_gurbanaly
16.08.2024 11:55
Biz söýüşmälimi?
Söýenüşmälimi?
Sögüşmäli biz.
Söýgüden, söýmeden,
Söýenden, söýlenden,
Öwreneli,
Söweşmäni biz.
Durmuşda göreşip gezmeli,
Synagda synmasaň gowy.
Dünýe durşuna gözellik,
Ony öz gözleriň bilen,
Synlasaň gowy.
Giňişlige sygan sygsyn,
Ikimiz söýgä sygaly.
Gaýgy-gam ömürlik synsyn,
Haka hem söýgä sygnaly.
Söýeli, söýüp bilýärkäk!
Söýüşeli,
Söýgi bizi bilýärkä!
Myratgeldi Hallyýew
14
65
ylham_gurbanaly
15.08.2024 12:00
Adyň mähir,
Mähir özüň
Duýgularyň ummany sen.
Çagaňky deý kalbyň, sözüň
Gör, niçäniň armany sen.
Iň artykmaç sözüm sensiň,
Hem jümlämsiň - ýetmeýäni.
Tizräk seni gözüm görsün,
Diýip wagty gyssaýaryn.
Setirlermi söýgä garyp,
Her pursatda agzaýaryn.
Şoňüçün "Bagtly kimkä?" diýp,
Ýagdyrýarlar sorag baryn.
Iç-içime sygmaýarkam,
Bu bolşumy geňem görme.
Içde yşkym lowlaýarka,
Sowadyp bilmez doňdurma.
Aýtmaga barjak ýanyňa,
Howlukmanjyk, dürsäp demim.
Gulagyňa pyşyrdaýyn:
"Söýýän seni Ý........m!"
Ylham GURBANALYÝEW
18
57
