sabyrly
07.02.2024 22:29
Tekepbir ýar, per bermeýän çyrçygym !
Gör, gaýtadan çetiräýjek bolýaryn.
Nirden güýç alýanym bilmen, çyr –çytyr,
Bitmejegi bitiräýjek bolýaryn.
Hijran dişin gyjap, zarlatýar gyjak,
Aýdyp bilmän guşlar bir – birin gyrjak,
Düşünsemde muňa, ah, men – samsyjak,
Ýatlap – ýatlap getiräýjek bolýaryn.
Du:r tekjede üç ýyl öňki gülüňem,
Gözüm düşse, ýürek aglar günüme,
Ýyrtyp –ýyrtyp seň gelmeli günüňe,
Kalendary ýetiräýjek bolýaryn.
Aýdyň, kimi aýnatmady yşk, kimi?
Aýdyň, kimi, saýratmady yşk, kimi?
Asmandaky ýyldyzlary müşk kibi,
Saçlaryma sepinäýjek bolýaryn.
Zülplerme – de goýan bolýan „bugidi“
Aýdymçy deý geýen bolup birgiden.
Öz ýanymdan Alp Arslan deý ýigidi,
Gözlegimde ýitiräýjek bolýaryn.
Ýar, saçlaňdan gelýän ysy unutsam,
Ýa hatlaňdan gelýän ysy unutsam,
Kä keşbiňi ýatlap bilmän urunsam,
Gözümden öň petiräýjek bolýaryn.
''Ýylgyryşy ýa –ha oýny, ýa çyny,
„Gül gyryşy ýa –ha oýny, ýa çyny,“
Samrap – samrap şahyr bolan Laçyny,
Başky özüne getiräýjek bolýaryn.
Laçyn Pürjäýewa
44
317
sabyrly
07.02.2024 11:36
Seni bagtym diýe buşlady ykbal,
Kalplarmyz bir edip diledi ak ýol,
Wada wepasyzlyk edýänem ýok däl,
Haýyşym Hak söýgüm harlamagyn hiç!
Öwürseň öwürde ömür pidaňa,
Kabul eýle yşkdan dolan adaňa,
Keşbiňi suratdeý çekdim didäme,
Haýyşym Hak söýgüm harlamagyn hiç!
Rugsatyz girdiňle köňül köşgüme,
Jadylaýyp beýhuş etdiň müşgüňe,
Umyt berip salma meni keç güne,
Haýyşym Hak söýgüm harlamagyn hiç!
Gar deý eräp gitdi ýüregiň doňy,
Gizlin duşuşyklaň gelmezmi soňy,
Ýar haçan atarka ak bagtyň daňy,
Haýyşym hak söýgüm harlamagyn hiç!
Söýgümiz bezesin bir ajap ömri,
Duşurdy ikimiz ol Hakyň emri,
Beripdur zamanam ajaýyp döwri,
Haýyşym hak söýgüm harlamagyn hiç!
Süleýman Tekaýew
37
39
sabyrly
06.02.2024 16:33
«Öňki döwürlerde juda baý, emma özüni bagtsyz hasaplaýan bir şa bar eken. Ol bagtly bolmak üçin hernäçe jan etse-de, hiç başa baranokmyş. Ahyrsoňy kalby karar tapmadyk şa ülkäniň iň güýçli okumyşyny huzuryna çagyryp: «Men nädip bagtly bolup bilerin?» diýip sorapdyr. Okumyş: «Şahym, bagtly bolmak isleýän bolsaňyz, bagtly bir ynsany tapyp, onuň eşigini geýmegiňiz gerek» diýipdir. Şa dessine wezirlerine bagtly kişini tapmagy buýrupdyr. Wezirler tutuş ýurdy aýlanyp,bagtly ynsany gözläpdirler. Bu ülkede wezirleriň dabany degmedik ýer galmandyr. Emma hiç hili özüniň bagtlydygyndan şükürli bir kişä gabat gelenokmyşlar. Kimler ýoldaşyndan, kimler ýoksullykdan, kimler bolsa haýyrsyz perzendinden zeýrenmek bilen berbaşagaýmyş...
