sahet_ashyrov
30.01.2020 20:28
Ýolda kitap okaýanlar
(Hekaýa)
O diýýäniň atam döwründe şeýle bolmagy ahmal. Meniň-ä bu ugurdan aýdyp oturara
üýtgeşik bir gürrüňim ýok. Ýolda-yzda kitap okaýan adama duşsam, geň-enaýy bir jandary
gören ýaly begenýän, gapdalynda durup, selfi düşüräýesim gelýär. Ýöne, özüň bilýäň…
Ýolda, has dogrusy, awtobusda kitaba dümtünip oturan adamlara bary-ýogy üç ýola gabat
geldim. Şoň üçin jikme-jik ýadymda galdy.
Bir gezek 1-nji parkyň golaýyndaky duralgada awtobusa iki gyz mündi. Uýalar bolmaga
çemeli, biri-birine meňzeş. Kerim aga aýtmyşlaýyn: On sekiz-on dokuz ýaşly… The Beatles
aýtmyşlaýynam: She was just eighteen / You know what I mean.
Badam gabak, alma ýaňak. Ýüzi türkmen, dili ors. Kapyýalap aýtsam: suraty-zyba orszyban.
Saçlary kebzesine ýetip dur, jins balaklary – göbegine. Gabat garşymdaky oturgyja gondular.
Gyzlaryň «Love me again» ýazgyly gara maýka geýneni (boýy kelteräk bolansoň jigisidir
diýip çak edýän) oturan badyna aýfonunyň ekranyny sypap, instagramdaky suratlara laýyk
baha bermäge girişdi.
Beýlekisi bolsa içinden Headway ýazgyly gollanma somalyp görünýän torbasyny dörüşdirdi.
Ahyrsoňam şapbat ýalyjak, ýumşak daşly kitaby çykaryp, ýukajyk sary sahypalaryna
dykgatyn dikdi.
Men çala aýnany açyp, arassa şemala burnumy tutdum, aslynda bolsa ýüzümiň üstündäkini
ol gyzyň şahsy işine sokdum, ýagny, näme okaýanyny anyklamak üçin, egninden üstaşyry…
garaz, egnaşyry seretdim. Kitap açyk bolansoň, sahaby görünmedi. Harplaram saýgarar ýaly
däl, juda ownuk. «A-gyz, owadanja maral gözüňe zeper ýetiräýme!» diýäýesimem gelip dur
welin, köpçülikde kitap okamagyny taşlar öýdüp, howatyr edýän.
Şäher merkezinden howlukmanjyk daşlaşyp barýan awtobus Ertekiler dünýäsiniň öňündäki
duralgada saklananda, ýaňky gyzam düşmäge hyýallanyp, kitaby ýapanda, daşyny görüp
ýetişdim: iki bükülip oturan ýarym-ýalaňaç aýalyň suraty bar. Diňe goňras saçy bilen süýt
ýaly ak arkasy görünýär, iki eli bilenem topugyny gysymlap otyr. Paulo Koelýonuň «Ведьма
с Портобелло» romany. Ene-mama dilimizde «Portobelloly al-arwah». Aýal-arwah diýsek,
jynsyny has takykladygymyz boljagyny bilýän, ýöne aýalyň birinji hem soňky harpyny
alagetdin, «al» edäýsek, gyz-gelinler al-petimiziden almaz-da hernä!
Söz oýnatmagy gowy görýän dostum-ha asylam «Portobelloly loly» diýen warianty hödürledi,
ýöne beýle sözbaşy gulaga ýakymly bolsa-da, Koelýo üçin heňe geljek zat däl…
Agzalan romanda Transilwaniýada doglup, Liwanda önüp-ösen, Londonda okan, soňam
«özüni gözläp», dünýäni gezen Beýik Ene hakda gürrüň berilýär. Nämüçindir, ol naçar özüni
golaý-goltumda tapyp bilmändir. Ýa awtor «umumadamzat meseleleri gozgamak» jümlesine
juda gönümel düşünipmi? Kä sahypalarda braziliýaly ynsanperwer akylydar Nobel
komitetine tarap umyt bilen garap: «Şu bapda Çernobylam agzandyryn!» diýip, naýynjar ýylgyrýar.
