Mowzuklar smiling_ » Sahypa 29 » Öwrenmeli App

08.06.2024 10:25

ABŞ-da kongresmeniñ iç gysgynç çykyşy 6 ýaşly oglunyñ "tagallalary bilen" millionlarça tomaşa gazandy.

ABŞ-nyñ kongresmesni Jon Rouzyñ işe getiren 6 ýaşly oglunyñ ýüz gözüni oýnadyşy we hereketleri kakasynyñ çykyşyndan has özüne çekiji boldy diýip, Meduza habar berýär. 3-nji iýunda Tennessi ştatyndan respublikaçy Rouz-Ulusy kongresde Donald Trampyñ peýdasyna çykyş etdi. Emma tomaşaçylaryñ ünsi onuñ sözlerine däl-de, 6 ýaşly ogly Gaýa gönükdi. Kameranyñ özüne bakdyrylanyny gören oglanjyk ýüzüni-gözüni oýnadyp, her hili yşaratlary görkezip başlady. Gaýyñ gülkünç ýüzüniñ wideosyna sosial ulgamlarda millionlarça gezek tomaşa edildi. Ol barada Amerikanyñ iñ iri habar beriş serişdeleri, şol sanda The Washington Post gazeti hem ýazdy. Gaýyñ özi bolsa CNN-de peýda boldy. Gaýyñ tomaşaçylaryñ ünsüni özüne çekip bilmek ukybyna kongresmen Rouzyñ Respublikan partiýadaky kärdeşleri-de, olaryñ demokratik garşydaşlary-da ýokary baha berdiler. Kongresmeniñ özi oglunyñ hokgasyna gülmek bilen jogap gaýtardy.
"Adatça, ol özüni gowy alyp barýar. Ýöne diýseñ-diýmeseñ, ol edil 6 ýaşyndaky beýleki deñ-duşlary ýaly oglanjyk" - diýip, Rouz nygtady. Gaýyñ özi kakasynyñ çykyşynyñ gaty "iç gysgynç" bolandygyny boýun aldy we žurnalistlere ýüz-gözüni başgaça-da her hili edip oýnadyp bilýändigini, ýöne hemmesini bir gezekde görkezmäge taýyn däldigini aýtdy.

Çeşme: tmcars.info (düýn 13:10)

94

07.06.2024 16:38

Arnold Şwarseneggeriñ mähnet göwresi Ginnesiñ rekordlar kitabyna girizildi.

Kaliforniýa ştatynyñ Santa-Fe - Springs şäherindäki ShowFX sergisinde Arnold Şwarsennegeriñ "Fubar" serialynyñ gahrymanynyñ keşbindäki äpet göwresi goýulupdyr. 6,75 metrlik heýkel aktýoryñ iñ uly göwresi hökmünde resmi taýdan Ginnesiñ rekordlar kitabyna girizildi.
Rekordlar kitabynda heýkeliñ boýunyñ ortaça žirafyñkydan we ABŞ-nyñ prezidentleriniñ Raşmor dagyndaky ýüzleriniñ baralýefinden has beýikdigi bellenildi.
Heýkel "Fubar"- yñ ilkinji görkezilişiniñ şanyna çäkli nusgada çykarylan 10 sm-lik Netflix heýkeljikleriniñ ulaldylan görnüşidir. Bu serialda Şwarsenneger merkezi añtaw müdirliginiñ gullukçysynyñ keşbini ýerine ýetirýär we edil özi ýaly añtaw gullugynda işleýän gyzy bilen gaýtadan tapyşýarlar. Kino tankytçylarynyñ ýokary bahasyna mynasyp bolan bu serial geçen ýyl ilkinji möwsüme uzaldyldy.

Çeşme: tmcars.info (05.06.2024)

67

06.06.2024 00:29

Türkmenistanyñ Gahrymany, kosmonawt Oleg Kononenko kosmosda 1000 gün bolan ilkinji adam boldy.

Rose's kosmonawtlar toparynyñ komandiri, Halkara kosmos stansiýasynda TASS-yñ ýörite habarçysy, Türkmenistanyñ Gahrymany Oleg Kononenko ýere golaý oritada jemi 1000 gije-gündizi geçiren dünýäde ilkinji adam boldy. Bu barada Roskosmosa salgylanyp, TASS habar berýär.

"Şu gün Moskwa wagty bilen 00:00:20-de Halkara kosmos stansiýasynda işleýän "Roskosmos" döwlet korporasiýasynyñ kosmonawty Oleg Kononenko dünýäde ilkinji gezek kosmos uçuşlarynyñ umumy dowamlylygyny, 1 müñ gije-gündize ýetirdi" - diýlip, habarda aýdylýar.
Kosmonawtlaryñ toparynyñ komandiri häzir kariýerasynda bäşinji kosmos uçuşyny amala aşyrýar. Ol 4-nji fewralda bäş missiýasynyñ dowamynda (1998-nji ýyldan 2015-nji ýyl aralygy) kosmosda jemi 878 gün 11 sagat 29 minut 48 sekunt bolan Russiýaly kosmonawt Gennadiý Padalkanyñ rekordyny täzeledi. Iýun aýynda Kononenko kosmosda 60 ýaşyny bellär, ýyllyk ekspedisiýanyñ ahyrynda bolsa onuñ umumy uçuşy 1110 güne deñ bolar.