Ahyrynda aýlanyp-aýlanyp tapdan düşen çäresiz wezirler köşge dolanmagy karar edipdirler.Olar horaşaja çatmanyň gabadyndan geçip barýarkalar şeýle sözleri eşidipdirler:«Taňrym,saňa ýüz-müň şükürler bolsun! Saglygym ýerinde,bu günem garnymy doýurdyň, rysgymy hiç haçan egsik etmediň. Ýeri onsoň, men bagtly bolman kim bagtly bolsun?!» Aýak çekmäge mejbur eden bu sözlerden soň, bagtly ynsany gözläp,ýurdy aýlana-aýlana tapdan düşen wezirler «tapdykda-tapdyk» bolup begenişipdirler. Tapan bagtly ynsanlaryny şanyň huzuryna eltmäge howlugypdyrlar. «Onuň eşikleriniň birini alyp, şanyň ýanyna ugrarys»diýşibem ýaňky köneje çatmanyň içine giripdirler.Görseler çatmanyň eýesiniň egnindäki ýekeje köýneginiň ýamasyz ýeri ýokmuş...»
Durmuş dowam edýärkä ynsan bagty gözlär ýörer. Elindäki emlägi ýere-göge sygmaýan bolsa bolubersin, ondan has köpüni isläp, eýesi bolan zatlaryny azyrganýanlar özlerini hiç haçan bagtly duýup bilmezler. Bagty özünden gözleýän, ykbalyndan razy bolup, baryna şükür eýleýänler bolsa hemişe bagtlydyr. Hemme zady bilmek bize derkar däl. Özümizde bar bolanyna şükür etsek we gadyryny bilsek ýeterlik...
52
191
sabyrly
06.02.2024 11:28
Syrym ýumak eken, sen çöz çözseňem,
Yşkym ylham eken, sen ýaz ýazsaňam.
Aýry ykbal ýodasynda gezsegem,
Durar saýrap bilmez tary bolmasa.
Bilbilim sen, saýry bagda saýraýan,
Yşk sazym sen, ýüregime ornaýan.
Şygyrly depderim barha galňaýar,
Ylham joşmaz sebäpkäri bolmasa.
Bu ýollary geçenem kän, geçjegem,
Bu şerbeti içenem kän, içjegem.
Bigümandyr sensiz şem deý öçjegim,
Dert ýeňdirmez derman däri bolmasa.
Emma, gülüň ýolman söýýän bolsam-da,
Duýgymy ýaýmaryn köýýän bolsam-da.
Her näçe «Men seňki» diýýan bolsaň-da,
Seslenmen ýazgydyň emri bolmasa.
Gursakda garrasa duýgulaň beýgi,
Aglarmyş ah çekip kemsinen söýgi.
Ýürek diýdi: «Söýüp galamy-şygry,
Ýaşa, öz ykbalyň höwri bolmasa».
Dürnabat AŞYROW
24
21
sabyrly
05.02.2024 15:56
Hoşlaşyk
Durmuş Nobatguly däldir ezizim
N.Rejebow
Gulagñy şu aýtjak sözlemden gandyr,
Ýat tut, şu ýazylan setirlem meniñ.
Ykbal şäher içi awtobus däldir,
Bir gitsem yzyma getirmez meni.
Bil, aýnany gum içine gaçyrsañ,
Soñ keşbiñem tutuk görner bakañda.
Eger okap, düşünmegi başarsañ,
Ýañky iki setir göwnüm hakynda.
Bu hala özüñi salyp görme sen,
Tap getirmez, gowşar aklyñ nurbaty.
Sataşsak ýüzümi salyk görme sen,
Meñzim- ynjan duýgularmyñ suraty.
Säherler ýoklugym bilinmez emma,
Çyn yhlasym ýada düşer öýlänler.
Maña düşünersiñ, söýeniñde däl,
Başga hiç kim, seni men deý söýmände.
Sen-ä söýgä menem sabyra garyp,
Ugrumyzyñ bir däldigin çak edýän.
Ýyllar basgançakdyr- kimi ýokaryk,
Kimi bolsa barha aşak äkidýär.
Geñmi nâ, aýaklañ basgylap giden,
Kenaryna deñziñ atyşy owsun.
Men gidýän, bagtly bol, iñ soñky eden,
Hatañ päk yşgymy harlanyñ bolsun.
Mätgurban MÄTGURBANOW
30
45
sabyrly
04.02.2024 17:13
Öýerdiler Eşegi özi yaly Eşege,
Toýda Aýynyñ garny sygmaýardy guşagna.
Diýen zadyñ saçakda bezelgi saman küme,
Ähli haýwan sabyrsyz garaşýardy bu güne.
Durmuşa çykýan Eşek begenjinden gülüp dur,
Kirpi Towşan hem Şagal toyyñ sazyn çalyp dur.