Kitaby ÝOLdaş edinen gyzlaryň ýene biri Gagarin köçesindäki duralgada awtobusa ilişdi.
Gök reňkli ýolbelet uniformasynda. Pişmesypat başgabyň astyndaky saçy ýeňsesinde güle
meňzedilip daňylan. Makiýažy-reňki-boýagy gelşigine getirip çalnypdyr, ak meňzinde ýekeje
ýygyrdam, oýam, depe-de ýok, polat kibi ýylmanak, sowuk ýüz. Yzky gapydan giren
ýerindäki kürsini eýeledi. Hereketlerinde harby gyzlara mahsus gödeksi tagaşyk bar. Özem
juda syratly, göwresi türkleň gara çaý içýän bulguryna meňzeýär (ady anyk ýadyma
düşenok, bardak diýen ýaly bir bulam-bujarlyk bolmaly öz-ä). Agzyňa gant atman, başyňa
çekibermeli. (Aşa tarypyny ýetirmejek bolýan, kim bilýär, olam indi bir şagalyň gawuny
bolup ýörendir).
Awtobusdaky şagaldyr möjekleriňem, börileriňem, syrtlanjyklaryňam gözi şonda, käsi
agzyny suwjardyp, «wah, arman…» diýýän terzde başyny ýaýkaýar. Meni bolsa onuň
elindäki kitap gyzyklandyrýar. Yzda oturan ýerimdäki elhenç dyknyşykdan gopdum-da,
ýaňky gyzyň maňlaýyna baryp durdum. Ol bar ünsüni kitaba bagyş edipdir, gaşyny çytyp
(şonda-da ýygyrt peýda bolaýanok), gözüniň köküni gyryp, elindäkiň maňzyna ýetjek bolýar.
Özüniň maňzyna batan pikirlerinem belleşdirýän bolarly – kä sahypalaryň arasyna kiçijik
gülgün kagyzjyklar dykylypdyr, ýaňsylap dil görkezýän ýaly…
Ýöne Elçin Safarliň «Maňa seni wada etdiler» (Мне тебя обещали) atly romanynda mantyk
pitiňe salyp, bişireniňe degýän pikir barmyka beri? Kitabyň daşyndaky öl saçly model gyz-a
suwjuklykdan ýaňa «Men durkum bilen öl-myžžyk» diýip durana çalym edýär.
Onda-da kitaby okap göreýin diýdim. Internetde elektron nusgasyny tapdym. Orsça ýazýan
azerbaýjan ýazyjysy bolup çykdy. Gahrymanlaryna at ýerine lakam dakypdyr: Fernando,
Mişel, Клюква (Böwürslen ýalyrak miwe), Водопад (Şaglawuk), Погода (Howa). Gaty mekir
ýazyjy eken bu Elçin, atlaryna Settaraly, Hajybek, Abdylmejit daksa, daşary ýurtda
okyjysynyň azaljagyna akyly çatýar. Dilini görkezýän pikirlerem küde-küde. Mysal üçin, baş
gahryman bir gyza ýüzlenýär: «Клюква, ты знала, что счастье по-индонезийски –
«сука»?» (Böwürslen, sen indonez dilinde bagta «suka – ganjyk» diýilýänini bilýämiň?).
Eýsem-de näme?! Böwürslenler şony bilmek üçin ýöriteläp indonez dilini öwrenip ýör
ahyryn!
Ine, ýene bir ýerine kagyz dykdym: «Wagt bize ownuk-uşak pursatlaryny paýlaýar, biz bolsa
kuýaşyň astynda oýnaklap ýörüs». Taýynjak post! Owadan suratyň ýüzünde ýazyp,
instagramda paýlaşybermeli! Dogry-da walla, oýnaklap ýörmek bormy kuýaşyň astynda?!
Üçünji okyja awtobusumyz Ylham seýilgähiniň golaýyndaky duralga maňlaý dirände gabat
geldim.