Çeşme: tmcars.info (düýn 15:56)

675

05.06.2024 22:16

Trampyñ gadagan etmek islän Tik Tok platformasynda açan akkauntyna bir günde 3 mln adam ýazyldy.

ABŞ-nyñ öñki prezidenti Donald Tramp Tik Tok-da hasaba alnandan soñ, bir günüñ dowamynda kanala 3 million adam ýazyldy, onuñ platformasyndaky ilkinji wideosy 56 million-dan gowrak tomaşa ýygnady diýip, Afişa Daily habar berýär.

Tramp platformada "American Bad Ass" aýdymynyñ astynda UFC 302 ýaryşynyñ zalyna girişini görkezýän wideosy bilen peýda boldy.
Politico Trampyñ TikTok-da peýda bolmagynyñ Prezident saýlawlaryndan öñ ýaş saýlawçylary özüne çekmek synanyşygy bilen baglanyşyklydygyny belleýär.
ABŞ-nyñ häzirki prezidenti Jo Baýdaniñ hem Tik Tok akkaunty bolup, ol hem saýlawdan öñki kompaniýany alyp barýar. Oña 340 müñden gowrak ulanyjy ýazyldy.
Bellemeli ýeri, syýasatçylaryñ ikisi-de öñ TikTok-a garşy çykyş etdiler. Tramp Amerikalylara Tik Tok-yñ eýesi bolan Hytaýyñ ByteDance kompaniýasy bilen islendik şertnamany baglaşmagy gadagan etmäge synanyşdy. Baýdan bu gadaganlygy ýatyrdy, ýöne eger ByteDance platformany Amerikan kompaniýasyna satmasa, ony ABŞ-de blokirläp biljek kanun taslamasyna gol çekdi. Programmadan 170 million Amerikaly peýdalanýar.

Çeşme: tmcars.info (şu gün 14:56)

423

02.06.2024 12:36

"Şençžou - 18" kosmos gämisiniñ ekipažy açyk kosmosda 8,5 sagat bolup rekord goýdy.

Awtronawtlar Ýe Guanfu we Li Guansu 8,5 sagat dowam eden açyk kosmosa çykyşy amala aşyrdylar. Bu hem Hytaý üçin rekord görkeziji boldy diýip, IXBT habar berýär.

28-nji maýda açyk kosmosa çykyş 2024-nji ýylyñ aprel aýynda badalga alan "Şençžou 18" missiýasynyñ bir bölegi boldy. Missiýanyñ maksady ylmy tejribeleri geçirmekden we täze tehnologiýalary synap görmekden ybarat. Açyk kosmosa çykyş wagtynda Ýe we Li kosmos zibilenden gorag enjamyny gurnadylar hem-de "Týangun" kosmos stansiýasynyñ daşky tarapynda ýerleşýän enjamlary we ulgamlary barladylar.
Kosmos zibili Hytaýyñ kosmos programmasy üçin eýýäm uly meselä öwrüldi. Ýakynda "Týangun" stansiýasy döwük galyndylar sebäpli Gün batareýasyna zeper ýetenden soñ az-kem toksuzlandyryldy. Açyk kosmosa çykyş Li Guansu üçünji birinji, Ýe Guanfu üçin bolsa ikinji boldy, "Şençžou - 18" ekipažynyñ üçünji agzasy stansiýanyñ içinde galyp, awtronawtlaryñ açyk kosmosdaky hereketlerine gözegçilik etdi. Häzire çenli Hytaýly kosmonawtlar açyk kosmosa eýýäm 16 çykyşy amala aşyrdylar. Kosmos gämisinden daşary çykan ilkinji Hytaýly astronawt 2008-nji ýylda Çžaý Çžigan boldy.

Çeşme: tmcars.info (şu gün 02:02)

82

23.05.2024 11:27

Nepally alpinist 30-njy gezek Ewereste çykyp, öz rekordyny täzeledi.

