— Sen maňa aşyk bolan kişiniň roluny oýnap biljekmi? — diýip gyz ýigitden sorady.
— Kyn-a düşer. Men saňa gaty belet ahyry. Ýeri näme boldy?
— diýip, ýigit ýeserlik bilen sorady.
— Baýramçylyga çagyrdylar. Ýeke gidesim gelenok, her hili adam bar.
— Aý-ýý, bilmedim-dä — ýigit süýndirip aýtdy.
— Gorkýaňmy? — diýip, gyz ony gižželedi.
— Gorkar ýaly zat ýok, ýöne senem bir guty çilim bermelisiň — diýip, ýigit şertli halda teklibe razylyk berdi.
— Näme üçin? — diýip, gyz düşünmänligini duýdurdy.
— Janpenalaram indi gymmat — diýip, ýigit ellerini iki ýana ýaýyp, ýylgyrdy.
Öýüne barýarka ýigit nägile halda öz-özi bilen gürleşýärdi:
— Aşyk bolan kişi... rol oýnaý... haýyş edýän özi, ýene çekgäme şarpyk çalýanam özi. Aşyklaryň arasynda posa bolmasa, bolmaz-a...