Bardak däl, baýdak kibi gelindi (ony diýsem, ýap-ýaşyl lybasda pasyrdap durandyr
öýdäýmäň). Başyny bedre ululygyndaky äpet topba sokupdyr. Gyzyl köýneginiň üstünden atynan gyrmyzy donuna dagy sygyrsiýdik, ýylançyr, tazyguýruk diýen ýaly dürli-dümen
nagyş siý… wiý, salnypdyr, synlap, gözüň dokunýa, Repetege (ýa haýwanat bagyna) seýil
edip ýören ýaly bolaýýaň.
Zergärleriň sergisi şu gelniň beden agzalarynda gurnaldymyka diýdirýär – gulagy, boýny,
goly-goşary gadymy talaňçylaň arzuwy ýaly ýyldyraýar. Bu tyllaýy-mesligi gözden-dilden
goraýan alajadyr göz monjugam ýeterlik bar.
Olam edil garşymdaky oturgyçda çökdi, emma kitap çykarmady. Ýok. Men oňa üns
bermesem bermezdimem, iliň gyzy-gelni bilen asla işim ýok (muňa ýokarky aýdanlamdanam
göz ýetirensiňiz), ýöne daşara, şähere syn edip otyrkam, birden aýnaň ýüzünde telefonuň
ekrany ýagtylyp gidäýdi. Ýüzi durşuna hat. Ýaňky gelin bir zatlar okap, tiz-tizden sahypany
çalyşýar. Aldygyna-da gülýär, ýöne wahahaýlap, bolmajysy bolup gülenok, gelin-gyzlarymyza
mahsus edep-ekram bilen, senzuraň rugsat berýän gülkisi bilen gülýär.
Okyjyny beýdip güldürip bilýän ýazyjy o diýen kän däl. Ýa Awerçenkodyr, ýa Julian Barns, ýa
Lýu Çženýunyň «Men Pan Szinlýan däl», «Meniň adym Lýu Ýueszin» romanlarynyň biri.
Gaty gitse Bukowskidir diýip çakladym. Ýöne türkmen gelnini Bukowskiňki ýaly gotur
realizm gyzyklandyrarmyka?
Topbysy zerarly üstaşyr seredip, näme okaýanynam anyklap bolanok, onda-da bilesim gelip,
içim byjyklap duransoň, ahyrsoňy öwrümleriň birinde awtobus gapdala agyp, gelnem çala
bir çete gyşaran wagty, ekranyndan iküç jümläni göze ildirip ýetişdim. Ýatda saklap,
dessalym okanja ýerimi guguldap gözledim: «kitap, bäş käsä bir çäýnekden çaý guý».
Ne içinde şeýle sözlemi bolan romana gabat geldim, ne-de hekaýa. Derekli kitaplaryň hiç
birinde beýle jümle ýok. Ýöne ençeme portallary açyp-ýapanymdan soň, ahyryn şu ýazgy
tapdyrdy:
Bir aýal Konfusiniň gaşyna baryp, köpaýallylygyň köpärlilikden näme tapawudy bar diýen
soragy berýär. Konfusiý bu gelniň öňünde bäş çäýnek bilen bäş sany käsäni hatar goýýar,
soňam:
– Bäş käsä bir çäýnekden çaý guý – diýýär. – Nähili, göwnejaýmy?
– Göwnejaý – diýip, aýal baş atýar.
– Indi tersine, bir käsä bäş çäýnekden çaý guý… Göwnejaýmy?
Aýal:
– Bu-ýa hasam göwnejaý – diýýär.
Konfusiý jany ýanyp:
– Samsyk! – diýip gygyrýar. – Ne gözel tymsalyň işini gördüň!
«1001 anekdot» atly kitapdan.
Şondan soň awtobusda kitap okaýanlara üns bermegi bes etmeli diýen karara geldim-de,
Çarlz Bukowskiň «Beýik ýazyjylar tüsseläp duran pohly garşokda amanadyny tabşyrýar» atly
terbiýeçilik ähmiýetli ajaýyp hekaýasyny okap başladym. Gowy ýazýar-aýt, zaluwat…
Maksat Bäşimow
8
1 291
sahet_ashyrov
30.01.2020 10:00
Saňa gelip bähbidimi bilmedim,
Günbe-gün, dembe-dem beter sen, dünýä!