Gurbaga aýdym aýdyar sesiniñ ýetdiginden,
Tans edip ýör çal Möjek tutup Tilkiñ elinden.
Dünýe döråli bäri ne beýle toý görüldi,
Durmuş gurýan Eşege jemleýji söz berildi.
Öýlenyän Eşek diýdi,bolsada dostlar günä,
Eger At razy bolsa şoña öýlenjek menä.
Gelin Eşek yaş döküp kümeden çykyp gitdi,
Eşek diýseñ Eşekdä, diyip hemme gaýtdy.
Aýdypdy atam maña parasatly bol ogul,
Gürleseñ Eşek ýaly, toý güni galarsyñ dul.
51
185
sabyrly
04.02.2024 11:13
Gitme, janym, bagtymdan,
Gal – diýsem, ynanarmyň?!
Sen bu ömri ýagtyldan
Aý – diýsem, ynanarmyň?!
Pyşyrdyň – bagta perman,
Oňmanam, seni görmän,
Jebriňden bagrym girýan –
gan – diýsem, ynanarmyň?!
Tagzym! Ajap keşbiňe,
Ah, yşgyňa,
yşgyňa,
Sen köňlümiň köşgüne –
Han – diýsem, ynanarmyň?!
Ýalkadygyňmy, ykbal,
Örtedigiňmi, ykbal,
Ah, sensiz bu ýürek sal-
sal – diýsem, ynanarmyň?!
Seni söýüp ýürekden,
Galdym kalpsyz-küreksiz,
Sensiz asla gerekmez
jan – diýsem, ynanarmyň?!
Eýleýip däli-telbe,
Neýlediň, meni dünýe?!
Söýgim – derýadyr,
Gel-de
gan – diýsem, ynanarmyň,
Kakamyrat Rejepow
30
31
sabyrly
03.02.2024 19:11
On ýedi ýaşa dolansañ,
Gözüñ ýansa, gezseñ ýuwaş.
Özgå duýdurman elenseñ,
Hyýal bilen dolanda baş.
Çem gelen sapanda atjak,
Bir ýylmanak daş bolmasañ.
Seni ýetim goýup gitjek,
Eneñe gözýaş bolmasañ.
Yşga düşseñ, etseñ dözüm,
(Mähir gerekdir deñzede).
Goýalyşsa gepiñ-sözüñ,
Nazaryñ saza meñzese.
On ýedi yaşa dolansañ,
Özüñ bejerseñ ýarañy.
Ýada düşse güýz gelensoñ,
Ýazyñ umytly garany.
Gyzarsañ owadan gepläp,
Aýdan sözüñ çyn çykmasa.
Suwjuk söz bilen kesekläp,
Gül gyzlary ynjytmasañ.
Duýsañ onuñ bolanda çen,
Terk ediljek jaýdygyny,
Göge çykyp ceşmä gaçan,
Tutdurmajak Aýdygyny,
Haçan gadryny bilensoñ,
On ýedi ýaşa dolansañ.
Mämmetnazar BABANAZAROW
24
22
sabyrly
03.02.2024 14:23
Massaçusets uniwersitetiniň Tehnologiýa institutynda okaýan bir talybyň hereketi şaýat bolanlara ýekeje işiň nämelere ýol açyp biljekdigini görkezýär. Talyplaryň biri tomus geldigi gara ak zolakly sport köýnekçesini geýip, Garward uniwersitetiniň futbol meýdanyna gidýär eken. Barybam näme edýär, bilýäňizmi, meýdançanyň ol çetinden bu çetine çenli guşlar üçin iým sepip çyk ýar eken. Arasyndada jübüsindeneminleriň ulanýan jürlewügini çykaryp, onuň deminiň ýetdiginden çalypdyr. Onuň garýa gyş ýa jöwza diýmän, her gün gaýtalanyp duran bu hereketi, aslynda, özboluşly şowhuna öwrülip gidýär eken. Güýz de täze futbol möwsümine badalga berilýär. Niçikmi, uniwersitetiň futbol topary meýdana çykýar welin, eminiň jürlewügi çalnan dessine bolan zatlary görsediňiz. Edil meýdana iým sepýän oglan ýaly geýnen (akgara çyzykly köýnekçeli) eminiň jürlewügi çalaryna mähetdel, meýdana guş bary çozupdyr. Asylha futbol oýnamaga mümkinçilik galmandyr. Şeýdip hem duşuşyk soňa galdyrylýar. Ondada nähili soňa? Bu meýdanda futbol oýnap bolýança, gör, näçe talyp uçurym bolupdyr?!
28
71