Nepally ýolbelet-alpinist Kami Rita 1aýyñ içinde ikinji gezek we ömründe 30-njy gezek dünýäniñ iñ beýik depesi (8848 metr) çykdy. Bu barada AFP ekspedisiýanyñ guramaçylaryna salgylanyp habar berýär.
54 ýaşly Kami Rita Ewereste çykmak boýunça öz rekordyny täzeledi. Nepallynyñ dünýäniñ iñ beýik depesine 29-njy ekspedisiýasy maý aýynyñ birinji ýarymynda boldy. Ilkinji gezek Kami Rita Ewereste 1994-nji ýylda çykdy we şondan bäri her ýyl diýen ýaly depä çykdy. Onuñ kakasy ilkinji ýolbelet-şerpleriñ biri bolan. Geçen ýyl Kami Rita bir hepde-de iki gezek Ewereste çykyp, dünýä rekordyny goýdy. Ol hasabynda 27 gezek depä çykan Pasang Dawa bilen bäsleşýär. Nepalda ýaşaýan halklaryñ biriniñ wekilleri bolan şerpler, köplenç Ewereste çykýan alpinistler üçin ýolbelet bolýarlar.

Çeşme: tmcars.info (düýn 08:33)

638

21.05.2024 20:04

3-nji iýunda planetalaryñ ýörişi bolar: 6 planeta bir hatara düzüler.

2024-nji ýylyñ 3-nji iýunynda Ýeriñ ýaşaýjylary "Planetalaryñ ýörişi" diýlip atlandyrylýan ajaýyp astronomiki hadysanyñ şaýady bolarlar. Şol gün Gün ulgamynyñ 6 planetasy: Merkuriý, Ýupiter, Uran, Mars, Neptun we Saturn asmanda bir hatara düzüler diýip, Starwalk.spacee salgylanýan RBK habar berýär.

Bu ýer togalagynyñ dürli künjeklerinden syn edip boljak uly deñleşme bolar. Ýupiteri, Merkurini, Marsy we Saturny adaty göz bilenem görüp bolar. Şeýle-de, dürbüsi ýa-da teleskopy bar adamlar Urany we Neptuny hem görüp bilerler. Kosmiki hadysany görmek üçin wagty dogry saýlamaly: ýerleşýän ýeriñizde dañyñ haçan atýandygyny bilmeli we şondan azyndan 1 sagat öñ synlamaga başlamaly. Siziñ duran ýeriñizden planetalaryñ deñleşmesiniñ nähili we haçan görüljekdigini barlamak üçin STARWALK SPACE portaly SKY TONIGHT programmasyny ulanmagy maslahat berýär. Günüñ bir tarapynda birnäçe planetanyñ biri-birine golaý hatara düzülme hadysasyna astronomiýada "Planetalaryñ deñleşmesi" diýilýär. Emma NASA öz neşirlerinde "Planetalaryñ ýörişi" diýen adalgany ulanýar. Kiçijik planetalaryñ ýörişleri ýygy-ýygydan bolýar. Munda köplenç üç ýada dört asman jisimi hatara düzülýär. Bäş ýada ondan köp planetanyñ "gatnaşýan" ýörişleri seýrek hasaplanýar. Geljek ýylyñ ahyryna çenli jemi bäş ýörişiñ bolmagyna garaşylýar: 2024-nji ýylyñ 3-nji iýunynda we 28-nji awgustynda, şeýle hem 2025-nji ýylyñ 18-nji ýanwarynda 28-nji fewralynda we 29-njy awgustynda.
Esasanam, 2025-nji ýylyñ 28-nji fewralyndaky hadysa has tapawutlanar, Gün ulgamynyñ beýleki 7 planetasynyñ hemmesi bir hatara düzüler. Emma bu hadysany has gowy synlamak üçin teleskop gerek bolar.

Çeşme: tmcars.info (19.05.2024)

447

21.05.2024 11:01

Lego-dan "Ýyldyz söweşjilerindäki" kosmos gämisini düzmek boýunça dünýä rekordy täzelendi.

Kanadaly oglan Lego-dan "Müñýyllyk Laçyn" kosmos gämisini gurmak boýunça täze dünýä rekordyny goýdy. Ol 7,5 müñden gowrak detaldan ybarat bolan kosmos gämisiniñ modelinden 7,5 sagatda baş çykardy. Gurnama işine Ginnes rekordlar kitabynyñ wekilleri syn etdi.
Ontarionyñ 21 ýaşly ýaşaýjysy Iwan Ýuwa ähli metallary biri-birine berkitmek üçin 7 sagat 36 minut 37 sekunt gerek boldy. Ol öñki rekorddan tas 3 sagat ir boldy. Ýu rekordlar kitabynyñ wekilleri bilen söhbetdeşlikde hemişe "Ýyldyz söweşjileriniñ" uly muşdagy bolandygyny, aýratynam "Müñýyllyk Laçyn" ýa-da "Ýyldyz weýran edijisi" ýaly kosmos gämileriniñ dizaýnlaryny gowy görendigini gürrüñ berdi. Ýu wideoda Han Solonyñ gämisini düzmäge ilkinji synanşygynyñ düşürilendigini belledi. Gurluşyk prosesi onuñ üçin diýseñ gyzykly boldy, ýigit işe kellesi bilen "çümüp", hatda wagtyñ nähili çalt geçendigini duýmady: "Işiñ ahyryna çenli barmaklarym we arkam agyrdy. Eger men haçan hem bolsa rekordy täzelemäge synanyşsam, maña egilmezlik üçin beýik stol gerek bolar".