Gaflat bilen ýördüm, pikir kylmadym,
Hub bilip men indi öter sen, dünýä!
Niçeler damanyň tutupdyr golga,
Niçäni al berip çykardyň çölge.
Ýetdirmeý menzilge, barabar golga,
Suwsadyp, çarçadyp giter sen, dünýä!
Birniçe adamnyň wagtyn hoş edip,
Birniçäni misli uçar guş edip,
Birniçäni gaýgy-gamga duş edip,
Niçäniň başyga ýeter, sen dünýä!
Birniçäniň akyl-huşun alyp sen,
Humar taşlamakga ajap galyp sen,
Her kimge bir türlük söwda salyp sen,
Meşgul edip bir gün ýutar sen, dünýä!
Başda dolgan ýokdur asly haly sen,
Her kişi dost görse, anyň maly sen,
Mejlis içre ajap serwi näzli sen,
Kimni gapyl görseň, tutar sen, dünýä!
Owwal-ahyr gelgen Päkize gyz sen,
Magşuklar içinde jandan azyz sen,
Aşygyňa gant-asaldan leziz sen,
Mesti-biygtyýar eter sen, dünýä!
Bir gözel sen, adyň “dal” bilen “nundur”,
Gamyňdan aşyklar gözýaşy hundur,
Saňa gelenleriň haly zebundyr,
Şiwe bilen hezil eter sen, dünýä!
Birewniň destine berip sen rowaç,
Birewni eýlediň müflis-u gallaç,
Birewni eýlediň aj-u ýalaňaç,
Birewni birewge satar sen, dünýä!
Birniçäniň sapar-rahtyn ýaraglap,
Niçelerniň urup, synasyn daglap,
Magrypdan maşryga kysmatyn baglap,
Her kimni bir ýana atar sen, dünýä!
Gam ýolunda azym kerwenler galyp,
Gaýgu birlen anyň etrapyn alyp,
Külpet ajdarhasy zäherni salyp,
Bu Röwşen hastany näter sen, dünýä?!
11
821
sahet_ashyrov
30.01.2020 09:56
Köne soldatyň öýünde.
Ömrümde bir gezek ýalan sözledim,
Bagyşla, köşegim, bagyşla meni.
Nädip aldamaýyn, saňa dözmedim.
Durmuşda hemme zat bolýan ekeni.
...Onda ýaşajykdyň. Dil bitip ýaňy,
Zordan ony-muny sorap bilýärdiň.
Biri bir zat diýse, eje-kakaňy
Gygyryp, gapydan aglap gelýärdiň.
Derrewem öýkäňi ýatdan çykaryp,
Boýuma-boýuma bökerdiň ýene.
Oýunjaklaň baryn gapdan çykaryp,
Üýşürip öňüme dökerdiň ýene.
Men-de çagalygmy ýadyma salyp,
Bileje oýnardym oýunjaklarňy.
Kiçijik «möjegi» elime alyp,
Kowalan bolardym «goýunjyklarňy».
Ejeň hem «güjügiň» böwrüne urup,
«Möjegiň» üstüne topuldyrardy.
Biziň bu oýnumyz göwnüňden turup,
Seni jak-jakladyp, köp güldürerdi.
Ümbilmez çagadyň. Bütin dünýäni
Suw-sil alaýsa-da habaryň ýokdy –
Seň bagtyň üstünde turýan gowgany
Saýgarara aklyň ýetişenokdy.
Şonda meýletinlik lybasym geýip,
Wagona münemde Aşgabadymdan,
«Kaka, kaka, nirä gidýärsiň?» diýip,
Gözleriň sykanyň çykmaz ýadymdan.
Seni köşeşdirmäň alajyn tapman,
«Daýyňlara!» diýip, aldapdym şonda.
Gol bulap galaňda gözleriň gyrpman,
Wagondan posalar ýollapdym şonda.
