Näme üçin sen durmuşdan problema döredýärsiň? Durmuş ynanyp bolmaz derejedäki ajaýyplykdyr – näme üçin şu pursat bilen ýaşabermeli däl? Gözýaşlar – bu durmuşyň ýüze çykmasydyr. Gülki hem durmuşyň ýüze çykmasydyr. Käte sen gussa çekýärsiň. Bu – durmuşyň ýüze çykmasy, seniň keýpiçaglygyň. Ajaýyp. Başga bir gezek sen bagtyýarsyň, şadyýanlykdan ýaňa uçganaklap duransyň hem-de tans oýnaýansyň. Bu-da gowy zat, bu täsin ahwal. Her näme bolanlygynda-da, muny garaşylan myhman hökmünde kabul et we onuň bilen gal; şonda kem-kemden sen sorag bermek we durmuşdan problema ýasamak endiginiň ýitip gidenligini görersiň. Sen peşeden pil ýasamagyňy bes edeniňde, durmuş saňa öz syrlaryny açar. Ol bu syrlary hiç haçan yzyny üzmän özüne sorag berýän kişä açmaýar. Eger sen durmuşy problema öwürmeýän bolsaň, ol seniň üçin açylmaga taýýardyr. Eger sen ähli zatda diňe kynçylyklary görýän bolsaň, seniň nazaryň kütelişýär. Sen durmuş babatda gödekleşýärsiň. Sen problemalary döretmegiň uly höwesegi... sadaja şuňa düşün, şonda duýdansyz ýagdaýda problemalar ýitip giderler.