Çeşme: tmcars.info (düýn 22:47)

63

20.05.2024 22:14

Körpeje Opal dünýäni eşidip başlady: Angliýada ilkinji gezek 18 aýlyk gyzjagazyñ kerligini bejerdiler.

Beýik Britaniýaly 18 aýlyk Opal Sendi dünýäde gen terapiýasy arkaly eşidişi dikeldilen ilkinji çaga boldy. Kembrij uniwersitetiniñ web sahypasynda bu gyz OTOF genindäki kemçilik sebäpli genetiki taýdan ker doguldy, ýöne indi 16 minutlyk operasiýadan soñ ol gaty gowy eşidip başlady diýip habar berilýär.

Addenbruk keselhanasynda geçirilen bu operasiýa Chord atly täzeçil gözlegiñ bir bölegidir. Amal wagtynda Opala OTOF geniniñ iş nusgasy goýberildi, bu ses signallaryny gulakdan beýnä geçirmek üçin zerur belok öndürilmegini dikeltmeli. Regeneron taslamasynyñ hirurgy we esasy gözlegçisi professor Manohar Banse bejerginiñ netijeleriniñ garaşylandan has ýokary bolandygyny aýtdy. Alymyñ sözlerine görä, Opal indi adaty gepleşiklere üns berýär we deprek çalmagy gowy göryär. Opalyñ üstünligi beýleki genetiki taýdan ker çagalary hem bejerip boljakdygyna umyt döredýär. Ýakyn wagtda Chord gözlegine Angliýadan, Ispaniýadan we ABŞ-dan hem çagalar goşular. Oña jemi 18 çaga gatnaşar. Opal kerligi bejermek üçin gen bejergisini alan ýeke täk çaga däl. Ýakynda ikinji çaga hem şuña meñzeş operasiýa edildi we onyñam netijesi oñyn boldy. Chord gözlegi üç bölekden ybarat. Birinji tapgyrda Opal bilen birlikde ýene iki çaganyñ bir gulagyna geniñ pes dozasy goýberilýär. Soñra başga üç çaganyñ bir gulagyna ýokary doza goýberilýär. Bejerginiñ howpsuzdygy tassyk bolsa, galan çagalar iki gulagyna hem gen bejergisini alarlar.
Opal - dünyäde şeýle bejergini alan ilkinji we iñ ýaş hassadyr.

Çeşme: tmcars.info (şu gün 15:27)

132

18.05.2024 19:56

Ginnesiñ rekordy: 99 ýaşly stomatolog adamlara ýylgyryş paýlamagy dowam edýär.

Ýaponiýadan Esuro Watanabe Ginnesiñ rekordlar kitaby tarapyndan dünýäde erkekleriñ arasynda iñ garry stomatolog hökmünde ykrar edildi. 2024-nji ýylyñ 31-nji oktýabrynda ol 100 ýaşyny doldurar.
Watanabe Ýamanasi prefekturasyndaky Osino obasynda dünýä indi. 15 ýaşynda stomatolog okuwçysy bolmak we gijeki mekdepde okamak üçin Tokio göçdi.

"Haçan-da men ýanyma gelýän adamlary şadyýan görenimde, men möhüm bir zat edýändigime düşünýärin. Men güýjüm barka, mundan beýläk hem jemgyýete öz goşandymy goşmak isleýärin" - diýip, lukman Watanabe belleýär.

Watanabe ilkinji jahan urşundan soñ diş tehnigi bolýar, 1947-nji ýylda bolsa kolleje okuwa girip, 4 ýyldan soñ stomatolog diplomyny alýar. Ol birnäçe wagtlap beýleki diş lukmanlary bilen işleýär, soñ Osino gaýdyp gelip, hususy tejribesine başlaýar. Onuñ klinikasy obada ýeke-täk klinikady.
Geçmişde Watanabe diş meseleleri bolan adamlar üçin protezleri taýýarlapdy. Onuñ ýakynlary Watanabeniñ gijä çenli nähili işländigini ýatlaýarlar. Häzir Watanabeniñ klinikasy hepde-de 5 gün işleýär, ýöne 92 ýaşyndan bäri ol adamlary diñe irden kabul edýär. Watanabeniñ bäş gyzy, sekiz agtygy we dört çowlugy bar. Ol boş wagtlary mellekde işlemäni gowy göryär hem çernika, noýba we pomidor ösdürip ýetişdirýär.

Çeşme: tmcars.info (şu gün 15:58)

330