Aşgabatdan gidip Berline çenli,
Ýeňiş bilen gaýdyp geldim sag-aman...
Ne şo güne, ne-de şu güne çenli –
Adam oglun ýeke gezek aldaman,
Aldapdym şo gezek, aldapdym seni.
Bagyşla, köşegim,
Bagyşla meni!
1965
Kerim Gurbannepesow
15
899
sahet_ashyrov
29.01.2020 11:55
Eý, ýaranlar, köpdür köňlüm armany,
Myradymny bir Alladan tilär men.
Hak özüdir barça dertniň dermany,
Zar eýleýip, Rebbenadan tilär men.
On sekiz müň älem birle daglarny,
Gurt-gumursga hem bilbil-u zaglarny,
Ol ýaratdy agma birle saglarny,
Gedadyr men, oşal şadan tilär men.
Üç ýüz müň ýyl ýyglap, tilde senasy,
Dergähinde bagyşlandy günäsi,
Jümle pygamberiň ata-enesi,
Adam bilen ol Howadan tilär men.
Mekgäniň binýadyn ymarat etgen,
Barça adam any zyýarat etgen,
Kadyr möwlam özi beşarat etgen,
Ol Hally-basapadan tilär men.
Şaýed, rehim kylgaý gözüm ýaşyga,
Ýaratdy kapyrny degre-daşyga,
Daragt içre erre geldi başyga,
Oşol ruhy Zekerýadan tilär men.
Ýehudy elgiden gutar salamat,
Bir azyz başyma niçe melamat,
Çah içinde tapgan gurby-sagadat,
Ýusup bilen Züleýhadan tilär men.
Ummat üçin gözden dur:r edip habyn,
Saçarlar her zaman dürri-naýabyn,
Açarlar magşarda şepagat babyn,
Ol Muhammet Mustapadan tilär men.
Düldül münüp, Zülpükary bilinde,
Melaýyklar durar sag-u solunda,
Howzy-köwser suwun görseň golunda,
Röwşen diýer, Murtazadan tilär men
12
503
sahet_ashyrov
29.01.2020 11:52
Atalar-ogullar... beýik döwletdir
Şolardyr bu döwre ýaňyn salýanlar.
Ýöne käte duşýar bu iki nesliň
Arasyna çöp atmakçy bolýanlar.
Galat pikirlere uýmak ne derkar,
Işimiz şowludyr, günümiz düzdür.
Ýok, atalar biziň geçmişimiz däl,
Biziň atalarmyz şu günümizdir.
Nirä barýar naýza kimin düzülip?
Aýdym bilen dyňzap duran hatarlar?
Olar täze dünýäň goragna galan
Mizemez ynamly biziň atalar!
Olar geljegmiziň dok dänesini
Durmuşyň tarpyna atanlarmyzdyr
Ykballarna beýik synag duş gelen,
Mizemez ynamly atalarmyzdyr.
Öňden gelýär şeýle ajaýyp nakyl:
Ekin ekilmese, hasyl orulmaz.
Bu biz ahyr — eken zadyn orýanlar,
Bu biz ahyr — atalar we ogullar.
Häzir olaň kimsi pensiýa çykan,
Kimsi işde. Emma maksatlary bir:
Olar bu günleriň ogullarynyň
Gatnaýan iň kämil mekdepleridir.
Goý, dar balak geýsin, kafe gatnasyn,
Ýöne gaýtalansa ýene o günler.
Atalar dek merdem aýaga galar,
Şolaň mekdebinde okan ogullar!
Gurbannazar Ezizow
8
340
sahet_ashyrov
29.01.2020 09:06
Owadan Gün dogup gyzyl çog bolup,
Bägül haýran galyp, agzyny açsyn.
Şahasyndan guşlar ören çynaryň
Damjalary ýere paýyrdap düşsün.
Ýaşyl ýaýlalarda göterilen buglar
Ümür bolup çöksün baýryň gerşine.
Aňk bolsun duýgusy inçelen adam
Ýere-göge nur çaýylyp durşuna.
Hol aşakdan ýylan ýaly towlanyp,
Baýryň depesine ýelmeşen ýoda.
Ortasyndan üzlen urgan şekilli
Şeýdip asylsyn-da, dursun howada.
Birdenem, Gün bulutlara duwlanyp,
Daglaryň etegi garalsyn gitsin.
Pöwrizäň üstünde gök gübürdände
Ýyldyrym ýagtysy Ýerbende ýetsin.
Ah, men neneň söýýän ýazyň çagbasyn.
Suwmonjuklar depä degip döwülsin.
Ýagsyn ýagyş!
Ýagsyn ýagyş, tozanlap
Asmana suw akytsyn.
Zemin ýuwunsyn.
Ak gyşlarda çopantelpek gar ýagsyn,
Ýerler doňup ýatsyn garyň astynda.
Meniň ýaşyl Tugly Türkmenistanym
Ýaşasyn dört pasyl nuruň astynda.
Ap-ak Aşgabadyň metjitlerinde
Adamlar hatardan dursun namaza.
Biribaryň ady bilen nem alsyn
Doňy çözlüp, ýumşap başlan Zamana.
Daşlynyň oýunyň eteklerinde
Köpelsin ýene-de towşan yzlary.
Gyzylly şaý ýaly asylly bolsun
Bu buýsançly halkyň gelin-gyzlary.
Sen gurşunly kenek ýaly agras bol.
Gudurama, türkmen.
Aýnama, türkmen.
Dünýäň eşretinden bolma binesip
Sür döwrany!
Ýöne ownama, türkmen!
Gerbiňdäki ak bedewiň buýsanjyn
Syndyrmasyn kesekiniň jylawy.
Egsilmesin alty ganat öýleriň
Ak bugdaýly alty putluk çuwaly.
Meniň indi dünýä injek agtygym
Gapysyna gulp urmaly bolmasyn.
Her gün ady bilen ýatyp, turdugym —
Beýik taňrym seni gözden salmasyn!
Berdinazar Hudaynazarow
6
530
sahet_ashyrov
28.01.2020 18:19
Mekirje owlajyk...
Mekirje owlajyk
Bagtly owlajyk.
Mälän wagty
Ol arkaýyn mäleýär.
Dünýäniň ýüzünde iň ullakan bagt
iň elýetmez bagt
Arkaýynlyk eken.
Ony ozalam
Bir kişiçe bolmasa-da, bir kişi –
çe bilýärdim. Ýöne bu gezek
Jadyly dürbüsin Skobelewiň
(Paşşa Generaly Skobelewiň)
Elime alan dek, görýän zadyma
bilýän zadyma
Hasam beter ýetdi gözlerim.
Mekirje owlajyk
Onuň öňünde
Içini döküpdir heziller edip!
Özüniň zarynly mälemesini,
Özüniň merdemsi mälemesini
Akylly-paýhasly mälemesini
Anyk, açyk, dogry mälemesini
Has beterem, diňe Onuň eşitjek,
Özgäň eşitmejek mälemisini
Oňa ýetiripdir. Diýmek owlajyk
Keýpden çykypdyr. Doly ýüregniň,
Hasratyn, şatlygny, borç alan ýükün
Egsipdir. Ol bolsa beýleki bagtdan
Mahrum, mahrum, mahrum,
ýene-de mahrum
Nala – nala, mäle – mäleme bilen
Jogap berip bilmeýän, kim bolanda-da,
Beýik Ynsanmy ýa peseň ynsanmy –
Merhum.
Owlajygyň şirin mälemisini,
zaryn mälemisini
bagtly mälemisini
Diňläp Ol, ýokarky netijä geldi
Ol, ýokarky netijä geldi.
Sebäbi dünýäde içiň dökmäge
Adamyň barlygy Uly bagt weli,
Şoňa mümkinçilik bar bolmaklygy –
Ýeke-täk beýik bagt!
Şol bagt owlakda bar,
Guzujykda – ýok.
Ine guzujygy güň edýän azap,
Häzirem ol juda mertligi üçin.
Gaýduwsyzlygy üçin
Käte mäleýär.
Başga biri dagy onuň ýerinde
Bir mahallar güňe dönüp giderdi.
Ol bolsa bak indi nije ýyl bäri
Diňe ýaňy güňe dönüp başlapdyr.
Kerim Gurbannepesow
7
397
sahet_ashyrov
28.01.2020 18:19
Mekirje owlajyk...
Mekirje owlajyk
Bagtly owlajyk.
Mälän wagty
Ol arkaýyn mäleýär.
Dünýäniň ýüzünde iň ullakan bagt
iň elýetmez bagt
Arkaýynlyk eken.
Ony ozalam
Bir kişiçe bolmasa-da, bir kişi –
çe bilýärdim. Ýöne bu gezek
Jadyly dürbüsin Skobelewiň
(Paşşa Generaly Skobelewiň)
Elime alan dek, görýän zadyma
bilýän zadyma
Hasam beter ýetdi gözlerim.
Mekirje owlajyk
Onuň öňünde
Içini döküpdir heziller edip!
Özüniň zarynly mälemesini,
Özüniň merdemsi mälemesini
Akylly-paýhasly mälemesini
Anyk, açyk, dogry mälemesini
Has beterem, diňe Onuň eşitjek,
Özgäň eşitmejek mälemisini
Oňa ýetiripdir. Diýmek owlajyk
Keýpden çykypdyr. Doly ýüregniň,
Hasratyn, şatlygny, borç alan ýükün
Egsipdir. Ol bolsa beýleki bagtdan
Mahrum, mahrum, mahrum,
ýene-de mahrum
Nala – nala, mäle – mäleme bilen
Jogap berip bilmeýän, kim bolanda-da,
Beýik Ynsanmy ýa peseň ynsanmy –
Merhum.
Owlajygyň şirin mälemisini,
zaryn mälemisini
bagtly mälemisini
Diňläp Ol, ýokarky netijä geldi
Ol, ýokarky netijä geldi.
Sebäbi dünýäde içiň dökmäge
Adamyň barlygy Uly bagt weli,
Şoňa mümkinçilik bar bolmaklygy –
Ýeke-täk beýik bagt!
Şol bagt owlakda bar,
Guzujykda – ýok.
Ine guzujygy güň edýän azap,
Häzirem ol juda mertligi üçin.
Gaýduwsyzlygy üçin
Käte mäleýär.
Başga biri dagy onuň ýerinde
Bir mahallar güňe dönüp giderdi.
Ol bolsa bak indi nije ýyl bäri
Diňe ýaňy güňe dönüp başlapdyr.
Kerim Gurbannepesow
3
319
sahet_ashyrov
24.01.2020 13:09
Gyz bolsuη!
Gyz boldy diýip çytylmαsyη gαşyήyz,
Eηe-αtαή derdini duýjαk gyz bolsuη!
Ol sebάpli αgrαlmαsyη dαşyήyz,
Eηe-αtαή peηdiηe uýjαk gyz bolsuη!
Gyz ýαrαηjαή bolsα, bαryηdαη ýαmαη,
Ýαrαηjαή erkekdeη öήem kάη ýαηαη.
Gyz oglαηα αslα ýαrαşmαz ýαlαη,
Ýαlήyşyηy göηi diýjek gyz bolsuη!
Eriηmesiz ýerde eriηmάη gezse,
Görüηmesiz ýerde görüηmάη gezse,
Özüηiή sαrpαsy αrtαr müή esse,
Edebi gursαgηα guýlαη gyz bolsuη!
Hergiz-hergiz miwelemez gül solsα,
Gülde görk gαlαrmy çem geleη ýolsα?!
Nαmys üçiη bαşyη goýmαlαm bolsα☝
Şol demde,şol pursαt goýjak gyz bolsuη!
Gyz bolmαsα geliηem ýok eηede,
Meη diýeη ýigidem kaka bolαýmαz,
Tymsαl kάηdir şu durmuşa belede,
Ýer bolmαsα, tohum ýerdeη gαlαýmαz
Gulsat Atayewanyn ugradan gosgusy.
11
756
